يا ناس البحر . جنيدابي وصل

صفحة 1 من اصل 11 1, 2, 3 ... 9, 10, 11  الصفحة التالية

استعرض الموضوع السابق استعرض الموضوع التالي اذهب الى الأسفل

يا ناس البحر . جنيدابي وصل

مُساهمة من طرف عبدالمنعم جنيدابي في الأحد 29 مارس 2009, 06:40

السلام عليكم كبارا وصغارا
يسعدني جدا النضمام الي منتداكم العامر
عبدالمنعم جنيدابي الكان معروف ب (جني)والكان ماركوني
بمنطلون جينز وقميص مربعات
وخنفس ,
ظهر في شارع المليون بليد في بورسودان
لكن
سمسار
Broker
بي جلابيه وطاقيه
Laughing Very Happy

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف Saadeldien Karrar Ibrahim في الأحد 29 مارس 2009, 11:54

ألف مراحب أخونا
عبد المنعم جنيدابى
يسعدنى أن أكون أول المرحبين بيك
بيتك ومطرحك
زى
Radio Room
وعقبال مانشوفك
Broker
فى مجال ال
Shipping
أيضاَ
وبالمناسبه
السماسره كلاّمين
وعشان كده عاوزين ظهورك فى المنتدى بكثافه
وبالذات الذكريات وحكاوى الكباتن معاك
عاطر التحايا
سعدالدين كرار

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عبد الرحمن الزين2 في الأحد 29 مارس 2009, 16:38

وانا تالت المرحبين ..نورته المنبر اخ جنيدابي والف مليون مراحب
عبد الرحمن الزين

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف احمد محمد احمد في الأحد 29 مارس 2009, 20:10

الف مليون مراحب أخوناعبد المنعم جنيدابى.

احمد محمد احمد

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف elrashied ali badi في الإثنين 30 مارس 2009, 03:07

عمو جنى انشاء الله اجن وازيد فى الجن تتزكر اخونا بنغلا العجيب قال اعقل الماركونية عمو جنى دى تجى كيف

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عبدالمنعم جنيدابي في الثلاثاء 31 مارس 2009, 02:24

السلام عليكم خلاص جني شمارات ظهر واعصابكم باظت؟
عزيزي سعدالدين الفنان : يا نسمه في عز الصيف هبت
واخي الزين عبدالرحمن الزين:قنبله -حلاوه الزول في الطول والعلا
العم الرشيد يونيفيرسالي :الشجره الظليله وضل الضحي الرامي وتحيه جاصه للاخ سيد ابو زرات
والاخ احمد محمد احمد هاك من دار جعل يا وجيه يا رايق
والرشيد بادي (هبار)دي تجي كيف؟بجيك بكره في المنطقه
اشكركم جميعا للترحيب بي في هذا المنتدي العامر باهله وانتظروا البيانات

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عبدالمنعم جنيدابي في الثلاثاء 31 مارس 2009, 02:33

بيان رقم 1
صوت لوم للاخوه البحاره في المهجر برا وبحر
لماذا هاجرتم جميعا وتركتم لي الكابتن مصلح في بورسودان ليعمل لي ثقب في القلب؟
هل هذا جزائئ؟
اخوكم سنمار جنيدابي

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف خالد عبدالحميد في الثلاثاء 31 مارس 2009, 08:28

يا جنّى يركة بالوصول بيتك ومطرحك وصالونك
قبل سنين (ما تعدّش) كنا فى طلايع الاسستانسيه والكديته الاتكتب عليهم الرقم 250
كان من نصيبى الباخرة دارفور وكان هناك من ضمن العظماء هذا الماركونى الخنفس ،،
واصبحت احلى ذكريات العمر وقد نعود ، لتلك الايام لو جنيدابى ادانا دفره
مراحب
بعد المراحب ،،، السؤال التخريمة؟؟ جيتنا اسكندرية بعد داك ؟؟؟ الكان جابك شنو
ما يكون اصابك مرض الكبر والنسيان
لك الود
خالد عبد الحميد

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف awadalla في الأربعاء 01 أبريل 2009, 19:20

الاخ جنى واللة نحن فى الجمعية مشتاقين ليك بشده ونطالب بحضورك لجلسات الجمعية ببورتسودان التى سوف تقابل زملاء لك لم تراهم من سنين عدة يا ابو السماسره طبعا تكون قد اتلعت على مواعيد الاجتماع كل سبت من بداية كل شهر فاهلا بك بطلعتك البهية

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف الرشيد شمس الدين عبدالله في الخميس 02 أبريل 2009, 12:47

فلتفرحوا كثيرا ياناس المنتدى و البحر وكفاية كسل ... لأنه الزول العسل ... جنيدابى وصل .....
التحايا مكررة أطنان للعزيز ود على بادى ( الرشيد , بتخفيف الراء والشدة المغلظة بالكسرة فى الياء ) ...... مش بس ( جنى أعقل ماركونى .. دى تجى كيف ؟ كما قال بنغلا العجيب ) , وبرضو تانى فى حاجة غريبة لو لاحظت يا هبار :-
( الأخ الزين عبدالرحمن الزين والعم الرشيد ) دى تجى كيف ووين ومتين ؟؟؟ فعلا جنى شمارات ....
سعداء جدا بكم وبظهوركم الأنيق والله فى المنتدى وعقبال البقية ...

الرشيد شمس الدين

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عبد الرحمن الزين2 في الجمعة 03 أبريل 2009, 04:32

غايتو....حسادة عينة... لكن الاخ المرهف جنيدابي بصنف الناس حسب مقاماتهم كما فهمت... وانا ذاتي.. بصنفك بعمو الرشيد لانك اكبرنا مقاما وقامة واعتدالا... اكثرنا عطاءا واقلنا حبا في الشمارات... مش.. .....حفظك اللة...

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عبدالمنعم جنيدابي في السبت 04 أبريل 2009, 06:04

عزيزنا خالد
فعلا انقضي وقت طويل علي تلك الايام البديعه
بعدين كاتلين حيلكم بال 250 وتجوا في النهايه تطلعوا لينا بي منتديات وحاجات عجيبه
وتجرجرونا وراكم
بالنسبه لحضوري للاسكندريه كان عندي عقده من كلمه
officer
وكانت امنيتي ان احقق هذه الكلمه كما اعلمك بانني سوف اسافر الي رومانيا لدراسه طب الاسنان
وارجو ان نلتقي قريبا (شغل مافي احسن الواحد يقرا)ولا ما كده؟
اخيرا كلمه حق -لقد اعدت لي روحي بانشائك لهذا الموقع وانعشت فينا الحياه من جديد
فبارك الله فيك
ودمت
جني

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عاطف عكود في السبت 04 أبريل 2009, 12:25

عبدالمنعم جنيدابي كتب:
عزيزنا خالد
كما اعلمك بانني سوف اسافر الي رومانيا لدراسه طب الاسنان
ودمت
جني

جنى ياعجيب الشوق بحر وحلوه حكاية رومانيا و طب الاسنان ربنا يوفقك وانت راجل فنان انا متخيل اللافته بتاعة العيادة (د.جنيدابى - جنى العجيب) والدعايه ( اقلع ضرصين والثالث مجانا او مع كل ضرص ونائب كوميشن حشوه ).
دمت ودام التواصل
عاطف عكود

الرجوع الى أعلى الصفحة اذهب الى الأسفل

بيان رقم 2 - فصل تعسفي

مُساهمة من طرف عبدالمنعم جنيدابي في الإثنين 06 أبريل 2009, 15:29

قامت ادارة شركة باعبود للملاحة باداني البحار ( البحار المغلغة- فكسدكورس-اكونمك سبيد- فنارين)من الخرطوم ظهرت مدني بفصل القبطان التجاني غريب بعد مجلس محاسبة ووصفته بالاهمال وفي لحظة غضب اقسم بأغلظ الايمان ان لا يرحم كل من تسبب في فصله وهو الذي عمل بالشركة الام (أعالي البحار) في وظيفة ضابط تدريب منذ تعينه وحتي الاستغناء عنه , وسرت أشاعة بأنه سوف يقوم بعمل كجور (عمل) يدمر به كل من ساهم في هذا الفصل وأنه سوف يتوجه الي مسقط رأسه في الغرب لجلب هذا الكجور ولكنه يحتاج لمعرفة اسم والدة كل من يريد تدميره وحدث أن تقابل بالصدفه بالكابتن حسن جيد وسأله من خلال الونسه عن أسم والدته فأجابه وهو في عجلة من أمره بأن والدته قد توفيت منذ أمد بعيد وهو لا يتذكر أسمها الان.

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عبد الرحمن الزين2 في الإثنين 06 أبريل 2009, 16:56

حلوة لكن يا جينيدابي....هو التجاني دة ما بتوب من حسن جيد...غايتو انا كان صاحبي شديد لكن ما عارف قاشورة مواعدو بي شنو...
علي كل حال انا امي الله يرحمها لكن اسمها يا سوسن او سوسو كما كنا نناديها لكن قاشوره امو اسمها امنة وهي حية ربنا يديها طولة العمر..ويشفي صديقي اللدود قاشوره
معزتي لا تحدها سواحل

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف الرشيد شمس الدين عبدالله في الإثنين 06 أبريل 2009, 17:25

يا جنى يا عجيب والله بادى بإنقلاب عديل من قولة تيت ( بيان رقم واحد ورقم إتنين والله يستر من رقم تلاتة ) , بالمناسبة ياجنى العجيب ( المغلغة ) دى جاية من لغاليغو ولا شنو ؟...
وياعبدوس ( ياود حاجة سوسن ) حسادتك عينة والله يعنى فى داعى تدى التيجانى إسم أم ماسورة بالكامل ... يعنى ماسورة أم حلتو وقعت .... يهون عليك ماسورة حتى وهو يفتقد أنامله الذهبية إلى حين ....
بالمناسبة حكى لى ماسورة إنه بعد البنج فك منه وكان معه الدكتور فسأله :-
( يادكتور , بعد العملية حتدونى راحة رسمية كم ؟ ) ...رد عليه الدكتور :-
( حنديك راحة ثلاثة أسابيع ) .... قال ماسورة للدكتور :- ( لا أنا مابتكلم عن راحة من الشغل )....
فهم الدكتور قصد ماسورة فقال له :- ( إنت داير راحة كم ؟ ) .... أجابه ماسورة :-
( أربعة شهور كيف ؟ ...) ... قال الدكتور لماسورة :-
( لا ..لا .. إذا كان كدا كنا كلنا وقعنا كسرنا إيدينا ورجلينا كمان ) .....
وبرضو تقول لى ماجداب ....

الرشيد شمس الدين

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف Saadeldien Karrar Ibrahim في الإثنين 06 أبريل 2009, 22:18

سلامات ياجنيدابى
ألحق لينا تجانى ده
قبل مايركب اللوارى
ويتابع القمارى
ويزور الحاج الليّن
ويجيب
كجور
من الرمّالى
خليهو يخش المنتدى
ونفتح ليهو بوست خاص
لحكاياتو مع حسن جيد
خاصه وأنا سكنت مع حسن جيد فتره طويله
فى الباخره القضارف
فى غرفه واحده
وكان دايماَ يحكى طرائف لاتنتهى مع التجانى... و
مع عاطر تحياتى
سعدالدين كرار

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عبدالمنعم جنيدابي في الثلاثاء 07 أبريل 2009, 01:01

الاخ العزيز عوض الله الدكتور
انشاالله سوف اكون متواجد معكم في الجلسه القادمه
الرجاء تجهيز اكبر كميه من الكعاكيل (عضم موزه)لانو حيكون معاي مصلج
ودمتم

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عبدالمنعم جنيدابي في الثلاثاء 07 أبريل 2009, 01:14

الاخ عاطف صديق
تحيه بطول قامه عبدالقادر ود الكمير
وخبث ودهاء لاعب وسط المريخ والفريق القومي(..........)لا يزال شريط الباخره امدرمان ماثل امامي
تنس الطاوله والاخ الباشمهندس الخلوق حيدر عليش ربنا يطراه بالخير والعشاء في السفره مع آكل الاعضاء
ابو عبيده ماهر والكلام ليك يا المحمر عينيك
لك الود
جني

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عبدالمنعم جنيدابي في الثلاثاء 07 أبريل 2009, 01:28

العم الرشيد يونيفيرسالي
انت عمي مكانه ولا يشترط ان يكون العم (اكبر سنا واضخم حجما واصغر عقلا كاخوه ابي الذين رموه في الجب)ولكنك العم الذي
اتمناه بافعاله واقواله.انت عم الجميع صغارا وكبارا

اما الشاب سعد؟ فهو شاب بروحه المرحه وطلته البهيه واناقته الملفته وقوامه الممشوق

ابنكم
Ice breaker
جني

الرجوع الى أعلى الصفحة اذهب الى الأسفل

بيان رقم 3 : لجؤ سياسي

مُساهمة من طرف عبدالمنعم جنيدابي في الثلاثاء 14 أبريل 2009, 04:33

مع تباشير تحرير ارتريا ، كنا اول باخره تدخل ميناء مصوع ، وقد قوبلنا بالترحاب الحار ،ومن ثم تم تاجير الباخره لمده 6 اشهر بين مينائئ
مصوع وعصب وكانت الاحتفالات مستمره يوميا بمشاركه الفرقه الاريتريه للفنون وقد شاركنا مشاركه فعاله. وكان صالون الباخره في ذلك الوقت يعج
بالمرح والسرور وكنا نتبادل القفشات والونسات . وكان معنا واحد من فطاحله البحر . كان لا يشارك ابدا في كل هذا الزخم بل كان يكتفي بالنظر الينا
في استهجان شديد . وكان شخصي من اقرب الناس اليه بين افراد الطاقم وكنت دائما ما اناكفه بانه قد خرج من كل هذا المولد بلا حمص وهو ينظر الي
صامتا ولا يرد.
وفي صبيحه احد الايام وكانت فترتنا بالمواني الاريتريه قد اوشكت علي الانقضاء ، فاذا باخينا يحضر الي ويامرني بلهجه حازمه للخروج معه وكان الشرر
يتطاير من عينيه وتطل منه نظره التشفي والانتقام . خرجنا من الباخره في حوالي العاشره صباحا وظللت في رفقه هذا الشخص حتي الساعه الخامسه
مساءا حيث نال مني التعب والارهاق والاعياء كل منال مما استدعي ان اغافله واهرب منه . عند الساعه الثامنه مساءا استطاع ان يعثر علي مخبئئ واخذ في
توبيخي واصر علي المواصله ولكنني تجرست له ايما جرسه وقلت له انا مبتدئ ولن (اكرر) ما كنت اعايره به ووعدته ( علي ) عدم (التكرار)
وفي صبيحه اليوم التالي اعلمني الطاقم بانه قد حضر الي الباخره ومعه المسئولين بالبلد ولملم اغراضه وطلب حق اللجؤ السيايسي. وفي عصر ذلك
اليوم خرجت الي البلد وهالني ان وجدت ملابسه مغسوله ومشروره في قارعه الطريق وصوت ضحكاته يجلجل من وراء الحجرات .

ونواصل ،،،،،،،،،،،،،

جني


عدل سابقا من قبل عبدالمنعم جنيدابي في الإثنين 27 أبريل 2009, 22:59 عدل 2 مرات

الرجوع الى أعلى الصفحة اذهب الى الأسفل

جبيره الكاندام

مُساهمة من طرف عبدالمنعم جنيدابي في الثلاثاء 14 أبريل 2009, 04:48

عاجل الشفاء للاخ الفاتح ماسوره (افياني) وارجو ان تكون اصابته
خفيفه لندره هذه النوعيه من الارجل وانصحه باستعمال جبيره
الكاندام وبالنسبه لحالته الكميات المطلوبه هي :
1 طن الياف من العشب
2 برميل زيوت عشبيه
12 متر جبيره الكاندام

مع الملاحظه بان الالياف تكون مختلفه الاطوال لتتماشي مع
التضاريس والنتؤات

جني


عدل سابقا من قبل عبدالمنعم جنيدابي في الإثنين 27 أبريل 2009, 23:02 عدل 1 مرات

الرجوع الى أعلى الصفحة اذهب الى الأسفل

شكرا سودلن لاين

مُساهمة من طرف عبدالمنعم جنيدابي في الجمعة 17 أبريل 2009, 01:32

بعد ان تم الاستغناء عن خدماتنا ، واستبدالنا بجهاز يعمل بالازرار ،
ونزولنا الي البسيطه وبدأنا في التعامل مع الفعاليات الموجوده فيها فعند ذهابي
لاجراء اي معامله في مؤسسه عامه او خاصه ، وبعد ان امر عبر
السكرتاريه اجد المسئول؛؛؟

اما اعطيته علبه سجاير ، او صابونه لوكس ، او صابونه صن ليت ، او باكو
تايد ، او علبه مربه او باكو زبده.
يا مقلوب جمبو جبنه.
يا اومليت جمبوا طحنيه.
او شغلنا له المكيف ؛

وتكون النتيجه ان تتم الاجراءات علي جناح السرعه

فشكرا ..... شكرا سودان لاين

جني



الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عبد الرحمن الزين2 في الجمعة 17 أبريل 2009, 03:19

والله وانت الصادق يا استاذ جينيدابي ورغم انه - علي ما اذكر - لم يتاح لي ان اتشرف ان اعمل معك لكني سمعت عنك.. وانتو جيتو في الزمن المتاخر شويه.. .. ما قادر اتم العبارة. لكن انت الصادق..تعرف الفطور في دنقلا بكون فيهو المحافظ ..مدير الشرطة..مدير الامن..مدير الجمارك و. م الجمارك .. مدير الميناء. ناظر الميناء وحاجات تاني حامياني.. لا .. لا .. ما بقدر..خلي العزيز رشدي يحكي ليك رحلة العزيز العظيم الاخ . بيتر.. مدير الجمارك...الوزير وما اعظمه من انسان.... هناك كان في فطور دنقلا اللواء صلاح مطر وكان الانسان بكل ما تحمل الكلمة من معان العزيز عبد اللة حسن عيسي كان كابتن ابراهيم ابو بكر.. كان سعادة العميد بدر الدين.. العميد الريح اخو حبيبنا ود القبايل... كان هناك اخي وحبيبي وتوام روحي مصطفي حسب الرسول مدير الامن .. كان هناك عثمان وجلال وبوليترا..صدقني يا جينيدابي كل هولاء لم نعطهم شيئا ولا كانوا في حاجة الينا ولكنهم شعروا من دواخلهم باننا بشر وخلاف ما كان يقال عنا باننا بحارة اجلاف.....كانو يتركون مكاتبهم العامرة ويحضروا الينا وتابي انفسهم الا ان نشاركهم لياليهم العامرة في المساء... بس بيني وبينك كانو بخافو مننا انو نخرتهم وفي دي كان معاهم حق..
غفر الله لنا جميعا...
معزتي لك جني....دابي

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف خالد عبدالحميد في الجمعة 17 أبريل 2009, 08:51

و نشارك عبدوس فى الإعجاب بابداعات جنى الفنان والانطلاق فى زوايا مختلفة ونبش الجميل المثير الكتير من اركان وتجاويف المخ ،،، فما نحكيه هنا----- هو العمر--
وشكرا جنيدابى على هذا العزف المنفرد الراقى ،،، وبالله عليك واصل

تخريمة لازمة:
بعد ان تم الاستغناء عن خدماتنا ، واستبدالنا بجهاز يعمل بالازرار ،
هكذا قال جنى فى اول الكلام
فشكرا ..... شكرا سودان لاين
وده اخر الموضوع
هكذا يكون الوفاء يا عظيم Cool

الرجوع الى أعلى الصفحة اذهب الى الأسفل

صفحة 1 من اصل 11 1, 2, 3 ... 9, 10, 11  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى