شيالة عروض العيد

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

شيالة عروض العيد

مُساهمة من طرف عاطف عكود في الثلاثاء 30 أغسطس 2011, 04:46

بمناسبة عيد الفطر المبارك لكم اطيب التهانى وكل عام وانتم بخير وعيدكم مبارك اللهم ارحم موتانا واشفى مرضانا ورد غربتنا وحقق امانينا واحفظ بلادنا وربنا يدى كل زول منكم وزولة الفى مرادهم.
ومنى ليكم شيالة عروض فيها من كل بلد غنا يعنى كل وحسب زوقوا كل الحلويات من...... ماكنتوش .... كرمله ... دربس.. حلاوة ريا ...وخبيز .....كعك ....منين.... بسكويت ...(بدى فورت) ......تمر...... عجوة .... فول مدمس وغير مدمس.
طبعا وبكل صراحه انا ما لى فيها ناقة ولا جمل كل الحصل كنت حايم فى وادى عبقر الاثيرى اليو تيوبى وانا فى حالة شعرية ( سمع وطرب وتذوق حروف وبس) اها الحالة دى بتصيبنى كل خمساشر عشرين سنه مرة واحيانا كم مرة , فعتيرتا لى فى درر من الحروف كتيره قلت تشاركونى فيها فمن وجد فيها منكم شى يستحق التعليق فاليشاركنا فيما وجد , اما من لم يجد منكم فيها شئ فيقول لينا عن ذلك الشئ الذى لم يجده .

أبراهيمك - نضال حسن الحاج
http://www.youtube.com/watch?v=Yw3sg7q6TSM&feature=related
زولة - جمال حسن سعيد
http://www.youtube.com/watch?v=6AZIASMlvtk&feature=related
عيد ميلاد - بشرى البطانة
http://www.youtube.com/watch?v=Yh0cgixaCY0&feature=related
سلام - النخلة حميد
http://www.youtube.com/watch?v=pyMqa_-YnQg&feature=related
سيرة السرة بت عوض الكريم - حميد
http://www.youtube.com/watch?v=1Tg6cStcBzw&feature=related
قرنتية - هاشم صديق
http://www.youtube.com/watch?v=m1PdJxJCu_g&feature=related
يابت احسن من غيرا - محجوب شريف
http://www.youtube.com/watch?v=b5cbvZB3dS8&feature=related
المرحوم مصطفى سند
http://www.youtube.com/watch?v=rhSg6OPqem8&feature=related
مسدار جزيرة عبدله, د.محمد بادى العكودابى
http://www.youtube.com/watch?v=UR4s6DqoWLs
وكل عام المنتدى وانتم بالف خير ودام التواصل
عاطف عكود

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف ود كرار في الثلاثاء 30 أغسطس 2011, 18:40

الأخوة والأخوات الأعزاء

تقبل الله طاعتكم .....
وختم بالصالحات أعمالكم......
وأتم بالعيد فرحتكم....
عيدكم مبارك.....

وكل عام وأنتم بخير

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف عبد الرحمن الزين2 في الأربعاء 31 أغسطس 2011, 06:05

لكن الشيالة شايله شيله شديده يا ود عكود..تشكر يا امير دخلنا واستمتعنا وخلينا واحدات لحين ميسرة من الوقت...
كل عام وانتم جميعا بخير..انا زي اخوي ود كرار دخلنا وعيدنا وما ختينا قي الشيالة..
حقق الله الاماني وحفظكم جميعا من كل سؤ ومتعكم بالعافية..
عبد الرحمن

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف المهدى عثمان مصطفى في الأربعاء 31 أغسطس 2011, 19:12

العيد مبارك عليكم وكل عام وانتم بخير الصحه والعافيه يا رب واديكم الفي مرادكم
ود عكود كيف حالك ياخ والله انت نوارة المنتدي الله انور طريقك دنيا واخره ..
حتي شوف اسمك بجي في الحضور بلون وردي نظيف
مهدي شلكاوي

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف احمد محمد احمد في الأربعاء 31 أغسطس 2011, 22:01

الاخ عاطف و الكابيتان وود كرار و المهدي و كل الزملاء الاحباب حاضرين و متاوقين و غائبين ....

اطيب التهانى بمناسبة عيد الفطر المبارك و ربنايحقق الاماني ودمتم في اتم خير و صحه وعافيه.

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف عبد الرحمن الزين2 في الأربعاء 31 أغسطس 2011, 22:42

يا حاج احمد..معذرة قبطان احمد..شايفك بس تدخل..وبرضو مش بطال احسن من عدم الدخول- تشيل كعكة من الشيالة وتاني ما نشوفك...
لا شك رغم مشغولياتك لكن انت صاحب تجربة ومعاصر لكل الاجيال ولا زلت-عيني باردة- علي استعداد ان تعاصر اجيالا قادمة.. لولا وجع الضهر اللعين.. انساهو يا قبطان وشد طولك وتعال لينا بالمفيد..هناك اجيال في انتظار - علي احر من الجمر للتتعلم منكم.. ومن تجاربكم.. الم اك انا احد تلاميذك وافخر بذلك..
يلا هات من الدرر..
كل عام وانتم جميعا بخير
عبد الرحمن

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف احمد محمد احمد في الأربعاء 31 أغسطس 2011, 23:59


تشكر يا كابيتان علي حسن الظن وعلي الكلمات الطيبات التي ترفع المعنويات لكن العين لا تعلو علي الحاجب. الحق يجب ان يقال و هو اننا كنا من المحظوظين بالعمل معك في بداية حياتنا العملية فقد كنت نعم الاستاذ و القائد.

بيني و بينك ضحكت وانا اقرأ كلامك و انا راقدعلي ضهري فقد عدت توا من شندي التي سافرت ليها امس بالعربية لمعايدة الاهل و الفواتح ولك ان تتخيل الحال.

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف Mohamed.Abdelrahim في الجمعة 02 سبتمبر 2011, 05:48

ونسجت من طوق الثريا و الأزاهر كل غنوات التهاني والمنئ... وجدلت من شوقي اليكم اسمئ ايات التجلة مااظنه ممكنا. كل عام وانتم بالف خير يااهل الخير. اخوكم/ محمد علي عبدالرحيم

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف خالد عبدالحميد في الجمعة 02 سبتمبر 2011, 10:21

Mohamed.Abdelrahim كتب:ونسجت من طوق الثريا و الأزاهر كل غنوات التهاني والمنئ... وجدلت من شوقي اليكم اسمئ ايات التجلة مااظنه ممكنا. كل عام وانتم بالف خير يااهل الخير. اخوكم/ محمد علي عبدالرحيم

المشاركة رقم واحد فى اليوم رقم واحد،، واعلان بقدوم واحد زول فنان
ومنى عدد واحد مرحبا

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف عمر خليل علي موسي في الجمعة 02 سبتمبر 2011, 13:37

ود عكود والاخوة عموم القبيلة البحرية ومريديها كل عام وانتم جميعا بخير وعيدكم مبارك اعاده الله علينا جميعا وعلي الوطن ونحن في حال افضل من هذا الحال باذن الله.....

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف عاطف عكود في السبت 03 سبتمبر 2011, 02:21

حبايبنا الحلوين والله الشيالة زادت الق والحلاوة زادت حلا بمروركم سرا وجهرا
اخونا ودكرار وما بعد الاعتكاف لك الود والله يتقبل
العزيز كابتن عبدالرحمن تشكر وبحمدة الشيالة وصلتكم لحدى موريتانيا (قبل الهزاز)
اخونا مهدى نور الله دربك وكل عام وانت بالف خير
العزيز احمد محمد احمد لك الود ولشندى الجمال وانا مالى
اخونا الغالى محمد على عبدالرحيم الف مرحب والشياله تسعد باول طلة ليك عبرها وابقى داخل ياسيدى
الغالى ابوصبا وما بعد الايرين حمدالله على السلامة
سعاتوا عمر خليل بعد غيبة كل سنة وانت بالف خير وبلاش الغيبة الطويلة دى
ولكل من مره على الشياله تحت تحت وخمش منها بالغموتى (لامن سمع ولامن شاف) لكم الود وكل سنة وانتم بالف خير فى السر والعلن
ودام التواصل وربنا يحقق امانى الجميع
عاطف عكود

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف Mohamed.Abdelrahim في السبت 03 سبتمبر 2011, 05:03

عاطف و خالد لكم جزيل الشكر علي الترجيب وكل التقدير لكم ولكل من ساهم معكم في لم الشمل.
كابتن عبدالرحمن معلمنا و كبيرناالعظيم لك الف تحية.
احمدمحمد احمد مشتاقين
امجد كرار ليك وحشة ولأيام جدة الجميلة
عبدالعظيم طال شوقنا و طال
عمر تحياتي

وللكل لكم الحب والتقدير

مخمدعلي عبدالرحيم

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف عبد الرحمن الزين2 في السبت 03 سبتمبر 2011, 14:26

يا مرحبا يا مرحبا محمد علي عبد الرحيم شخشيا..لا ده المنتدي نور وزاد تالقا وبهجة..وزي ما بقول خلدي ابقي داخل...ليك وحشة يا صديق..
عبد الرحمن

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف الاء في السبت 03 سبتمبر 2011, 15:30

الأخ عاطف وكل المتداخلين
كل السنين وانتم بخير وفى نعمة وأتم صحة وعافية
الشيالة بها كل الأطايب ( صباع زينب وكعك وبتى فور وما شاء الله ) ربنا يديم المعروف والله جد استمتعنا بالشيالة.. قدر ما نضيف ما احسن من الشيالة والعروض الفيها
دمتم بعافية

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف ود فـــــراج في السبت 03 سبتمبر 2011, 23:17

آلاء والأخوة الكرام.....كل سنة وانتم طيبون والقابلة علي أمانيكم يارب وربنا يحقق الأماني فهو ولي ذلك والقادر عليه

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف عاطف عكود في الأحد 04 سبتمبر 2011, 22:57

الاء كتب:
الأخ عاطف وكل المتداخلين
كل السنين وانتم بخير وفى نعمة وأتم صحة وعافية
الشيالة بها كل الأطايب ( صباع زينب وكعك وبتى فور وما شاء الله ) ربنا يديم المعروف والله جد استمتعنا بالشيالة.. قدر ما نضيف ما احسن من الشيالة والعروض الفيها
دمتم بعافية
اختنا الاء تشكرى على المرور وتشكرى على تصويب الاسم لل لبتى فور (بدى فورت) فالظاهر والله اعلم انو السمن زاد شويه فتحولت الدال لتاء وكمان اضيفت تاء اخرى فى اخر الاسم كزيادة دسم ....شوبار و عدم معرفة منى .
ومسؤوله من الخير زينب دى منى؟
ودام التواصل
عاطف عكود

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف الرشيد شمس الدين عبدالله في الإثنين 05 سبتمبر 2011, 13:11

يا عاطف ... زينب دى منى ولا منو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أعتقد إنها صديقة لآلاء ويمكن تكون صديقتها الكانت عايزة تسجل فى المنتدى ..إذن مرحبا بها وبصباعها !!!!!!!!!!!

الرشيد

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف عاطف عكود في الثلاثاء 06 سبتمبر 2011, 02:03

العزيز رشدى
ياسيدى السؤال بالشايقى وهى لغة العصر ومفهومة لاهلها وكمان للناطقين بغيرها وكان عندك رأى غير كدى قولوا!!!! ونرحب بزينب و العرش.
ودام التواصل
عاطف عكود

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف الاء في الثلاثاء 06 سبتمبر 2011, 14:19

عاطف عكود كتب:
اختنا الاء تشكرى على المرور وتشكرى على تصويب الاسم لل لبتى فور (بدى فورت) فالظاهر والله اعلم انو السمن زاد شويه فتحولت الدال لتاء وكمان اضيفت تاء اخرى فى اخر الاسم كزيادة دسم ....شوبار و عدم معرفة منى .
ومسؤوله من الخير زينب دى منى؟
ودام التواصل
عاطف عكود
والله ما فكرت لأنى صوّبت الله يازا الملاريا .. غايتو المتنبئ دا متكيفة منو فى اتثنين
وزائرتى كأن بها حياء ( دا زمن كان عندها حيا ) اسع بقت تجى جهاراً نهاراً .. عيوني مطششات ما قصدت التصويب لكن وكت صوّبنا الحمدلله .. والتانية (عيد بأية حال )
هو انت ما زدت السمن بس السكر كمان زاد واتفرش الخبيز وجاب العجب ( ما بتاع المريخ ) ناس محجوب وودبادى والبقية الرائعة .
زينب دى محيرانى .. صباع زينب ، لون زينب ، زنوبة يا بت النيل .. البيعرف زينب يقول يا ربي تكون اختاً لى نورا
وقلبى يتوق مع نورا
دمت

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف الاء في الثلاثاء 06 سبتمبر 2011, 14:38

الرشيد شمس الدين عبدالله كتب:يا عاطف ... زينب دى منى ولا منو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أعتقد إنها صديقة لآلاء ويمكن تكون صديقتها الكانت عايزة تسجل فى المنتدى ..إذن مرحبا بها وبصباعها !!!!!!!!!!!

الرشيد
الاخ الرشيد
سلامات
Very Happy زكرتونى اصبع السارة بمناسبة سلامات وزينب وصباعها دى تكون مرّت عليك مجموعة قصصية للدكتور محمد عبد الله الريح ..صديقتى لا هى زينب ولا سلوى .. وما زلت الح عليها بضرورة الاشتراك .. التقول دايرين نشّرك نجيب محفوظ ..biss

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف عاطف عكود في السبت 18 أغسطس 2012, 23:02

عاطف عكود كتب:بمناسبة عيد الفطر المبارك لكم اطيب التهانى وكل عام وانتم بخير وعيدكم مبارك اللهم ارحم موتانا واشفى مرضانا ورد غربتنا وحقق امانينا واحفظ بلادنا وربنا يدى كل زول منكم وزولة الفى مرادهم.
ومنى ليكم شيالة عروض فيها من كل بلد غنا يعنى كل وحسب زوقوا كل الحلويات من...... ماكنتوش .... كرمله ... دربس.. حلاوة ريا ...وخبيز .....كعك ....منين.... بسكويت ...(بدى فورت) ......تمر...... عجوة .... فول مدمس وغير مدمس.
طبعا وبكل صراحه انا ما لى فيها ناقة ولا جمل كل الحصل كنت حايم فى وادى عبقر الاثيرى اليو تيوبى وانا فى حالة شعرية ( سمع وطرب وتذوق حروف وبس) اها الحالة دى بتصيبنى كل خمساشر عشرين سنه مرة واحيانا كم مرة , فعتيرتا لى فى درر من الحروف كتيره قلت تشاركونى فيها فمن وجد فيها منكم شى يستحق التعليق فاليشاركنا فيما وجد , اما من لم يجد منكم فيها شئ فيقول لينا عن ذلك الشئ الذى لم يجده .

أبراهيمك - نضال حسن الحاج
http://www.youtube.com/watch?v=Yw3sg7q6TSM&feature=related
زولة - جمال حسن سعيد
http://www.youtube.com/watch?v=6AZIASMlvtk&feature=related
عيد ميلاد - بشرى البطانة
http://www.youtube.com/watch?v=Yh0cgixaCY0&feature=related
سلام - النخلة حميد
http://www.youtube.com/watch?v=pyMqa_-YnQg&feature=related
سيرة السرة بت عوض الكريم - حميد
http://www.youtube.com/watch?v=1Tg6cStcBzw&feature=related
قرنتية - هاشم صديق
http://www.youtube.com/watch?v=m1PdJxJCu_g&feature=related
يابت احسن من غيرا - محجوب شريف
http://www.youtube.com/watch?v=b5cbvZB3dS8&feature=related
المرحوم مصطفى سند
http://www.youtube.com/watch?v=rhSg6OPqem8&feature=related
مسدار جزيرة عبدله, د.محمد بادى العكودابى
http://www.youtube.com/watch?v=UR4s6DqoWLs
وكل عام المنتدى وانتم بالف خير ودام التواصل
عاطف عكود

وتانى كمان .......... كل عام وانتم بألف خير وأعاده الله على الجميع باليمن والخير والبركات
ودام التواصل وجعل الله ايامكم كلها اعياد
عاطف عكود

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف عبدالحافظ نقدالله في الأحد 19 أغسطس 2012, 00:45

الاخ عاطف وكل الأحبة
كل عام وانتم بخير ويعود على الجميع بالصحة والعافية
والأيام المباركة

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف احمد محمد احمد في الأحد 19 أغسطس 2012, 02:10



الاخوة والزملاء الاحباب برا و بحرا و القريبين و البعيدين ....

اطيب التهانى بمناسبة عيد الفطر المبارك و ربنا يحقق الاماني ودمتم في اتم خير و صحه وعافيه.

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف الاء في الأربعاء 22 أغسطس 2012, 14:15

كل السنين والناس الهى ناا بخير .. وما احلى الكعك بالشاى

الرجوع الى أعلى الصفحة اذهب الى الأسفل

رد: شيالة عروض العيد

مُساهمة من طرف خالد عبدالحميد في الخميس 23 أغسطس 2012, 07:32

الاء كتب:كل السنين والناس الهى ناا بخير .. وما احلى الكعك بالشاى


الاء سلامات، حمدالله على السلامة
ادهشتينا باعتكافك، ربنا يعيد ايامك بالف خير وبركات
ذاك كان الكعك فاين هو الشاى

الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى