عاجل الشفاء للكابتن الفاتح محمد ادريس

استعرض الموضوع السابق استعرض الموضوع التالي اذهب الى الأسفل

عاجل الشفاء للكابتن الفاتح محمد ادريس

مُساهمة من طرف awadalla في الثلاثاء 31 مارس 2009, 16:33

نتمنى عجل الشفاء للكابتن الفاتح من اصابتة بكسر فى يده اليمنى وتم عمل عملية بسيطة بمستشفى فضيل الخاص بالخرطوم وهو طريح الفراش بمنزلة بامدرمان

الرجوع الى أعلى الصفحة اذهب الى الأسفل

رد: عاجل الشفاء للكابتن الفاتح محمد ادريس

مُساهمة من طرف osama elsimat في الأربعاء 01 أبريل 2009, 23:42

سلامتك ياكبتن ونتمني ليك عاجل الشفاء

الرجوع الى أعلى الصفحة اذهب الى الأسفل

رد: عاجل الشفاء للكابتن الفاتح محمد ادريس

مُساهمة من طرف عبد الرحمن الزين2 في الجمعة 03 أبريل 2009, 01:44

غايتو جنس غايتو... انا جني وجنس زول يطرطشني من بوست رشدي.. لكن عاد ود السيمت دة قريب المدير وانا لا زلت اناشد السيد المدير عبر قريبو انو يدفع لي ما تبقي لي..وهو عارف وانا عارف والله عارف... عارفو ما بقصر.ولهذا رديت والكلام ليك....ما دام اسامة معنا ما في عوجة
ضحكت كما لم اضحك ابدا وانا اهاتف قاشورة... المجنني قلنا كلام ما بتقال ولا في البحر..بعد شوية قال لي والله المدام سامعه وبتسلم عليك...
ياخوانا في تفهاه اكتر من كدة
موت بي غيظك يا رشدي الاخ عبد الرحمن يا عمنا الرشيد

الرجوع الى أعلى الصفحة اذهب الى الأسفل

رد: عاجل الشفاء للكابتن الفاتح محمد ادريس

مُساهمة من طرف osama elsimat في الجمعة 03 أبريل 2009, 19:15

انت تامر ياكابتن .. ناس ودمدني السني علي عيني .. بي مناسبة المدير كنت بتصل بيكم في مكتب هامبورج بس يبدوا المشاقل نستك .

الرجوع الى أعلى الصفحة اذهب الى الأسفل

رد: عاجل الشفاء للكابتن الفاتح محمد ادريس

مُساهمة من طرف ود كرار في السبت 11 أبريل 2009, 02:50

الحبيب ود السيمت ....مشتاقين ...وين تلفوناتكم الحلوه ديك

انشاء الله تخفيضات الوظايف الحايمه فى امريكا دى ماهبشتكم,

لكم التحايا

الرجوع الى أعلى الصفحة اذهب الى الأسفل

رد: عاجل الشفاء للكابتن الفاتح محمد ادريس

مُساهمة من طرف عبد الرحمن الزين2 في السبت 11 أبريل 2009, 05:24

ود السيمت العزيز .. لك التحايا وكميات من الود لا تحدها سواحل... اول علاقتي بال السيمت كانت من خلال رحلة بحرية علي ظهر طيبة الذكر كردفان كان ذلك في حوالي عام 73 علي ما اذكر---- لكن امكن الباشمهندس الرشيد يكون عارف بالضبط لانو كان مهندس اول علي ما اعتقد----- المهم كانت من اروع الرحلات ولاول مرة يسافر معنا بعض الركاب حول راس الرجاء الصالح..كانت اسرة العلامة صلاح السيمت وزميل له في ادارة سودانير واسرته..كانت رحلة ممتعه كان هناك احلي الناس واظرفهم الحجاج كان السيد محمد صالح واخرين لعن اللة الزهايمر لكن ما اذكره ان للسيد صلاح ابنة لعلها فدوي كانت احلي وامتع ما في الرحلة اعتقد ان عمرها لم يتجاوز الرابعة ولكنها كانت متعلقة بي بشدة كانت تحضر الي كبري القيادة و تردد.... واحدة واحدة خفيف تورتيت.... وتلك كانت اخر كلمات سمعتها والباخرة كردفان تغادر ميناء بورتسودان... لا ادري ا ين فدوي واحدة واحدة خفيف توريت.. الان... معزتي وتحياتي لها واسفي ان اخطات في الاسم..
وتورتيت للاجيال الجداد كانت احدي قاطرات ميناء بورتسودان والا موش يا رشدي...
من اطرف المواقف في تلك الرحلة اننا كنا عندما نصل جدة يسمح لنا بالنزول واداء العمرة وفي تلك الرحلة جاء الوكيل وقال ممكن تنزلو الا النساء وهناك اطلق الاخ محمد صالح علي زوجة عمنا السيمت... البرعي....وضحكنا كثيرا..وبسسب ضحكتنا تم الافراج عن البرعي..تحياتي لهم جميعا.. اهو خربشة ذاكرة صدئه
اكوام من المعزة والمحبة والتقدير

الرجوع الى أعلى الصفحة اذهب الى الأسفل

رد: عاجل الشفاء للكابتن الفاتح محمد ادريس

مُساهمة من طرف osama elsimat في الثلاثاء 14 أبريل 2009, 01:09

الكابتن العزيز عبد الرحمن الزين .. تحياتي واشواقي .. مولانا صلاح السيمت ببلغك تحياتو .. أما الصغيرة فدوي أصبحت الدكتورة فدوي اخصائية طب المناطق الحارة .. زكرتني ياكابتن بايام سودان لاين الجميلة .. رغم قلة خبرتي في سودان لاين ( 3 رحلات ) لكني عشت مرحلة الثانوي العام والعالي في مكاتب الشركة بالخرطوم وتعرفت علي عمالقة الادارة ومعظم الكباتن والهندسين .. كنت معجب بالقائد الاسطوره المرحوم أسماعيل بخيت وكيف نقل سودان لاين من راسمال لايتجاوز 400 الف جنيه سودانى وشراكه مع الحكومه اليوغزلافيه الي موصلة اليه الشركه أنازاك وانت ادري بالقصه ياكابتن ... نسأل الله ان يعيد الايام الحلوه لي سودانا الحبيب ودي العافيه للعملاق الجريح سودان لاين .. لكم الود والمحبة والتقدير

الرجوع الى أعلى الصفحة اذهب الى الأسفل

رد: عاجل الشفاء للكابتن الفاتح محمد ادريس

مُساهمة من طرف osama elsimat في الثلاثاء 14 أبريل 2009, 01:24

الاخ الحبيب ود عابدون .. كيف حالك واحواك .. الحمد لله كل الامور تمام .. سلم على الأهل لحدي مانشوفم في العمره أو السودان قريب إن شاء الله .

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى