فنجان قهوة

صفحة 2 من اصل 30 الصفحة السابقة  1, 2, 3 ... 16 ... 30  الصفحة التالية

استعرض الموضوع السابق استعرض الموضوع التالي اذهب الى الأسفل

رد: فنجان قهوة

مُساهمة من طرف الفاتح محمد ادريس في السبت 19 ديسمبر 2009, 17:28

الاحباء كل سنه وأنتو طيبين
عدت من جده قبل ومين ولازلت مريض ماعارف دى انفلونزة خنازير ولا بقر والسبب أمجد لأنه حمانى البس الكمامات قال دى حنكشه ولو.....
شكرا للأخوان أمجد ومنزول وأمين لحسن الضيافه والشكر الشديد للأبن الفاتح عابدون أبن كابتن عابدون والله قام بالواجب وزياده وربنا يحفظه والشكر لكابتن شمس وكابتن تاج .

الأخ مهدى وأنشاء الله حأكون فى الخرطوم يوم 27 لازم نتقابل أرجو اخطار الدربكين ت. 0912310113

الفاتح

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في السبت 19 ديسمبر 2009, 18:14

الاخ العزيز الفاتح..
انشاء الله عمرة مقبولة ..طبعا انا كنت في جدة وسمعت انك جيت زيارة وكان اقلو تجينا زيارة المدينة المنورة حتي نلتقيك واطمن مافي طواف يعني زيارات وبس ...
وانت الصادق دي انفونزا الحجاج وماتخاف ..بس كتر من الرتقال وفيتامين سي

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في السبت 19 ديسمبر 2009, 18:20

الاخ الغالي ود عكود...
والله ليك وحشة ..وشايفك متخصص سمك وفك طلاسم الخط والكتابة ..والله حاج خالد وريه محل السمك وبس من غير اسماء لانه سبق وقلنا المزمهر يقاد للمكان ولا يرشد اليه...(اكيد ح يرد علي من كل نفاجات المنتدي)..
تخريمة:
وكل سنة وانت واهل المنتدي طيبين (رأس السنة الهجرية)
تخريمة:
والله شفقتوا الواحد بموضوع السمك الشوربة والمقلي وعصيدة الدخن (شنو الحكاية بالضبط؟؟؟؟؟؟؟؟؟؟؟؟؟؟؟؟؟؟؟)

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف عاطف عكود في السبت 19 ديسمبر 2009, 19:26

راشد كتب:
الاخ الغالي ود عكود...
والله ليك وحشة ..وشايفك متخصص سمك وفك طلاسم الخط والكتابة ..والله حاج خالد وريه محل السمك وبس من غير اسماء لانه سبق وقلنا المزمهر يقاد للمكان ولا يرشد اليه...(اكيد ح يرد علي من كل نفاجات المنتدي)..
)

الغالى راشد
والله على قولك اذا كان السائل مزمهر فالقايدو راشد !!! وصدق الشاعر
والحاج اكيد ح يرد من كل النفافيج ........ وانا بره!
وكل سنة والجميع بالف خير
عاطف عكود

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الأحد 20 ديسمبر 2009, 23:33

الغالي ود عكود..
طبعا ليس علي المزمهر حرج فما بالك بزمرة ....!!!
عشان كدة ياود عكود بقينا نضهب بين النافاجات عشان مايقولوا الجماعة ديل ضايعيين من الابواب...
تخريمة:
إن لم تصلني مفردات شعر اسامة فقد وصلني الاحساس بالغبطة ( وهذا ايضا جزء من قضية القصيدة) ..ساعود للاخ اسامة يوما لاني احس ان الحنية ليست في المفردة وحدها بل في اللحن ايضا (الطنبور) أداة خلقت لتعبر عن احساس منفرد في جو شللي..
تخريمة:
العزيز مهدي لن يكون نقاشنا إلا جلوسا علي وسادة الشوق والتواصل عليه تنتفي الحاجة لتلكم السيقان الطويلة ..ونتساوي علي البسيطة قصارا وطوالا
....

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الإثنين 21 ديسمبر 2009, 01:19

ود شلكاوي...
شنو الحكاية ؟؟؟ عرس وليد ماخلاص اتنهي ..ابقي تعال مارق بالجديد ...ولا لسه خايف من ود الاستاذ(طيب ما خايف نقول ملاوز)..
ولا يكون مهتم اليومين ديل بجضوم الكدندلي لما تيبسن...!!!
ـخريمة:
بالله تحياتي الشديدة للكدندلي والف مبروك لزواج وليد (لانو الكدندلي مابجي المنتدي عشان يشوف الحاصل شنو ) ولا يكون هو من جماعة زائر مختفي!!!!!!!!!!

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الثلاثاء 22 ديسمبر 2009, 01:55

الاخوة الاعزاء...
اخافني هذا الهدوء في المنتدي الصاخب فقط بحضوركم ..لن نشجب ولن ندين ...ولكنا نمد الاكف توسلا حتي يصطخب المنتدي بكم ...
تخريمة:
اليومين ديل مافي نفاجات بقينا نمشي بالابواب عدييييل (مزمهر ولقي الدار خلا)...طبعا بالامس قابلت الاخ ود الزين في عموده العامر والاخ عبد الرحمن في خيمة شعره ...
تخريمة:
والله الواحد لو في سوق لبيبا كان فلس (القهوة بارت عديل كدة)

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف خالد عبدالحميد في الثلاثاء 22 ديسمبر 2009, 19:55

جــــــــــــانا تـــلج--- عيونو ناصعة البياض
زاد من صعوبة الحياة والحركة
وشــــــــــــال معاهو قليل الوقت
نعود،،،،إن شاء الله
ما دخلنا الا للسلام،،،،فللكل وحشة
ودام ( دفء) التواصل
تحايا جليدية

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الثلاثاء 22 ديسمبر 2009, 23:59

والله الحمد الله الذي جعل اقصي اماكن الثلج عندنا الثلاجة...انت اتوكل علي الله ياود الاستاذ وشوف ليك نفاج مترجم عشان تدخل ليك محل فول حار ..طبعا حلم الجعان عيش لانو الليلة عندنا امطار والدنيا شتا وباكل لي في المكتب بسكوت بالجبن (يبدو لي بعملوا الافغان )..بس يظل الحلم فوووووووووووول ..
ودفاك الله وعافاك ..(لا دي ماعندها علاقة بـ يهديك ..يهديك الله ...يخليك الله يخليك)
تخريمة:
يبقي جانا تلج عيون بيض (بضم الباء والياء) علي وزن جانا كلب عيونو حمر
.................
..........
...
خالد ياخي اكتب وخليك من الكسل وماتشتغل لينا الفا ....ليك وحشة ونص (النص بحجم جبل أحد)..

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف خالد عبدالحميد في الجمعة 25 ديسمبر 2009, 13:17

راشد كتب:والله الحمد الله الذي جعل اقصي اماكن الثلج عندنا الثلاجة...

...
خالد ياخي اكتب وخليك من الكسل وماتشتغل لينا الفا ....ليك وحشة ونص (النص بحجم جبل أحد)..

قبيل كنت بتكلم مع ود السيمت وهومن كبار مشجعينك ويقرأ ماتكتب ،،،المهم قال لى محمد راشد ده زمان فى عز البرد كان بيلبس قميص نص كُم
نرجو الافادة؟؟؟؟ وانا وسيط وبس
اما عن كتاباتى فما نحن كما تظن ،، إنما نحن تلاميذ تحت ظلال (زيزفون) كتاباتك وعماليق هذا المنتدى بلا اسماء
لكن وعدا يا صديقى إن شاء الله فى الايام الجاية انزل عمل عن هولندا؟؟؟؟؟
حتقول لى مين هولندا دى ،،،،، اقول ليك هولندا الــما ايطاليا!!!
انت ما تصبر ،،،، خصوصا انو انا اليوم انتشرت جدا ،،،وكترة الطلّة
اشواق عابرة لاوروبا

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الجمعة 25 ديسمبر 2009, 14:16

الاخ الغالي ود السميت....
لك حبل الشوق ممدود حتي عتبات بيتك ...ووالله ليك وحشة ...والله يبدو لي علاقة العمر مع البرد علاقة طردية يعني كل مايزيد العمر يزيد خوف الواحد من البرد ...وحاليا بقينا انا والبرد زي توم وجيري ....
تخريمة :
ود الاستاذ جانا حج علي عجالة عليه نأمل الزيارة حتي ولو عمرة ..طبعا ود كرار شيخ جدة قبل الامطار والسيول بتاعت جدة بعد داك احسن تسألو هو لانو اتساوي الحابل والنابل ...


عدل سابقا من قبل راشد في الإثنين 11 يناير 2010, 13:17 عدل 1 مرات

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف ود كرار في السبت 26 ديسمبر 2009, 02:20

يا ود السيمت....
مالك بقيت من المتاوقيين من تحت صيوان الحفله...والله الشوق مطر.

لك الود

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الإثنين 28 ديسمبر 2009, 22:35

اكيفك ود كرار ....
انت عارف دايما الناس البعاينو من تحت الصيوان بجو وكت الربة ...وانا في انتظار ود السيمت حتي ذاك الوقت وماهو ببعيد...ولكم وحشة وله....

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في السبت 02 يناير 2010, 23:22

اخوتي الاعزاء...
عام جديد من العطاء والفرح ...
وعام نجاح علي كل الاصعدة (العزابي له مايشتهي والاصلع ينساب الشعر علي مفرقيه والمزمهر يتذكر حتي ملامح مذيعات الفضائيات علي كثرتهن ويبقي بوست الزهايمر مجرد ذكري علي الاذهان و.......و.........و ...وكل الامنيات)...
تخريمة 2010:
عني احبكم كما عهدتم دونما ملامح ولا أعمار...

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الإثنين 04 يناير 2010, 22:35

أخوتي علي امتداد البسيطة كيفكم؟؟؟
طبعا الواحد اشتاق لزحمة الناس والاقلام والعودة للجري بين النفاجات وسكون المنتدي وهدوئه يدب في الاعماق الاحساس بالخوف فيصعب الركوض بين النفاجات وصارت الابواب موصدة في وجوه زائريها إلا قليلها ...ود كرار ود حبيب ود الاستاذ...
تخريمة:
أحلم أن امتلك كاميرا لمشاهدة الزوار عابري السبيل واتمني أن يُعطوا حق الكتابة بدون هوية إثبات...دعونا نستوعب ونستقبل همس صوت الزوار إن تواروا هم عن اعيننا...
وتظل ابلغ اللغات واجملها واكثرها فصاحة لغة الصمت فما تقوله عين تعجز عن وصفه اقلام كثيرة وبليغة وكم من كاتب وشاعر دابوا وصفا في نظرة عين ....
تخريمة (1):
طبعا اردت أن اعلق عن روعة كتابة الاخ محمد حبيب بالانجلزية فوجدت الدردشة في عموده الرزين نوعاً من نشر الفوضي وتسويف لقضيته الجادة المطروحة فعدت لفنجان قهوة حيث يسهل طرح كل المواضيع...
نعم اخي محمد اللغة العربية لغة عشق كتابةً وليس حديثاً..ولغة ذات بلاغة كتابة وحديثا
وتذكرت قول الحطيئة حين امر سيدنا عمر بإلقائه في بئر لاساءته له فكتب ابياتا من الشعر وارسلها مع من القوه في البئر فحين قراءها سيدنا عمر عفي عنه (طبعا هذا يدل علي بلاغة الملقي واحساس ونباهة واستيعاب المتلقي....يعني في ايام حكامنا ديل تاكل هوا عديل ....)
فقال الحطيئة:
ماذا تقول لافراخٍ بذي مرخٍ زغب الحواصلِ لا ماءٌ ولا شجرُ
القيت عائلهم في قعرٍ مظلمةٍ فاغفر عليك سلام الله ياعمــــــرُ

فعفي عنه سيدنا عمر (رضي الله عنه )...  

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف osama elsimat في الخميس 07 يناير 2010, 00:59

الاخوان راشد ود عابدون تحياتي واشواقي وكل عام وانتم بخير ونتمي نشوفكم في الصيف في الخرطوم او السعودية ... شايف مهدى متالق واللة ياعب ليك وحشة .

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف خالد عبدالحميد في الخميس 07 يناير 2010, 10:37

محمد يا راشد،،،
ألجمت تسلسل كلماتنا فتجدنا نقف إجلالا بتؤدة كى( ندّيها صنّة) ،، كى يتسنى لنا بعض إرتواء من رحيق كلماتك العذبة ،،،،أمتـّـع نفسى بدهشة القراءة ما بين سطورك وماهو مختبئ خلف الحروف مابين ملاك حارس للطفولة
الى متفقد للغائبين (مهدى طار وين بالمناسبة؟؟)
وليس آخراً تقمصك كثير من نزار وبعض من قاسم امين وقليل من آل بدرى
فى عراك البشرية الأزلي ما بين الرجل والمرأة،،وأراك كما العهد لاتهادن
كما قال شيخك لاتوجد منطقة وسطى ---
وقال مظفر
مولاى انا فى صف الجوع الكافر **مادام الصف الآخر يسقط من ثقل الأوزار
وهكذا تكون المواقف
تخــ1
لم اجد فى العربى الدرّاب اعلاه كلمة تعادل ( ندّيها صنّة)
تخـــــــــ2
اين بقية غائيبينا؟؟؟؟
تخ3
واصل هذا العزف الدسم
ونعوووووووووووود

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الخميس 07 يناير 2010, 15:25

الاعزاء ود السيمت وود الاستاذ...
ماانا سوي ممتطي لدآبة بين جياد اصيلة ...وانتم من زين الدواخل بالذكري والفكرة ..
وعليه شهادتي مجروحة كما سبق واسلفت لانني إن كتبت يعتريني الاحساس بالتقصير وإن صمت يعتريني الاحساس بالحياء (كيف لإمرء بالصمت امام دفق حضوركم الملهم)...
لا والله ياودالاستاذ انا لا هذا ولا ذاك ..انا زول شغال جربندية ساكت ( كيري ) بس انت زول مرهف يسكنك الرائعون...
تخريمة -1:
والله حقيقي ياود السيمت سعداء بيك بيننا ...ولا اكاد ابالغ إن قلت حين شاهدت نجلكم( حفظه الله وأبره بوالديه ) انني خبأت فناجين قهوتي وجعلت من البوست حديقة ومسرح للاطفال ومقصم للحلوي ...
والله ياود السيمت مع Google map بقت زيارة الخرطوم اقرب ولكن يبقي طعم حضوركم الذي فشلت التكنولوجيا في إيجاد بديل له...
لا يهم اللقيا في الخرطوم او في السعودية فكلها بلاد الله ونحن عبيده...ولكن الاهم أن نلتقيكم ...وبالله رتبوها انت وود شلكاوي وفاجؤونا....
تخريمة-2:
ود شلكاوي لسه جاري ورا جضوم الكدندلي لمن مرقتوا في اهرامات البجاوية...
ورسلناه عشان يشوف اخبار الكدندلي اختفوا الاتنين مع بعض..
تخريمة-3:
ودالاستاذ صنة بالضبط نظيرها تؤدده...لكن كيري دي ماظن ليها نظير بالعربي
تخريمة-4:
كنا ودشلكاوي وانا في واحد من الكورسات الصيفية مفلسين وماعارف كيف كنا ماشين السينما (ال ترفيه ال) ولما جينا جنب علي كيفك كانت ريحة المشاوي ضاربة في السما فقام ود شلكاوي عاين للمشاوي وعاين لي وقال: يعني الناس ديل وصلوا القمر و ماقادرين يعملوا لينا بخاخ بريحة الشية عشان الواحد يبخو في رغيفة....!!!!! والله انا لي كمين سنة وانا بضحك ...بس للاسف حتي تاريخه لم ير المنتج النور وعليه ياود شلكاوي لك حق براءة الاختراع ولنا حق اول بخة علي الرغيفة ...
ولكم وحشة حتي الملتقي...

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف Admin في الجمعة 15 يناير 2010, 11:03

وعلى عجل ،،لا ينبغى ان نتأخر اكتر من كده فى الترحيب بحبيبنا فى اعادة تسجيل موديل2010 ،،،عصام عبعال الفنان الموسيقار الاديب
الذى ما أتانا من بحراً واحد بل اتى من الــ بحرين
لمّان القى حبة وكت إن شاء الله افتش مداخلتك اليتيمة قبل اكتر من سنة
مرحبا بك صديقا ومنتميا بالاصالة لهذا الكيان وشريكا عبر سنين الدنيا دى مع الكتير من الاحبة
خالد

Admin
Admin


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الجمعة 15 يناير 2010, 23:28

اخي الغالي عصام ....
ياهلا بيك والف مرحب...سعيد ان التقيك في المنتدي واسعد ان اسمع اخبارك ...اخي ود الاستاذ للمعلومية عصام لم يكو صديق وبس بل اخ عزيز جدا علي البال والقلب درسنا اولي ابتدائي مع بعض وثم انتقل لامتداد ناصر وبعد سنتين (اي في ثالثة ابتدائي التقينا لنكون جارين في امتداد ناصر) ومنذ ذاك الحين لم نفترق معنويا وان تفرقنا جغرايفيا في انحاء المعمورة بحثا عن الرزق والسترة معا ...عصام ليس عازف عود وبس بل انسان حلو الحضور والمعشر ولا اود ان استرسل في مدحه حتي لا اظلم روعته بقلة مدادي ووصفي...وزيادة علي كدة درسنا الثانوي مع بعض (الخرطوم القديمة) وهو عضو مهم من الاعضاء الذين ذكرتهم (ناس حوض البركس,الليمونة,البركس الفول ,الفول الباشا,....و.......)فاحسن يوصف ليكم من اي الاعضاء كان.....
تخريمة :
الخرطوم القديمة كانت مدرسة في موقع حصين اكاديميا ومفتوح جغرافيا (لاننا محاطون بالبركس من الشمال وبيت حسن عبيد من الغرب(مدير المدرسة الله يرحمه)وشرقاً وجنوبا بادارة التعليم...) مديرنا كان ذو شخصية قوية لدرجة الرهبة ويكفي ذكر اسمه فتنتصب شعيرات الجسم اقشعرارا وتتلفت الاعين يسرة ويمنة بآلية دون ان تديرها انت...النوادر كثيرة ورائعة وانا لي مع المدير حكاوي تحتاج لعشر بوستات....
أذكر في يوم من الايام كنا قاعدين انا ورفيق دربي واخي العزيز محمد عبد الفتاح (الديب) واخي مجدي معروف واذا بذنون جعفر محمد علي بخيت يستوقفنا عشان هو يبقي اتنقل من الخرطوم الجديدة لمدرستنا (بالمناسبة ذونون ود عم المرحوم اسماعيل بخيت) وزيادة كمان درسنا انا هو مع بعض في فصل واحد في الخرطوم الاميرية المتوسطة..المهم سرحنا في موضوع اقناع ذنون بالعدول عن فكرة النفل دي عشان عندنا مدير خطر وانت ياذونون بتاع ضحك وفجاءة ونحن جلوس وقفت قدامنا عربية هنتر نعرف حتي حسيس اطاراتها لانها عربية المدير واشوف ليك رجلو نازلة من الباب ولم انتظر ولم انظر لوجهه وانتشرنا كل في ناحية ودرب ....والله لم التقي ذنون الا في اسكندرية بعد ثلاثة سنوات من تاريخه ....واول سؤال سالتو ليه : عملت شنو في موضوع النقل ....ضحك وقال لي : ياراجل بعد الشوفتو داك مارجعت ....

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الأحد 17 يناير 2010, 01:17

ود شلكاوي ....شفقتنا عليك والله
عارف في الثانوي كان كرهتي في الدنيا مادة الاحياء والتاريخ عشان كده لا بمشي لجبل ولا جبل يجيني (طبعا الجبل الوحيد المشيت ليه جبل اولياء عشان خاطرك )..
طبعا انت عارف اني ما شفت القاهرة الا بعد اربع سنوات عشتها في اسكندرية عشان موضوع الجبال دي, عليه تعال مارق وخليك من فوبيا التاريخ دي الخلت تتقوقع علي ذاتك ودور في غياهب التاريخ والماضي وخلينا اولاد النهار ده (علي قول ود الاستاذ)

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الأحد 17 يناير 2010, 01:20

الاخ ود حبيب ...فينك ياراجل...؟ اتمني ألا يطول الغياب ونحن في انتظار مواضيعك الغير مطروقة ...ولن نختلف في موضوع اللغة

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف خالد عبدالحميد في الأحد 17 يناير 2010, 10:29

ابدأ معاك بالباشمهندس محمد حبيب،، وغيبة طالت لقلمه الرشيق وتجدنى ايضا من المنتظرين ،،،لود الحبيب ولكل النيل الابيض
وسؤال اعتراضى ،،،وين الاخوة الضباط والمهندسين الـ على الوابور؟؟
وسؤال تانى وين القضارف الايام دى وليه ما قاعدين نسمع عنهم حاجة (واعتذر بجهلى وتطاول السنين والاميال) ان كانت الاجابة معلومة للكل

اما مهدينا ،،انت يا راشد طولت منو لكن فى حدود معلوماتى هو بيقعد شهر فى الخرطوم (( نقول فى الجبل !! يقوم يجى يمرقنا من البلد)) والشهر البعدو فى الموقع
حيث يستخرجوا فى بترول السودان ،،وزى ما قال عن امجد الطاهر --خلا يجيب الجلا ،، التلفزيون فى تلتلة ؟؟تقول لى انترنت ،،، اها نديهو كم يوم إن شاء الله
ويعود هو وبعض الغايبين
حديثك عن الجبال ضحكنى،،،وما عارف كيف انت واشهر جبل فى الدنيا-جبل أحد- متواجدين فى مكان واحد ،،،،،،عجايب ،،،يدى الحلق للى مالوش ودان

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف خالد عبدالحميد في الأحد 17 يناير 2010, 10:38

اما ابا خالد عصام عبدالعال فهاهى مشاركتو ايامنا الاولى لما كنا فى مرحلة التأسيس

عصام عبد العال خالد كتب:التحية للجميع وتحايا خاصة للأخ حاتم علي الفكرة الرائعة، وتحية مصحوبة بالشكر للعزيز "ود كرار" علي دعوته الكريمة لي للإنضمام لهذا المنتدي رغما عن انني ليس لي علاقة بالبحر الا عند وجبات السمك، وتحية حب ومودة للعزيز خالد "ابو منتهى" الذي افتقده من قلبي وادعوه للتواصل. ولئن لم يجمعنى بهؤلاء الأحباب البحر بمهنيتهم فقد جمعنى بهم ما هو اعمق من البحر بكل صدق فهم جميعا اخوة حقيقون امتدت علاقاتنا وتوطدت واصبح كل منا فردآ في اسرة الآخرة. لم التقي اي منهم فى اي مرحلة دراسية او عملية ولكني اجزم بأنهم ظلوا اوفي واصفي " والبحر في احشائه الدر كامن" .
التحية للجميع ، حاتم "الكدندلي" "كزام" "خالد عبدالحميد" "مكوار" "علي محجوب" " ياسر قريش" "مهدي" ودمتم في تواصل.
عصام عبد العال خالد

علً هذا يفتح شهيته ويبدأ ،،، وحتى لو قدرنا نتحرفن ونزلنا صوت العود هنا هل ياترى ضل الشجرة بيعود؟؟؟؟؟؟
لكم اجمعين كيمان اشواق

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الأحد 17 يناير 2010, 13:25

الغالي ابو صبا...لك كل الود والحب...انا سعيد لاحتفاظك باول مشاركة للاخ عصام واتمني ماتطول غيبتو ....
وانا معاك في انتظار الغائبين والعائدين...
تخريمة:
لا والله يا ابوصبا جبل أحد ليس جبلا من حجر وتراب ...أنه مجاهد جاهد مع النبي (عليه افضل الصلاة والسلام ) وأوي المصطفي في حجره واهتز من عظمة نبينا فامره عليه افضل الصلاة والسلام بالثبات فثبت ...........واهو فوق ذلك جبل من جبال الجنة ..وانا اتكلم عن الجبال الحغرافية (الانتيكات الارضية)...(بالمناسب انا ساكن فركة كعب منه...
تخريمة:
في يوم من الايام واذكر جونا زيارة في البيت شباب التلفزيون (ايمان دفع الله وعبد العظيم وكشك و..)المهم مشينا جبل احد وقالوا خلينا ناخد جولة من الخلف فعليه دخلنا حارة وتهت في زحمة البيوت المطلة علي الجبل ..وصدفة سالت احدهم (باكستاني) عايز امشي ..وقبل ما اكمل قال لي : تبقي تروح الغار ..طبعا دُهشت وسالتو عن الغار فعرفت أن النبي(صلي الله عليه وسلم) له غار في الجزء الجانبي من الجبل (الناحية الجنوبية) ولكن الغار يفتح شرقا والمدخل الذي يؤدي للغرفة شمالا علي ما اذكر (يعني بعد ماتطلع وتصل الغار تدخل يسار) ..صراحة كانت اجمل مصادفة لمعرفة هذا الصرح الجميل....ألم قل لك يا ابا صبا انه ليس جبلا...!!!

الرجوع الى أعلى الصفحة اذهب الى الأسفل

صفحة 2 من اصل 30 الصفحة السابقة  1, 2, 3 ... 16 ... 30  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى