هل تسمعنى؟؟؟ حوّل!!!

صفحة 3 من اصل 4 الصفحة السابقة  1, 2, 3, 4  الصفحة التالية

استعرض الموضوع السابق استعرض الموضوع التالي اذهب الى الأسفل

رد: هل تسمعنى؟؟؟ حوّل!!!

مُساهمة من طرف عاطف عكود في الأحد 19 أبريل 2009, 00:55

khalid كتب:وواحد تحويلة مخصوص لى الحبيب عاطف صدّيق
اذا كانت دى صورتك حسع ؟؟؟ تبقى انت انتهيت يا فردة
لكن ان كان خيال فنان يتخيل فى المستقبل ! ده موضوع تانى
لك الود
وقول لابوبكر فتح الرحمن وين يا
الحبيب الحاج خالد والله مشتاقين وابوبكر فتح الرحمن سااااامعك ياحاج ,ام بخصوص الصوره دى يافردة فهى خيال فنان باعتبار ماسيكون حين تم رسمها !!!!!!!! وهى طبعا قديمه شويه !!!!!!! . الترحيب لكل من انضم خلال شهر ابريل من الاخوه الزملاء وهم اكيد سيكونون اضافة معتبره للمنتدى والتحايا موصوله لكل الاخوه الاعضاء ودام التواصل
عاطف عكود

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف ود كرار في الأحد 19 أبريل 2009, 01:08

الاخ ودصديق ...ود حلة اولاد اهلنا...

الف مرحب والله فنان وموهوب ....ماتعمل لينا بوست تنزل لينا فيه شوية اعمال فنية واكيد فنان ذيك ممكن يكون ليه باع فى فن الكراكاتير.

المهم غير لينا من لونيات مواضيع المنتدى.

لك الود

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف عاطف عكود في الأحد 19 أبريل 2009, 01:25

العزيز ود كرار مشتاقين وحلوه ود حلة اولاد اهلنا دى...... والله انت الفنان. والله الواحد شاعر بالتقصير فى كل بوست مفتوح لكن ما باليد حيله ودام التواصل
عاطف عكود

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف خالد عبدالحميد في الأحد 10 مايو 2009, 06:45

وقفة كانت لازمة فى حضرة الأحزان ،،،، نسأل الله اللطف
عزاءنا مجددا لعلى النور .. الفاتح..الرشيد شمس الدين وعبد الرحمن الزين
وكلّهم أهل والمصاب مصابهم اجمعين
نعود من هذا البوست القديم المتجدد
وحوّل اليوم للحبيب سعد كرار إبراهيــــم فرح
وحوّل اليوم للزعيم العزيز عوض الله
والآخريــــن .... طوّلتوا الغيبة

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف Saadeldien Karrar Ibrahim في الإثنين 11 مايو 2009, 16:05

سلامات الأخوة الأحباب جميعاَ
عذراَ للغياب
وسوف يطول شويه
عندى باخره فى الحوض الجاف
والتانيه جايه ياخالد سريعاَ مارش ب نمره 5
غايتو بعد ما ينتهو
سعدون بكون عاوز
dry dock Laughing
عاطر التحايا
سعدالدين كرار
ومش سعد كرار ياخالد Smile

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف ود كرار في الثلاثاء 12 مايو 2009, 04:11

الاخ سعدون...

وين الغيبه ...شايف اصحاب الاساطيل حول العالم ببيعوا فى السفن و انتو بتدخلوهم الحوض...ماشاء الله ربنا يذيد ويبارك...

الحكايه شنوشايفك بقية تصحح اسماء الدلع بتاعتك ...الظاهر نفوذ الجبهه الداخليه قوى ماتقبل تلاعب فى اسمك الجميل سعد الدين كرار فرح.

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف خالد عبدالحميد في الثلاثاء 12 مايو 2009, 09:46

الغريبة فى الحكاية،، انى متذكر فرح ؟؟؟!!
شكرا على المرور الأنيق يا سعد
آآآآسف يا سعد الدين كرار
وشايف الفردة امجد داخل فى الكلام البجيب الكلام
لكما من الود اطنانا ،،،، هى الأشواق

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف خالد عبدالحميد في الإثنين 01 يونيو 2009, 07:10

عودة لازمة من هذا البوست المتجدد فى نهايات مايو 2009 للترحيب وبشدة بتسجيلات المنتدى فى الشهر الفات ،، وحسب تاريخ التسجيل اتانا الاحبة
راشد النور عبد الخالق
عبد الرحمن حميدة
عمر صالح صابر
شجن الجميعابى ( واحسبها ابنة الراحل المقيم)
محى الدين حسب الرسول
زهير
حبيب على حبيب
عبد العظيم الامين (ومشاركاته تعلن عن قادم جديد من درجة فارس،ما شاء الله، بداية عظيمة يا عظمة ،، واصل الابداع والذكريات)
صلاح ابوبكر
اسامة معاوية الطيب ( وكذلك مشاركاته تعلن عن حضوره كابهى ما يكون التواجد فى هذه اللّمة الطيبة)
امير حسن محمد صالح ( انت ابن الشخصية المعروفة بتاعت شئون المستخدمين ولا انا اختلطت على الشركات؟؟؟)
محمد حسن عبد الرحيم ( وحسب مصادرنا الفوق الشبهات والاكتر من موثوقة) هو الشهير ب عوض الفلكى

حبابكم الف وصلتو تب هنا حيث بقية من ذكريات علّها تعين فى زمن الجرى والشتات
وفـــــــى انتظار دخولكم بعد ظهوركم فهذا منتدى المداخلات
وحوووووووّل مراحب مراحب

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف عاطف عكود في الثلاثاء 02 يونيو 2009, 03:00

khalid كتب:عودة لازمة من هذا البوست المتجدد فى نهايات مايو 2009 للترحيب وبشدة بتسجيلات المنتدى فى الشهر الفات ،، وحسب تاريخ التسجيل اتانا الاحبة
1) راشد النور عبد الخالق2) عبد الرحمن حميدة 3)عمر صالح صابر
4) شجن الجميعابى 5) محى الدين حسب الرسول 6) زهير 7) حبيب على حبيب Cool عبد العظيم الامين 9) صلاح ابوبكر 10)اسامة معاوية الطيب 11)امير حسن محمد صالح 12) محمد حسن عبد الرحيم الشهير ب عوض الفلكى
حبابكم الف وصلتو تب هنا حيث بقية من ذكريات علّها تعين فى زمن الجرى والشتات
وفـــــــى انتظار دخولكم بعد ظهوركم فهذا منتدى المداخلات
وحوووووووّل مراحب مراحب
حبابكم الف (الاتناشر بدون فرز ) بين اخوانكم واعمامكم واكيد وبمداخلاتكم ستكونون اثنى عشر عينا تصب فى بحر منتدانا لتثريه (خصوصا بينكم صاحب موسى وعصايته) وبكم صرنا وبحمده اتناشر اتناشر فالاخ عوض هو العضو رقم144
ودام التواصل
عاطف عكود


عدل سابقا من قبل Atif Siddig Akoud في الثلاثاء 02 يونيو 2009, 03:03 عدل 1 مرات (السبب : تعديل)

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف احمد محمد احمد في الخميس 04 يونيو 2009, 15:51

نرحب ترحيباحارا بالجميع و احتفالا بهم ندعوهم للتمتع باللحم الطيب لهذا الخروف الذي سيذبحه جلالة الملك المغربي شخصيا



(ملفوح)

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف خالد عبدالحميد في الجمعة 05 يونيو 2009, 08:29

ما قصّرت يا ابو حميد ياابو الكرم ،،، مشكور على الدعوة ،، مع شك كبير انو الخروف ده اتضبح من اساسو؟؟ ضبح بى اطراف الاصابع ده ما سمعنا بيهو ،،،
والتخريمة ""
الا ليت حبيبنا سوكارنو يظهر علينا ويحكى القليل عن ايامو فى (اللايف ستوك)
خروف زى ده كان اتلحس زمااااان
ولا شنو يا ابو السوس

واتباعا لسنة احمد محمد احمد ،،،و لمجرد مواصلة الكتابة لبقاء ابواب المنتدى مفتوحة
واسهاما منّا فى تغيير المزاج ،،، شوية نكات من الفضاء الاسفيرى


*مسطول حاقد على احوص الاحوص بعمل لقيمات جلس المسطول جنب الأحول يرمى القيمات برا الزيت والمسطول يقول
تش تش تش

مسطول عمل عملية تجميل جاء داخل لاهلو بعد العملية
قال ليهم على بالقسم ما عرفتكم

مسطول فتحو محطة بنزين جنب بيتهم.....
قال: اخيراً الواحد يقدر يكب بنزين كداري

*مسطول عضاه دبيب.. قعد يضحك .... سألوه ليه بتضحك قال ليهم الدبيب راح فيها أصلى إنا عندي .. ايدز

*مسطول بشاغل واحدة بالتلفون. .
قالت ليه هي انت مسطول ؟
قال أنعل أبو الكاشف زاتو.............

واحد مسطول بيشرب سجارة وبيرجع البيت يفتح الباب بالمفتاح و يرقد ينوم
مرة كان مقرش اشترى سجارتين
ولع واحدة ونسى التانية لما رجع البيت عاوز يطلع المفتاح طلع السجارة التانية
استغرب و قال ياربي أكون أنا شربت المفتاح

مسطول عايزاه امه يساعدها بالسمبوسه قالت ليهو بتعرف تلف ؟ قال: خليكى عاقله ياحاجة

مسطول سأل الدكتور قال ليهو : «فهمني كيف تحللوا البول وتحرموا الخمرة ؟؟

مسطول مواعد ليهو واحد... شراهو مشي اشتكاهو في مكتب الحركه.
بتاع البلاغات سالو:'نمره العربيه كم؟'.
المسطول : 'ما عندو عربيه'.
بتاع البلاغات: 'طيب نمره عربيتك كم؟'.
المسطول: 'ما عندي عربيه'.
بتاع البلاغات: 'طيب جاي مكتب الحركه ليه؟'.
المسطول: 'عشان حركتو دي ما جميله'!!

مسطول مرتو قالت ليهو:'وأنا بصلي الكديسة أكلت عشاك.. قمت دقيتها قامت جارية'.
قال ليها: 'ما مشكلة بكرة بجيب ليك كديسة تانية'!!

مسطول.. بتاع الحركة قال ليهو: ما رابط الحزام ليه؟ قال ليهو: 'هو أنا بالله لابس بنطلون؟؟'

مسطول جابوليهو بنت قالوا: 'حتسميها منو؟'
قال: 'هبة على عمتي علوية

المسطول مشى بيت ناس صحبو دقه الباب جاتو اخت صحبو
سألا حسن في ؟
قالت ليهو مافي
فضل واقف سرحان
قالت ليهو خلاس لما يجي بكلمو ليك
قاليها كلميهو انتي قايلاني خايف منو؟؟


حوّوّووولووووا يا احبة

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف خالد عبدالحميد في الأربعاء 17 يونيو 2009, 10:55

جرت العادة انو فى آخر الشهر نكتب ونرحب بتسجيلات الاعضاء الجدد،، لكن ونحن حسع فى منتصف يونيو ،، يعنى اسبوعين من 12x12 عاطف صديق ولازال باقى طعم من خروف احمد محمد احمد فى البال ، فجأة العدد بقى 152 ( ما شاء الله)
ثمانية تسجيلات فى اقل من اسبوعين - حاجة كده زى رقم قياسى- وفى نفس الوكت شهدنا أقل عدد من المساهمات ،، مسألة ضد قوانين نيوتن كلها ،،، لكن ده براهو وده كذلك
الشاهد وجدنا ،، لزاما علينا الترحيب الشديد بــالسبعة الجُداد،، وهم حسب تاريخ التسجيل
the legened (وتسجيل تانى بالاسم العديل- محمد عبد العظيم)
صلاح عبد الحفيظ
طارق عبد الحميد كرار على
على عثمان الفودابى
مصعب عبد العظيم
زكى مبارك عبد الله
ياسر قريش
عشرات حبابكم،، مراحب البيت بيتكم ابقوا داخلين
الترحيب بالجُداد من كل القُدام والتحويلة من ديل لى ديلاك
عوووك وحوووّل

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف خالد عبدالحميد في الثلاثاء 30 يونيو 2009, 10:13

نعود فى تلغراف ادارى من هذا البوست الذى اتمنى ان لا نحتاجه لكن ..... يبدو انو حووووول وعووووك ما قادرين ننفك منهم
اليوم قلت ادّيكم اسماء ليست بـسر ،،، وهى اسماء (كل ) من ليهو اكتر من 5 مساهمات وطالت غيبتو ( وده رقم ما عشوائى لانو من 4 وانت نازل برضو فى عدد معتبر ) المهم جدا انو كما مذكور فى بوست اخر انو الاصل فى المنتدى هو التواصل وتفقد الغايبين ،، فى تقديرى كل من اسهم واختفى من حقو علينا ان نشوف الحاصل ووين الغيبة ،، فكل من يقرأ الكلام ده ويقدر ينوّرنا ... فياريت
والاحباب ذوى الخمسه مداخلات وطاااالت غيبتهم هم

آوى 101
سعدالدين كرار 82 ( لعل الزنقة قربت تفك؟)
الفاتح ادريس 70( الباس ورد الجديدة إن شاء الله وصلت؟؟)
عادل أنور 38
سيف الدين مصطفى 23
عوض الله 19--- بابكر يوسف 19 مشترك (صدفة يا كباتن؟!!)
خالد العاقب 10
حـــمد النيـــل 9
فيصل عبد الحليم 8
بدر الدين الجاك 7
الرشيد بادى 5

هذا ما كان من احصائيات المنتدى ،،، وقفة لنرى وين الاحبة وفى مرّة تانية إن شاء الله نتفقد من لهم مشاركات اقل ،، لكل من طالت غيبته إن شاء الله خير
التخاريم:
*جنّى العجيب فى انتظار طلّتك البهية قريبا .. فى ظنى عندك مشكلة كمبيوتر
* اسعدنا اتصال من حبيبنا ابو بكر فتح الرحمن ووعد ( للمرّة التانية بالظهور )
وأفاد انو ولدنا الاديب اسامة معاوية الطيب فى السودان ( لعل ده سبب الغياب ونتوقع عوده قوية لكليهما )

* تحية لكل القابضين على المنتدى ممن ذكروا ومن لم نذكر ،،،
وتشكرات لكل من يكتب حرفا فى هذا الملك العام ويشارك من شاركوا رحلة العمر بمشاركاته
دامت ايامكم تواصلا ... ود بلا حدود عبر الهواء الاسفيرى

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف خالد عبدالحميد في الإثنين 31 أغسطس 2009, 10:56

نعود من هاهنا،،،
لتسجيل حضور ومتابعات ،،،،،،
لكنه حضور أشبه بالغياب
سامحونا فرغم الشديد القوى طلّينا للسلام يا أحبة يا كرام
اسعدتنا والله مشاركات الايام الفاتت --واصلوا،، حكاوى وأشعار عظيمة
الود بحاراااااا

الرجوع الى أعلى الصفحة اذهب الى الأسفل

حول

مُساهمة من طرف راشد في الإثنين 31 أغسطس 2009, 17:49

اخي العزيز ود الاستاذ
كل سنة وانت طيب وكل الاهل والرفاق...طبعا مشاركتك القوية ورغبتك الاقوي تستفز حتي الامي كيما يحاول الكتابة والمشاركة وانا اعلم يقينا ان الكتابة اليك رغبة في التواصل اكثر من ان تكون فضفضة دواخل وتسكع في دروب المنتدي لقتل الوقت ...وكما اسلفت ان مجهودك الخرافي المبذول في وعلي هذه الصفحات يشعرني بالغبطة والسرور وان قلت انك فاضي وعندك زمن اعرف اني اكذب ولكني اعرفك انسانا يقتطع من احشائه ليطعم مارد هذه الصفحات التي لا يشبع لها نهم وربنا يديك الصحة والعافية....ورمضان كريم واتمني لو تجوا تفطروا معانا في المدينة حيث ان كل المحيطات تنادي رمضان....درجة الحرارة عندنا 46درجة مئوية ولكني قلت خيرا ان اكتب بمداد العرق فلعله يكون اطعم ....

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف خالد عبدالحميد في الثلاثاء 01 سبتمبر 2009, 10:36

راشد يا رفيق السنين،،ايه رأيك تمشى لى بوستات الادب والشعر وتدلى بدلوك مع الدلاء؟؟ ما انت ( أدّها وإدود )
ان استفز اصرارى اقلام العظماء الذين يكتبون هنا فهذا والله شرف لا أستحقه ... فما بين الاحباب من تاريخ وذكرى ما يحرّك باخرة فى ليل بهيم فى بحر لجى وما كان لنا الا شرف البدايات مع الكوكبة الاُول
ليتنا كنا فى المدينة فى رمضان وفى غير رمضان .....لكن
التخريمة:
داير تقنعنى انو حرارة 46 مؤثرة فيك !!!
ياخى انتو السنة كلها على ظهور السيارات فما بالك ان كانت مازدا 2009
بارك الله فيكم ولكم
ودعواتك ،،ما ثقة فى درجة ايمانك لكن من منطق من جاور ... Like a Star @ heaven
سلام للعيال وامهم
واشواق بالكوم

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف راشد في الخميس 03 سبتمبر 2009, 04:07

مساء الخير ....
وينكم ؟؟؟؟؟؟؟؟؟؟؟ طبعا والله ياخالد لازلت اتذوق حلاوة فرحة حضورك للمدينة ولا اود اقول ألوك حتي لا تحسبها لبانة وانا دائما ارمي اللبانة بعد ان تذهب حلاوتها ...
ليك وحشة حتي التفيك
تحياتي للاسرة وعودا حميدا وكل الشوق لـ(همس الصبا)

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف Admin في الخميس 19 نوفمبر 2009, 09:50

حووووووووووووووووووول
يا خليــــــــــــــــــــــــــــــــــــــــــــــــج
حووووووووووووووووليـــــــــــــــــــــــــى يا اوروبـــــــــــــــا
وانتِ يا بورســـــــــــــــــــــــــــــــودان
وياخرطـــــــــــــــــــــوم
أيام من الصمت،،،،،،،،،،!!!!!!!!!!!؟؟؟؟؟؟؟
ويأتــــــــــــــــــــــــون إن شاء الله

Admin
Admin


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف عبدالرحمن محجوب يوسف في الجمعة 20 نوفمبر 2009, 01:09

سلامات وادي واحد من الخليج .اين الاحبه ولا تجهيزات العيد الكبير؟ يعود علينا وعليكم بالخيروالبركات

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف خالد عبدالحميد في الثلاثاء 15 ديسمبر 2009, 19:45

Admin كتب:حووووووووووووووووووول
يا خليــــــــــــــــــــــــــــــــــــــــــــــــج
حووووووووووووووووليـــــــــــــــــــــــــى يا اوروبـــــــــــــــا
وانتِ يا بورســـــــــــــــــــــــــــــــودان
وياخرطـــــــــــــــــــــوم
أيام من الصمت،،،،،،،،،،!!!!!!!!!!!؟؟؟؟؟؟؟
ويأتــــــــــــــــــــــــون إن شاء الله

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف احمد محمد احمد في الأربعاء 16 ديسمبر 2009, 02:43

يا جماعة ود الاستاذ دة ما بكورك ليكم من اخر الواطة رغم البرد و الصقيع. بالله عبروه و اجبروا بخاطره ولو بمداخلة من بضع كلمات.

انتوا كلكم مريخاب ولا شنو. بالمناسبة دى هاكم الكراكاتير دة.

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف عاطف عكود في الجمعة 18 ديسمبر 2009, 03:05

احمد محمد احمد كتب:يا جماعة ود الاستاذ دة ما بكورك ليكم من اخر الواطة رغم البرد و الصقيع. بالله عبروه و اجبروا بخاطره ولو بمداخلة من بضع كلمات.

انتوا كلكم مريخاب ولا شنو.
[
العزيز احمد سجل عندك
هلالابى وافتخر (احمدالله )
والله يجبر خواطر الجميع والغياب طال عبدالرحمن الزين , عبدالحميد عيسى واوربا , جنى العجيب , عبدالعزيز , عوض الله , الفاضل وكل بورسودان ,الرشيد ,سعد كرار والامارات السبعة , عبدالعظيم الامين , عبدالرحمن , الجزار , ودالحبيب وكل المبحريين ,الخرطوم امدرمان بحرى , النتو , الجمل , ابوبكر وبقية دول مجلس التعاون...................... يا جماعة الحاج ود الاستاذ دة ما بكورك ليكم من اخر الواطة
عاطف عكود

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف احمد محمد احمد في الجمعة 18 ديسمبر 2009, 03:58

كتر خيرك يا عاطف و الف مبروك الكاسين ونحن ناس العضيم الصغير لينا الله.
الظاهر دخلنا فى دورة من دورات الكسل الشتوى نرجوا من الله انها ما تطول.

تحياتى للجميع.

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف عاطف عكود في الجمعة 18 ديسمبر 2009, 13:50

احمد محمد احمد كتب:كتر خيرك يا عاطف و الف مبروك الكاسين ونحن ناس العضيم الصغير لينا الله.
الظاهر دخلنا فى دورة من دورات الكسل الشتوى نرجوا من الله انها ما تطول.

تحياتى للجميع.
العزيز احمد معليش لكن دا الوضع الطبيعى يوم عليك ويوم عليك تانى كمان
ونرحب بيك فى قلعة سيد البلد والرجوع للحق فضيلة .
عاطف عكود

الرجوع الى أعلى الصفحة اذهب الى الأسفل

رد: هل تسمعنى؟؟؟ حوّل!!!

مُساهمة من طرف Admin في الأحد 17 يناير 2010, 11:00

ونعووود من حووول لاعلان ما هو معلوم،،، وسبب يدعو للابتهاج وهو انو عدد الاعضاء فات ال200 ،،،،فى هذا اليناير الفين وعشرة ... الرقم انجاز معنوى ومحطة لافتة فى ما نرجو من عمر منتدى الاسرة البحرية السودانية الجامع هذا
نرجب بكل القادمين اخيرا
محمد خضر سيداحمد
ومصدق عبدالله اسماعيل
والشكر لكل من جعل هذا ممكنا
وهمّتـــــــكم حتى نستطيع الابحار سويا بين شواطئ الذكريات
ونلتقى لنتفاكر فى مــــــــــا كان ومــــــا سيكون بإذن الله
ودمتم فى خير

Admin
Admin


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

صفحة 3 من اصل 4 الصفحة السابقة  1, 2, 3, 4  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى