حكايتى معاك

كانت مع هرم من اهرامات الإداره فى سودان لاين بل فى السودان كله.الا وهو الإدارى الفذ صلاح الدين عمر, كان ذلك فى بداياتى مع سودان لاين عندم تم اختيارى للدراسه بالاسكندريه ..ايوه الاسكندريه ولكن بفعل( نيران صديقه) تم ابعادى وتحويلى الى يوغسلافيا بعد 8 اشهر( يا ناس اسكندريه 77 فتشو لى الزول ده منو). بينى وبينكم القصه عجبتنى وقلت يا ولد مصر بتاعت شنو ده اوربا الدنيا والعالمين (وين احمد سيد احمد ربنا يطراه بالخير).لكن الجماعه بتاعين النيران ديل خطرين أخير الواحد يتبرفش عليهم. وكان فى واحد اسمو محمد محمود ( ده غايتو إلا تسالو منو ماما هدى فما فوق).المهم قلت ليهو انتو بالطريقه دى طيرتو منى الجامعه ,وبينى بينكم هى كانت (الثانوى العالى جدا),.توضيح لى ناس عاطف وما اصغر يعنى فراعى (جامعه القاهره فرع الخرطوم). دحين ادونى جواب عشان إشتغل فى بورتسودان.
اها شلت جوابى ومشيت... عديل على مكتب المدير, وقتها كان مدير المكتب الوالد عبد الله محمد الحسن (نصر الدين اخبارو شنو).
يا ابنى شغلك ده مع شئون الافراد.......يا حاج الجواب للمدير......ما فاضى يا ابنى......كلمه منى وكلمتين منو تم طردى من المكتب! انتو عارفين الوكت داك انا كت فاكر نفسى ضابط بحرى ....ضابط بحرى الشويه دى .....اظنى قايل نفسى تحت ابو صلاح بى شويه كده .
رجعت واسفى فى عيونى....وبعد الاسف الفيها داك تطاير منها الشرر...وبدات تلوح لى جحافل بنى جعل ........المك نمر...اسماعيل باشا والكدوس..الله اكبر. لم تهدى ثائرتى إلا وانا ممسكا التلفون وضارب لى ابو صلاح فى البيت!!!تصوروا...رد على واحد من اولادو عله الزميل لاحقا (عمر).
أبوك فى..ادينى ليهو.. وفتحت الموضوع ... لية..كيف..لماذا..العمل العام..المسؤليه..وانت فاكرها حقت ابوك.... الخ ...غايتو ما خليت شعار من شعارات الثانوى ما استعملتو.
يا ابنى ده وكت راحتى...با ابنى تعال المكتب. يا ابنى ويا ابنى إلا ان قفل السماعه فى وشى...فوعدت نفسى بالثبور وعظائم الإمور وقلت اصلها بايظة بايظة.
تخيلو احبتى ماذا فعل ذلك الهرم؟؟؟؟؟ لا شى البته والدليل هأنذا اكتب فى منتداكم العامر ضابطا بحريا,وتخيلوا كذلك لو كان ده المحوقل بتاع جنى.. والله كانت طوريتى فى كتفى ليوم الليله..... ولكنه الترفع عن الصغائر وتفهم طبيعة البشر وطيش وحماس شاب ليس له درايه بالبرتكول وماشابه ذلك .الا رحم الله طيب الذكر الهرم صلاح الدين عمر عبد العزيز

الا رحم الله طيب الذكر الهرم صلاح الدين عمر عبد العزيز

و الله بتبالغ . ياخى نحن ما شفنا الطابق الفيه مكتب المدير الا بعد ما بقينا ضباط اوائل.

تحياتي لكم عبدالعظيم و كل الاخوة معكم.

اللهم ارحم عمنا صلاح عمر واسكنه فسيح جناتك
الحبيب العزيز عظمه بدايه قويه وشكلو الجايى اعظم.

ABD ELAZIM ELAMIN كتب:
وبينى بينكم هى كانت (الثانوى العالى جدا),.توضيح لى ناس عاطف وما اصغر يعنى فراعى (جامعه القاهره فرع الخرطوم).

تخريمه الظاهر توضيحك ده يا عظمه حيكون للجميع الا من رحم ربه ....... ولا شنو يا رشدى وعبدوس .
دمت ودام التواصل
عاطف عكود

التحايه قبل الحكايه لي اعضاء هذا المنتدي العظيم وجميع عشاق هذا البحر
اتقدم بنفسي محمد عبد العظيم الامين الطاهر من الاسم ظهر المدلول
انا طبعا علاقتي معي البحر هي علاقة طفوله بحريه حتي النخاع يعني متربي معي سمك البحر وقروش البحر الاحمر وياما عشت في احضان هذه السفن واكثرها ان لم تخني الزاكره النيل الازرق . طبعا هذه القصه يعني كانت من الاسباب الرئيسيه لي كوني هنا انا طبعا حاليا ادرس في الهند برضو بعد ماراودني الياس والملل من السفر كنت اسمع قصة والدي الكبتن عبد العظيم قصته معي سودان لاين وحينها كنت احس انني لم افعل الي الان شيئا يزكر لكي ايئاس كانت هذه القصه تعطيني دافع اكثر للاستمرار والمجاهده الي ان والحمد لله توفقت (بس هي طبعا ماكانت بالطريقه دي في حاجات كتيره محزوفه من القطر والجواز) يعني انا سمعتها بالتفصيل الممل جدا جدا جدا .... مستمر

العزيز محمد عبدالعظيم الف مرحب بيك فى المنتدى بين اخوانك .... واعمامك...... وامكن...... !!!!!!!؟
اخوك الكبير (فى الحسبه)
عاطف عكود

حبابك يا محمد البيت بيتك ،،وتعرف الاسم legend لاوز بى فى الاول وقربت امسحك ، ونسمع منك باقى الحكاوى ، نحن فى حاجة لى مجهود الشباب ،،
عبد العظيم واصل الذكريات
الود بحارا

التقيت بهم احبتا اوفياء .فيصل فضل الله ذلك الشافع اليافع عشا البايرات وامين الخزينه وابوناوامنا وامهر طباخى (القراخ)
محمد عباس الفحل ..دعبس , جدو ,وده فى ثلاثه سنه قرايه نام ليهو امكن خمسه سنوات, وما داير احكى قصة الجكت الابيض حتى اشوف مداعبة انامله!!
ملك الحسان النعيم على ..والحسان ديل الا فى قصيده مهلب عينى عينك ما شفناهم.

يا عكود متعنا بتلك القصيد(الصالح منها للنشر) ..غايتو انا حافظ لى منها حبه

ياملائكة حور الجنان شوفو لينا مخرج امان ريكا مالك على
النعيم يا ملك الحسان... بيكا ضاقت وشوف ليك مكان
جيتا تقدل ذى الحصان صر (مذهلل)ومدمن كمان
دوله انت حمامة السلام وللمشاكل قول يا حسام
حاجة روجة عليك ربنا كبى لينا كاسات هنا
انثروا تلك الدره النادره يا مهلب اين انت]

عم محجوب لم ولدك عليك احسن احسن يموت بين ايديك!!
الا رحم الله الماحى واسكنه فسيح جناته
ولم يمت من خلف (الخضر وآيه)
سافرد مساحه بحجم ذلك الجعلى الهمام اخو الاخوان وقدح الضيفان
ودمتم

حكاية العشره جنيه
دى حكيتها حكايه دايره منكم استفتاء عديل كده ..هل كانت نعمه للعبد لله ولأ نغمه؟؟؟؟؟؟؟؟
ركبت القطر الما خمج وسط دعوات الجيران والحبان والاهل والوصايا ..يا وليدى عوروبا دى اهلها ناسا ما بيتعاشرو !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
وابقى عشره...والله عشريين ما حلتنى....وفى ليل ممطر وشوارع بايلتها كمبرسلى وحيطان شربت حتى الثماله, حطيت رحلى بالعزوزاب (حى جنوب اللاماب بحر ابيض)ألا رحم الله الكابتن البدرى خلف الله.....
وفى صباحا بدرى مشيت البحريه ...يا زول انت وين ؟ الجماعه اكان قرييبين فى بورسودان!!! كيف الكلام ده مع انو موبايلى اصلو ما اتقفل وe.mailمنشط بس امكن الشبكه تعبانه شويه فى شندى ...البلد ناسه كلهم شواتين.
والحل شنو يا محمد محمود ( ده من الحصه الفاتت مافى زول جاب روقو).شوف ليك اى طريقه تحصلهم بيها عاينت جاى جاى ما فى درب غير السكه حديد.
كت لابس لى بنطلون شارلى استون مزين بقلوب العزارى..والسهم والنحيب..القميص تحرمنى منك ومشتريه من محلات مليون صنف ( صفوه جد جد مش بتاعت المريخاب دى يا كبتن سيف) بعد الكشخه دى كلها الجيب كان يحوى طراده بالعربى خمسه وعشريين قرش . قرشين راحو مواصلات(حسى ضرار يقول ليك سنه 77 المواصلات ما بى قرشيين)
مشيت المحطه وقابلت الناظر وجرسو النايم..لون المكتب..عفش الناس الماشى يناهد بلكيمان...قطر ماش..بالمناسبه ان كنت وكيل صنتور ( مفهومه يا براتك ) فى يوما ما ودى حكايه تانيه.
ونواصل عشان ما تطش

وقفنا وين ؟ ايوه مع عمى الناظر ..ىا عمو داير امشى بورسودان ولو بى قطر بضاعه!!( ليت الشباب يعود) حسى يا عمو دى بقينا نسمعها ... هجمه مرتده .....وقيل يا جدو.
بضاعة شنو يا ابو الشباب ..الواقف قدامك دى ما قطر بورسودان ذاتو إتأخر عشان المطر....ايوى..ايوى..ايويا وجرى فتيش شديد لامن لقيت الجماعه.. المعرفه بيهم كانت طشاش معرفة معاينات ساى يعنى نص نص...لكن ياهم ذاتم الشوفتوهم بعد داك..وكان وشيهم ينعل قفاهم....من ا ثر السهر والخلعه بتاعت اوروبا ..عدا دعبس العجيب كانت تبدو عليه حبت راحات (برتك موديل 54)..وظهر لنا لاحقا انه كان يتجمل!!!!!
اما الاخوه الصعايده
فيصل.......من الحليله كلى مرورا بالخرطوم
النعيم..... ود حامد وشرحو
المرحوم الماحى...... سقادى وشرحو
وديل كلهم كان بيجو يحضرو (المولد فى شندى) ..... المصادر(كابتن احمد,كبتن أبو جزمه,كبتن دجانقو)
المهم قعدت مع الجماعه فى القمره (بفتح القاف ..غايتو) .دعبس التفتيحه يسأل ... Your document with youانا من الفرحه نسيت ليك القصه فيها جواز ..وسنو..وسنو,,,وسنو. وبعدين... باقى الطراده دا ما بعمل اى حاجه..لازم امشى العزوزاب اجيب شنطتى وارجع بسرعه!! فأذا بدعبس العجيب يسأل ...ما معاك قروش والا شنو؟ .. وكانت الاجابه شنو....فلاحت المفعوصه ذات اللون ( نسيتو) هى لونه كان شنو يا الما براتك.....عشره جنيه ؟ يا خبر!! ان الطراده دى الحاجه الوالده لها الرحمه . عملت خته ,صندوق. كشف...حتى لموها لى ..عشره جنيه...كاد ان يغمى على اخونا النعيم(ملك الحسان)
والأهه بتاعت فيصل اظنها من اليوم داك. المهم شلت الورقه واخذت تاكسى return ticket والعزوزاب عدل وبتاع التاكسى إستغل الموقف ومعط العشره كلها... وحصلت القطر.. وسافرت بورسودان ولازال محمد عباس يطالب بالعشره وارباحها حتى كمان عمل ليها نسبه فى اللاشنق! ولا زلت ابحث لها عن تقييم اهى نعمه ام نغمه .اكيد انا مع الناس البقولو نعمه لانها اهدتنى اجمل سنين العمر وذكرياته واخوه قل ان يجود بهم زمان . لكن برضو ما قصرت شالت ليها حاجات ولا ما كده.
ودمتم

[img][/img]

دى مى ياها طرّادتك ذاااتها يا عظمة

[img][/img]

وباقى لى دى العشرة البقت سبب فى كل هذه البهجة

[img][/img]

حليـــل زمناً ، عشرة زى دى تغير دنيا،،

والله يا خالد كل ما اشوف الردود بتاعتك اقول الحاج دى دفعتنا!!!!
ان خاتيك مع آل برتك...لكن بعد الطراده دى .كدى النقدمك شويه وتصنف من آل الفتره(قبل حاجه آمنة وبعد قطع الشجره)
جنى العجيب....انت شفت حاجه لس ما دخلنا البحر...... ده كلو فى البر وقبل السفر...
زمن عابدون...استاذ كمال .....عبده......شرف...يوسف.....شرقاوى.... النوارى ......نسيت لى مدير؟ كدى ذكرونى
عدد المديرينْ Xعدد الايام. على ساعات الزروه % +ن تربيع = كميه الظلم KW