فنجان قهوة

صفحة 28 من اصل 30 الصفحة السابقة  1 ... 15 ... 27, 28, 29, 30  الصفحة التالية

استعرض الموضوع السابق استعرض الموضوع التالي اذهب الى الأسفل

رد: فنجان قهوة

مُساهمة من طرف محمد الجمل في الإثنين 06 مايو 2013, 15:46

محمد احمد علي فراج كتب:رشفة من الفنجان .. والتمتع بطعم الجنزبيل في معية الحبيب كابتن الجمل ..

ثم السؤال: أنت يا الجمل الناس دي مشت وين ..؟؟

سلام آلاف لي كل الحضور بالقهوة .. دون فرز

الاخ الحبيب ود فراج
هكذا يكون البعض منا في مشاغيل كتيرة منها العمل والاسرة وكترة حاجات تاني اقضاها الكريم قول يا لطيف
الاخ ود عكود الان معي في التلفون وسالته يا عاطف الناس بتسال منك اقول شنو -بسلم عليكم جميعا وقال ليكم الشوق بحر ولابد للوصول الي صنعاء وان طال السفر-وسوف اعود قريبا

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف ود فـــــراج في الإثنين 06 مايو 2013, 16:31

لك كل الشكـر أخي كابتن الجمـل ..

وليعلم أخي عاطف أنه بغيابه عنا قد حرمنا بالهمس عقب كل مداخلة له بـ.....ودام التواصل مؤمنين وكأنها مبدأ يذكر به أحدنا الآخر .. فليدم تواصلنا ..
وليدم أبداً ما بيننا من حب وتسامح وأخوة وإحترام ..

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف محمد الجمل في الإثنين 06 مايو 2013, 17:03

وكأني بك يا صديقي قد استمعت الي ما دار بيننا من حديث ...فقد كان فحوى حديثنا هذه ال ...(دام التواصل..)
فليس هناك غير كتر المشاغل والعمل وسوف يعاود كما وعدني قريبا........تحايا 1000

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف خالد عبدالحميد في الثلاثاء 07 مايو 2013, 04:14

حنينكم طش فيا طشيش ويا ما لقيت بحر الحنين جمام
اجلببت واتعمعمت واتلفحت شال الشوق احاد الراحله لقدام
كسحت شمال وحس طمبوركم الول وال ونحاس ابواتكم الرزام
صهيلن يصحى فى الشوق اذا ما اتنسم النسام
-----
ود بادى العكودابى
وحنينى ايضا، ودام التواصل

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف محمد الجمل في الثلاثاء 07 مايو 2013, 14:48

الحبيب ود الاستاذ والله ليك وحشة ..كيف مع البرد
عجبتني (اتجلببت واتعمعمت واتلفحت شال الشوق احاد الراحلة لقدام) وياريتو اضاف واتنعللت
ودام التواصل

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في الخميس 09 مايو 2013, 18:30

اخوتي الاعزاء ....
هالنى هذا الفيض الرائع من المداخلات الني بداءها حبيبنا الجمل بقطرة واحالها اوخونا محمد فراج لمحيط يهدر همسا لاصخبا كما تفعل المحيطات ...والله المشغوليات حالت دون تتبع اثركم الجميل ..ساعود في صمت وقراء ماكتبتم حرفا حرفا ...
ود الاستاذ شكرا لحضورك الجميل في كل ملتقياتى ...
سيظل هذا المنتدى عامرا بإذن الله لروعة واصالة وارديه ..واتمنى ألا يحيل الجدل واختلاف الرأي وإسداء النصح بيننا سببا يجعل للضغينة والحزن مدخلا بيننا ..فإن خرج احدنا عن جادة الطريق فكلنا نصحية بود تعيده لصائب الطريق ..ولن نفرط في أي قلم واخ وصديق حتى لو كان عابرا ان ينام او يغادر مجروح الخاطر..
.........................
............
..
حتى العودة بإذن الباري لكم وحشة
كسرة:
ود الجمل ...الحزن يخلق من البعض مبدعا والفرج ايضا ...
جانا الخبر شايلو النسيم
في الليل يوشوش في الخمايل
هز الزهر بكت الورود
سالت مشاعر الناس جدوال
...
اظن كات القصيدة لابو آمنة حامد (رحمه الله) وهي تفيض فرحا
الفرح والحزن متلازمتان في الحياة كما الليل والنهار (ففي الاول سكينة وامنة والاخر سعي وركوض )...
...................
......
اعذروا استطالتي ولا زال وعد العودة لقراءة ماكتبتم قائما
كسرة :
الغالي ود شلكاوي ...تشكر علي حلاوة المولد التي كان اكثر منها طعما وحلاوة بمعرفة اخبارك ..
...
...
راشد

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف ود كرار في الجمعة 10 مايو 2013, 06:52

ياود راشد....ماتشكر ساعى البريد، الجمل غرز يومين فى رمال المدينة الطاهرة، ولكن كسبنا زيارة المصطفى وصحبتكم التى لانرتوى منها...

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في السبت 11 مايو 2013, 12:15

هاهاها ..ياود كرار ..الجمل غرز عشان قطع غيارو امريكية ...
وشنو من ديك وعيك...قلت الروب ولا شنو..........؟
لك كل المنى والتحايا الطيبات

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف ود فـــــراج في الجمعة 24 مايو 2013, 01:34

أتناول فنجان قهوتي مرة بلا سكـر ..

وأردد تلكم الأبيات التالية بشيء من الحسرة علي أعز مكان ...

كــــــــــــل اجزائه لنا وطن اذ نباهي به ونفتتن
نتغنى بحسنه ابدا دونه لا يروقنا حسن
حيث كنا حدت بنا ذكر ملؤها الشوق كلنا شجن
نتملى جماله لنرى هل لترفيه عيشه ثمن
خير هذي الدماء نبذلها كالفدائي حين يمتحن
بسخاء بجرأة بقوى لا يني جهدها ولا تهن
تستــــهين الخطوب عن جلــــد تلك تنــهال وهي تتزن
أيها الناس نحن من نفر عمروا الارض حيث ما قطنوا
يذكر المجــــــد كلما ذكروا وهــــو يعتز حـــــين يقترن
حكمــوا العدل في الورى زمنا اترى هل يعود ذا الزمن
ردد الدهـــر حســـن سيرتهم ما بـــها حطــــة ولا درن
نزحوا لا ليظلموا احدا لا ولا لاضطهاد من امنوا
وكثيرون في صدورهم تتنزى الاحقاد والاحن
دوحة العرب اصلها كرم والى العرب تنسب الفطن
ايقظ الدهر بينهم فتنا ولكم افنت الورى الفتن
يا بلادا حوت ماثرنا كالفراديس فيضها منن
فجر النيل في اباطحها يكفل العيش وهي تحتضن
رقصت تلكم الرياض له وتثنت غصونها اللدن
وتغنى هزارها فرحا كعشوق حدا به الشجن
حفل الشيب والشباب معا وبتقديسه القمين عنوا
نحن بالروح للسودان فدا فلتدم انت ايها الوطن


سلامي لكم جميعـاً ...

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف عبد الرحمن الزين2 في السبت 25 مايو 2013, 01:20

أيها الناس نحن من نفر عمروا الارض حيث ما قطنوا
يذكر المجــــــد كلما ذكروا وهــــو يعتز حـــــين يقترن
حكمــوا العدل في الورى زمنا اترى هل يعود ذا الزمن

الحبيب العزيز ود فراج...
هل تري يعود ذا الزمن..لا ننكر اننا عشنا بعضا من ذلك الزمن... سعدنا واستمتعنا..وخلنا انها لن تبيد ابدا.. وما بين غمضة عين.....صدقني ابني..كم كان هذا السودان جميلا..حتي عندما كنا نلبس الدمورية..والدبلان..ولا نعرف شئيا اسمه التيترون.. ولكن .كنا سعداء...نقتسم اللقمة الحلال..ننام علي لحاف بال - ان وجد- ولكن كنا نتطلع لمستقبل مشرق نرد الدين لوالدينا...كنا لهم الامل..كانوا يحتفظوا باللقمة وهم اشد جوعا منا ليطعمونا..وكنا جميعا سعداء...
الا ان تسلط علينا من لا يخشي الله ...
يا تري هل يعود ذا الزمن.......
اؤكد لك...لا لا لا لا لا ....
من يعزك ابدا عبد الرحمن..

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف Ibrahim Kheir في السبت 25 مايو 2013, 16:26

أيها الناس نحن من نفر عمروا الارض حيث ما قطنوا
يذكر المجــــــد كلما ذكروا وهــــو يعتز حـــــين يقترن
حكمــوا العدل في الورى زمنا اترى هل يعود ذا الزمن
ردد الدهـــر حســـن سيرتهم ما بـــها حطــــة ولا درن
نزحوا لا ليظلموا احدا لا ولا لاضطهاد من امنوا
وكثيرون في صدورهم تتنزى الاحقاد والاحن

عزيزنا ود فراج لقد عشنا ذلك الزمن الجميل فى ذلك البلد الجميل قبل أن تطأه سنابك المغول وتندس ترابه الطاهر وتنثر فيه قبورنا فى أركان الدنيا.
أما ذلك الزمن الجميل الذى عشناه فلن يعود أبدآ.
ربنا تعود أياما اٌخر جميلة فالأمر من قٌبل ومن بٌعده بيد ألله.
{وتلك ألأيام نداولها بين ألناس.}
{إن بعد العسر يسرا}


عدل سابقا من قبل Ibrahim Kheir في السبت 25 مايو 2013, 21:27 عدل 1 مرات

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف Ibrahim Kheir في السبت 25 مايو 2013, 21:25

سوداني الجوه وجداني بر يدو
______________

سوداني الجوه وجداني بر يدو
*************
الحبو علاني وسماه ظلانــــــى
النيلو اروانى ذاد بيه ايمانـــــــــى
* * * * * * *
كرد فان يا غرة خيرك كثير برة
فرسانك الأمراء والفوله راويانى
* * * * * * *
في بربر السلوى وفى الدامر الخـــلوي
في عطبرة الصحوة والعفة كاســـــيا ني
* * * * * * *
بادي الجسور ولدى شال جلــدو من جلدي
قال لي بفداك ولدى من قاضـــــى أو دانى
* * * * * * *
إبداعي يشجيني والفكر يعليني
والحبو يعليني ويعليني بنياني
* * * * * * *
بلادنا ذي غيمة في نفوسنا تعظيمه
في العاصمة تنظيمية واللحن أشجاني
* * * * * * *
في مدني طمبارة وفى راجا نقـارة
من كسلا لي بارا والعفة كاسيـانى
* * * * * * *
سوداني الجوه وجداني بريدو
*******
الحب علاني وسماه ظلاني
الطل بلاني والاسمو سلاني
*******
الذكرو في فمي والحب في دمي
والمجدو صاغ همي والاغلي من امي
*******
ابناهُ اخواني وطيب ريحو داواني
والماهُ ارواني والنيلُ سواني
*******
في امدر وجسماني والفضل عماني
ضراه لّماني وحبو ايماني
*******
والفيهو ميلادي طارفي وتيلادي
في نظرتي اجدادي وفي مهجتي بلادي
*******
الرفعتو دناني والروضتو جناني
متجلي في جناني ومسلمو عناني
*******
جنودوا اصحابي وبي لواه ترحابي
انا عاشقو مابحابي ولي نصرتو بحابي
*******
الحقلو فردوسي والزهرة عروسي
السيرتو دروسي والارض موروثي
*******
الغابو يأويني والكخو حاويني
والذل كاويني وغاويه غاويني
*******
احميه سوداني وصحراهُ ميلاني
لو نصرو ناداني افديه باخواني
*******
اعز شي عندي من "برنو للهندي"
شايلوافرلندي من غارة الجندي
*******
سوداني الجوه وجداني بريدو

رحمك ألله أستاذنا وقرة أعيننا عبدالقادر إبراهيم تلودى ولم ترى اليوم الذى بترت فيه أعضاء السودان فى هذا الزمان الكالح السواد.


عدل سابقا من قبل Ibrahim Kheir في السبت 25 مايو 2013, 21:30 عدل 1 مرات (السبب : خطأ مطبعى)

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف الرشيد شمس الدين عبدالله في السبت 25 مايو 2013, 22:25

ود راشد مرحبتين حبابك فى مقهاك العامر بحب الناس وفيض التواصل ولكن والله يقلقنا حبيبنا عاطف القوز ما عهدناه يعد ولايفى !!! ماذا يجري حبيبنا الجمل ؟ اين وكيف ولماذا ومتى وهل؟؟؟؟ هل من عودة هل ؟؟؟

الرشيد

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف خالد عبدالحميد في الثلاثاء 28 مايو 2013, 07:25

مرور ابوسريع من بنابر القهوة
لصاحبها المشغول جدا (درجتين أقل منى) محمد راشد بيه
تحايا صادقات للجميع الى ان نعود بمهل مع دوامة الايام التى تدور بسرعه مليون
--------

بلغنى قبل يومين انو عباس التنزانى، ذلك الوديع الذى كان صديقا للسودانيين فى اكاديمية اسكندريه قد توفى قبل سنين فى حادث فلنترحم عليه، ونحن فى قهوتنا دى
نسأل الله له مغفرة واسعة وجنة الفردوس

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف عبد الرحمن الزين2 في الثلاثاء 28 مايو 2013, 23:23

العزيز الادمن...
اكتب لك هذه اللحظة من فندق رويال بيتش قلب دار السلام..تنزانيا...الف رحمه ونور علي قبره اكان عارف العنوان كنت مشيت عزيت اصالة عنكم..
عبدوس















الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف ود كرار في الأربعاء 29 مايو 2013, 04:06

اللهم ارحم أخونا عباس واسكنه فسيح جناتك.....
عرفته الخبر ده من وين ولاقيت منو....

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف خالد عبدالحميد في الأربعاء 29 مايو 2013, 09:37

عبد الرحمن الزين2 كتب:
اكتب لك هذه اللحظة من فندق رويال بيتش قلب دار السلام..تنزانيا...الف رحمه ونور علي قبره اكان عارف العنوان كنت مشيت عزيت اصالة عنكم..
عبدوس


ياسلام عليك، الكبير كبير دايما
تخيل يا كابتن هذا العباس كان يحب السودانيين لدرجة انو سافر فى واحدة من الاجازات للسودان
وده كلام انا شاهد عليه وجزء من الحدث
الما متأكد منو انو اعتقد تزوج سودانية، فى مرحلة لاحقة
عليه وعلينا رحمة الله

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف خالد عبدالحميد في الأربعاء 29 مايو 2013, 09:41

ود كرار كتب:اللهم ارحم أخونا عباس واسكنه فسيح جناتك.....
عرفته الخبر ده من وين ولاقيت منو....

امجد سلامات
باختصار،،، كلمنى حاتم،، نقلا عن أشين،،الذى يبدو على اتصال بكوكبة التنزانيين
اظنى سمعت اسم آمور
حاتم حقيقة مصدوم وحزين لانو تتذكر المرحوم سافر معاهو الخرطوم ونزل فى بيتهم
ايام.............ودنيا
سبحان من يسّر لنا الاسفير لنسمع اخبار كانت تكون من المستحيل العلم بها

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف عبد الرحمن الزين2 في الأربعاء 29 مايو 2013, 12:09

العزيز خلدي..مع نفحات الرياح الهادئة هدؤ الباسفيكي...اجلس صباحا علي مقربة عدة امتار من الهندي..زمان البحارة كان بغنو pacific is romantic and atlantic is traffic
لهم اغنية شهيره تقل في ما معناه
we joined the navy to see the admiral but we havent see the admiral because the admiral had never been to sea
ترحمت علي صديقك يا صديقي هذه بلدة طيبه اهلها اكاد ان اقول سودانيين عديل...وفقني الله في مهمتي وكم كنت اتمني الا اوفق حتي امكث بينهم...
من عادتي عندما اكيل سماحا لاحدهم اقول ليه والله انت سوداني عديل....
رحم الله السودان..
هل من امل
من يعزك عبدوس

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف احمد محمد احمد في الجمعة 31 مايو 2013, 14:05

عبد الرحمن الزين2 كتب:
من عادتي عندما اكيل سماحا لاحدهم اقول ليه والله انت سوداني عديل....
رحم الله السودان..
هل من امل
من يعزك عبدوس

سلام يا كابيتان

يا حليل السودان و يا حليل ايامه....

دم السودانيين اصبح يجرى كل يوم بأيدى بعضهم البعض و لا تلوح ذرة عقلانية فى الافق .... ربنا يستر.

مع التحية لسوداننا الذى كان.

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف ود فـــــراج في الأحد 02 يونيو 2013, 16:34

سلام أحبتي .. والله منورين القهـوة

بلادي أنا بتشيل الناس وكل الناس
وساع بخيرها لينا يسع،
وتدفق مياه النيل علي الوديان
بياض الفضة في وهج الهجير بتشع،،،
بلادي سهول ،،بلادي حقول،،
بلادي الجنة للشـافوها ،أو للبرة بيها سمع ،،
بلادي أنا بلاد ناساً تكرم الضيف
وحتى الطير يجيها جيعان
ومن أطراف تقيها شبع ،،
بلادي الصفقة والطنبور ،،
وبنوتاً تحاكي الخيل
،يشابن زيي جدي الريل،
وشبالن مكنن في طريفو ودع ،،
بلادي أمان ،،بلادي حنان،،
وناسها حنان ،يكفكفوا دمعة المفجوع ،
يبدوا الغير علي ذاتهم ،
يقسموا اللقمة بيناتهم ،
ويدوا الزاد ،حتى إن كان مصيرهم جوع ،
يحبوا الدار ،
يموتوا عشان حقوق الجار ،
ويخوضوا النار عشان فد دمعة ،،
وكيف الحال كان شافوها
سايلة دموع ؟؟،،،،
ديل أهلى..
البقيف في الداره وسط الداره
وأتنبر وأقول للدنيا ديل أهلي

كلمات : إسمـــاعيل حسن

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف محمد الجمل في الأربعاء 05 يونيو 2013, 20:28

عاطف عكود كتب:
راشد كتب:اخوتي الاعزاء ودالجمل وودعكود .....سعداء بوجودكم بيننا ...والله ياجمل الهدية الحقيقية هي بوجودك معانا كل اسبوع ولا يهم من يحظي باحلي مداخلة بقدر استباقئك لكل اسبوع بيننا ....والله ياود عكود صدقت مفرد فطاحلة دي دايره ليها سجارة او الواحد ينجره نجر...وينك وايه اخر اخبارك ......؟
لكم كل المني
ودراشد الغالى انت الوينك وايه اخر اخبارك ليك اربعه يوم مسجل غياب ومافى حتى قهوه واحده بيها نطمن شويه , ابقى داخل وكلو ولا رميه القهوه وخاصه اذا كان الخيار بين الشهد وبين البّن الفطره اكيد نختار سواد البّن وطعم القهوة البكره
معزوم ياسيدى ومعاك كل رواد قهوتك العامره لرائعة الرائع المبدع ازهرى محمد على
( اختيار )

يا مفتونه بصدق الوعد
يا مسكونه بحلم الغد
انا خيرتك بين الشهد
وبين البّن الفطره
وانتي اخترتي سواد البّن
وطعم القهوة البكره
انا خيرتك
وانتي اخترتي
هل قدرتي الرقعه الواقعه
بين الليله واحلام بكره
وكيف حتملي الحته الواسعه
بين الواقع وبين الفكره؟
وين حتلقي المويه الناقعه
يوم نصطاد في المويه العكره
انا بديك موانع الصاقعه
انتي اديني الموت والستره
انا خيرتك
وانتي اخترتي
واقف جنبك لو احترتي
بايع نفسي وشاريكي
دافنك بيني مواريكي
واصلك مني اتاريكي
لو تعرفي يوم شاهدتك
من روحي بتدخلي في نفسي
باريتك خلسه وغازلتك
سمعتك وما سامع همسي
كضبت عيوني وصدقتك
غيبت احساسك في حسي
وناديتك
يا مطمنه في قلبي الخوف
بتونسي روحي وبتحجي
بترجعّي لعيوني الشوف
اتلوّمي دايما واحتجي
مشتاقلك جدا وملهوف
واقف في دربك مترجي
وحجيجك بي قلبي يطوف
جواي بتعمري وبتحجي
وانا جيتك
مكسور الخاطر
جيتك مجروح
ولقيتك مفضوح الصمت
الفي عيونك بالبوح
ممحوق الزمن البين ضحكك والنوح
سكنتك كل الانفاس الحيه
وسلمتك مفتاح الروح
لو تعرفي يوم هدهتك
في ليل بستجدي الغمضه
اقدامك كانت في الصحرا
وايديك في البحر بتتوضا
كم حائط ينهض بيناتنا
كم حائط من بينا اتهدّ
قاومت الرهبة وناديتك
والصوت من عندك ما ردّ
طاوعت الرغبه وغنيتك
غنيت للمراءه الورد
..........................
عاطف عكود

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف محمد الجمل في الأربعاء 05 يونيو 2013, 20:31

كسرة
بعد التحية لكم جميعا اما ان لهذا الفارس ان يعود .....عووووووووووووووووك يا ود عكود

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف ود فـــــراج في الجمعة 07 يونيو 2013, 02:29

السلام والتمنيات بالعافية لكل الحضور الكريـم

عووووك ... يا ذاك الصديق ... عوووووووووووووك

الا تري أنك قد أطلت الغياب ...؟؟

الا تري أنك قد خرجت عن المألوف ..؟؟

الا تري حوجتنا لوجودك بيننا وضاءاً بســاماً ..؟؟

الا تري شغفنا لرؤيتك والتنعم بدفء مداخلاتك ..؟؟

الا تري مسحة الحزن علي محيا الجميع جراء تمسكك بالغياب ..؟؟

بالذي بيننا يا ذاك الصديق أن تحدثنا عن خبرك وأن تلج الدار مكلل بالبهاء والوقار .. وأنا علي كامل اليقين أنك لن ترد رجائي خائباً ..

الرجوع الى أعلى الصفحة اذهب الى الأسفل

رد: فنجان قهوة

مُساهمة من طرف راشد في السبت 08 يونيو 2013, 15:09

الاحباء الاعزاء ود الزين ود فراج والعزيز الجمل ....
غيبة الغالي ود عكود هي خروج عن المألوف وهو الذي مافتيء ينادي ويطرق ابواب الغائبيين وهو انسان له قلب كبير .
فإن كان غيابك ياود عكود نتيجة احتدام مع احدهم فإنني لا املك إلا ان ارمي اللوم عليك لانك من جمعت شملنا حين تفرقنا وغيبنا (يعني الاب الروحي لهذه الاسرة)..
وإن كان غيابك وراء لقمة العيش فاعتبر ماكتبنا شوق وود يحرق الدواخل لغيابك
...................
...........

الرجوع الى أعلى الصفحة اذهب الى الأسفل

صفحة 28 من اصل 30 الصفحة السابقة  1 ... 15 ... 27, 28, 29, 30  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى