فنجان قهوة

صفحة 5 من اصل 30 الصفحة السابقة  1, 2, 3, 4, 5, 6 ... 17 ... 30  الصفحة التالية

استعرض الموضوع السابق استعرض الموضوع التالي اذهب الى الأسفل

رد: فنجان قهوة

مُساهمة من طرف محمد الجمل في الخميس 04 فبراير 2010, 12:55

العزيز صاحب القلم الرشيق خالد ...كيف عوالمك ومشاويرها ؟ الله يحفظكم ويديكم العافية كلكم..دي الخاصة
اما العامة فهي قصة ( دروشة وانفتحت ) وذي ما قلت نحن ما بعيدين من ذكري رحيله . الله يرحمه
فعلي الاخ راشد ان يبدأ ويستعد للورود (بتاعت الاسد) ونري منه بعض من اشراقات الراحل مصطفي ...وكل المعجبين يتهالمو الي فنجان قهوة علي حساب الاخ عاطف
مع السماح للاخ راشد باحضار (موكتو)
طبعا موضوع الدراويش ما زال قائما لكن يا اخي عاطف كيف لدرويش (مرقع توبو)
عربيتو تكون مو 2010 ولا دا الما مرقع المهم شوفوا الموضوع ده ســــــــلام

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الخميس 04 فبراير 2010, 15:07

الاخوة الاعزاء ابوصبا والجمل....
عبد الرحيم شخصية رمزية للطبقة الكادحة (الغبش)..اما الدرويش فهو ليس رمزا بل هو تجسيد لسمو روحي ..فعبد الرحيم المعاناة خلقت منه عبد الرحيم اما الدرويش فروحانيته سمت به للانسلاخ من المحيطات المادية والدنيوية التي قوامها المادة (وقد يكون في الاصل غنيا) فقد وهب سيدنا ابوبكر كل ماله لنصرة المسلمين وحين سئل ما ابقيت لاهلك ..قال الله..(هذا جوهر الصوفية) ...اراد البعض اختبار المتصوف الحلاج وكان جالسا عند شاطئ البحر هائما في ملكوت الله فأتوا بامراءة عارية مارةً بجواره وصاحت به وهي واقفة قبالته : ياعبد الله ...فالتفت اليها قائلا : لبيك الله ....فأين نحن منه ..حين يتحول المرء من حب الخلق للخالق ويتجرد من مادية الدنيا لينطلق في ملكوت لا نهائي...أريت الفرق ود الاستاذ..؟ فكم منا قد رأي امراة منقبة محجبة وادام النظر اليها فعراها حتي نخاع عظمها ....الدرويش يري عارية فيكسوها برقعا وجلباب وقار من الراس لاخمس القدمين....
.....................
.........
فعبد الرحيم نبذته الدنيا ...
والدرويش نبذ الدنيا.....
....
..
ولماذا نذهب بعيدا فالنسمع للشاعر المتفرد الفيتوري في ياقوت العرش وهي صوفية روحا وتكوين ومفردة:
لن تبصرنا بمآق غير مآقينا ..
لن تعرفنا..
ما لم نجذبك ..فتعرفنا ..
وتكاشفنا...
أدني من فينا قد يعلونا يا ياقوت
فكن الأدني ..
تكن الأعلي فينا..
.....
..............
ولكم حبي

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الخميس 04 فبراير 2010, 15:19

أخي الغالي الجمل....
لا والله انتم كتاب ومبدعي هذا المنتدي وما انا إلا شخص يسرق من وقتكم ليسعد بكم ومعكم ...وأعلم يقينا بأني الادني فيكم ولن أكون الاعلي ....
الاستاذ الراحل مصطفي كان تظاهرة مشاعر واغانيه بشعرائنا الذين كما قلنا سابقا هم الغبش الذين شربوا دقائق الغبار مع حليب امهاتهم فاكتست به سحنتهم فصارت غباشا (وهم الغبش ابين مسوحا مي) (قرايته عايزة صوت) ..هو وهم نقلوا مشاعر الوجع والمعاناة ومرارة الحياة وقسوة الحكام واجحاف الحياة من سبات نومها التي مزقت الدواخل لواقع اساسه الكلمة واطاره لحن بصوت تدمي له المسامع قبل القلوب ..
.....
...
فرائع أن يرحل الانسان كيانا ويُبقي خلفه اثر من نور يهب الامل ويمسح الالم
يطول الحديث ولن نوفي لا قولا ولا وصفا ولا ..ولا
وسنلتقي علي موعد باذن الله


عدل سابقا من قبل راشد في الخميس 04 فبراير 2010, 15:34 عدل 1 مرات

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الخميس 04 فبراير 2010, 15:22

لا تنسي اخي خالد ..أن امونة هي رمز المراءة التي ارهقها الزمن ولكنها لم ترهق زوجها بقولها جيب وجيب ...ارايت كم هي رائعة.............

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الخميس 04 فبراير 2010, 15:30

لا والله ياجمل كباية الموكا كانت مجاراة لحياة رفاهية محمد شاه بهلوي ليس إلا.. وها نحن عدنا للجلوس علي ابسطة الغبش التي سجادها رمله دقاقه وبعض من غبار فيختلط محيط الواقع بلون البن ....ولن نشرب إلا قهوة
لك حبي

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الخميس 04 فبراير 2010, 17:45

ابوصبا.....ود شلكاوي بالف خير والحمد لله .......
يبقي عليك مهمة جيبتو المنتدي ..ارجوك اعفيهو من بوست الاجتماعيات الراجل خاف عديل لدرجة انو بقي فاتحة مابمشي بيعزي بالجوال وبس............


عدل سابقا من قبل راشد في الخميس 04 فبراير 2010, 17:53 عدل 1 مرات

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الخميس 04 فبراير 2010, 17:48

عاطف عكود كتب:]بحر من الدراويش[/right]
ودكرار وينك ياراجل تغطس فترة وتظهر طشاش مرة مرة وذى ماقال جنى ... هو قال شنو ؟
ليك وحشة ياسيدى ودام التواصل
عاطف عكود
طبعا ياود عكود ود كرار لابد ما يمرقو إلا السيل القوي ..اقصد الشديد القوي

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف خالد عبدالحميد في الجمعة 05 فبراير 2010, 11:15

mhmdaljamal كتب:
وذي ما قلت نحن ما بعيدين من ذكري رحيله . الله يرحمه
فعلي الاخ راشد ان يبدأ ويستعد للورود (بتاعت الاسد) ونري منه بعض من اشراقات الراحل مصطفي ...وكل المعجبين ي

ســــــــلام
ويا سلام عليك ، فى تقديرى انو مصطفى سيداحمد كان فلتة من فلتات هذا الزمان ويحتاج الف بوست ،،غنى باحترام وكان فائق الجودة فى اختيار الكلام والشعر الذى غنى ،،افتحو البوست ونتجادع فبنا للراحل عشق وللقصائد التى دندن بها
اما سمعت
رشّحت حلقك لى إذاعات الشجر
او حديثه عن نشرب بواقى السيل،،وخطابه للحرية وناس تصفر وناس تدفر وفى البشابى على نجومك
اما الوطن
فلا زلنا مع الطيور الما عارفة حاجة
سؤال تخريمة لا علاقة له
غنى حمد الريح قبل الف سنه ،،انا بحار غريب
من مؤلف القصيدة واى بحر كان راكب ؟؟ اللى عارف يفتينا
نعووود إن شاء الله

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في السبت 06 فبراير 2010, 14:17

اخوي ابوصبا....
والله وفيت وكفيت ...وانا لن اكفي ولا بوفي لان الندية تنعدم حين التلكم عن الشموخ وعن انسان استطاع ان يجعل من الغباش ثوب مزركش زاهي حتي صار موضة وسمة آنذاك ...فهو لم يكن حلمه الشهرة ولا المال ولا الخلود ..فرحل فقيرا كما ولد ولكن بثروة من الخلود في نفوس الناس غنيا وفقيرا ....
.......والمفردة لعبت دون لا يمكن تجاوزه في تكوين الاستاذ مصطفي واظنه محظوظا لتواجده في وسط هذه الباقة المعطاءة ...ومنهم الفذ ازهري محمد علي:

أدسك فى خلايا الدم
تمرقى بى خراج الروح
حمل كاذب رعد أبكم
حبل متروك على القارب
واشوفك فى الحصار باهته
نتف غضب العُصار ريشك
حتل فيك الكلام الرخو
نقز فى دمى درويشك
......
..
ماروعه من كلام ..
.....
...
تخريمة:
شايف ياابوصبا الدرويش موجود في نخاع الغبش (شهد شاهد من اهلها) ..مش قلت ليك انو في اعماق كل سوداني يسكن درويش ..؟
تخريمة:
بالمناسبة اهلنا ناس توتي بيسمو المسافة بين شارع النيل وجزيرة توتي بحر ..(عليه يصعب تحديد البحر ..)

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف عبدالمنعم جنيدابي في الأحد 07 فبراير 2010, 04:52

الاخوان راشد وود الاستاذ
وطالما الكلام عن الرائع مصطفي سيد احمد ،،،، هاكم الاغاني دي :
http://shahss.com/mustfa.html

دمتم ودام التواصل

جني

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الأحد 07 فبراير 2010, 16:30

الحبيب جني...انا بقيت يومي اطمن عليك عشان موضوع موية النار...طبعا انت صاحب الفضل الاول في اكتشافي واقتحافي عالم (shass) فلك كل الشكر وما جديد عليك..
ولكم اقول من خلاله:
وألقاكى مبسوطة اليدين
مفتوحة أبواب الرضا
أبداكى من لحظة أنستِكْ نار
وأخدت من قبسك .. هُدى
.....
..
تخريمة:
ياجني وين العزيز ود عكود و محمد احمد ..........؟ يكون لابدين ليهم علي راي..؟

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف عبدالمنعم جنيدابي في الأحد 07 فبراير 2010, 21:08

الاخ الحبيب محمد راشد
بالنسبه لعاطف هذا ،،، والجماعه بتوع الخليج ،،، سرّهم تلقاه في امريكا بالرغم من بعد
المسافه .
اما بالنسبه لاحمد محمد احمد هذا ،،، فامره عجب ،، وما شمارات زيارته الاخيره لبورسودان ببعيده
عن الاذهان ..تحكي ولا نحكي يا ابو حميد ... ولا نعمل نايمين احسن ؟؟؟؟؟
في احر الشوق لكم جميعا امريكا ،،، الخليج ،،، السودان ،،، وحتي لندن ذاته .
وعووووووووووووووووووك

جني

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الأحد 07 فبراير 2010, 23:44

جني الحبيب والعجيب....
بعيدا عن السياسة ياابو الجن طبعا امريكا ليها مصالح استراجية في الخليج ود اكيد مش سر فعليه لا حاجة للاندهاش بشأن الاتصالات فهي ظاهرة صحية لهم وغامضة لاهل دول العالم الثالث ....
طبعا دخلت في حيص بيص ابو حميد البتستأذنو ده انا ولا محمد احمد ..؟
.....................
.........
وياهلا بالحبايب برا وبحرا وجوا .......................

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف عبدالمنعم جنيدابي في الإثنين 08 فبراير 2010, 04:51

الحبيب الغالي محمد راشد
يعني ما تدق شديد علي الخطرفات القاعدين نكتبها ( ما تحكّها كده ) وطبعا لمن رجعت ليها
فعلا لقيت عندك حق عشان كده اعمل نايم وخلي احمد محمد احمد في الطوّه .
وشكرا جميلا علي المتابعه الدقيقه .
تحياتي

جني

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الإثنين 08 فبراير 2010, 18:26

الغالي جني ...
ياسيدي ماحدش حوش من الدنيا غير العمل الصالح...وكل الحاضرين والغايبين حبايبنا....
وخليك من موية النار وخد النكتة دي:
قالوا واحد متلقي حجج من النوع الاصلي ومخوف ليك ناس الحلة لو اشبك مع اي واحد يديه العايزو عشان يتفك منو ...قالوا يوم قال لناس الحلة انا طالب العمدة مية الف جنية ..ناس الحلة مسكتم ام هلهلا كمان جابت ليها عمدة ..لكن الراجل مصر علي رايه وقرروا علي كدة انو يجتمعوا عند العمدة...فواحد من الجماعة الشليقين عايز يغطي علي العمدة عشان مكانتو الاجتماعية فقام قال لاخونا بتاع الشبك ده: ياخي المية الف دي انت ماعايزة من العمدة دي انت عايزة مني انا ...فالتقت عليه صاحبنا وقال ليه: لا حقت القريت بيها نحن ضامننها ..المشكلة في مية العمدة الناكره دي..

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف عبدالمنعم جنيدابي في الإثنين 08 فبراير 2010, 20:57

الحبيب محمد جنيدابي
اقصد محمد راشد
يا سلام والله يا راشد والله لقد ضحكت كثيرا حتي سالت دموعي ولا زلت اضحك حتي الآن في ابو الشربوك
ده ..ايوه كده ادونا الحاجات الظريفه دي عشان الواحد روحو المعنويه ترتفع شويه وينسي الراجيه .
وبرضو بعيدا عن اللي ما بتتسماش هاك دي :
واحد جعلي متزوج جعليه ... بعد سنين طويله علي زواجه منها اتزوج عليها واحده مصريه .. وطبقا لقانون
العدل والمساواه بدأ بتوزيع الايام بالتساوي بينهما .. ومع مرورالايام بدأت ترجح كفه المصريه فصارت يومين
مقابل يوم للجعليه .. واستمر الوضع في الزياده للمصريه حتي استقر علي اسبوعين للمصريه مقابل يوم واحد
للجعليه .. اغتاظت الجعليه غيظا شديدا وبدأت تسأل الناس عن ماذا تقدمه المصريه زياده عنها حتي ينحاز اليها
هذا الانحياز السافر ... اخبرها المحيطين بها بان المصريه بتنتظر الراجل وتشيلو من خمش الباب حتي داخل
البيت وتقوم بمساعدته في خلع ملابسه وتقوم بغسل ارجله في الطشت وباقي الحاجات الانتو عارفنها .. ونصحوها
بان تفعل بالمثل عند حضوره اليها في المره القادمه .
وفي اليوم المحدد جاء الزوج وقام بفتح الباب ... عندما انفتح الباب فؤجئ بها في انتظاره في المدخل وهي في
ابهي زينتها .. استغرب وسألها علي غير عوايدك الموقفك خشم الباب شنو ؟؟ فاجابت ،، ما عايزه اشيلك شالك
الله .

جني

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الإثنين 08 فبراير 2010, 23:30

سلامات ياظريف...
طبعا الواحد ماشي معاك في الخط لحدي مايلاقي نفسو عايم عوم في موية النار...
قالوا واحد تكروني متزوج بت عمو وامورو مشت فقام اتزوج لبنانية ..فبرضو كمان من باب المساواة قال لزوجتو ياخي انا عايز اوزع الايام بيناتكم يعني بالتساوي شهر عند اللبنانية ويوم عندك ..وزوجتو راكبة راصة مستحيل ده ماعدل وكرهتو ليك الحياة في النهاية زهج منها قال ليها طيب يومين عندها ويوم عندك وبرضو حلفت يمين ماممكن ...طيب يوم عندك ويوم عندها ...قالت ليه : لا ...اب جقادة عايز يجن عديل كدة ...دايرة شنو طيب..؟
قالت ليه: البنانية يوم عندك ويوم عندي...........
..............
.....

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف عاطف عكود في الإثنين 08 فبراير 2010, 23:41

عبدالمنعم جنيدابي كتب:الحبيب
..ايوه كده ادونا الحاجات الظريفه دي عشان الواحد روحو المعنويه ترتفع شويه وينسي الراجيه .
وبرضو بعيدا عن اللي ما بتتسماش هاك دي :
جني
الحبيب القلوى جنى
ياخى جهجهتنا وبوظت اعصابنا ساكت طلعت مافى موية نار ولا حاجة , لينا كم يوم لابدين قلنا نشوف جر الشوك فى .... الشنو كدى ماعارف . ولقيتك حايم من بوست لبوست اخر مرة فى بوست الاخ مهدى (وبالمناسبة دى منور المنتدى يامهدى بعد غيبة ) ومرات فى قهوة اخونا راشد الله يديه العافية ومرات مع الحبيب الجمل (وله التحية مع العودة وبقوة للمنتدى )ومرات ومرات مع العزيز بودى والنصايح والتى حفظناها لليوم الابيض مع انو ماركزت فى اللبن هل قليل الدسم ولا خالى الدسم لكن اظنو كلو بشتغل والله اعلم ؟ فله التحية . وكمان اخونا احمد محمد احمد ماقصر وكمان الغالى ودالاستاذ اداك حقك , اما العزيز زائر الليل ود كرار شغال معاك ورادى الله يساعدو .
ياسيدى اسبت و اركز وارجع لى مسماك اقصد للبوست بتاعك (البوست بتاعك دى كنت عايز اختصرها فى كلمة واحدة لكن لقيتها ما جاية ! ) جنى وصل وبمناسبة الحاجات الظريفة الفوق دى كمان هاك دى من واحد محششاتى اختلط علية خبر زلزال هاييتى وخبر سقوط الطايرة الاثيوبية فى لبنان قال :
عاااااااااااجل : تحطم طائرة صغيرة تتسع لراكبين فقط ... فوق أحدى المقابر , وقام فريق من المحششين بانتشال اكثر من 150 جثه ومازال الحفر مستمرا فى محاولة العثور على ناجين .
ودام التواصل
عاطف عكود

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الإثنين 08 فبراير 2010, 23:57

والله ياود عكود انت مجنون عديل ..طبعا مستحيل تختصر (البوست بتاعك) في كلمة واحدة..ولا كنت تشرب موية النار زي الشوربة ..
ليك وحشة بالجد ..انت قلت لي منوالبحشش ...؟
قالوا واحد مسطول مولع سجارتو في الشارع وسرح ياراجل لحدي ما اتخيل نفسو مدير الشرطة ..فجاءة عسكري شم ريحة السجارة وجا للراجل السمطول واخونا المسطول مشغال بيه خالص ..بقي العسكري يعاين للراجل المابخاف ده ...فقام العسكري اتنحنح عشان يمكن يكون ماشايفو ..فقام المسطول رفع راسوربشوش وعاين ليه من فوق لتحت وقال ليه: اوع تقول لي عايز ترقية..

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف عاطف عكود في الثلاثاء 09 فبراير 2010, 00:11

راشد كتب:والله ياود عكود انت مجنون عديل ..طبعا مستحيل تختصر (البوست بتاعك) في كلمة واحدة..ولا كنت تشرب موية النار زي الشوربة ..
ليك وحشة بالجد ..انت قلت لي منوالبحشش ...؟
قالوا واحد مسطول مولع سجارتو في الشارع وسرح ياراجل لحدي ما اتخيل نفسو مدير الشرطة ..فجاءة عسكري شم ريحة السجارة وجا للراجل السمطول واخونا المسطول مشغال بيه خالص ..بقي العسكري يعاين للراجل المابخاف ده ...فقام العسكري اتنحنح عشان يمكن يكون ماشايفو ..فقام المسطول رفع راسوربشوش وعاين ليه من فوق لتحت وقال ليه: اوع تقول لي عايز ترقية..
الحبيب راشد سلامات ياسيدى
انا ماشى لى مشوار وراجع لكن هاك دى بمناسبة صاحبك الاتخيل نفسو مدير الشرطة
قالو اتنين مساطيل ضربوا سيجارتم ( قدام الجبل والتحية لمهدى) هى بسم الله قدام البحر وقعدوا جعانين جوعة شديدة خلاص المهم وهم قاعدين واحد سمع صوت الضفادع تكورك غاغ غاغ غاغ .. قام سال صاحبو قال لية دا صوت شنو ؟ صاحبو قال لية دا صوت ضفدع . صاحبك قال لية والله انا قايلو صوت طحنية
ودام التواصل وراجع ليك انشاء الله
عاطف عكود

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف عبد الرحمن الزين2 في الثلاثاء 09 فبراير 2010, 01:55

الله يسعدكم جميعا بس اوعي تقومو تشيلكم الهاشميه وتكتلكم الظرافه اخر الليل... وما تلقو موضوع تقومو تحكو النكات دي..ده ياهو البجيب الهوا ومويت النار..الذ ما اضحكني في نكتة الجعليه يا جني انها ..... وتشيلو من خمش الباب ...
الذ حاجه خمش دي ياربي مقصودة والا جات كده
هاكم دي باين رحنا فيها..
قالت ليهو ...انا ماعرفته انك انسان مغفل الا بعد ما عاشرتك عشرة سنين.....قاليها انا عرفته روحي مغفل من اول يوم عقدت عليك...
محبتي

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الثلاثاء 09 فبراير 2010, 02:38

الغالي ود الزين....
تشكر علي الطلة ...طبعا الايام دي انتوا كما جبتوا خبر الواحد مابترتاحوا مع موجة موية النار الحايمة دي..يادوب مرقنا من فوبيا انفاونزا الخنازير ودخلنا موجة موية النار ...لدرجة انو الواحد بقي لما يجي البيت متاخر سفن اب مابشربوعشان ما يقوم يطلع موية نار....
شنو الحكاية ...ماقلت جاي علينا...؟
.....
...

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف عبد الرحمن الزين2 في الثلاثاء 09 فبراير 2010, 03:35

راشد درة المنتدي..والله القومه ليك وانت تتحفنا ..ياخي نحن كلنا فداك..وقطعا من ينشر الحبور والفرح وسط زملائه قطعا لن يحرم ال بيته..من ملاطفة.. عشان كده انا مطمئن ما بجيك عوجه..كعبين ناس نحنا البندخل صارين قبال ما يصروا ليك..والناس البقعدو مع ستات الشاي في شارع المليون بليد...

بجيكم يا غالي وبزور البيت والقبر بس خلينا نفضفض قبال ما نغسل
هاك دي كمان
قالت ليهو انا اتمني اكون جريدة...علي الاقل تمسكني في ايديك كلو صباح...قاليها والله انا ذاتي اتمني انك تكوني جريدة ..علي الاقل اغيرك كلو صباح...
خلو نومكم خفيف..

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف عاطف عكود في الثلاثاء 09 فبراير 2010, 03:48

راشد كتب:اخوي ابوصبا....
والله وفيت وكفيت ...تخريمة:
شايف ياابوصبا الدرويش موجود في نخاع الغبش (شهد شاهد من اهلها) ..مش قلت ليك انو في اعماق كل سوداني يسكن درويش ..؟
ضربة البداية من اخونا الجمل , والغالى ابوصبا وفى وكفى على قول راشد , والحبيب جنى ما قصر وجاب وصلة عديل رغم الحصار ووضعة الداخلى الصعب , اما انت ياخونا راشد هاك وكمان تانى ( تختا الدراويش الضّريحْ .. يسكن خلاوينا الجنون ) اما العزيز اسامة فى انتظار مداخلتك ودا بالمناسبة انا نصبتو ليك شرك عديييييل مع سبق الاصرار والترصد ( يعنى قاصد عديل والزارعة الله فى الكدوس بتقوم (ياخى غيبتك طالت )
وهاكم بعد الاستئذان من العزيز والرقم الصعب والشاعر الفحل البديع محمد الحسن سالم حميد
النص الكامل ل (نورا والحلم المدردح ) وقد اختار منها الراحل المقيم اساذنا مصطفى سيداحمد علية الرحمة ما اختار من مقاطع لميلاد نص جديدة دون ان يختل به النص الاصلى ولا النص الجديد.

آه يا غُبُشْ
ما عندي ليكم غير نغيم ..برجوه ينفُض
لي غبار زمن القسا ..الكتّاح
يهِزْ عرجون نخل صبر الغلابة الطالْ ..
يحِتْ يخرِتْ ..تباريح الأسى الممدودة فوق نور الدُّغُشْ
يا نورا آه ..
يحرَد كنائسنا المسيح ..يعرش مدارسنا الصّدى

ييبس .. يباس حلق العصافير الوديعة من البُكَا
يندَرْدَرْ الصّوت البعيدْ .. أسيان يصُد من دون صدى
ينكَفْرَنْ الفجر الصّبوح .. يحمي الزهيرات الندى
تختا الدراويش الضّريحْ .. يسكن خلاوينا الجنون
يهجر جوامعنا الإله يا نورا آه ...
تطرح غيوم الشوق تئِنْ .. تشرَقْ تموت
خيل .. كلمة الحق التّناهِدْ في الشِّفاه
تعقِر بسيمة الصِّحْ مع لوبي الجّروفْ
تغرِزْ ضريعات الحروفْ ينشف مُرَاح الأمسيات ..
تتمطّق الأرضة المروق والأغنياتْ
اللّي الشّروق .. والأرضوالحب والمطر تضْهَب تتوه ..
وكتين يضيع عرق الجِّباه الشُّم ..
شمار في مرقة آه يا نورا آه ...
من دّرْبِكْ التّور نَفَس خيل الصّبُر ..
فَتّر خطاوي الشّوق وراه يا نورا آه ...
ساعة الشّموس الغُرْ .. تهضلمْ
تلحق الصِّح في المغاربْ تدفر الضو الكهاربْ
في وشيّكْ تذفر المدن الضّبابية
السّرابية ... الكآبة
وحائط التيِّه والطّشَاشَات
فوق قِفيِّكْ يا أم عوارض .. مو دعاشة ..
ماها شبّورة وتقيفْ
جايي ليك يا نورا غيمة .. تملا ماعونك خريفْ
يملأ عينيك ويفضِّلْ .. يروي جوّاك ... العطاشة ..مو دعاشة

يا مطر عِزْ الحريقْ يا مصابيح الطّريقْ
يا المراكبية البتجبِدْ من فَكْ الموج الغريق
يا الجزاير النتحويبا .. لما إنشعوز بحرنا
جينا ليك والشوق دفرنا
يا المراسي النتحويبا .. لما إنشعوز بحرنا
يا نشوغ روحنا ودمرنا
يا المحطات الحنينة ... القصّرَت مشوار سفرنا
يا ما شايلك بيني حايمْ أيوة شايلك .. بيني حايمْ
في الأرِضْ تكوين قضيّة .. !!! في السّمَا الأحمر .. غمايمْ
بي برِدْ نغما السّلامِي . ..رَطّبَتْ حلق الحمائمْ
طنبر النّخل التبلدي .. راقص الأبنوس وصَفّقْ
سَوّتْ الصقرية موجة خَلّت النِّيل هاجلو هوجة
بشّرت بالخير بلدنا .. شالت الشّبَال نسائمْ
جدّدَتْ زلفي القديم ..أمشي بي الماشيبو أقاوم
لا بتكَبِّر راسي فورة .. لا بتصغِّرني الهزائمْ
جِنْس يا نورا ابن آدم ..حلمو في عالم مسالِمْ

لا اللّيالي الماها ليّا .. لا الشّمَاتات العليّ
لا البنوك المخملية لا تفاهات الحضارة ..
لا عفاريت المدينة .. لا العمارات السّوامِق ..
فوق ضَهَر ناساً فقارى لا الهتاف الفاوة ضارى
غطى بالي من الفوارق .. لا الألوهة الطوطمية
لا البرندات الوسيمة .. ولا الأسامي الأجنبية
بتمحى من عيني ملامحِكْ .. وإنتي جاية المغربية
جايي دايخي المغربية .. وشِّك المقبول مكَنْدَكْ ..
سامسونايتك زمزمية
كونشبر ..مرزبة..مقطع ريشة فانوساً مدَرْدَحْ
قلت بيهن لي زمانك .. يا زمان الحاجة عندكْ
يا زمان الآفة حدّكْ .. لا تطا الوردة الصبية

يا نفس فجر القصائد .. يا بلادي
القَطَع قلب الرّوادي باللُّواج الجاي وغادي
ده ما هو صوتِكْ .. لاها صورتِكْ
دي البترقش ناديي فوق صدر الجرائد ..
ماها صورتك !!!! لا هو صوتك ..لاها صورتك !!!

إنتي يا الفي إطْن الصّحَارَى شُفّع العرب الفتارى
البَفِنّو الشايلا إيدُنْ .. ويجرو كابسين القطارة
يجرو باريين القطارة
لا سراب الصّحراء موية ..لا حُجار سلّوم موائدْ
إنتي في الغابة اليصارِعْ .. جوفو للآهات تلكِّي
ياما دفّقْ غيم رجاهو ..لكن الأيام كركِّي

في خلا حالنا اليمحِّن .. ويملأ بالسُّهد الوسائدْ
إنتي غيمة ..شديرة ..خيمة ..
إنتي جاهنا .. والتّقَا الطّلَقَت وشينا ..
فرّقَت غُمّة جباهنا فرّجت في الحارّة ضيقنا
فرّحَت شُفّع فريقنا والمواعين الحزينة ..وإتجاهنا
يا النغيم البقّ فينا .. وشدّ لي وتر إنتباهنا

يا تباشير يا بشارة إنتي يا ضرعاً تَكَرْمَشْ ..
شان يرضِّعني الجسارة
إنتي في منفاي رفيقة .. وفي حشا الأشواق حرارة
يا هُدَى النّاس الحيارى يا ندى الفجر اليبلِّلْ
صور عوينات الفقارى
جاي ليك .. آه جاي ليك .. جاى ليك يا نورا آفة
آفة للسوس الجا ينقُرْ ..عود عشيماً داخرو فيكْ
وأصلي لمن أدور أجيك .. بجيك
لا بتعجِّزْني المسافة لا بقيف بيناتنا عارِضْ ..
لا الظُّروف تمسك في إيدي ولا من الأيام مخافة
يا نفس فجر القصائد .. ما ضِهِبْ في بُعدي عنِّكْ
واصلي متغرِّب عشانك .. راضي بالبيجيني منِّكْ
ما بكيت شُحْ اللّيالي لا شكيت نُحْ .. شلتو حالي
رغم إنو الحال بيفسَخْ .. إلا كُت في الحارة بصرخ
يا وطن عِز الشّدائدْ ... يا وطن عِز الشّدائدْ
ودام الابداع وللة دركم
عاطف عكود

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف عبدالمنعم جنيدابي في الثلاثاء 09 فبراير 2010, 03:58

عبد الرحمن الزين كتب:الله يسعدكم جميعا بس اوعي تقومو تشيلكم الهاشميه وتكتلكم الظرافه اخر الليل... وما تلقو موضوع تقومو تحكو النكات دي..ده ياهو البجيب الهوا ومويت النار..الذ ما اضحكني في نكتة الجعليه يا جني انها ..... وتشيلو من خمش الباب ...
الذ حاجه خمش دي ياربي مقصودة والا جات كده
هاكم دي باين رحنا فيها..
قالت ليهو ...انا ماعرفته انك انسان مغفل الا بعد ما عاشرتك عشرة سنين.....قاليها انا عرفته روحي مغفل من اول يوم عقدت عليك...
محبتي
العزيز الكابيتان عبدوس
ماشاء الله شايفك بديت تفتح تمام ونفحاتك تتزايد وتيرتها ... بالنسبه لكلمه خمش الباب ،، طبعا ظاهر
منها انها غلطه مطبعيه لكن ما الذي اضحكك فيها هل هو المعني الظاهري والذي كنت اقصده عندما
كتبت المداخله ام المعتي الباطني والذي اكتشفته عندما قرأت المداخله بتاعتك ؟؟؟
تخريمه :
يا زول الناس القاعدين يقعدوا مع ستات الشاي في شارع المليون بليد ديل منو ؟؟؟؟
بالله واصل المطر بتاعك ولك تحياتي وشكري

جني

الرجوع الى أعلى الصفحة اذهب الى الأسفل

صفحة 5 من اصل 30 الصفحة السابقة  1, 2, 3, 4, 5, 6 ... 17 ... 30  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى