The ship husband

صفحة 2 من اصل 2 الصفحة السابقة  1, 2

استعرض الموضوع السابق استعرض الموضوع التالي اذهب الى الأسفل

رد: The ship husband

مُساهمة من طرف الرشيد شمس الدين عبدالله في الإثنين 21 مايو 2012, 14:46

وهذا بابكر سلك مرة أخرى فى بثّه المتواصل لهمومنا - نحن ناس البحر - إلى والى الخرتوم ... فتفضّلوا لطفا :-

____________________________________
* نجي لشمارات والي الخرتوم

* كان شفت يا والينا في اتنين بتاعين بحر

* واحد قال للتاني الجماعه ديل اليومين دي ماشين كويس

* حرروا هجليج وحرروا الدولار

* التاني قال ليهو وحرروا الجو زاتو ماشفت السخانه دي كيف

* وكان شفت يا والينا سمعنا تحت تحت قالوا وزير الماليه قال داير يزيد سعر المحروقات

* فرحنا يا والينا

* قلوبنا حايزيد سعرها

* وهو في محروقات في الدنيا دي اكتر من قلوبنا يا والينا ؟؟؟؟

سلك كهربا

ننساك كيف والقلوب والكلاوي من المحروقات موش في الحشا ؟؟؟؟

والي لقاء

سلك

الرجوع الى أعلى الصفحة اذهب الى الأسفل

رد: The ship husband

مُساهمة من طرف الرشيد شمس الدين عبدالله في الخميس 24 مايو 2012, 15:35

وهذا سلك مرة أخرى فى شماراته اليوم لوالى الخرتوم مع صادق مودّتى لكم أحبتى لا للوالى :-

_____________________________________________



• اها نجي لشمارات والي الخرتوم

• كان شفت يا والينا البلد دخلتها ثقافة التخسيس

• وفي محلات متخصصه في التخسيس والتسمين

• وفي علاجات تسمن الحته الداير تسمنها

• يعني زي البياض بتاع الحيطه يا والينا

• المهم يا والينا

• عندنا جارتنا سمييييييييييييييييييينه

• جينا ماشين في الشارع انا وابراهيم كوميك

• لاقيناها

• نزلت يا والينا في شهرين نزول الجنيه ما نزلو

• بقت ضعييييييييييييييييييييييفه

• قلت لي ابراهيم ده من برنامج التخسيس خلي بالك

• ابراهيم قال لي تخسيس شنو

• ده من البرنامج الاقتصادي

• عاينت لي كوميك مستفسرا

• لقيت كوميك زاتو جيب القميص بقي نصو قدام ونصو ورا

سلك كهربا

ننساك كيف والبلد كلها دخلت كورسات تخسيس

والي لقاء

سلك

الرجوع الى أعلى الصفحة اذهب الى الأسفل

رد: The ship husband

مُساهمة من طرف ود فـــــراج في السبت 26 مايو 2012, 03:07

الأخوة المتداخلون.....متعكم الله جميعا بالصحة

والله ونستكم جميلة وتشبه لي حد كبير ترنيمة هدهدة الأم الحنون لطفلها....وأدعوكم لقراءة الرواية الشهيرة أو مشاهدة الفيلم (The Color Purple) اللون أرجواني للكاتبة الأمريكية ارسيل أولكر.....أتمني لكم مشاهدة ممتعة

محور الفيلم هو القهـر الذي تلقاه المرأة من الرجال.....

الرجوع الى أعلى الصفحة اذهب الى الأسفل

رد: The ship husband

مُساهمة من طرف الاء في السبت 26 مايو 2012, 14:16

الرشيد شمس الدين عبدالله كتب:شكرا جزيلا عزيزتنا آلاء وشكرا عبدوس العزيز .. نصيحةً تكبّرك أكثر مما إنت كبيرنا فى المنتدى ....
المشكلة ياآلاء لو دفع الزوج كل ال 90,000 كاملة فى الشهر ( يعنى 3,000 فى اليوم ) ... كان صندوق الزوجة فى آخر الشهر حيكون فيه 270,000 مع صرفتين الجار ويمكن أكثر بالذات لأنّو الرسول وصّى لى سابع جار .... مو هيك ؟؟؟؟؟؟؟

الرشيد شمس الدين

مووو هيك

الرجوع الى أعلى الصفحة اذهب الى الأسفل

رد: The ship husband

مُساهمة من طرف الاء في السبت 26 مايو 2012, 14:28

صباحكم خير جميعاً

ثقافة التخسيس ولا على كيفنا يا باشمهندس.. سيولى زمان تمشى الهوينى وبلا قروش نصيحة للأخوات لا تضيعن اموالكن لتخسو بل انتظروا هاهو جنيها السوداني خسّ وسيطالنا ما دام اغلب الشعب الابي يقتات على الفول والدكوة والكسرة فى الالفية الثالثة ..واصبحنا مخاصمين اللحمة لا أيده لا كراعه .. قال سلة غذا العالم ..
هسع الما فطر يجى بى هنا .


----
سعادة المستشار نقد الله صباحك فول اقصد فل .. الله يرحم البوست والجنيه السودانى .
الاخ كابتن ود فراج تسلم .. على الحديث المهدد .. وسنضيفك كنصير للست


عدل سابقا من قبل الاء في السبت 26 مايو 2012, 14:29 عدل 1 مرات (السبب : اضافة)

الرجوع الى أعلى الصفحة اذهب الى الأسفل

رد: The ship husband

مُساهمة من طرف الرشيد شمس الدين عبدالله في الأحد 27 مايو 2012, 13:17

وأنا ياعزيزتنا آلاء !!!! ألا تضعيننى فى خانة مناصرى الست ؟؟؟؟؟ إذن تلك مصيبة كبرى !!!!! إن كان ذلك كذلك فهذا يعنى أنّك قد وضعتينى فى عقلك .. فياويلى ثم ياويلى من الكماسرة .... ياحبيبنا عبد الحافظ , مالك جبت لينا الهواء كما يقال فى الراندوك !!!! السماح يادكتورة آلاء والله يشهد أننى من أشد مناصرى المرأة بلا حدود ... لك العتبى حتى ترضى .... طبعا عبدوس حيعتبر دا إنكسار وجرسة ... مالو أنا موافق !!!!

الرشيد شمس الدين

الرجوع الى أعلى الصفحة اذهب الى الأسفل

رد: The ship husband

مُساهمة من طرف عبدالرحمن محجوب يوسف في الأحد 27 مايو 2012, 13:41

سلامات موضوع الشب هسبند ده فيهو نضمنا كتير . كدي ادوني راس الخيت. ولا اخير نلمو براي الشغله فيها الغام عديـــــــــــــــــــــــــــــــــــــل.مع الود ولنا عوده ان شاء الله

الرجوع الى أعلى الصفحة اذهب الى الأسفل

رد: The ship husband

مُساهمة من طرف عبدالحافظ نقدالله في الأحد 27 مايو 2012, 14:05

سلامات والف مرحب بالاخ عبدالرحمن محجوب يوسف وراس الخيت عندك ، وفي انتظار النضم من خشم سيدو

الرجوع الى أعلى الصفحة اذهب الى الأسفل

رد: The ship husband

مُساهمة من طرف الاء في الأحد 27 مايو 2012, 17:07

الرشيد شمس الدين عبدالله كتب:وأنا ياعزيزتنا آلاء !!!! ألا تضعيننى فى خانة مناصرى الست ؟؟؟؟؟ إذن تلك مصيبة كبرى !!!!! إن كان ذلك كذلك فهذا يعنى أنّك قد وضعتينى فى عقلك .. فياويلى ثم ياويلى من الكماسرة .... ياحبيبنا عبد الحافظ , مالك جبت لينا الهواء كما يقال فى الراندوك !!!! السماح يادكتورة آلاء والله يشهد أننى من أشد مناصرى المرأة بلا حدود ... لك العتبى حتى ترضى .... طبعا عبدوس حيعتبر دا إنكسار وجرسة ... مالو أنا موافق !!!!

الرشيد شمس الدين
اخى العزيز الرشيد .. ههههههههههههههه لا مصيبة ولا حاجة ولم اضعك فى رأسي وهل يستطيع رأسي ذلك .. اما عن بقية الكماسرة بخش ليك واسطة بس عايزين دليل انك نصير الستات.. Very Happy الباقى يتمو قبطان عبد الرحمن حكاية الانكسار التى اشك فيها ..

الرجوع الى أعلى الصفحة اذهب الى الأسفل

رد: The ship husband

مُساهمة من طرف الرشيد شمس الدين عبدالله في الأحد 27 مايو 2012, 17:58

آلاء كتبت :-
ههههههههههههههه لا مصيبة ولا حاجة ولم اضعك فى رأسي وهل يستطيع رأسي ذلك ؟
شكرا ألاء العزيزة .... ربّنا يطمّنك ... لكن ( وهل يستطيع رأسى ذلك ؟ ) , جاتنى ذى الدايره تقولى : ( هو رأسى يشيل منو ولامنو ؟
بعدين شكلك دايرانى أبرهن نصرتى للمرأة على رؤوس الأشهاد ودى صعبة شويّة ( ياشماتة ناس عبدوس فىّ ) ...
لست أدرى لماذا تذكرت أحد أصحابنا كان مقيما فى ألمانيا وكان معجبا جدا بفتاة ألمانية جميلة وفارعة الطول .... وطبعا فى أدب مشاغلاتنا السودانى نقول فى وصف هكذا إمرأة أنّها ( فرسة ) ...
أراد صديقنا أن يبدى مشاعره للفتاة وفى باله أدبنا السودانى فقال لها :- YOU ARE LIKE A HORSE
ردّت عليه بشتيمة قاسية ومن يومها لم تلتفت له رغم إعجابها به ...

الرشيد شمس الدين

الرجوع الى أعلى الصفحة اذهب الى الأسفل

رد: The ship husband

مُساهمة من طرف عبد الرحمن الزين2 في الأحد 27 مايو 2012, 22:32

عزيزتنا الاستاذة الدكتورة الاء....
وانا كمان بقول.ههههههههههههههههه..تتذكري اني قلت ليك عافي منك..قدرتي عليهو...
خلاس كفاهو كده بقي يتجرس ويجر لي تحت ..و رغم انو مشهور بالضرب تحت الحزام...لكن ما كنته قايلو بصل المانيا ...وبقلب الدفاتر..
علي كل انا معجب بتعبير صديقو لانو صحي انا ذاتي لمن اشوف امرأة عالية طويلة..تدخل كلها في نفس اليوم........بقول ما شاء الله ... لكن انما.. فرسه..
بس طبعا مفاهيم الخواجات عاوزة شوية تعديلات...
تخريمه...
قبل سبتمبر 11 كنت اذا داهمتني عطسة وانا في الشارع..اصيح باعلي صوتي الحمد لله...
في احد المرات داهمتني العطسة وانا في نص السوق..كتمتها ودمدمت..معليش يالله ..سامحني...ما بقدر..
معزتي..محبتي واحترامي..
عبدوس

الرجوع الى أعلى الصفحة اذهب الى الأسفل

رد: The ship husband

مُساهمة من طرف الاء في الإثنين 28 مايو 2012, 17:41

الرشيد شمس الدين عبدالله كتب:
بعدين شكلك دايرانى أبرهن نصرتى للمرأة على رؤوس الأشهاد ودى صعبة شويّة ( ياشماتة ناس عبدوس فىّ ) ...

خلاس سماح لأنها صعبة وبعد تدخل القبطان ..

لست أدرى لماذا تذكرت أحد أصحابنا كان مقيما فى ألمانيا وكان معجبا جدا بفتاة ألمانية جميلة وفارعة الطول .... وطبعا فى أدب مشاغلاتنا السودانى نقول فى وصف هكذا إمرأة أنّها ( فرسة ) ...
أراد صديقنا أن يبدى مشاعره للفتاة وفى باله أدبنا السودانى فقال لها :- YOU ARE LIKE A HORSE
ردّت عليه بشتيمة قاسية ومن يومها لم تلتفت له رغم إعجابها به ...

لم اسمع بتعبير فرسة من قبل ... لكن صاحبك بالغ هسي الالمانية تكون تخيلت وشها طويل ولا رقبتها زى الحصان
وتكون اتذكرت حصان الشطرنج lol! ما كان اخير يقول ليها " نظرة يالسمحة ام عصيبات على وزن ام عجن .

الرجوع الى أعلى الصفحة اذهب الى الأسفل

رد: The ship husband

مُساهمة من طرف الاء في الإثنين 28 مايو 2012, 17:57

عبد الرحمن الزين2 كتب:عزيزتنا الاستاذة الدكتورة الاء....
لكن ما كنته قايلو بصل المانيا ...وبقلب الدفاتر..
علي كل انا معجب بتعبير صديقو لانو صحي انا ذاتي لمن اشوف امرأة عالية طويلة..تدخل كلها في نفس اليوم........بقول ما شاء الله ... لكن انما.. فرسه.. بس طبعا مفاهيم الخواجات عاوزة شوية تعديلات...
عبدوس
ياقبطان تحية وسلام
شكراً ليك على جبر الخاطر بس ما بضمن العواقب .. الجرسة دى نص كم
صاحبو دا صاحبك ولا شنو Question
اما بمناسبة مفاهيم الخواجات الناس دى جادة جداً يمكن نكون نحن العايزين تغيير للمفاهيم ولاشياء كثيرة

دمت بخير

الرجوع الى أعلى الصفحة اذهب الى الأسفل

رد: The ship husband

مُساهمة من طرف الرشيد شمس الدين عبدالله في الإثنين 28 مايو 2012, 21:05

عزيزنا عبدوس كتب :-
علي كل انا معجب بتعبير صديقو لانو صحي انا ذاتي لمن اشوف امرأة عالية طويلة..تدخل كلها في نفس اليوم........بقول ما شاء الله ... لكن انما.. فرسه..

ماهذا التوارد العجيب فى الخواطر ياعبدوس ... والله حاجة تحيّر ..

أمّا عزيزتنا آلاء فسألت عبدوس :-
صاحبو دا صاحبك ولا شنو ؟

يآلاء والله إنتى بتبالغى ... كل يوم أكتشف فيك صفات جديدة .. وتذكرين أننى مرة صادقا وصفتك بزرقاء اليمامة ... وفى إنتظار رد عبدوس على آلاء .... غايتو جنس غايتو ..

الرشيد شمس الدين

الرجوع الى أعلى الصفحة اذهب الى الأسفل

رد: The ship husband

مُساهمة من طرف عبدالحافظ نقدالله في الثلاثاء 29 مايو 2012, 02:58

ينتابني شك كبير
وكما قال رينيه ديكارت "أنا أشك إذا أنا أفكر، أنا أفكر إذا أنا موجود". فالوجود
لا ادري هل هو الشك الذي تغرسه طبيعة المهنة
هناك ما يدعو للشك
ولكن في كل الأحوال ليس شكا ضارا
وقد يكون المشكوك فيه اجمل في الواقع
حتى من الصفة او النوع المشكوك عنه
وفي كل خير
تحياتي
الى كل نجوم هذا الفضاء الجميل

الرجوع الى أعلى الصفحة اذهب الى الأسفل

رد: The ship husband

مُساهمة من طرف عبدالرحمن محجوب يوسف في الثلاثاء 29 مايو 2012, 16:23

التحايا الطيبه لكم جميعاالربط بين السفينه والمراة اظنه قديم جدا فهي دائما وابدا لا ترضي الا بالدلال وان تظهر بابهي حللها خاصه لمن تتقدم في السن شويه وهي غير مرحب بهاان لم تفعله وهي دائما متابعه بنظرات رجال التفتيش المتفحصه وكان قديما يهتم ملاك السفن الانجليزيه بالداخل فقط بحجة ان جسمها الخارجي معرض للعوامل الجويه ويجعلون من داخلها عروسافائقة الجمال ولكن اخيرا تمنعت عنهم ايضا فتزينت خارجيا ايضا فهي قوية الاراده كما المراة تماماووفيه فهي تعطي بال حدود او من ويا ويلك لو لم توفر لها افخر واجود انواع المكياك بالوانه المختلفه بما فيه الفاونديشن وهي ايضا حنونه وعطوفه علي اولادها تغمرهم به وتوفر لهم نوما هادئا علي صدرها بعد يوم عمل طويل ومضنئ وان ابي عليهم فلا تتاخر في هدهدتهم كما الصغير والمصريون يطلقون علي المضخة الطارده المركزيه بالهانم الدلوعه لما تستطيع ان تقوم به من مهام صعبه ومتعدده اها رايكم شنو ونعود للحديث عن زوجها المكلوم ابدا ونواصل مع الود

الرجوع الى أعلى الصفحة اذهب الى الأسفل

رد: The ship husband

مُساهمة من طرف عبد الرحمن الزين2 في الخميس 31 مايو 2012, 04:30

بارك الله لك يا من اتشرف بحمل اسمه...الشكر لك لانك اعدت البوست الي مجراه ومساره الطبيعي ..وكفيتني مؤونة الرد علي العزيز رشدي واصراره الخبيث ان ارد علي الاستاذة الاء..والتي ادهشتنا وهي تقرأ السطور ومابين السطور في حرفية وذكاء...

اما حديثك- ابني عبد الرحمن- والبحث عن زوج لها..هي اكان عندها زوج فاكنها مطلوقة من ميناء الي اخر..ومرات فاكنها مع الهواء وعكس الهواء..مرات رابطنها ومرات مجنزرنها..ومرات طالقنها تسرح وتمرح مرات ..شمال للاخر..يمين للاخر..للخلف اقصي سرعة.. قللي السرعة..زيديها.. الخ الخ..
دي حالة زولة عندها husband
معزتي واحترامي
عبدوس الشهير ب عبد الرحمن

الرجوع الى أعلى الصفحة اذهب الى الأسفل

رد: The ship husband

مُساهمة من طرف عبدالحافظ نقدالله في الجمعة 15 يونيو 2012, 03:55

للرفع
او لمزيد من البحث
المهم يستمر التواصل

الرجوع الى أعلى الصفحة اذهب الى الأسفل

رد: The ship husband

مُساهمة من طرف عاطف عكود في الجمعة 13 يوليو 2012, 00:54

عبدالحافظ نقدالله كتب:الأخوة الكرام
ماهي الترجمة العربية المقابلة لمصطلح ship husband على وجه الدقة

الاستاذ عبد الحافظ معليش ترحيب متأخر شديد فلك العتبى ومداخلاتك أثرت المنتدى وخصوصا الجانب القانوني مما يعتبر اضافة للمنتدى ولنا عوده بإذن الواحد الأحد.
ودام التواصل
عاطف عكود

الرجوع الى أعلى الصفحة اذهب الى الأسفل

رد: The ship husband

مُساهمة من طرف عبدالحافظ نقدالله في الثلاثاء 24 يوليو 2012, 21:21

العزيزعاطف عكود لك السلام ورمضان مبارك عليك
شكرًا على الترحيب وربنا يوفقنا جميعا على استدامة
التواصل عبر هذا المنبر المتميز

الرجوع الى أعلى الصفحة اذهب الى الأسفل

رد: The ship husband

مُساهمة من طرف عاطف عكود في الثلاثاء 24 يوليو 2012, 22:45

تسلم اخونا عبدالحافظ ورمضان كريم أعاده الله على الجميع باليمن والخير والبركات
ودام التواصل
عاطف عكود

الرجوع الى أعلى الصفحة اذهب الى الأسفل

صفحة 2 من اصل 2 الصفحة السابقة  1, 2

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى