يا ناس البحر . جنيدابي وصل

صفحة 10 من اصل 11 الصفحة السابقة  1, 2, 3 ... , 9, 10, 11  الصفحة التالية

استعرض الموضوع السابق استعرض الموضوع التالي اذهب الى الأسفل

ام تي ان قرايب

مُساهمة من طرف عبدالمنعم جنيدابي في الأحد 22 يناير 2012, 01:22

خالد ود الجيران وعثمان بتاع الدكان(البيتسلف منو ابوه)
اخوكم : جني جرورة

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عاطف عكود في الأحد 22 يناير 2012, 02:42

العزيز ج ج (جنى جرورة)
يارايق ....يا هادى
والزول الوسيم فى طبعو دايما رايق
ودام التواصل شرقا ...... حتى الصين
عاطف عكود

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عبدالمنعم جنيدابي في الإثنين 23 يناير 2012, 01:25

الاعزاء ود كرار الجقر عاطف والدهباية وبقية العقد الفريد :
اني لا اكزب ولكني اتجمل
قصة صينية :----
في معكسر الصينين في هجليج في غرب السودان عندهم عشرين سرير عاوزين ينسجوم , سائلو النساج : بكم تنسج السرير الواحد فقال : بمبلغ 10 جنيهات
فقالو له انسج لنا الاول لكي تنسج البقية بمبلغ 200 جنيه وتركو معه احدهم لمراقبته بعد انتها النساج من السرير الاول اعطاه المراقب مبلغ 10 جنيهات وقانم هو بنسج ال19 سرير الاخري
وتقول لي تبادل تجاري .......... ودمتم
اخوكم : جني النساج

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عاطف عكود في الثلاثاء 24 يناير 2012, 01:07

عبدالمنعم جنيدابي كتب:
اني لا اكذب ولكني اتجمل
قصة صينية :----
اخوكم : جني النساج
يا نساااااج
والله انت ال تجمل زاتو
وكل سنه وانت والتنين المائى بخير بمناسبه اول ايام السنة الصينية الجديدة.
ودام التواصل
عاطف عكود

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف abdelgadir ahmed elgalaa في الأربعاء 25 يناير 2012, 06:58

جنى الظريف عاوز اقدم تهنئه متاخره فى ويبك دا، وماعارف علاقه جنى شنو بشارع المليون......المتواجد
فيه على الدوام--بس ما تقول لى انت الجابك بهناك شنو؛وعلى كل حال التهنيه المتاخره بالعام الجديدلاخوتى اعضاء المنتدى وكل عام وانتم نور فى القلب وضياء فى الوجه وسعه فى الرزق ومحبه فى قلوب الخلق .

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف الرشيد شمس الدين عبدالله في الخميس 26 يناير 2012, 13:07

جنّى يا عجيب ... حاولت الإتصال بك مرات كثيرة والله دون نجاح وذلك لتعزيتك فى فقيدكم الغالى و سميّك عبد المنعم جنيدابى ... له الرحمة ولكم حسن العزاء وأرجو نقل تعازىّ الصادقة لكل أسرة جنيدابى الكريمة ..
لك والله وحشة شديدة وشوق لايوصف .. وماتحرمنا من بهاء الطلة وهذا النيو لوك الزاهى ... لكن ماعرفت حسب الصورة إنت لابس حاجة فى رأسك ولابقيت طويل لدرجة إنك لحقت السقف ؟؟؟؟ بالمناسبة مع الشقاء الحاصل فى السودان دا أىّ حاجة ممكن تحصل .. وبرضو ماتنسى مع الزهايمر الحاصل دا الشوف عندنا بقى طشاش ...

الرشيد شمس الدين

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف محمد الجمل في الخميس 26 يناير 2012, 14:57

ما اروع الاخ عاطف وزملاء البحر ناس سودان لاين جميعهم ...سافرت عائدة الي الخرطوم والدتي الحبيبة الحاجة امنة عبدالرحيم وديدي واخواتي سمية وايمان بعد اجمل اياما فضوها معي هنا في الدوحة ...
جمعتنا سودان لاين ولم تفرقنا ...وجمعت اسرنا ولم تفرقهم ...عادوا الي الي الخرطوم والذكريات ملؤها الزملاء واسرهم
ادام الله بيننا الود والمحبة ....................................... ودام التواصل

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عاطف عكود في الجمعة 27 يناير 2012, 01:36

حبيبنا الجمل تسلم يا امير وربنا يخلى ليك الوالدة والاخوات وربنا يلم الشمل بعد الغربة والشتات والله ادم محبة سودان لاين والتى تاصلت فى البصمة الجينية للعصب الثامن لكل من عاش يوما فى رحابها فما بالك بمن عاشوا فيها الجزء الاكبر والاجمل من حياتهم اسرة واحدة ووووووووو .
وتحياتنا للغالى جنى النساج
ودام التواصل
عاطف عكود

الرجوع الى أعلى الصفحة اذهب الى الأسفل

انتهاء الاعتصام

مُساهمة من طرف عبدالمنعم جنيدابي في الإثنين 12 مارس 2012, 03:22

الاعزاء دوما اعضاء المنتدى والمشاهدين داخل وخارج البطانية لكم الود اجزله يتزامن ظهورنا مع زيادة الاسعار وندرة المواد التموينية مما أدى الى ضعف بنيتنا التحتية نتيجة لأفراطتنا في أكل الفول والطعمية وضعف ابصارنا والرجفة اليدوية .
اعزائي التهنئة موصولة بأنتهاء اعتصام المناصير بميدان التح مير بالدامر
ودمتم
اخوكم جني تايقر باور

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف صلاح الدين محمد عثمان في الثلاثاء 13 مارس 2012, 00:07

الأخ/ جنى
تحياتى وشكرا للظهور الذى طال إنتظارنا له.
بس لو سمحت ( التح مير) دايره ليها وقفه - أقصد فهامه - قول يااااا لطيف.

الرجوع الى أعلى الصفحة اذهب الى الأسفل

تعدين عشوائي

مُساهمة من طرف عبدالمنعم جنيدابي في الثلاثاء 17 أبريل 2012, 22:59

واحد رباطابي سافر مناطق التعدين وتاخر لمدة 6 اشهر , اكل الشك قلب زوجته الرباطابية فسافرت له هي واطفالها الستة وبعد السوال اخبرهم بانه لم يتحصل علي جرام طوال تلك المدة . وبعد العشاء سالته زوجته عن الحمام فقال لها اطلعي الخلا . وبعد ان قطعت الجمار واغتسلت رات شيئاً يلمع تحتها فاخزته له فوجده قطعة كبيرة من الدهب ففرح كثيراً . وفي صبيحة اليوم التالي قالت له زوجته انها مسافرة فرد الزوج بحدة لن تسافري وانتي تحملي جهاز كشف بهزه الحساسية ............
2\ واحد رباطابي بعد ان ضاقت به سبل الحياة ترك ابناه وزوجته وعمله .الي مناطق التعدين بالشمالية وهو تمني النفس بالفوز وزوجته تمني نفسها بعودة حميدة وبعد مرور 3 اشهر تماماً . عاد وهو يحمل ( جوال بلح بركاوي عيار 21 جرام ) ...... ودمتم
... اخوكم : جني المرطب

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عبدالمنعم جنيدابي في الخميس 12 يوليو 2012, 03:11

الاخوه الاعزاء
التعازي موصوله لكل من فقدعزيز لديه ونسال الله العلي القدير ان يتقبلهم بقبول حسن اجمعين .
اخواني نعتذر عن طول فتره الغياب الماضيه وذلك تحسبا في انفاذ حزمه الاصلاحات الافتصاديه وانزالها الي
ارض الواقع مع عمل اجراءات تقشفيه للمحفظه الاسريه مع تمويله اصغريه لمواجهه الفتره الرمضانيه وكل عام
والجميع بخير .
تخريمه
هذه السنه اي حاجه بي 100 وربنا يسهل علي الامه السودانيه

جني الصائم

الرجوع الى أعلى الصفحة اذهب الى الأسفل

كرنفال العيد

مُساهمة من طرف عبدالمنعم جنيدابي في الأحد 02 سبتمبر 2012, 02:28

اقبل العيد مرحباً بك يا عيد من جديد انت اقبلتا زائراً فلبسنا لك القديم ؟؟؟؟؟
لمن يهمه الامر :-
ياخي ود اختك دا جننا جنو بكا في رمضان الفات وفي ليلة جهادية كبري بكا لينا مع الفنان قيقم وقلنا يمكن الزول دا عاوز يستشهد وشم ريحت الجنة لكن في رمضان دا حيرنا مع ود اللمين والعاجكو برضو عيونو رقرقت وعض شفتو وطلع نابو ............ يكون يا ربي عشان اللبن المسكوب بتاع ... سي السيد .
في صبيحة العيد وفي جو بديع درجة الحرارة فوق الخمسينات احتفل الالاف من اهالي بورتسودان في كرنفال قذف الطماطم ..... علماً بان كيلو الطماطم بي 30 لح لوح سوداني ....... يعني الاوووطه الواحدة المجنونة المعفوصة بي 3 سودانيز لحاليح.
في يوم 29 رمضان وبعد الافتاء باكمال رمضان 30 يوم كان جميع سكان المدينة ينتظرون زمن اضافي وضربات جزاء ولكن فاجئني النهار ( العيد) ومن مظاهر العيد هذه السنة انعدام الحلاوة , الكعك , الغريبة , البسكويت , البتي فور , وكل عام وانتم بخير .. اخوكـــــم : جنــــــــي المعيد Very Happy

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف احمد محمد احمد في الأحد 02 سبتمبر 2012, 02:49

عبدالمنعم جنيدابي كتب:

في صبيحة العيد وفي جو بديع درجة الحرارة فوق الخمسينات ..... .. اخوكـــــم : جنــــــــي المعيد Very Happy

حمدا لله علي السلامة يا جني و ربنا يحفظكم في باقي الصيف الفضل.

وتحياتي لكل الاخوة في بورتسودان.

الرجوع الى أعلى الصفحة اذهب الى الأسفل

والغداء في امواااااااااااااااااااااااااج

مُساهمة من طرف عبدالمنعم جنيدابي في الإثنين 10 سبتمبر 2012, 00:04


اقلهن مهورا اكثرهن بركة

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عاطف عكود في الإثنين 10 سبتمبر 2012, 00:21

الله يجازى محنك .......والله انت مش موية النار ... النار نفسها انت عندك فيها كلام . قلت كيف !!!!! الشوق بحر جنى يا عجيب
ودام التواصل
عاطف عكود

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عبد الرحمن الزين2 في الإثنين 10 سبتمبر 2012, 02:11

جنيدابي العزيز...
دخلت فقط لاحييك... نحتاج احيانا لبسمة وانت ما بتقصر..ما تحرمنا من طلتك..
خارج النص..
الصينية اللي في نص ما فيها خبز ليه.....................
عبد الرحمن

الرجوع الى أعلى الصفحة اذهب الى الأسفل

الكون فدرالية

مُساهمة من طرف عبدالمنعم جنيدابي في الأربعاء 12 سبتمبر 2012, 21:59

http://imageshack.us/photo/my-images/18/56158741860980820318045.jpg/
الاعزاء لكم الود
الاخ ود عكود : موية نار شنو الايام دي مع العولمة شغالين فينا مراهم تايغر كنج ساكت الواحد بقا نقطة سطر نقطة
الكابتن عبدالرحمن الزين (الزين) الجماعة رسلو ابوشنب بالبوكس عشان يجيب الخبز والكاتشب والمايونيز لاكين البنطون حارن بالغرب
من الارشيف:
ديربي الجاهلية الاولي في نهاي كاس داحس والغبراء بملعب ليق سوق عكاظ بين نمور بني قريظة وافيال بني قينقاع .. ودمتم

الرجوع الى أعلى الصفحة اذهب الى الأسفل

عيدكم مبارك

مُساهمة من طرف عبدالمنعم جنيدابي في الخميس 25 أكتوبر 2012, 03:26

الاخوة الاعزاء عيدكم مبارك
بعد ان اكملنا صيام وقيام رمضان رغم الافتاء بالافطار.تمكنا
بمساعدة جمعية كيس الصائم الخيرية باكياسها الفي اي بي وهي مخصصة لمديري الادارات والمخلصين ومشرفي المراحل التعليمية والمرحلين ورجال الاعمال.ويحتوي الكيس على(كيلوسكر،كيلودقيق،خمسمئة جرام لبن بودرة،بلح،علبة صلصة تاتوميتو)
قامت الجمعية الخيرية بالمنطقة بقيادة المحوقل بتوزيع الخراف (رجكتد)وكان من نصيبي واحد مصحوب بالمن والازى(تصوير ديجيتل،قنوات فضائية،تهليل،تكبير)وكما قال عادل امام النسوان تزغرد واولاد صغيرة
قامت اخوات نسيبة بدعم موية النار بصفيحة فحم .
قام اخوان مصعب بدعم لتر زيت طعام.
قامت امهات الشهيد (بدعم،شمار،كسبرة،ثوم،دكوة،شطة،عبوة خمسة جرام)
انا الان اتحرك يمنة ويسارا وسوف تكلل مجهوداتي بالنجاح في الحصول على ليمون لزوم المرارة
ودمتم
اخوكم اسماعيل

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عاطف عكود في الخميس 25 أكتوبر 2012, 23:17

عبدالمنعم جنيدابي كتب:
الاخوة الاعزاء عيدكم مبارك
ودمتم
اخوكم اسماعيل
تسلم أخونا أبو السباع وعيدك مبارك
عاطف عكود

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف عبد الرحمن الزين2 في الجمعة 26 أكتوبر 2012, 00:04

اسماعيل الذبيح حته واحدة..
مرحب بيك يا جني...ورغم الاحزان لك القدرة ان تجعلنا نبتسم..متعك الله بالصحة ووقاك من كل سؤ...امين..
حنيت لحالك وتم اجراء اللازم لارسال ليمونتين بال دي اتش ال... علي عنوانكم الدايم بشارع المليون بليد بالفاشر...بس اتضح لي بعد الاطلاع علي كل المقادير انو البصل ما زال مفقودا.. في مرارة من دون بصل يا جني....
كل عام وانتم بخير

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف الرشيد شمس الدين عبدالله في الجمعة 26 أكتوبر 2012, 01:37

جنى العزيز لك والله وحشة لا توصف وكل عام وانت والأسرة الكريمة بالف خير والتحايا الصادقة لكل من معك .. طبعا اسحق فى الحج للمرة الرابعة ، كانه كاتل رقبة ... لك الود الكثير ...

الرشيد شمس الدين

الرجوع الى أعلى الصفحة اذهب الى الأسفل

دام التواصل

مُساهمة من طرف عبدالمنعم جنيدابي في الجمعة 30 نوفمبر 2012, 18:26

الاعزاء دمتم ودام التواصل احر التعازي في وفاة طيب الزكرى الكابت اسامة مكي فقد جمعنا في حياته واتمنى ان يجمعنا في مماته في تواصلكم وسرد سيرته العطرة .اعزائي لقد لبينا اليوم دعوة كريمة من الاخ حسن رستم وقد كان حضور الافطار الاخوان احمد محمد احمد وبدرالدين شناكة وعبدالرحمن الضلالي تناولنا فيها الايام الخوالي للخطوط البحرية السودانية وزقني بالكسرى الحبشية وقراصة بالتركين(نفاز الرائحة)
وتواعدنا على التواصل رغم كل الصعوبات والرضا بارادة الله والصبر على الشدائد والمحن
كما قال الشعب السوداني الشاعر في قصيدته (نحن قوم لاناكل حتى نجوع ولو اكلنا لا نشبع)
ودمتم اخوكم مالك الحزين

الرجوع الى أعلى الصفحة اذهب الى الأسفل

رد: يا ناس البحر . جنيدابي وصل

مُساهمة من طرف احمد محمد احمد في السبت 01 ديسمبر 2012, 23:43


سلامات جني وكل الاخوة.

و سلامات بورتسودان .... جو جميل و نظافة و جمال في كل مكان و صبايا في الكورنيش يشبهن زهور الصيف في هولندا و روح جميلة و ابتسامة تعم كل اهل بورتسودان رغما عن بعض الاسي الذي يشوب عيون ابناء البجا التي تشع ذكاء بسبب قلة فرص العمل.

و بعدين يا جني الملوحة سمحة وطاعمة و لكين الريحة في اليد فحدث و لا حرج......... ياخي دي لا نفع معاها الغسيل بالصابون ولا الليمون و لا صابون الغسيل ولا غيرو......... من الخجل انا صليت الجمعة برة في الشمش خوفا من الاحراج.

مع التحيات للجميع

الرجوع الى أعلى الصفحة اذهب الى الأسفل

صفحة 10 من اصل 11 الصفحة السابقة  1, 2, 3 ... , 9, 10, 11  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى