مرحبا اخونا محمد سليمان

استعرض الموضوع السابق استعرض الموضوع التالي اذهب الى الأسفل

مرحبا اخونا محمد سليمان

مُساهمة من طرف راشد في الأحد 22 أغسطس 2010, 18:27

الاخ العزيز محمد سليمان انسان حلو المعشر وهو اخ اصيل ولمن لم يعرفه فهو لاعب كرة (دفعة عمر موسي في الكرة ودفعتي في الدراسة ودفعة ود عابدون في الحلة ) (ود عابدون بالشعبية ومحمد بحلة حمد ) واظن يجمع بينهما شارع المدارس آنذاك ....وعشنا انا وامجد ومحمد زمان جميل مليء بالحياة ...عليه لا اود ان اطيل حتي لا افسد حضوره الرائع ...فيا مرحبا به

الرجوع الى أعلى الصفحة اذهب الى الأسفل

رد: مرحبا اخونا محمد سليمان

مُساهمة من طرف عاطف عكود في الأحد 22 أغسطس 2010, 22:27

1000 مرحب يا هندسه رمضان كريم وابقى داخل الدار دارك
ودام التواصل
عاطف عكود

الرجوع الى أعلى الصفحة اذهب الى الأسفل

رد: مرحبا اخونا محمد سليمان

مُساهمة من طرف خالد عبدالحميد في الإثنين 23 أغسطس 2010, 01:09

محمد سليمان ،، ياخوى انت ضرس حقنا بتاع زمان داك ؟؟؟
ياخى الف مليون سلام ،،ليك وحشة بقدر سنين الشتات
وابدا من وين ما تحب

الرجوع الى أعلى الصفحة اذهب الى الأسفل

رد: مرحبا اخونا محمد سليمان

مُساهمة من طرف ود كرار في الإثنين 23 أغسطس 2010, 06:44

ياجماعه والله انا فى شك والظاهر تشابه اسماء بس.

لانو انا فى اجازتى القصيره الفاتت دى قابلته ضرس, وما اظن عنده فكره عن المنتدى ولا عنده وقت, لانو بداوم 16ساعه فى برج مراقبه فى الامارات.

بس احنا فى انتظار اخونا ودسليمان يفصل فى الموضوع.

ولكم الود

الرجوع الى أعلى الصفحة اذهب الى الأسفل

رد: مرحبا اخونا محمد سليمان

مُساهمة من طرف mohd. sulaiman hussain في الثلاثاء 24 أغسطس 2010, 03:46

اخوانى الاعزاءالسلام عليكم ورحمة الله تعالى و بركاته - اخوتى راشد(مكوار) ود كرار
(كارم كزام) النشط ود عبدالحميد تحياتى وسلامى. اخى راشد رجعتنى بردك وكلماتك القليله عددا الكبيره معنى اجتر ذكريات بتفاصيل دقيقه , اول ما سكنا مع بعض لا انسى ابدا ترديد راشد لهذه الابيات - يا طير ان بقيت ماشى سلم على البنحبه و قول ليه مكوار لا جيناهو و لا رحبو و البطيخ بعد ما ناكلوا بنقشر حبو---- كما اورد راشد مكوار هو خزان سنار- فى بداياته الهجره اليه كالاغتراب فى زمانه الاول وفوجئ شاعر الابيات بأن الحال غير الحال وحتى البطيخ من الزهج بعد ما ياكلو بقشر حبو - ياريت تسمعوها من اخى الغالى راشد بصوته ولك خالص الود.
اخى ود كرار (كارم كزام) سلامى و تحياتى ما تشابه اسماء ياهو ضرس القابلته فى اجازتك القصيرة وفعلا مع ضغط الشغل الواحد مع تلاقى الاحبه يهون كل شئ ولك كل الود لموصلتك الدائمه-ان شاء الله موعودون بقصه من قصص ود كرار الشيقه
اخونا ود عبد الحميد تحياتى اظن من تفاصيل السطور السابقه ياهو ضرس بدمه و من غير شحم و كعادتك لامى الاخوة الزملاء وانت حاضر و فى شتات الغربه وحقيقه استمتع جدا بتعاليقك و قفشاتك , طال الزمن وبعدت المسافات فشكرا لمن جمعنا فى هذا المنتدى
ولبدرالدين مبارك الجاك تحياتى وينك مختفى.
اخى عاطف تحياتى وكما قال عريسنا كمال زمراوى لازم نرقم اسم محمد سليمان اظنك تقصد م.سليمان الحلفاوى. سافرت من البلد قبل اجتماعكم بيومين تقريبا وكن الواحد يتمنى يحضره ويلاقى الحضور-لك تحياتى مره أخرى. سلام للجميع و فى رعاية الله-أخوكم محمد سليمان

الرجوع الى أعلى الصفحة اذهب الى الأسفل

رد: مرحبا اخونا محمد سليمان

مُساهمة من طرف ود كرار في الثلاثاء 24 أغسطس 2010, 04:33

الف الف مرحب بضرس...

والله مامصدق, ضرس والله صدق مكوار,قال ماممكن تشابه الاسماء يكون لقايت الجد.

محبتين وحته.

ولك الود بحراوى.
كسره: جاكم ود بحرى الاصيل

الرجوع الى أعلى الصفحة اذهب الى الأسفل

رد: مرحبا اخونا محمد سليمان

مُساهمة من طرف يوسف عبد الحليم في الإثنين 25 أكتوبر 2010, 06:34

مرحبا بك بين بساتين وازهار وجودنا ورحيق التواصل
وشهد المحبه والاخلاص
منور بتواجدك معنا ويسعدنا تواصلك واشتراكك معنا
أتمنى تفيد وتستفيد ولا تبخل علينا بما لديك

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى