شخبط شخابيط لخبط لخابيط..غايتو جنس غايتو

صفحة 6 من اصل 6 الصفحة السابقة  1, 2, 3, 4, 5, 6

استعرض الموضوع السابق استعرض الموضوع التالي اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عبد الرحمن الزين2 في الجمعة 08 سبتمبر 2017, 02:25

والله  يا رشدي ما شاء الله..لسه ذاكرتك حديد   ..لكن..وأحي أنا من لكن دي...بتغيظني شديد...إتذكرته كلامك أنك مره كتبت  قالو  صاحب الزهايمر  بتذكر  البعيد وبنسي   القريب..!!!
وإنت الصادق القبطان كان ماركو  دليش..والبايلوت كان إسمو  علوان  وحسب قول بحارتنا  -أنذاك- إنو كان معاهم نص بحري في سواكن وسوداني التابعتين لناس البرري..
أما القاطره كان إسمها عرفات...وكانت البواخر تسافر  في الصباح الباكر  حتي تستفيد من الرياح القويه التي تهب  صباحا حتي  تبتعد من الرصيف ثم تأخذطريقها خارج الميناء..ولم يكن لديهم قاطرات ماعدا  لنش البايلوت  عرفات...
ذلك الصباح لم تكن الريح قوية بما فيه الكفاية  وحرنت الباخره وألتصقت بالرصيف..
هنا  قال المرشد علوان   للقبطان  دعنا  ننتظر القاطرة  عرفات حتي يقطر الباخره..وكما قال رشدي عرفات ما  قادر  يجر  نفسو..هنا قال القبطان ماركو قولته الشهيره...
ARAFAT  PULLING  SHENDI    !!!!!!!!!!!!!!! وباقي الجمله  بالكرواتي...
وحاول عرفات  لكن ما  قدر  حتي  يأخد  بوش الحبل  !!!
معزتي..ما  أجمل الذكريات..تحياتي وشكري..جدو..وود فراج..
معزتي  عبدوش
 تفسير  لغير الناطقين  بغيرها..البحرية....
سواكن وسوداني...اول باخرتين سودانيتين تحملان العلم السوداني  مالكهما   ال  البربري..
بوش  الحبل...هو  الحبل  المرخي  غير المشدود تماما....يسمونه..slack...ولحبيبنا  ما سوره  الله يطراهو بالخير تفسير  اخر...خاصة  عندما  يقول  لك..ها..سيبك  منو  انا  اخدته   بوشو...
بس خلي رشدي يفسر....وانا ما بقصر.. !!

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف الرشيد شمس الدين عبدالله في الأحد 10 سبتمبر 2017, 11:59

فعلا أخد البوش كان تعبيرا مستخدما عندنا في البحر علي قدرة الشخص علي التقرب لرئيسه لدرجة تمكّنه  من أن يصبح الرئيس  واقعا تحت تأثير ذلك الشخص وهو  تعبير مخفف عن إستعمال كل الأساليب الممكنة للتقرب وهذا الأمر يحتاج لقدرات هائلة من الشخص وقد إشتهر بعض الزملاء الأحباب بهذه القدرة ومنهم حبيبنا الفاتح ماسورة .... أذكر مرّة  جاء كابتنا للباخرة التي كان فيها الفاتح ماسورة أخونا  النعيم سليمان .... وبعد رحلة لماسورة مع النعيم تقابلنا في بورتسودان فسألت ماسورة :- هل إستطعت أخذ بوش كابتن النعيم سليمان  ؟؟؟؟؟؟؟؟؟؟؟؟؟؟؟
ردّ علي ماسورة بضحكته الشهيرة  :- إنت عوير يالرشيد ؟؟؟ أنا عبد الرحمن الزين أخذت بوشه في أسبوعين يغلبني النعيم سليمان ؟؟
والله دا ما أخذ مني أكثر من ثلاثة دقائق !!!!!!!!!!

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عبد الرحمن الزين2 في الإثنين 11 سبتمبر 2017, 05:55

وخير مثالا لذلك أبو حرفين مع ود هديه !!!! ده قال لي قاشوره....بوش شنو انت البتعرف تاخدو !

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف الرشيد شمس الدين عبدالله في الإثنين 11 سبتمبر 2017, 14:48

فعلا طه أب حرفين هو المثال الأقوي والأقدر لمن ياخد البوش وبالذات بوش الريّس ......

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف الرشيد شمس الدين عبدالله في الإثنين 25 سبتمبر 2017, 12:41

لماذا الغياب أيها الأحباب .... غيابكم عذاب ما بعده عذاب .... فمتي يكون  الإياب  ؟؟؟؟؟

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف Ibrahim Kheir في الأحد 01 أكتوبر 2017, 02:05

الحبيب رشدى وبقية النوارس الغائبة.
معذرة عن غيابى عن المنتدى طيلة الاسبوعين الماضيين، ويعزى ذلك لكثرة المشغوليات.
سوف أُواصل معكم ما إنقطع من حديث غداً بإذن الواحد الأحد.
أين جدو الكبير  مختفى طوال الفترة الماضية!!!
دمتم بعافية.
جدو الصغير.

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف خالد عبدالحميد في الإثنين 02 أكتوبر 2017, 03:03

نحن في حالة دهشة
واندهاش

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف خالد عبدالحميد في الإثنين 02 أكتوبر 2017, 03:10

اخد البوش و البوش ذاتوو مفهوم في المنبر ده
المصطلح العجيب هو - كسير تلج- وانا جاد،،، من وين جابو الجملة الغريبة دي
وحصل متين الكلام ده
السودان لما كنا فيهو،،، هذه العبارة لم تكن في القاموس
كسرة
امس في مناسبة جه واحد لابس - علي الله -
اختلف الحضور انو الكلمه (علي الله)  انما هي مستحدثة وانا منهم...
الاخرون قالوا بل هي قديمة قدم المهدية وجناح ام جكّو
وخرجنا كل علي رأيه  كعادة السودانيين الباذخة في عدم الاقتناع بالرأي الاخر ولو كان علي الله

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف الرشيد شمس الدين عبدالله في الإثنين 02 أكتوبر 2017, 12:28

وما نزال في الإنتظار أيها الأحباب علي المدار .. أين عودتك يا أبراهيم كل الخير وأين كبيرنا عبدوس وأين عاطف القوز ؟؟؟؟ظ وأين بخلن وأين وأين وأين ؟؟؟ عودوا إلي منتداكم يرحمكم الله ...

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عبد الرحمن الزين2 في الجمعة 13 أكتوبر 2017, 01:17

عدت يا سادتي بعد غيبة املتها ظروفا قاهره...كنت متابعا.....سأورد التفاصيل..
مرحبا بقدومي...(تضخيم ذات وكده...كما قال لي أحد إخواني)
عبدوس

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف Ibrahim Kheir في الجمعة 13 أكتوبر 2017, 01:49

مرحباً بك ابو عابر، أبقى داخل ما تبقى عابر.

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عبد الرحمن الزين2 في السبت 14 أكتوبر 2017, 08:59


من طرف Ibrahim Kheir أمس في 6:49 am
مرحباً بك ابو عابر، أبقى داخل ما تبقى عابر.

كتب العزيز الحبيب جدو الصغير..................
فعلا يا صديقي هو عابر ..زوجته وأولاده.....لأول مره في تاريخ حياتي العمليه...أجد من يلخبط لي برامجي..حجز طائرتي وتحديد وجهة أسفاري وتنقلاتي..
عشت أغلب عمري حرا طليقا..أعرف متي أطير ومتي أرك..
وصلت الدوحه..(عابرا)...ترانسيت....كان يمكن أن أبقي داخل المطار حتي موعد طائرتي الي بروكسل....قلته يا ود هاتف ولدك عابر وسلم عليهو....
وعينك ما تشوف إلا النور..بقدرة قادر وبإستعمال ضربات تحت الحزام من الأحفاد لم أستطع مقاومتها....تحولت السبعة ساعات ترانسيت... بقدرة قادر الي تمانية ايام حسوما وقيل تسعة...
لا شك كانت ايام جمليه اتيح لي فيها أن التقي بعضا من عظماء الخطوط البحريه المقيمين بالدوحه.. بعضا....أسفت لأني لم التق بعكود والجمل وعصام درداقه وابو بكر وبابكر يوسف.. لا تلوموني ولا تلومو عابر قررت أن تكون هذه الرحله حكرا لأحفادي... ..كان من المفترض ان أحضر عند نهاية الاسبوع حيث الكل لديه وقت.... ووقت كاف حتي يخطرهم عابر..لكني لم أخطط لذلك...
فمعذره..

ونواصل..

معزتي واحتراماتي...عبدوس

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف Ibrahim Kheir في الإثنين 16 أكتوبر 2017, 03:49

الحبيب عبدوس:
تحية وشوقاً ذائداً، والحمد لله مسبب الأسباب الذى جعل لك لقيا ممتعة مع أحفادك العزيزين بدون سابق موعد أو تخطيط.
(فأنت تريد وأنا اُريد وألله يفعل ما يريد)
ألله يعلم بأننى لم أكن أدرى بأنك كنت مع أبننا عابر وأسرته الكريمة، ولم يكن سوى توارد خواطر.
وطبعاً حبيبنا خُلدى ولسان حاله يقول:{ أيه ألم الشامى على المغربى}!!!
{أيه ألم بروكسل مع روج هيل}!!!
أو تيب !!!
(قلنا ليك زمان يا خُلدى بأن ألله يجعل سره فى أضعف خلقه}

لقد إنطبق علينا قول الشاعر:

لا يعرف الشوق إلا من يكابده *** ولا الصبابة الا من يعانيها

لا يسهر الليل الا من به الم***لا تحرق النار الا رجل واطيها

لا يعرف الشوق إلا من يكابده *** ولا الصبابة الا من يعانيها

لا يسهر الليل الا من به الم***لا تحرق النار الا رجل واطيها

لا تسلكن طريقا لست تعرفها ***بلا دليل فتغوى فى نواحيها

ثم الصلاة على المختار من مضر ** محمد سيد الدنيا وما فيها

لا شك فى أن الأسبوع الجميل الذى قضيته وسط أحفادك لقد أعطاك دفعة قوية وحارة عند عودتك الى بروكسل الباردة،
خاصة ونحن نتأهب للدخول فى أسخف شهور السنة وهو الشتاء الكئيب وقد بدءت بوادره بسقوط أوراق الأشجار وما
تعترى النفس من كآبة.
نحن فى إنتظار شريط ذكرياتك فى فترة إنقطاعك الماضية.
ودمت لن يعزك.
جدو الصغير.

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عبد الرحمن الزين2 في الثلاثاء 17 أكتوبر 2017, 09:04

مالك مذكرنا الشتاء يا جدو.... غايتو لا زلنا هنا نتمتع بجو أشبه بربيع البحر الأبيض بالأمس بلغت درجة الحرارة...27 درجة...في منتصف أكتوبر لكن ذلك قطعا لن يدوم طويلا...
معزتي
عبوس..

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عبد الرحمن الزين2 في الأربعاء 18 أكتوبر 2017, 08:29

قصةواقعيه اقرب منها للخيال..
في منتصف الثمانيات..كنا شبابا..نفكر في المستقيل..وكعادة كل الشياب نفكر وندبر..ونحلم....
ذات يوم..وجدها..أحدهم...مشروع سياحي ترفيهي خارج النمط المعروف..
قالها..الطائره اليوغنديه التي تحطمت أحدي عجلاتها اثناء الهبوط بمطار بورتسودان..تخلي عنها مالكوها ورفضوا دفع بعضا مما توجب عليهم دفعه...فحجزتها سلطات المطار تمهيدا لبيعها...
ناقشنا الأمر بجديه لعدة أيام واستقر الرأي ان نشتريها ونقطرها حتي حديقة البلدية..نقوم بتعديلها ونجعل منها مطعما في الطابق العلوي ومرتعا وملعبا للصغار في طوابقها السفلي..شئ مختلف ومثير..
خططنا لكل شئ ووجدنا موافقة من أولي الامر..تبقي لنا ققط شراء الطائره من ادارة المطار..
قطعا كانت لنا صلات واتصالات ووجدنا الضؤ الأخضر والترحيب من كل الجهات والا لما فكرنا في الامر..
طلبنا اجتماع مع مدير المطار انذاك... - واسطتنا كان صديق الروح والعمر محمد الصالح عكود..
.قلنا للسيد المدير.. اننا فقط بصدد شراء الطائره ودفع كل ما ترتب عليها من التزامات..ونعلم سلفا انكم متضايقون من وقوفها..
استغرب الامر اولا ثم ابدي حماسا شديدا عندما شرحنا له الغرض.. وقال لنا فكرة جميله ان تدربوا حتي الصغار كيف يصعدون علي سلم الطائره ويتدربوا علي قوانين السلامه وربط احزمة الامان .. ووعد بالرد علينا خلال اسبوع....
خلال هذا الاسبوع رتبنا امورنا..ماديا وفنيا.واجتماعيا...
وعدنا إليه...وكان الرد الرفض قاطعا دون اي تبرير..قال أسف...
خرجنا من مكتبه المكندش لتبلل الرطوبه والقهر أجسادنا الفتيه...
قبل ان نصل الي العربه التي تقلنا..هرع إلينا احد عمال المطار بزيهم المعروف..وخاطبنا ..
انتو الجايين تشترو الطيارة اليوغندية..إجبناه... نعم..
قال...
حرام عليكم الطياره دي كل ناس المطار ده عائشيين عليها .... ده اكبر برج حمام في كل مدينة بورتسودان...!!!!!.
علمت-مؤخرا- ان الطائره لا زالت قابعه في المطار فقط تحولت الي برج حمام حربي اذ ان المطار صار مطارا حربيا....لا ادري ان كان الحمام يبيض ويفقس كما كان يفعل سابقا...ومن المستفيد..
ملحوظة لا تخلو من طرافه....في كل مطارات الدنيا يحاولون إبعاد الطيور عن المطارات..إلا....
معزتي ... عبد الرحمن الزين

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف Ibrahim Kheir في الخميس 19 أكتوبر 2017, 01:32

الحبيب عبدوس:
أطال ألله طلتك على البنبر (معذرة أقصد المنبر) فقد أضحى بنبر بحق وحقيقة ،فألجميع جلوس، أو تحت البطاطين { لا من يطقع ولا من يجمع الطوب} معليش ده حال الدنيا.
موضوع شراء الطائرة كان حيكون مشروع ناجح جداً لو قمتم بتحويله الى برج حمام فى الطابق الأعلى، ثم برج جداد فى الطابق الأسفل، أما تحت الطائرة فيمكن أن يكون زريبة مواشى. شفت لو كنت إستشرت جدو كان وراك أحسن الطرق للأستثمار، (معليش المشروع القادم ماتنسى تستشير جدو ولا خاب من إستشار).
بخصوص الشتاء، الواحد {بلة راسه خلاص، وخادم الفكى مجبورة على الصلاة، كلها شوية أيام ويطل علينا} الجو فى غاية الغرابة تصبح على خمسة درجات لتصل الى عشرين درجة فى الظهر حاجة تمخول.
تذكرت طرفة لإخينا الراحل كمال سينا أحد ظرفاء مدينة اُمدرمان، {بشبش ألله الطوبه التى تحت رأسه}.
يقال أنه ذهب الى الدكان وقال لصاحب الدكان (أدينى دفتر)، فأعطاه كراس، فبقى كمال يحملق فى الكراس وفى العروبى صاحب الدكان.
فسأل العروبى كمال مرة اُخرى (أديك شنو يا الأخوى؟)
فرد عليه كمال: { أدينى إملاء).
مسكين العروبى ا عارف الفرق بين {الدفتر، والكراس}!!.
أوعى تكون يا أبو عبدة ما عارف الفرق بينهم!!!
ودمت لمن يعزك.
جدو الصغير.


