شخبط شخابيط لخبط لخابيط..غايتو جنس غايتو

صفحة 1 من اصل 40 1, 2, 3 ... 20 ... 40  الصفحة التالية

استعرض الموضوع السابق استعرض الموضوع التالي اذهب الى الأسفل

شخبط شخابيط لخبط لخابيط..غايتو جنس غايتو

مُساهمة من طرف عبد الرحمن الزين2 في السبت 08 أغسطس 2009, 05:11

كفانا احزانا...يرحمنا الله واياكم... الفقرة التانية مقتبسه من من ندين له بالفضل بعد الله... و خلدي وود عكود...هو عارف والله عارف المهم اول اسمو رشدي ...او عبد القا.. كما تقول النكته التي كان يرويها لنا المرحوم ود العوض....الف نور ورحمه علي قبره الطاهر...كم كان عظيما هذا الانسان الرائع...
ما وددت ان اقول قبل ان اخرج من الموضوع...كعادتي...هذا البوست...مفتوح لكل من ان يريد ان يتنفس... يكتب اي كلام... اكرر اي كلام.. اكتبها وتوكل..لا تعيد قراءتها.. ارسل مساهمتك ولا تصححها ولا تعيد قراءتها الا في اليوم التالي...اكتب كلما يدور بخلدك..ولا تخشي من خالد..هو نفسه مدعو ان يشارك..اكتب نكته..بيت شعر
..حكمة... اي شي..فقط لنجعل من هذا المنتدي واحة نحن اليها بعد يوم شاق...
ساتغيب عنكم...ما تفرحوا كلها اسبوعين وساعود لاهريكم...ولكني ساتابع وقد لا اتمكن من الرد...
اخر الحكي...
حكي الاصمعي ان عجوزا من الاعراب جلست في طريق مكة الي فتيان يشربون نبيذا- او دم المسيح علي قول المعلم ود الشيخ- فسقوها قدحا....فطابت نفسها وتبسمت...فسقوها قدحا اخر...فاحمر وجهها وضحكت...فسقوها ثالثا...فقالت......خبروني عن نسائكم في العراق ايشربن النبيذ.....
قالوا نعم...فقالت زنين ورب الكعبه....وفي رواية اخري قالت والله ان صدقدتم..فما منكم من يعرف اباه...

اكتفي وفي انتظار الدرر......................... عبودي..اي اي الكيه ليك عارفك ما فاضي لي..

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عاطف عكود في الأحد 09 أغسطس 2009, 03:22

عبد الرحمن الزين كتب:هذا البوست...مفتوح لكل من ان يريد ان يتنفس... يكتب اي كلام... اكرر اي كلام.. اكتبها وتوكل..لا تعيد قراءتها.. ارسل مساهمتك ولا تصححها ولا تعيد قراءتها الا في اليوم التالي...اكتب كلما يدور بخلدك..ولا تخشي من خالد..هو نفسه مدعو ان يشارك..اكتب نكته..بيت شعر
..حكمة... اي شي..فقط لنجعل من هذا المنتدي واحة نحن اليها بعد يوم شاق...
ساتغيب عنكم...ما تفرحوا كلها اسبوعين وساعود لاهريكم...ولكني ساتابع وقد لا اتمكن من الرد...
..
العزيز عبدوس لك الود , للاستجابه ودت ان اكتب كل مايدر بخلدى ولكن لقيت خلدى زاتو مدعوه فلك الكى بورت الحاج خلدى لتدلو بدلوك , وفى انتظار عودتك الميمونه كابتن عبدالرحمن رافقتك السلامه (مجاهل افريقيا , طريق مكه , العراق ) واينما ذهبت .
عودا حميدا وفى انتظار مداخلاتك ودمت
عاطف عكود

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف خالد عبدالحميد في الأحد 09 أغسطس 2009, 03:36

يا زول خلدى ده منو ؟؟؟
فكرة عظيمة لى بوست ،،،، اكتب اى كلام
للمصريين جملة ((ما بنخدش منّك غير الكلام !!!)
للاميرة سعاد الصباح بيت شعر ( ربما يكون مذكور فى بوست اخر )
فتكلّم حين تلقانى ،،،لماذا الرجل الشرقى ينسى حين يلقى أمرأةً نصف الكلام
لماذا يقطف التفاح من نهديها ثم ينام
لاحمد رجب كتاب قديم اسمو --كلام فارغ--
والمقدمة كانت :

الكلام نوعان ،،، كلام فارغ !! وكلام مليان كلام فارغ!!!!
مع تسجيل اختلافنا مع الاميرة والساخر .....ففكرة هذا البوست فى تقديرى عبقرية
من عبدوس والكل مدعو لكتابة ما (يعن) له ،،، يعن دى على وزن خلدى... الآن أنا ذاهب لأخلد الى النوم

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عبد الرحمن الزين2 في الأحد 09 أغسطس 2009, 09:31

اول الحكي...خلدي العزيز....علي فكرة خلدي دي علي وزن رشدي...شفته انا بعزك قدر ايه...ود عكود والله مشتاق...لا تحرمنا من نبضات الكي بورد فايمنا اكون استمتع بكتاباتك..لا تبخل علينا...
اخر الحكي...اين جني..... حملة تبرعات لشراء لاب توب له حتي يتخلص من شحدة المدام....قصدي شحدة اللاب توب...مرات يدوه ومرات يحرموه ونظل نحن في انتظار اروع الاقلام....
واخيرا جدا وين الما بتسماش يا رشدي...والله صمته يقتلني اكتر من كتاباته..... ضحكته...اتذكرته حبيبنا قبطان الصادق... كتب تقريرا عن اخونا العزيز سيف الصغير....ما سيف الجقور...علي قول المرحوم عبد العزيز عبد الفتاح...رحمه الله رحمة واسعه... علي فكرة لم اقرا منذ مده لسيف الجقور....جعل الله المانع خيرا..وعلي وزن السيوف ما اخبار اخونا العزيز سيف كمير متعه الله بالصحة والعافية....شايفيين سرحته...مش...الليله اخر ليله وساغيب خلوني اهريكم... كتب الصادق يقول في سيف انه صامت وهذا الصمت بقلقني فلا ادري ماذا في راسه...
وانا زيو علي قول عادل امام ..يا قاشوره صمتك يقلقني...
محبتي بلا حدود...كما اتفقنا لن اراجع ما كتبت....
شكرا ابني الباشمهندس عبد الرحمن...يشرفني انني احمل اسمك...محبتي..اين انته يا اسامة....
عبدوس

الرجوع الى أعلى الصفحة اذهب الى الأسفل

شوية شخبطه في دترك عمي فعزرا

مُساهمة من طرف عبدالرحمن محجوب يوسف في الأربعاء 12 أغسطس 2009, 21:31

تحياتي
زي ماقال عبدالله محمد خير رحمه الله (من كبار شعراء منحني النيل)مع شويه تصرف,(أرجوك حدد الميعاد لو عارف متين ترجع.وارجوك قصر المشوار وابقي من الزمن اسرع.)
في انتظار قلمك الرائع. ومشاويرك عديله.
الاعزاء خالد وامجد نسمع عنكم كل الخير من جمال والزيداب لكم الود.بالمناسبه يا امجد نصر عبد الرحمن ودكتور سامح فرحات بسألو عنك بشده.
العزيز سعد كرار مزيد من الابداع مع حبي.
عمنا ميرغني تحياتي اتعرفت بيك بس بالتلفون!قيل في بن آوى (ينام بإحدي مقلتيه ويتقي بأخري
المنايا فهو يقظان نائم) لك حبي.
العزيز عكود مختفي........مع حبي.

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف خالد عبدالحميد في الخميس 13 أغسطس 2009, 09:33

عبدالرحمن محجوب يوسف،،،،، تاريخ التسجيل: 07/08/2009
مولد فنّان ،،،،، انت كنت مختفى فوق اى ارض وتحت اى سماء ؟؟؟؟
ولا فى بحر الضى حيث لا ارض وكل السماوات تتشابه
هنيئاً لهذا المنتدى بك ،،،، ولمّين جيت داخل كان الكبار فى مقدمة المرحّبين وحينها لا يجوز التيمم
لك الشكر على كل الكلمات الطيبات عبد الرحمن ( الثانى)
تخاريم :
جمال والزيداب ،،، صلاح الزيداب ده ولدنا تماما فى اى ديار هو ؟؟ بالله عليك لمّنى فيهو ؟ اما جمال لعل المقصود احد الجمالين وكلاهما جميل ،،، الاحباء جمال منصور او جمال عثمان ومصر لهما سكن ،،،لعلها الصدفة ،،، الاف التحايا لهما ولك ولصاحب البوست وللكل
ويا عبد الرحمن واصل

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف خالد عبدالحميد في الخميس 13 أغسطس 2009, 09:51

عودة لموضوع البوست ،،هذا من شخابيط الانترنت ،،،لمجرد التغيير،،اقطع لصق ولم اجد اسم الكاتب

أكثَرُ الأشياءِِ في بَلدَتِنـا
الأحـزابُ
والفَقْـرُ
وحالاتُ الطّـلاقِ .
عِنـدَنا عشرَةُ أحـزابٍ ونِصفُ الحِزبِ في كُلِّ زُقــاقِ !
كُلُّهـا يسعـى إلى نبْـذِ الشِّقاقِ !
كُلّها يَنشَقُّ في السّاعـةِ شَقّينِ
ويَنشَـقُّ على الشَّقّينِ شَـقَّانِ
وَيَنشقّانِ عن شَقّيهِما ..
من أجـلِ تحقيـقِ الوِفـاقِ !
جَمَـراتٌ تَتهـاوى شَـرَراً والبَـرْدُ بـاقِ
ثُمّ لا يبقـى لها إلاّ رمـادُ الإحتِـراقِ !
**
لَـمْ يَعُـدْ عنـدي رَفيـقٌ رَغْـمَ أنَّ البلـدَةَ اكتَظّتْ بآلافِ الرّفـاقِ !
ولِـذا شَكّلتُ من نَفسـيَ حِزبـاً
ثُـمّ إنّـي
- مِثلَ كلِّ النّاسِ -
أعلَنتُ عن الحِـزْبِ انشِقاقي

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف خالد عبدالحميد في الخميس 13 أغسطس 2009, 10:15

ومن مكان آخر ،،،إمعاناً فى الشخبطة
كان النحويّ ( البصريّ) زائراً لخراسان، فدعاه أحدهم للطعام، وقدّم له ضِمنَ ما قدّم حساءً. فقال البصريّ ماذا تسمّون الحساء لديكم:
- قال نسميه : السخين
- فقال له : فإن بردَ
- قال: لا ندعُه يبرد

لكم الود بحارا ،،،

الرجوع الى أعلى الصفحة اذهب الى الأسفل

تحياتي العزيز خلدي

مُساهمة من طرف عبدالرحمن محجوب يوسف في الخميس 13 أغسطس 2009, 19:14

عزيزي خلدي لم اكن اعرف ان الزهور في انتظاري(حسن جا حسن ما جا.......حسن يالسمحه ماعارف الزهور راجا)
اذا والله لاتيت باكرا".
جمال هو منصور بإذن الله وتحياتي لجمال عثمان ومختار!!
الزيداب كلمني امس من عدن,بلد الاديب احمد العوفي من اعماله (يا بنات المكلا .....ياشفا كل عله
يا طالعين الجبل عيني رمت فيكم .....هاتو الدوا والقلم نكتب اساميكم)
رقم الزيداب 00967713621123

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف ود كرار في الخميس 13 أغسطس 2009, 23:31

الاخ الفاضل عبد الرحمن...

لك التحايا ولود الزيداب واخونا الفاضل جمال...والسلام موصول للدكتور سامح فرحات(سامح الشاطر كما يحلو لمهدى العب بمناداته), وللاخ نصر اجزل التحايا..

والشكر والتحايا لمن تحمل مشقة توصيل التحايا...

لك الود

ودكرار

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف خالد عبدالحميد في السبت 15 أغسطس 2009, 07:22

عن عدن ،،، وطالما البوست شخبطة
قال أيمن ابو الشعر حين اتاها زائرا لسنين خلت قبل الوحدة
لمن تكحّل الزمن؟؟ لمــــن
لمن فرقتِ شعرَك الرطيب يا يـمن؟؟
ضفيرةً صنعاء! ! ضفيرةً عدن
واسترسل الى ان ختم بالعبارة البليغة
(( لا يستطيع المرء أن يبكى بعين واحدة))
تخريمة
يا امجد سامح فرحات ده ياهو ال سكنـّا مرة فى شقتو فى العصافرة،،؟؟

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف ود كرار في الإثنين 17 أغسطس 2009, 03:34

ياود الاستاذ..لك الود والتحايا وانت توزع البسمات والاشارات والكلمه الحلوه فى بيتنا الاسفيرى العامر....
قبل يومين كنا فى زياره لحى امتداد ناصر لحرمك المصون..ولقد تشرفنا بلقاء الورده صبا...متعها الله بالصحه و قابلنا منتهى العسل والدلوع حسام ربنا يخليهم ليك ويطرح فيهم البركه.

اخونا عبد الرحمن ده لازم يفضح عمرنا ويقول ليه دكتور سامح..بسلم عليك ...واحنا عايشين فى المنتدى على حس عمو عبدوس وعموا رشدى وعموا سعد الدين كرار...

د.سامح ده دفعتنا ياود الاستاذ....

ماعارف ده بوست الكلام ده ولا انا راكب غلط ...اهو كله كلام والسلام...

ولكم الود

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عبدالرحمن محجوب يوسف في الإثنين 17 أغسطس 2009, 04:54

هههها والله ياامجدون انا ساكت ساكت, من يوم خلدي قال لي صلاح الزيداب ولدنا!
انا عرفت صلاح من 8 سنين ومن يومها بناديه بعمي الناظر.
سامح ربنا يزيدو الان ابو كبير بمتحن بس كبراء المهندسين.
لكـــــــــــــــــــــــــــــــــــــــــــــــــــــــــــم الود

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عاطف عكود في الثلاثاء 18 أغسطس 2009, 01:04

عبدالرحمن محجوب يوسف كتب:هههها والله ياامجدون انا ساكت ساكت, من يوم خلدي قال لي صلاح الزيداب ولدنا!
انا عرفت صلاح من 8 سنين ومن يومها بناديه بعمي الناظر.
سامح ربنا يزيدو الان ابو كبير بمتحن بس كبراء المهندسين.
لكـــــــــــــــــــــــــــــــــــــــــــــــــــــــــــم الود
الزميل...... الاخ .......الابن ........العم......عبدالرحمن محجوب عايزين ليك صوره عشان نعرف موقعك وين من الاعراب .
التحيه للعزيز صلاح الزيداب فاخر عهدى به قبل 12 سنه (اى والله اثنتا عشر سنه ) بمواشى تبوك فله التحيه.
ودام التواصل
عاطف عكود

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عبدالرحمن محجوب يوسف في الثلاثاء 18 أغسطس 2009, 03:51

حـــــــــــــــــــــــــــــــــــــــــاضرين عزيزي.
اكيد اصغر من ود كرار,

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف خالد عبدالحميد في الثلاثاء 18 أغسطس 2009, 11:07

عبدالرحمن محجوب يوسف كتب: من يوم خلدي قال لي صلاح الزيداب ولدنا!
انا عرفت صلاح من 8 سنين ومن يومها بناديه بعمي الناظر.
لكـــــــــــــــــــــــــــــــــــــــــــــــــــــــــــم الود

ونحن عرفنا صلاح قبل 25 سنة وكنا حينها بنّـاديه بــ ( عمنا صلاح الزيداب )- ما كان بقى ناظر لسع،،،، كيف الراى؟
عبد الرحمن لك الف ود ،،، تلفون صلاح المكتوب اعلاه ما شغّال او ما صحيح رجاء الافادة،،حاولت مية مرّة
وما تنسى طلب عمّك عاطف صديق!!!

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف خالد عبدالحميد في الثلاثاء 18 أغسطس 2009, 11:21

ود كرار كتب:ياود الاستاذ..لك الود والتحايا وانت توزع البسمات والاشارات والكلمه الحلوه فى بيتنا الاسفيرى العامر....
امجد يا فردة تشكرات على الكلام الانيق،، وزيارتك للعيال بالدنيا يا حبيب مع الزمن المافى ،، حاولت الحقك بى تلفون لكن كنتو مرقتو،،سلامى للاسرة الكريمه،، ونتكلم معاكم لما تصلو جدّة إن شاء الله
تخريمة مديدة حارة:
اخونا عبد الرحمن ده لازم يفضح عمرنا ويقول ليه دكتور سامح..بسلم عليك ...واحنا عايشين فى المنتدى على حس عمو عبدوس وعموا رشدى
وعموا سعد الدين كرار...
سعد كرار ؟؟!! امجد ده قال سعد كرار ولا انا مابشوف ،،،عمو!!!! شفيق يا راااااجل
مودة طن كدة

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عبدالرحمن محجوب يوسف في الثلاثاء 18 أغسطس 2009, 20:29

الرقم صحيح عزيزي خلدي يمكن في الغاطس هوو محمد صالح عبدالله.
رسلت الصوره حسب طلب العزيز عكود لك وله كل الود.
امجد بلغت عبدالجواد ووعد بالمشاركه قريبا".
كبتن فضل برضك جاي قريب وبنحركو,مع الود

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عاطف عكود في الثلاثاء 18 أغسطس 2009, 23:47

عبدالرحمن محجوب يوسف كتب:حـــــــــــــــــــــــــــــــــــــــــاضرين عزيزي.
اكيد اصغر من ود كرار,

العزيز عبدالرحمن محجوب والله أخير اول....... حيرتنى اكتر من الاول (الصوره دى متين بالضبط كده )
لكن اقول ليك شىء اكيد اصغر من اولاد كرار الاتنين سعد وامجد)
دمت ودام تواصل الاجيال
اخوك الكبير عاطف عكود

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عبدالرحمن محجوب يوسف في الأربعاء 19 أغسطس 2009, 00:15

ههههها والله جديده السنه الفاتت ما من زمن سنار!!!!!!!!!
مره الباشمهندس الرشيد قال لي اظنك قدري!!!!

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف ود كرار في الأحد 23 أغسطس 2009, 14:08

سلام للجميع....

بمناسبة عمى الناظر...
فى التيرم التانى لينا فى الاكاديميه...وفى احدى البريكات وداخل الكافتييريا مهوى وخرمان لسجاره (ايام التدخين)...اشوف ليك واحد متكى على تربيظه واقف على استحيا , قلت فى نفسى اكيد ده ابو زميل لينا وفيه شبه لمدرسيين الابتدائى فى ذلك الزمان.....تعرفوا طلع منو ياود الاستاذ (العم على محجوب جعفر)...

استلمت رساله مباركه لرمضان من الاخ صلاح الذيداب.

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف خالد عبدالحميد في الإثنين 24 أغسطس 2009, 07:27

حلووووووة!!
1* عم على بياع الزيت،،طول عمرو عندو الشنب الضخم ما تعرف جابو من وين ؟؟ احلى منها- على استحياء -
2* على ذكر المدرسين ، امجد تتذكر طبعا ،
انو "ولدنا صلاح" لما جه الكلية ،،جانا من سلك التعليم وتحديدا من مدرسة ام دوم !!
واكيد يا عبدالرحمن محجوب ما كنت عارف دى

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف Saadeldien Karrar Ibrahim في الإثنين 24 أغسطس 2009, 14:10

سعد كرار ؟؟!! امجد ده قال سعد كرار ولا انا مابشوف ،،،عمو!!!! شفيق يا راااااجل
مودة طن كدة
تعرفوا طلع منو ياود الاستاذ (العم على محجوب جعفر)...

عم على بياع الزيت،،طول عمرو عندو الشنب الضخم ما تعرف جابو من وين

سلام خالد وأمجودى
يعنى لازم أنا وأخوى الكاشف Laughing يا امجد
إنا أذكر ياخالد ونحنا فى الكلية
مره أمجودى عامل بيعزف فى جيتارى
وقعت نضارتو فى داخل الجيتار
طبعاَ قطّّع الوتر ال5 و4 عشان يطّّلع نضارتو
وكان فى إقتراح من الفرده الثاثة عمر خلف الله طايو.......ه
ياأمجد خلى النضاره فى داخل الجيتار ّذكرى
لحبيبنا سعدون Very Happy Laughing Very Happy ....و
يعنى من زمااااااااااااان

أما ياخالد لو عايز تعرف شنب عمو على Very Happy من وين ؟
دا شنب الرجاله التقوّم النفس queen ...ها ها
سلام
وكل سلام محفوف بوئام
وكل وئام نابع من وجد
وكل الوجد منثور حواليكم
ودامت أيامكم سعد
سعدالدين كرار

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عبد العظيم الامين الطاهر في الجمعة 28 أغسطس 2009, 05:28

كل ما أقبّل وأعاين

ألقى عينيك جات في mine

حاجة very good

حاجة fine

يا suger مصنع كنانة

يا flour مالية البطانة

إنتِ fantastic banana

إنتِ my eyes رتينة

إنتِ where is مابتجينا

إنتِ عينيك فيها light

إنتِ شعرك dark night

إنتِ طبعك كولو right

إنتِ my heart إنتِ نورو

إنتِ my love البدورو

عايز أشوفك more tomorow

عايز أشوفك more tomorow

الرجوع الى أعلى الصفحة اذهب الى الأسفل

رد: شخبط شخابيط لخبط لخابيط..غايتو جنس غايتو

مُساهمة من طرف عبدالمنعم جنيدابي في الثلاثاء 06 أكتوبر 2009, 21:13

عبد الرحمن الزين كتب:اول الحكي...خلدي العزيز....علي فكرة خلدي دي علي وزن رشدي...شفته انا بعزك قدر ايه...ود عكود والله مشتاق...لا تحرمنا من نبضات الكي بورد فايمنا اكون استمتع بكتاباتك..لا تبخل علينا...
اخر الحكي...اين جني..... حملة تبرعات لشراء لاب توب له حتي يتخلص من شحدة المدام....قصدي شحدة اللاب توب...مرات يدوه ومرات يحرموه ونظل نحن في انتظار اروع الاقلام...
.

عبدوس

العزيز عبدوس
لقد اثلج اقتراحك صدري وانا اثنيه , وسوف يكون البند الاول في اجنده
المباحثات القادمه مع الشريك في موضوع القوامه .
لكن هي برضو ما بتخليني اسوق عربيتها الاتوس الا لمن تكون مرسلاني
اودي المكوه واجيب معاي دكوه .
وكمان ما بتخليني اصور في المناسبات بالكميرا بتاعتها الديجيتال وكمان
بالموبايل بتاعها ابو كميرا مع انو موبايلي تلاتتين عشره ..بلا كشره
تخريمه :
ما قلت حاغيب تلاته يوم وحارجع!؟؟ . الحاجه اللذيذه الخلتك تغيب 15 يوم
دي , اذا بتتاكل ادينا لقمه , واذا بتتشرب ادينا جغمه , واذا بتتكدّ ادينا
عضّه .

في انتظارك انت وعمنا علي احر من الجمر

جني الشحاد






عدل سابقا من قبل عبدالمنعم جنيدابي في الثلاثاء 06 أكتوبر 2009, 21:23 عدل 1 مرات (السبب : اضافه كلمه تخريمه)

الرجوع الى أعلى الصفحة اذهب الى الأسفل

صفحة 1 من اصل 40 1, 2, 3 ... 20 ... 40  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى