الباخرة سـنّار كما...

كـــــما وصلتنى من كبير هذا المنتدى عبدالرحمن الزين
[img][/img]

هي فعلا اخي وصديقي الحاج خالد... سنار.. لكن كبير هذا المنتدي دي واسعة شوية.. انت كبيرنا ولا شك والخلافة من بعدك..بعد عمر طويل.. قطعا لرشدي..وبعد داك ما تنسي ودعكود ود كرار..جني..احمد..الظريف سعدون ..وقريب كابتن قاسم..عظموتي. الفاضل...وناس الجمعية ببورتسودان... .واوي الغايب الحاضر..سيف..وكل من كتب حرفا واختفي...وهلم جرا ولو عاوزني اذكرهم ليك لا مانع لكن اتمني ان يطلوا علينا فسنزداد شرفا ولا شك...
واكان مضايقنهم خليهم يقولوا وحاتك سننزوي....حلوة سننزوي دي... بعدهم....
هي سنار اخي الكريم الحاج خالد تم تدشينها في 17 سبتمبر 1961 ووصلت ميناء بورتسودان في 28 مارس 1962
وكانت اول باخرة سودانية صعدت علي ظهرها في ميناء روتردام بهولندة في 31 ديسمبر 1970
ما ضابط اول يا رشدي لكن حتة كديت.......
محبتي
ابو عابر

لك التحايا ابو عابر
وانت توأرخ لتلك المدرسه التى اهدت البحر (دررا)...والبر (معادن )لا تصدأ..وحبوبه ذلك المركونى المذهل..كم تركنا مذهولين وهو يلتقط (المورس)وكانه يستمع الى وردى..
لقد كانت عظيمه بحضورها الذى حير الالمان ذاتهم عندما سالنى احد المرشدين...سودانلاين عندها كم باخره ؟ فاجبته خجلا 14 ,,,my god !!!كل ذلك الحضور كنت فاكر عندها over 200....نعم كل ذلك الحضور جهد ناس الزمن الجميل.
سعدت اخى وانا ارى سنار البديعه تتسلل من بين ذاكرتك..لتعيد لى ايام مضت وأحباء تركوا عاطر الذكر.
تك..تاك...تك نك تك
يا عم صديق بمشى معاك الليله
وين للدك بمشى معاك الليله
لاقيتو فوق الدك الليله
شايل شاكوش ومفك الليله
والرشمه عوده سلك الليله
يا اخوانا ثومه هلك الليل

كنا نسمعها من المرحوم الماحى محجوب على انغام الشوكيش والرشمه على ظهر العزيزه سنار ونحن فى اول رحلة ماشين الدراسه يا دوب....فلتغفر لنا العزيزه ...آخر العلاج الضرب باشاكوش!!!!
عم صديق...الباشريس صديق عبد الرحيم
ثومه.......الاخ اسامه شحاته

التحايا والأشواق ..... شكرا خالد وأنت تعرض لنا سنار التى لها فى قلب عبدوس منازل...طبعاالأجيال بتاعتنا نحن ما شهدت هذه الباخرة لأننا جينا مع ناس دنقلا ودارفور والنيلات ولذلك حرمنا من هذه الذكريات الطيبة .....سعدت جدا يا خالد والله وأنت تشيد بلفتة ( كبيرنا عبدوس ) , لقد أعطيت واوفيت بهذا الشرف لمن يستحق ولكنى لاحظت وأنا أضحك , تعليق عبدوس رفضا لهذا الشرف - الحقيقة - يبدو ظاهر رفض عبدوس كأنه تواضع منه لكنه قطعا ليس كذلك , فأنا أعرف حساسية عبدوس مع الكبر , وهو فعلا محق فى ذلك ( الله يقطع الكبر ويقطع سنينه ) ... ولكن ثق ياعبدوس أن المهم هو شباب الروح وفى ذلك أكاد اجزم أن عابر أكبرمنك سنا وبمراحل ... نسعد بإنهمار أمطار الخير من مجاهل إفريقيا ويبدو أن النت إنستر معنا لذلك اثرت ألا أقاطع عبدوس كيلا أقطع أفكاره , خصوصا وأنا ليبيا قد فتحت ....دمتم أحبتى وليدم أبدا ما بيننا ...