يا ناس البحر . جنيدابي وصل

ياجماعه الجو أمن لا نو عندى قصه لغم بس:
تزوج رجل عمره 55 عاما على فتاة تبلغ 20 عاما .
وسألته عن زواجه ماهي أخبارك مع الزوجة الجديدة يا أبو احمد؟

السمع يحكى باقى القصه للما سمع.....

وانت باود راشد اتصرف فى تعليقك التحت ده.

ولكم الود ...فارى....

والله ياود كرار انت ماناوي تجيبه علي بر....بس السؤال اختيارك بوست الغالي جني محض صدفة ولا بتدبر..؟ يعني الراجل اشاعة لبتون جابت ليها موية نار ...تقوم تجيب ليه فار...؟
شكلك ياجني موضوعك منتهي ...لو جبت فارة 20 سنة (موية نار) ولو جبت فارة امسيسي يبقي (سم فيران).....
.........................
............

العزيز ود عابدون....
طبعا سعيد بمعرفة الصورة المعكوسة ...لان الجنس علاقة عاطفية كاشباع عاطفي وعلاقية ميكانيكية كلإشباع غريزي ...وانا كنت فاكر انو العلاقة بين بعض الحيوانات علاقة ميكانيكية وليست عاطفية لان المقصد في وجود الحيوانات هوا لمحافظة علي النسل وليس الاشباع العاطفي ..........................
بس عايزك تذكر انو التجربة أُجريت علي فار معامل ظريف ونضيف وحلو معشر وشكل ...شنو البضمنك الفار ابو 20 سنة...ماممكن يكون جقر ...وياويلك....؟

بس في شي مهم جدا ..دايما نحن بنعرف وجهة نظر الراجل المسن الذي يتزوج بشابة ولا بنت صغيرة ...هل سأل احدنا شابة صغيرة عن تجربتها مع رجل مسن..........................؟
....................
......
واحدة من الاسباب الرئيسية التي تصيب العلاقة الجنسية بين الازواج بالبرود او بالتوتر المشاحنات واساءة بعضهم لبعض وستفزاز القدرات لكيليهما والمقارنات بالرموز الجنسية للمثلات والعارضات ....و..و...ويدخل في خضم هذه الزحمة انشغال احدهم او كليهما بالواجبات المنزلية والمدرسية والحياتية بشكل عام...وبعض النساء يقلن انو الاولاد كبروا وعيب علينا ...الاسباب يطول سردها ويصعب علاجها ...
امكن واحدة من اسباب العلاج اقامة العلاقة الزوجية علي صداقة وليست ندية ..التغيير النفسي للزوجين في شكل ممارسة الحياة ,المكاشفة والشفافية والوضوح في شكل العلاقة الجنسية .....و..و....
عليه يكثر الكلام ويقل الفعل ....واهلنا قالوا جناً تعرفو ولا جناً تتعلم معرفتو...؟
........................
.............
تخريمة:
قلت لي الفيران شنو ...وين؟ علي قول الغالي ودعكود.....
تخريمة 2:
والله ياود كرار شكلك كده حتُنفي في المنتدي الخاص ....

الاحباب ود كرار وود راشد
يعني انا ناقص يا راشد ،، صاحبك في انصاص الليالي يشيل ويجدع لي الفيران في
البوست بتاعي وكمان بيسأل وعايز اجابه؟؟؟؟؟ قول ليه دي تلقاها عتد الغافل ... وعلي
العموم هانت وقاربت علي الانفراج لكن البيحلنا من جنس ده شنو ؟؟؟؟
مشكورين ولكم التحايا والحقنا يا ود الاستاذ ولّعت .

ليبتون

والله يالحبيب جني انا هامي بيك وليك ....الناس دي بدل مايهدو الوضع ونشوف مواضيع الانتخابات دخلوك في دوامة جديدة بس بيني وبينك كان الجماعة في البيت قالوا ليك جيب لينا سم فيران .......انت يافكيك ولا البحر يحوشك...............
تخريمة:
شايف اسمك لبتون بس ماوريتنا اسم العائلة لبتون فلت ولا لبتون حجاب (Tea Bag)...?

ياجماعه عملت بعض التعديلات فى مداخلتى اعلاه, خوفا من موية نار جنى.

جنى ....انا خايف على بوسطك ده يروح فى حق الله,
ويبقى بوستك ده ذى جريده محترمه قام كاتب مشاقب نزل موضوع اخر الليل, الصباح رئيس التحرير لقى جريدة مشمعه, عشان كده الموضوع اعلاه حده الليل واسحبه عشان موضوع ذى ده حيخرب بيوت مش يشوه خلق.

وخلونا مع حزب البخاف من مراته راجل او فى مقوله اخرى سلم.

ود عابدون ....انت ماجريت واطي ..ده انت قلت الروب عديل....انشاء الله فاكر نكتة الببغاء.....؟؟؟؟؟؟؟؟؟؟؟؟؟؟

راشد كتب:ود عابدون ....انت ماجريت واطي ..ده انت قلت الروب عديل....انشاء الله فاكر نكتة الببغاء.....؟؟؟؟؟؟؟؟؟؟؟؟؟؟

قلت لى كييييييييييف ؟
الروب فرفر تحت الفروة
عاطف عكود

يا عاطف وراشد لاحظتو انو ود كرار من ما فكّ بتاعت الفيران دي بقي ساكن سكنه في المنتدي
ليل ونهار علي غير العاده ؟ غايتو انا كلما الف واجي راجع افتح ، القاه ليك قاااااااعد .
ما عارفين الحاصل شنو ؟؟؟؟؟

ليبتون

عبدالمنعم جنيدابي كتب:يا عاطف وراشد لاحظتو انو ود كرار من ما فكّ بتاعت الفيران دي بقي ساكن سكنه في المنتدي
ليل ونهار علي غير العاده ؟ غايتو انا كلما الف واجي راجع افتح ، القاه ليك قاااااااعد .
ما عارفين الحاصل شنو ؟؟؟؟؟

ليبتون

ليبتون باشا
يكون الفار لعب فى عيبو (الفار عرفناو , ولعب نقول عرفناها , عيبو يعنى شنو ؟ )
عاطف عكود

عاطف عكود كتب:

عبدالمنعم جنيدابي كتب:يا عاطف وراشد لاحظتو انو ود كرار من ما فكّ بتاعت الفيران دي بقي ساكن سكنه في المنتدي
ليل ونهار علي غير العاده ؟ غايتو انا كلما الف واجي راجع افتح ، القاه ليك قاااااااعد .
ما عارفين الحاصل شنو ؟؟؟؟؟

ليبتون

ليبتون باشا
يكون الفار لعب فى عيبو (الفار عرفناو , ولعب نقول عرفناها , عيبو يعنى شنو ؟ )
عاطف عكود

الحبيب عاطف
والله ماشاء الله بديهه حاضره والاجابه عباره عن وضع النقاط فوق الحروف . والدليل علي
انو الفار لعب في عيبو انو الزول ده قام نص الليل وسحب ليك المداخله بتاعه الفيران
من المنتدي . والسؤال هنا لماذا انتظر حتي منتصف الليل ليقوم بسحبها علما بانه قد صرّح
بنّيته في سحبها نهارا ؟؟؟
تخريمه :
يا راشد المداخله بتاعتك علي الموضوع اعلاه بقت قاعده في الهوا .
ولكم التحايا والود

ليبتون

السؤال هنا لماذا انتظر حتي منتصف الليل ليقوم بسحبها علما بانه قد صرّح
بنّيته في سحبها نهارا ؟؟؟
ليبتون

الحبيب ليبتون بى
بخصوص سؤالك اعلاه ......... ماقلت ليك عبو يعنى شنو؟ مارديت
عاطف عكود

الاخوه الاحباب رواد منتدي السودان
فوق البطانيه وتحت البطانيه

اكتب اليكم بياني هذا وانا الملم اطرافي واحزم حقائبي للسفر في صبيحه الغد باذن الله تعالي الي
غرب السودان ( الضعين / برام ) لفتره طويله انشاء الله ( يا مغترب يا جني غرب ) بالفتحه
علي الجيم والنون في جني .

عند وصولي باذن الله سوف اذهب الي الداون تاون ،، او شيبر استرادا ،، او استيشن باولي بافاريا ،
او نيو بنويخ استريت .

طبعا كان من المفترض ان اكون حامل معاي اللاب توب بتاعي لو كنتو دفعتو الشيرنق مع كابتن
عبدوس ،، وطبعا ما ممكن اشيل معاي الكمبيوتر بتاع ( مويه النار ) .

ما عارف ظروف التواصل معاكم حتكون كيف من هناك والامكانيات المتاحه في البلد ولكنني سادلف
بالطبع علي اول ( كول نت كافيه ) بالفتحه في الكاف والواو في كول او ( حمام الشقوق كرار نت
كافيه ) او ( جراد نت كافيه ) وذلك للتواصل معكم باذن الله .

ولا اخفي عليكم بان هذه السفره لم تكن بالبال ولكن الاحداث تلاحقت سريعا ،، واهو شغلانه جديده ،،
وشركه جديده ،، وكار جديد .. وكلما اطلبه منك هو الدعاء لي بالتوفيق في هذه المرحله الجديده ،،
وبالطبع سوف افتقدكم بشده فردا فردا .

ولكم كل الود والحب

اخوكم جني جويد

وحاتك حتوحشنا لكن اهو كتب علينا السفر برا وبحرا ومن كتبت عليه خطا لا يملك الا ان يستعين ب الله ويمشيها.. لن اقول لك في الاسفار خمس فوايد..لكن اول الخمسه واخر الخمسه هما ما نجني عادة من اسفارنا..اعني تفريج هم و.... .....و......و صحبة ماجد اما اكتساب معيشة علم واداب فدي الله اعلم..
غايتو ما كنته قايل الحاله وصلت انك تشرد..لكن يا روح ما بعدك روح ..ده كلو منك يا ود كرار وفيرانك..

والله حتوحشنا...
جد جد رافقتك السلامه اللهم اجعل له في كل خطوه سلامه وبارك رحلته حتي يعود الي ال بيته صحيحا معافا وغنيا ومشتاقا....
ما تحرمنا من طلتك جني الحبيب...
عمك عبدوس

الحبيب الغالى جنى
وفقك الله وسدد خطاك وكتب لك السلامة واليسر والتوفيق فى كل خطوة .
وعجبا لنقاط الماء , تشق الجبال وتفجر الارض ليس لقوتها ولكن بتواصلها فسنتواصل انشاء الكريم .
(سحبت ترشيحك ولا شنو ؟ )
ودام التواصل
عاطف عكود