عدل سابقا من قبل Ibrahim Kheir في الخميس 19 أكتوبر 2017, 22:41 عدل 1 مرات (السبب : إضافة كلمة ناقصة)

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عبد الرحمن الزين2 في الثلاثاء 24 أكتوبر 2017, 01:48

العزيز   جدو الصغير""" كمال  سينا-يرحمه الله-  قابلته  مرة  واحده  واخيره  في منزل  صديقي اللدود  علي المصري    كان ظريفا   ولذيذا  جدا     سألني  أين  أعمل  قلته ليهو  في البحر..... البحر!!!! يا  راجل  !!عندك  بيت  قلته ليهو لسه لكن  قربت  أشتري بيت في اركويت,,,,قال  ضروري يكون عندك بيت  ...النمل  عندو  بيت ...الفار عندو بيت .... السكين عندها   بيت  ثم  إستدرك  قائلا....إلا  سكين   الجزار  ما  عندها  بيت..... يرحمه الله كان ظريفا  جدا
عبدوس

تخريمه خارج النص.....الكراس ده البكتبو فيهو الدروس والدفتر البكتب فيهو التاجر الديون موش ؟؟؟؟

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف Ibrahim Kheir في الأربعاء 25 أكتوبر 2017, 22:30

ألأحباء عبدوس ورشدى:
أولاً نسأل ألله الرحمة لظرفاء السودان أخونا كمال سينا، وسيد الظرفاء عمنا أحمد داؤد الراهب المتبتل فى محراب الخير والجمال ( سوف أفرد له مقالاً آخراً).
ملاء ألله قبورهم بالبهجة والسرور كما ملاؤا حياتنا بالبهجة، وأدام ألله فى عمر آخر الظرفاء، الهادى نصرالدين وكساه بالصحة والعافية.
كسرة:
يارشدى، عبدوس العزيز ماعرف غير دفتر الجرورة (مسكين ما سمع بدفتر الحرباشات، اليوم عرف الدفتر الذى يعنيه سينا).
ودام الود عامرا
جدو الصغير.


عدل سابقا من قبل Ibrahim Kheir في الجمعة 27 أكتوبر 2017, 22:48 عدل 1 مرات (السبب : تصحيح خطأ مطبعى.)

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف الرشيد شمس الدين عبدالله في الخميس 26 أكتوبر 2017, 14:31

أعتقد إنك تقصد الهادي نصر الدين يا حبيبنا أبراهيم خير أو الهادي الضلالي كما يحلو للأمدرمانيين مناداته ..

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف Ibrahim Kheir في الجمعة 27 أكتوبر 2017, 23:04

الحبيب رشدى
معذرة للخطأ المطبعي الغير مقصود فهو أخ وصديق عزيز على وقد سعدت بملاقاته فى زيارتى للبلاد قبل عدة أعوام.
كسرة:
الهادى يقول (الضلالى تُقال ولا تُكتب  Cool ) فقد أرسل له أحد الآشخاص رسالة وكتب على الظرف الهادى ال...لالى.
أما سر إطلاق هذه اللقب عليه فقد كان فى شبابه {أيام الزمن الجميل}!!! يتابع الحفلات وفى الصباح يحضر مجلس العارف بالله
الشيخ الفاتح قريب ألله طيب ألله ثراه. ولهذا أطلقوا عليه هذا اللقب.
جدو الصغير.

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عبد الرحمن الزين2 في السبت 28 أكتوبر 2017, 06:19

جدو....
المحيرني  يا جدو..أنا لي  يوم  الليلة  ما لقيت لي   زول  بعرفو  ما  بعرف  الرشيد...
يوم  ركبته تكس من المطار.. سواق التكسي  عاوز  يدردش..قال  لي...الاخ  مغترب ؟ قلته  ليهو  لا بحار...  قال لي  أكيد بتعرف  الرشيد شمس الدين...
ذات مره  إتعطلت  عربيتي – خطأ فني مني-
نمرتها    ب ح...
من جاء يساعدني..
قال لي انت من بورتسوان  قلته ليهو ..اي..
قال لي بتعرف الرشيد شمس الدين....!!
ذات مره أضعت جوازي البلجيكي..
ذهبت للمطار  لاستخراج  تأشيرة خروج بجوازي السوداني..
قدمت جوازي  في كاونتر جوازت المطار..  بعد شويه  جاني عقيد   ناطي من فوق الكاونتر ...قلته  يا  ربي  ووب  أنا  سويت  شنو..؟ انت  لازم كابتن عبد الرحمن  صاحب الرشيد.....
وينك يا راجل  نحنا بنسمع بيك..وما قايلين بنلاقيك..
وتأشيره  إكراميه..معاها حاجه بارده  وقهوه  كمان..
ونوصل  يا جدو..
عبدوس  صاحب  رشدي
تخريمه. العقيد  طلع اسمو  عبد الرحمن

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف الرشيد شمس الدين عبدالله في الأحد 29 أكتوبر 2017, 11:39



يا عبدوس يا حبيب طبعا القصة دي فيها شوية مبااالغة ... مش ؟؟؟
كمان أسحرني !!!!
ذكرتني نكتة الزول العرس البت وبعد أربعة شهور من العرس مرتو ولدت ... قام الراجل زعلان شديد وجاء للمرا داير يكتلا .... قال ليها يعني كيف بعد أربعة شهور بس تلد ..... قالت ليهو كمان خلاص أسحرني ...
برضو إتذكرت قصة حقيقية واحد من ناس بورتسودان عرس واحدة خفيفة وبعد العرس بأربعة شهور دخلوها للولادة .. صاحبك قام سأل صديقنا عيسي كباشي .. تفتكر يا عيسي جنا أربعة شهور دا بيعيش ؟؟؟ عيسي بسخريته المشهودة قال ليهو : والله في السودان دا جنا شهر واحد يعيش ...

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عبد الرحمن الزين2 في الإثنين 30 أكتوبر 2017, 01:42

كتب رشدي....

تفتكر يا عيسي جنا أربعة شهور دا بيعيش ؟؟؟ عيسي بسخريته المشهودة قال ليهو : والله في السودان دا جنا شهر واحد يعيش ...
وحاتك يا غالي ضحكته لمن دمعته....

وإتذكرته قصه واقعيه حكاها لي صديق عن واحد بلدياتو....جاء من السعوديه أهلو عرسو ليهو..ساق العروس شهر العسل...من اول يوم لاحظ أنو كرشها كبيره شويه...قال في نفسو باين عليها رمرامه..ما حب يسألها...
بعد إسبوعين إتوكل وسألها وعامل الود بهظر وبتظارف....قال ليها إنت كرشك دي كبيره ماله ..أوعي تكوني حامل..ها ها ها..!!!
ردت عليهو....لا بالله...تعملو العمله وتستغربو !!


ما حدث بعد ذلك ليس للنشر...

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف Ibrahim Kheir في الأربعاء 08 نوفمبر 2017, 00:34

.أنا لي  يوم  الليلة  ما لقيت لي   زول  بعرفو  ما  بعرف  الرشيد...
حبيبنا عبدوس.
(تراه الرشيد سره باتع) بس يا خسارة ما من اُمدرمان كان انضم الى معية كمال سينا والهادى نصرالدين.
جدو الصغير.

الرجوع الى أعلى الصفحة اذهب الى الأسفل

صفحة 6 من اصل 6 الصفحة السابقة  1, 2, 3, 4, 5, 6

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى