جلسة..واحلى جلسة...

استعرض الموضوع السابق استعرض الموضوع التالي اذهب الى الأسفل

جلسة..واحلى جلسة...

مُساهمة من طرف محجوب حسن محمد صالح في السبت 02 أكتوبر 2010, 05:57

جلسة..واحلى جلسة...
عمنا السر أحمد قدور يغنى مع مجموعته الشابة فى إفتتاحية برنامجه ويقول جلسة وأحلي جلسة...وأنا أقول جلستنا كانت أحلى جلسة ....تلك الجلسة التى جمعتنا مساء الخميس الماضي فى منتزه الأسكلة مع الزميل الشاب الظريف خالد عبدالحميد ....صاحب الفضل الكبير فى إدارة هذا المنتدي المميز..والله جلسة فعلا كانت حلوة..أحلى من الباسطة والكنافة التى احضرها أسامة مكي...بعدين أسامة لما شاف الكنافة حتبور قال يا أخوانا الليلة الخميس والباسطة دى بتنفعكم..الله يجازيك يا أسامة...الجلسة جمعت أيضا عددا من مغتربينا وعلى راسهم سيف مصطفي وعبدالله جاه الرسول وسيداحمد عبدالغني..الشكر للأخ أسامة مكي الذي نظم القعدة وجاب الكنافة...والشكر الكثير والتحية للأخ خالد لتشريفه الجلسة.....

الرجوع الى أعلى الصفحة اذهب الى الأسفل

رد: جلسة..واحلى جلسة...

مُساهمة من طرف ود كرار في الإثنين 04 أكتوبر 2010, 00:57

محجوب حسن محمد صالح كتب: الزميل الشاب الظريف خالد عبدالحميد.....

الاخ الكبير محجوب....كبر مقام

والله الحته بتاعت الشاب دى عجبتنى شديد, لانو احنا اصغر من ناس ودالاستاذ, والاجازه الفاتت قاعد فى الحله القاشى والماشى ياعمو اذيك وياخال كيف اصبحتا حرموا عليه قعدة الشارع قلت كمان القصه تتطور ايجينى شافع جارى يقول ليه يا جدوا كيفك.....

اخونا اسامه مكى ...ماتنسانا المره الجايه انشاءالله ترسل لينا الكنافه البايته, قابلنها.

لكم التحايا

الرجوع الى أعلى الصفحة اذهب الى الأسفل

رد: جلسة..واحلى جلسة...

مُساهمة من طرف راشد في الثلاثاء 05 أكتوبر 2010, 00:04

مسا الخير ياشباب...ود كرار انت لما اصغر من ناس ود الاستا> الوداك تقيف ولا تقعد في الشارع شنو..؟ انت ماعارف انو البقعدوا قدام البيوت ديل ناس المعاشات ..؟ وطبعا ود الاستاذ فطن وعرف الحاصل فبقي لابد جوه الاسكلة .....هذا علي صعيد الجدل اما علي بساط الواقع فكلكم شباب مادام الناس بتحلم وتركض بين دروب الحياة ...
................
.......
طبعا تحياتنا للاخ اسامة رغم اني لم التقيه....ولكن نتحفظ علي الكنافة
تخريمة:
شنو ياخالد ...؟ قلنا تمشي الخرطوم تسجل دماء حارة تمشي ترم عضمك من كنافة وبقية المطايب...!!!

الرجوع الى أعلى الصفحة اذهب الى الأسفل

رد: جلسة..واحلى جلسة...

مُساهمة من طرف عاطف عكود في الثلاثاء 05 أكتوبر 2010, 04:32

العزيز محجوب ليك وحشه وسعيدين بالطله بعد الغيبه والمنتدى نور
واشتهينا جلسه كجلستكم تلك اوحتى كجلسه عمنا السر قدور ولو بين طيات السحاب وكنافه اخونا اسامه مكى وباباى اخونا كركب ونخلة هاشم صديق وقعدة الكرسى فى خشم الباب بتاعة اخونا ودكرار ورم العضم على قول الغالى ودراشد
والله كلكم ليكم وحشه لكن شن اسو ؟ (على قول عاصم البنا )
ودام التواصل
عاطف عكود

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى