حكا يا ت من زمن سودانلاين الجميل

صفحة 6 من اصل 27 الصفحة السابقة  1 ... 5, 6, 7 ... 16 ... 27  الصفحة التالية

استعرض الموضوع السابق استعرض الموضوع التالي اذهب الى الأسفل

رد: حكا يا ت من زمن سودانلاين الجميل

مُساهمة من طرف الرشيد شمس الدين عبدالله في الثلاثاء 30 ديسمبر 2008, 12:55

تلقيت بالأمس رسالة رقيقة من العزيز عبدوس يشرح فيها أسباب إبتعاده الذى طال وأقلقنا عليه كثيرا وذلك لأسباب تتعلق بكثرة الأسفار فى الاونة الأخيرة وكذلك مشاكل تتعلق بالكمبيوتر الخاص به .... أما وقد زالت الان كل الأسباب فقد وعد بالمواصلة منذ اليوم وأنه سيهريكم وكذلك طلب منى أن أبلغ ماسورة أن قد جاءه البلاء ونحن فى إنتظار هذا البلاء خصوصا لقاشورة ....لكم الود وليدم مابيننا ...
الرشيد شمس الدين

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف عبد الرحمن الزين2 في الخميس 01 يناير 2009, 00:17

احبتي
لا ادري حقا من اين ابدا هل اشكر ام اعتدر ام مادا
والله لا ادري
لكم وحشه
والله ما غبتم عن الداكره رغم الظروف اللعينه
المصيبه حتي عندما تخلصت من كل المشاكل غيابي سفري المفاجي الي القاهره وفاة اخي سفري الي افريقيا ثم سابعة الاسافي سقوط اللاب توب وانقطاعي عنكم
ويشهد الله كم كنت اشتاقكم ومند الامس احاول ان ادخل ولم اتمكن وساعدني رشدي بان ارسل لي العنوان ورغم دلك لم اتمكن من الدخول واخيرا تمكنت من الدخول كمشترك جديد علي الاقل عشان ترحبوا بي من جديد
وكما وعدت رشدي ساهريكم وساطفشكم
شكري لكل من عزاني في وفاة اخي حسن لا اراكم الله مكروها في عزيزا لديكم
الشكر لكل من افتقدني
لن اسمح لنفسي ان ا بتعد عنكم ابدا الا ادا صاحب الامانه اخد الامانه
كل عام وانتم بخير ونواصل
عمكم عبدوس

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف عبد الرحمن الزين2 في الخميس 01 يناير 2009, 01:35

عارف يا رشدي كلو كوم وشبو ده كوم تاني
انا لازم احكها لمن اعرف حكاية يا شمس الدين دي شنو
علي فكره وانا في غرب افريقيا وتلفوني ما شغال اتتني رساله رقيقيه لابعد الحدود تحمل تهاني عيد الضحي المبارك من العزيز العزيز العزيز باشمهندس عبد الحميد الا تعتقد ان وجوده في هدا المنبر فرض عين وادن ولسان صدق
ما انبله من اخ كريم
وليدم ما بيننا كما تقول حبيبي رشدي

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف عبد الرحمن الزين2 في الخميس 01 يناير 2009, 01:48

ما اعجب هده الدنيا سافرت الي القاهره في 14 نوفمبر تاريخ انقطاعي عنكم وسقوط اللاب توب وخستكت شاشته سافرت لاقنع اخي الدي كان بالاردن
- يا شبو- ان لا يجري عملية الغضروف وشاءت الاقدار ان يصل القاهره في نفس الوقت الدي تلقيت فيه نبا وفاة شقيقي حسن= ده رشيد ما سمع بيه=
سبحان الله المهم لم اتمكن من السفر الي السودان لاني لم اكن احمل جواز السفر السوداني وعدت لان لدي ارتباط مسبق بالسفر الي غرب افريقيا
وجرت السبحه وانقطعت عنكم غصبا عني والله المهم عدت ولا زلت في انتظار الترحيب الا وساعملها تاني
عارف انقطاعي اسعد بعضكم لكني راجع والكلام ليم يالمطير عينيك
وليدم ما بيننا

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف عبد الرحمن الزين2 في الخميس 01 يناير 2009, 02:15

رشدي السكرة
والله انت بتقلب المواجع عسي سيرة تشربون ومولانا حمد النيل دي لزومها شنو
.... زمان زمان زمان يارشدي لمن كنا طلبه قول اربعين سنه خلت وكنا نتلقي المرتب شهريا ولكن في فترة الصيف نتلقي راتب تلاته شهور وكالعادة تتم بعثرته في تشربون بواسطة مولانا عليوه وخليفته ابو النيل وهاك يا جوع
في اخر الايام كانت الاكلة يوغورت وطماطم وبصل وخبز تقلصت شويه شويه حتي صارت بصل وبصل وخبز وفي احد الايام اصطحبت مولانا لشراء البصل وهناك شاهد قطعة من لحم الخنزير حوالي عشرين غراما معلقه بحبل وقديمه ليها امكن عشرة سنين
قام قال لي يا راخو ياخي بلاش البصل عليك الله اشتري لينا القطعه ديك
طبعا انا حنيت عليهو لكن الميزانيه ما كانت تسمح المهم ما اشتغلته بيهو واشتريت بصل وخبز وعدنا للمنزل ومولانا يردد فمن اضطر غير باغ فلا اثم عليه
قمت باعداد المائدة ودعوت الاعزاء ابو النيل وعليوة وكان البصل في صحنين قام حمد قال لي ليه في صحنين ما كلو بصل قلته ليه واحد لملاح والتاني السلطه
قال لي يا اخي حرام عليك انا بقدر اضحك وانا جيعان
بركاتك يا مولانا

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف عبد الرحمن الزين2 في الخميس 01 يناير 2009, 02:29

حبيبنا وصديق الكل ود كرار
اعلم بانك اكثر المساهمين واشكرك علي كلماتك الرقيقه في شخصي ولهدا اطمح في كرمك ان تسمح لنا امن نتواجد في بوست الاخ العزيز الباشمنهندس رشدي حكايات من النيل الابيض حتي لا نتشتت بين البوستات
لو وافقت انت فستكون صاحب فضل علينا كعهدك ابدا ولا عدمناك
عمك عبدوس

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف ود كرار في الجمعة 02 يناير 2009, 04:56

عم الكل عبدوس ...

مرحب بيك عضو قديم متواصل التجدد...

انا جريت بنبرى واتحكرت جوه بوست العزيز رشدى (اذا سمح لنا باستخدام الاسم مجرد ونحنا بذلك لانرفع الحواجز ولا نشرئب بقامتنا الضئيله لنرتقى لمقامه العالى ,ولكن لسهولة الكتابه ليس الا).

عام سعيد لكل الاعضاء والمشاركين ولكل البتاوقوا من بره لبره ونتمنى انو فى 2009 ان يسجلوا حضور ومشاركه ولو بالبسيط.

لكم الود

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف الرشيد شمس الدين عبدالله في السبت 03 يناير 2009, 14:02

وأخيرا - تماما كما يعود البدر مكتملا فى تمامه - عاد عزيزنا عبدوس , ولقد أسعدنا أنه قد بدأ مشتركا من جديد وهذا يعنى أنه سيبدأ بنفس حماس الأيام الأولى ...على المستوى الشخصى فقد رفعت عنى عودة عبدوس بعض حرج كنت أحسه تجاه حبيبنا (الحاج ) خالد , إذ أننى لم أستطع الأيفاء بوعد كنت قد قطعته له ..... من الناحية الأخرى ستكون عودة عبدوس بالضرورة دافعا لعودة ( المايتسماش ) قاشورة ... أهلا ببهاء الطلة من جديد يا عبدوس ....
أما عن سؤالك ياعبدوس عن موضوع (شبو وكان شفتو ؟ ) فأنا مستعد أن أحكيهو وبالتفاصيل المملة فقط أريد الأذن من أخينا عوض شبو ..فهل يأذن شبو ؟
أخيرا وليس اخرا فقد سعدت والله كثير السعادة أن أرى فى قائمة التسجيل فى المنتدى اليوم الأخ العزيز كابتن كمال حسن وهو من الرعيل المؤثر فى سودانلاينوقد تدرج فى الشركةكقبطان متفرد و حتى شغل منصب المدير العام للشركة. ونحن فى إنتظار مساهماته القيمة بإذن الله .. مرحبا كابيتانو وفى إنتظار الدرر ... لكم الود وليدم أبدا مابيننا ...
الرشيد شمس الدين

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف الرشيد شمس الدين عبدالله في السبت 03 يناير 2009, 14:18

حبيبنا ود كرار ...لك الود الكثير وكل عام وأنت بكل خير ...إنت والبنبر بتاعك تشرفونا كثيرا والله ...أما عن القامات والمقامات فذلك حديث يمثل تواضعا كبيرا منك ومن تواضع لله فقد رفعه ... ولكننا فى هذا المنتدى إخوة أحباء وأنت صاحب فضل فى هذا المنتدى يسبقنا كثيرا لذلك فمقامكم عندنا هو الأعلى ولا عدمناكم أبدا ...

الرشيد شمس الدين

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف ود كرار في الأحد 04 يناير 2009, 02:28

بعض الاخبار من الوطن العزيز..

وكما عهدناه دوماٌ بابكر ود يوسف سباقاً فى لم شمل الاصدقاء...

لقد بادر منذ اليوم الاول من وصله الى ارض الوطن فى الاتصال بالاخوان والزملاء,ولقد توجت تحركاته الماكوكيه فى لم الشمل فى منزل الاخ الفاضل /خالد مهدى الفكى...ولقد كان من الحضور الاخ البشمهندس عبدالعظيم حسب الرسول والاخوان محمد شرفى ومهدى شلكاوى وسعدالدين كراروعلى محجوب وبدر الدين مبارك الجاك وعمر خلف الله الرشيد (طايوقه) واخريين ....

واحنا فى انتظار الحبيب سعد كرار عند وصوله لارض الغربه لكيما يسرد لنا اخبار تلك اللمة الجميله بالتاكيد ...

احنا فى الانتظار تحت شجرة الباخرة النيل الابيض

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف خالد عبدالحميد في الأحد 04 يناير 2009, 07:22

تسجيــــل حضور فى حضرة العظام،،، تحت شجرة النيل الابيض لصاحبها النادر المثال وكل الاحبة،،،

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف عبد الرحمن الزين2 في الإثنين 05 يناير 2009, 07:18

الاخ الحاج خالد تحياتنا يا عظيم ودايما تخجلنا بكلماتك الطاهره
اسفي تغيبت لتلاتة ايام كنت فيها بانجلترا ولم يكن معي مقطوع الطاري اللاب توب لا زلت اعاني مشكلة في الدخول قد يبدو السبب في تغيير اللاب توب واللغات
ولكن كلو لا يهم
ساعود غدا وارد وارجو ان يكون قاشوره = ده كلام رشدي ما انا = جاهز عشان ابستفو ليكم
اصدق التراحيب بالستاد كملي
ولتدم محبتنا واحترامنا عبدوس

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف الرشيد شمس الدين عبدالله في الإثنين 05 يناير 2009, 13:11

عزيزنا الحبيب الحاج خالد
لك الود وصادق التبريكات بالعودة الظافرة بعد أداء المناسك وإنشاء الله تسبعها ... لقد والله هلت البشائر ونور المنتدى وأشرق بعودتك وعودة عبدوس وإمجد كرار ثم تسجيل أستاذ كمال ... لا عدمناكم أحبتى وربنا ما يحرمنا من هذه الطلعة البهية والطلة الزاهية وليدم مابيننا أبدا .......

الرشيد شمس الدين

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف عبد الرحمن الزين2 في الثلاثاء 06 يناير 2009, 01:58

وينك يا قاشوره والله ليك وحشه وصاحبك رشدي ماخد راحتو بالكامل وما عارف انو في اتفاق بينا رغم انو انا عارف وانت عارف وهو عارف انك ما عندك امان وممكن تبيع احب حبيب في اي لحظه دون ان يرف لك جفن -ده لو عندك جفن- المناسبه التي دعتني ان اناشدك العوده انو البورد سخن لقد انضم اعضاء جدد لهم وزن تقيل والبورد حيسخن ووجودك مطلوب قبل انضمام عضو جديد مع عميق محبتي ارجوكم ما تفهموني غلط

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف الرشيد شمس الدين عبدالله في الثلاثاء 06 يناير 2009, 15:36

إتصل على الفاتح ماسورة أمس من الخرطوم وقال لى إنه فى طريقه لبورتسودان اليوم حيث سيوالى مشاركاته كما وعد , خصوصا عندما علم منى إنه عبدوس قد بدأ معاودة الإرسال وطبعا أنا كالعادة ماقصرت فى عمل ( المديدة حرقتنى ) ... سألنى هل عبدوس هبشنى ؟ قلت ليهو على خفيف يعنى ...قام التافه قال لى : المرة دى مافى زول فيكم يمسكنى ...لا بعرف عليوة , لا حاجة امنة , لا رشدى ...طبعا بينى وبينكم تحت تحت كنت مبسوط لمعاودته الإرسال السيء البشبهو .... غايتو يا عبدوس الله يستر ...

الرشيد شمس الدين

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف عبد الرحمن الزين2 في الثلاثاء 06 يناير 2009, 23:13

مرحب مرحب والف مراحب بصديقنا الاستاد الفاتح ليك وحشة يا حبيبنا وفي انتظارك...... شنو رايك يا رشدي قصرته وهل في كسير تلج اكتر من كده وطبعا..... ان انت اكرمته الكريم ملكته وباقي البييت تمو انته وده القاصدو انا........ شايفك يا رشدي زوقتة من التعليق علي جديد دي وانا ما بحكها لكن امسك مني زولك الفاتح ده وانا بسكت.. الا ... مئونة اعوام من المحبة والتقدير.... عبدوس
تخريمه شكرا ياحاج خالد برسالتك العطره واهتمامك شايف الامور ماشه تمام اكرر الشكر

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف عبد الرحمن الزين2 في الجمعة 09 يناير 2009, 02:44

احبتي
برضكم مسجلين غياب شديد حقيقة اول مره احس لمن الزول يفقد احبته رغم اننا بحاره من المفروض ان نكون غلاظ القلوب.... اه دلوقت عرفته رشدي ما كان بنوم ليه في شندي ده انا اهبل بشكل
والله يارشدي ما طالبني حليفه عدت من لندن لاتفقد حال السنيورة ايه وعدت بنزلة حادة ولزمت الفراش حقا ومن كترت مناديل الورق صحيت في الصباح وتتخليت اني زرعت قطنا في الغرفه ولكن كنت دايما اصر ان افتح المدعوك اللاب توب عساي اجد رسالة منكم او من المابتسماش اومن ودكرار خالد ا او اوي او ابو النيل او حاج خالد او اي واحد من ال99 ولكن عشم ابليس

موده بلا حدود


عدل سابقا من قبل عبد الرحمن الزين في السبت 10 يناير 2009, 02:45 عدل 1 مرات (السبب : تعديل)

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف خالد عبدالحميد في السبت 10 يناير 2009, 10:03

الحال من بعضو يا قبطان،، كلنا فى انتظار المذكورين اعلاه!!؟؟ يخيل لى غير اننا نمد حبال الصبر ،،، نغير الكورس شويه ونرجع نشتغل " دعوة" ،،، نبتكر طرق جديدة لإستكتاب الحبايب ،،،،
محتاجين مناديب فى الخرطوم،،، وقطر،،،،وبورسودان،،، إمارات،، وهلم جرّا
يورّونا الحاصل شنو بالضبط ،، والمفروض يتعمل شنو؟؟ أو أيتها إقتراحااااـت
وسلامات يا كابتن إن شاء النزلة اللعينة غادرت؟؟ اجر وعافية
للجمــــيع... من الودِ بحارا

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف الرشيد شمس الدين عبدالله في السبت 10 يناير 2009, 12:56

الأحباب الأعزاء
كيفكم وكيف الأحوال أنى كنتم .... أضم صوتى غليظا لأصوات عبدوس وحاج خالد فى إنتظار مساهماتكم قبل أن يرجع عبدوس ل ( تشربون ) ويرجع خالد لما قبل الحج ... فى إنتظار مشاركاتكم على أحر من الجمر ... وحتى التافه ماسورة بدأ يتعزز ... تصوروا ؟ ..
كفارة يا عبدوس أجر وعافية , شرك مقسم فوق ناس ماسورة الدقشم , لأنه عندة عنقرة تتحمل الراجمات مش بس النزلة.... بالمناسبة ماذا تعنى الدقشم ؟ أتحدى قوقل وبيل غيتس شخصيا ... لكم الود وليدم مابيننا ...

الرشيد شمس الدين

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف عبد الرحمن الزين2 في الأحد 11 يناير 2009, 01:29

خليني من الدقشم يا رشدي وحاتك ما بعرفو لكن المحيرني يقولو ليك يحلك مني الحله بله ونفسي اعرف مستر بله ده اتخارج كيف
زمان كنت متحير في الما عارف يقول عدس لكن اخيرا جدا فهمتها
لو توريني الدقشم بوريك العدس
بس للحق اقول صدقت في عنقرة ماسورة ولو لا انو نسيبو صديقي وحبيبي كنت قلته في العنقره دي ما لم يقله مالك في تشربون
تخريمه
قال ليه يا باشمهندس كابتن قاسم كتب فيك ما لم يقله مالك في الخمر ومن يوميها حرم
علي الكباتن ان يكتبوا تقارير عن المهندسين يعني رفعت الاقلام
بس لازم اترحم علي حبيبنا عبد العزيز عبد الفتاح كان رحمه الله قمة في السخريه
وما احبه عندما يقول لك يا حلو
وهو صاحب نظرية دي نطرح منها كم
وتلك رواية شيقة ساعود لو عدتم
ولكن ممكن تسالو عبيد الله جاه الرسول ربنا يمسيه بالخير اينما كان
حمولة النيل الابيض من الحبه لكم جميعا


عدل سابقا من قبل عبد الرحمن الزين في الأحد 11 يناير 2009, 01:34 عدل 1 مرات (السبب : اخطاء املاييه)

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف عبد الرحمن الزين2 في الأحد 11 يناير 2009, 02:05

رد: المؤسسة الإستثمارية التعاونية للبحارة السودانيين
من طرف عبد الرحمن الزين في الأربعاء أكتوبر 08, 2008 8:15 pm

العزيز ميرغني
طبعا ميرغني دي في ناس كتار ما عارفنها
طبعا حتقول اللة يجازي محنك يا عبدوس انته ما بتنسي اي حاجه
اولا سعدت جدا انك متابع وهذا ليس جديدا عليك ولكن نحن عندنا افة تصيبنا جمعا كسودانين نامل ان نجد لها علاجا
وعندما دعاني العزيز رشدي للانضمام كنت اسعد الناس ففكرة هذا اللقاء الاسفيري دارت بخلدي عندما تعذر علينا اللقاء ولكن من خلال متابعاتي وجدت ان كل اصحاب مهنه او حتي هواية يلتقون ويتابعون اخبار بعضهم البعض الا نحن ونحن كنا اكثر من اسرة كل الناس يلتقون في مجال العمل لمدة لا تزيد عن ثمانيه ساعات باي حال الا نحن نحن نسيج وحدنا نلتقي بارادتنا او من غير ارادتنا كل اليوم وكل الشهر وكل الاعوام احيانا- في احد المرات لم انزل اجازة لمدة اربعه اعوام كامله بحجة عدم وجود البديل ولكني كنت قانعا شاكرا حامدا- هل يفعلها ابناؤنا هذه الايام قطعا لا الااذا كان معهم اناس مثللكم ولكن صدقني لن يجود الزمان بمثللكم يا اوي
معذره يا ميرغني
معذرة سرحت كعهدي ولكن ما اردت ان اقول دعونا فقط نؤكد اننا ننتمي لهذا المنتدي ليعطي اي واحد منا نفسه خمسة دقايق فقط يتصفح وهذا اضعف الايمان ويرد ولو بنكته لا تشعرونا اننا نؤذن في مالطه فان لم يكن لديكم الوقت فلا اظن انكم محتاجون لمشروعات الحبيب اوي فلا ترهقوه اعماله واسرته احق بالوقت
ولا اظنكم في حاجة لتقرؤا لي ولا لرشدي واعدكم باني ساتوقف ان كان دخولي ومساهاماتي لا تجد قبولا
ان قلت كفرا فاعذروني
الخرف حاصل
معذرة ان عممت فاعلم ان هناك متداخلون يهتموا بكل البوستات فلهم الشكر والتحيه ولكن اعتقد انه ان الاوان لنصحو ونتفقد احوالنا
خمسه دقايق بس يا عالم واوكد لكم بعدها انكم ستكونوا علي طول
وابقوا معنا
عبد الرحمن
عبد الرحمن الزين


عدد المساهمات : 113
سجّل في : 21 أغسطس 2008

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف عبد الرحمن الزين2 في الأحد 11 يناير 2009, 02:15

هدا فقط اردده للدكري
كيف نعمل مشاريع ونحن لا نلتقي عبر الاثير
عندما كنت في الخرطوم في نوفمبر قال لي احدهم بتهكم قالو عاوزين تفتحوا عفراء جديده
لم ارد وغيرت الموضوع
والله نحن ممكن نفتح بنوك ومليون عفراء فقط لو اصدقنا النوايا والتزمنا
والتزمنا والتزمنا
تواجدنا هنا يعني اننا ممكن ان نفعل شئيا ما لمن يحتجاجون وما اكثرهم وانتم تعلمون
صدقوني لن استسلم مهما طال اعتكافكم
حمولة دارفر من المحبه عبدوس

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف عبد الرحمن الزين2 في الأحد 11 يناير 2009, 23:02

تقولو لي بادن في مالطة ابدا والله واحب ان ان اشكر المشرفين علي هدا المنتدي في البدء ومن بعدهم كل من يطل ..... سعدت اليوم بان سمعت بان ابننا بوكو او بابكر يوسف التقي اخيرا بابنته السكرة الغالية حبيبة قلببي همسه بعد تلات عشرة عاما من الفراق
وصدقوني لولا هدا المنتدي لما التقي بها ابدا ولولا حاج خالد ويا ود يا بابكر يوسف اجمع هنا ولولا اخونا الغالي ابو النيل
حيوا مععي بوكو وهمسه واهلها الدين رعوها وصانوها وعلي راسهم استادالاجيال الاستاد الزين عبد الرازق الزين وحرمه الغاليه الاستادة خديجة يعقوب ابراهيم وابنتهم العزيزة الدكتوره صفاء الزين والشكر موصول لاعز الاحباب علي النور خلف الله
وليدم ما بيننا وهده محمدة لهدا المنتدي حمولة كل بواخر الخطوط- سابقا- من المحبه
ابدوس

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف عبد الرحمن الزين2 في الأحد 11 يناير 2009, 23:18

رشدي العزيز
وعدتكم اني لن اتوقف
لكن عجبتني لمن جبت سيرة عنقرة ماسورة
سالته يوما سموك ماسورة ليه
قال لانو كان ضعيف زي الماسوره
عجبي
المهم
ماهو الفافنوس ماهو الغليد البوص ود المك عريس خيلن بجن عركوس
احي علي سيفو البحز الروس
ما دايرا لك الميتة ام رمادا شح
دايراك يوم لقا بي دميتك تتوشح
الميت مسولب والعجاج يكتح
احي علي سيفو البسوي التح


كوفيتك الخوده ام عصا بولاد
درعك في ام لهيب زي الشمس وقاد
سيفك من سقايتو اتعجب الحداد
وقارحك غير شكال ما بقربو الشداد



ان وردن بجيك في اول الواردات
مرنن مو نشيط ان قبلن شاردات
اسد بيشة المكرمد قمزاتو متطابقات
برضع في ضرايع العنز الفاردات


يا بقة عقود السم
الخيل عركسن ما قال عدادن كم
فرتاق حاملن ملاي سروجن دم
الترجمة عند الاديب رشدي حفظه الله
حمولة دنقلا من المحبه


عدل سابقا من قبل عبد الرحمن الزين في الأحد 11 يناير 2009, 23:24 عدل 1 مرات (السبب : كلعدة اخطاء املايية)

الرجوع الى أعلى الصفحة اذهب الى الأسفل

رد: حكا يا ت من زمن سودانلاين الجميل

مُساهمة من طرف خالد عبدالحميد في الإثنين 12 يناير 2009, 02:36

درجة الحرارة ناقص مليون هنا فى الشمال الشرقى فى امريكا ،،، لكن دفْ محنة الاحبة "عمّنا عبدالرحمن " واخونا رشدى !! هو زاد الايام ،،،
اطربنا لقاء الاميرة همسة وابيها،،،، حتى الثمالة!!! ولا أزيد
التخريمة: الثمالة دى تبع تشــربون؟؟

تخريمة 2
النداء بالمشاركات عبر المنتدى لا أظنه مجدى ،، فعدد القرّاء حتى العابر منهم انخفض !! يقينى إنّو التلفونات حتكون أجدى وأسرع،، الى ان نطلع بطريقة أجدّ
دام الود بحارا

الرجوع الى أعلى الصفحة اذهب الى الأسفل

صفحة 6 من اصل 27 الصفحة السابقة  1 ... 5, 6, 7 ... 16 ... 27  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى