مبرووووك اهلى شندى

صفحة 1 من اصل 6 1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي اذهب الى الأسفل

مبرووووك اهلى شندى

مُساهمة من طرف عاطف عكود في الإثنين 16 يوليو 2012, 15:45

الاخوان احمد محمد احمد ، محمد محمد صالح ديجانقو ، عبد العظيم الأمين شندى الجمال وانا مالى ، عادل عثمان ، وكل الأخوة الشنداويه مبروك تأهل اهلى شندى بعد تلك الملحمة الكرويه ونبارك لكل قبيلة الرياضيين بتأهل الهلال والمريخ ( على الاقل حاجة تفرح ولو الى حين )
ودام التواصل
عاطف عكود

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في الثلاثاء 17 يوليو 2012, 02:56

بارك الله فيك يا عاطف والتهاني ممتدة للهلال و المريخ.

ما تحقق من الفرق الثلاثة نسمة باردة في جو السودان الحار و المحبط هذه الايام.

كسرة:
مبروك براءة الريس وادامه الله لكم رئيسا و المعز حارس مرمي.

تحياتي للجميع.


عدل سابقا من قبل احمد محمد احمد في الثلاثاء 17 يوليو 2012, 02:59 عدل 1 مرات (السبب : حذف كلمة مكررة)

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف الرشيد شمس الدين عبدالله في الثلاثاء 17 يوليو 2012, 13:05

ألف مبروك أحبابنا أهل شندى الكرام ... ماقام به أهلى شندى هو الإعجاز بعينه والله ... لقد رفعتم رأس السودان فوق هام الأمم .... نرفع القبعات تقديرا لكل من ساهم فى فرحة الشعب السودانى وسط هذا الجو المحبط ..
بالمناسبة يا حبيبنا أحمد محمد احمد شايفك تبارك لعاطف القوز براءة الريّس !!!!! يعنى خلاص تانى مافى محكمة جنائية وكدا ؟؟؟؟

الرشيد شمس الدين

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف عاطف عكود في الثلاثاء 17 يوليو 2012, 17:45

تسلم أخونا احمد وفعلاً خبر براءة ودالبرير قبل بداية المبارة كان لها اثر إيجابى على الحالة المعنوية للهلال ، بعدين شايف لعبة الهلال الاولى ستكون مع الأهلى فى شندى طبعا فى الحالة دى بنطبق المثل البقول أنا وابن عمى على الغريب ، وانا واخوى على ابن عمى ، وأخيراً أنا براااااااى على اخوى !!!!!!! طبعاً اخوى وابن عمى ديل هم المريخ واهلى شندى.
كسرة: أخونا الرشيد نحنا بنتكلم عن ود البريييييييييير ، والفريق هو الهلاااااااااال , والكاف مقصود بيها ,,,,,,,, هسه الجاب سيرة الكاف منو؟
ودام التواصل
عاطف عكود

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف الرشيد شمس الدين عبدالله في الثلاثاء 17 يوليو 2012, 19:07

تعرف ياعاطف دا أنا طلعت عبيط بشكل !!!! أنا بدل الفريق الهلال كنت قايلو المشير المرّيخ ... وبدل الريّس ودالبرير , كنت قايلو الريّس أوكامبو وكدا ...... وبدل الكاف كنت قايلها الكفوة ... يعنى نظام بلادة وكدا !! معليش طبعا إنتو عارفين آثار الزهايمر بتعمل عمايل ولو عايزين تتأكّدوا شوفو حالة عبدوس وسيف الجقّور مثالا .... ياجماعة واضح إنّى عكّيت .. معذرة ... كلّو منكم ياعاطف القوز وأحمد محمد أحمد , الله يجازى محنكم ... قال نمور دار جعل قال ..لا باللاهى !!!!!!!!!!!

الرشيد شمس الدين

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف عبد الرحمن الزين2 في الثلاثاء 17 يوليو 2012, 21:25

قبال ما اخش في الغريق واعزي واهني...
عسي في داعي يجيبو سيرتو..
قلت ليك ياخلدي ويا ود عكود



واكررر يا ود كرار غايتو جنس غايتو مكرر للدكتورة

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في الأربعاء 18 يوليو 2012, 02:09

سلامات يا عاطف و الرشيد و البركة في اهلي شندي الجاب كبير الكباتن.

عارف با عاطف انا متفائل - ما متفائل شديد بل بالاحري بحلم - انو الاهلي شندي يكرر تجربة المقاولون العرب في مصر. فالمقاولون العرب اتبناه عثمان احمد عثمان و بعد سنة طلع الممتاز و في خلال سنوات بسيطة فاز ببطولة ابطال الكوؤس الافريقية حوالي خمسة مرات.

و يا الرشيد انت لسة ما لقيت لي البتاعة و انا لسة ما استلمت حقوقي فباللاهي ما تجيب لينا الهوا. وبعدين ود البرير مننا و فينا و ما بنقبل فيه كلام حتي لو رجع الهلال العصر الحجري.

تحياتي للجميع.





عدل سابقا من قبل احمد محمد احمد في الأربعاء 18 يوليو 2012, 02:11 عدل 1 مرات (السبب : حذف كلمة)

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف عاطف عكود في الأربعاء 18 يوليو 2012, 02:38

عبد الرحمن الزين2 كتب:
عسي في داعي يجيبو سيرتو..
قلت ليك ياخلدي ويا ود عكود
واكررر يا ود كرار غايتو جنس غايتو مكرر للدكتورة
حمد الله على السلامه ، وبالمناسبة هو مش جاب السيرة ساكت بل اتقبض بالثابته واعترف بالزهايمر وعمايلو والاعتراف سيد الأدله. وتانى حمد الله على السلامه
ودام التواصل
عاطف عكود

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف عاطف عكود في الأربعاء 18 يوليو 2012, 03:01

احمد محمد احمد كتب:

عارف با عاطف انا متفائل - ما متفائل شديد بل بالاحري بحلم -
أخونا احمد محمد احمد انشاء الله ربنا يحقق ليك جزء كبير من حلمك ويصل اهلى شندى لمبارة الكاس معانا ويلعب مبارة كبيرة ويحقق المركز الثانى بجدارة .شن قولك ؟؟
ودام التواصل فى كل العصور حجريا كان او جيرياً
عاطف عكود

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في الأربعاء 18 يوليو 2012, 03:28


سلامات يا عاطف

عليك الله ود البرير مش اخير من الحالة دي:

https://www.youtube.com/watch?v=SH-8xwg0E0E


تحياتي للجميع.

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف عاطف عكود في الإثنين 20 أغسطس 2012, 03:35

عاطف عكود كتب:
الاخوان احمد محمد احمد ، محمد محمد صالح ديجانقو ، عبد العظيم الأمين شندى الجمال وانا مالى ، عادل عثمان ، وكل الأخوة الشنداويه مبروك تأهل اهلى شندى بعد تلك الملحمة الكرويه ونبارك لكل قبيلة الرياضيين بتأهل الهلال والمريخ (على الاقل حاجة تفرح ولو الى حين)
ودام التواصل
عاطف عكود

وكمان تانى مبروك اهلى شندى الفوز وقدماً ولاتعليق على مبارة الامس عشان الدنيا عيد وما عايز ازعل الجماعة ( ناس كابتن سيف وكدا .....) بعد ما مرقوا بى كرامة البليله . وسادمبا وبس .
ودام التواصل
عاطف عكود

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في الثلاثاء 21 أغسطس 2012, 03:16


سلامات يا عاطف و الاخوان و عيد مبارك و التحيات لكم من شندي التي حققت الصعب.

الرجوع الى أعلى الصفحة اذهب الى الأسفل

شندى فوق ( انجولا)

مُساهمة من طرف osman abdel rahman في الأربعاء 22 أغسطس 2012, 06:01

اولا سلامات يا كابتن احمد و كل عام و انت بخير- و إن شاء الله اهلى شندى يتأهل للدور القادم مع الزعيم
عثمان بخلن

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في الأربعاء 22 أغسطس 2012, 14:50


كل سنة وانت طيب يا عثمان و التحيات موصولة للاسرة و كل الاخوان ببورتسودان.

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف الرشيد شمس الدين عبدالله في الأربعاء 22 أغسطس 2012, 19:15

ألف مبروك لأهلى السودان الفخيم هذا الإنجاز الرائع فى عهد الخيبات المتتالية .... لقد أسعدنا وسرّ بالنا هذا المردود الكبير والتهانى مكررة لكم احبابنا أحمد محمد أحمد وعثمان بخلن وعظمة وفريق من بطون أنجبتكم أنتم لابد أن ينجز المعجزات ... فالشىء من معدنه لا يستغرب وليس فى الأمر عجب ولكنى حينما أقارن ماقام به أهلى السودان رغم محدودية الدعم بالعك الذى رأيناه يوم الوقفة مع الهلال والمريخ رغم الدعم الوافر لا أجد ماقوله سوى تقديم طلب متواضع لكم بقبولى عضوا منتسبا فى أهلى السودان معكم .... بالمناسبة ياعبدوس حوش بانقا مابعيد للعضوية بالميلاد ولكن مافعله حوش بانّقا بالشعب السودانى هل من الممكن ان يغفر ؟؟

الرشيد شمس الدين

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في الأربعاء 22 أغسطس 2012, 21:01


سلامات يا الرشيد و الاخوان

عارف يا الرشيد السبب التاني لنجاح الاهلي حتي الان - بعد حرة القلب و الغيرة علي الشعار - هي نوعية اللعيبة فاخونا صلاح ادريس له عين ثاقبة و نجيضة تقرأ جيدا امكانيات اللاعب و ان كان من الممكن ان يقدم شيئا للفريق من عدمه.

تحياتي للجميع.

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف الرشيد شمس الدين عبدالله في الأربعاء 22 أغسطس 2012, 21:25

أتفق معك تماما حبيبنا أحمد محمد أحمد لأن الأخ صلاح إدريس كشّاف لعيبة من الطراز الأول ثمّ وإنّ له ثار شخصى مع ود البرير لذلك فهو يدعم بلا حدود لإثبات تميّزه المتفرّد على ود البرير وهو تميّز لا خلاف عليه فى إعتقادى ورغم ذلك فأنا أضمّ صوتى لعثمان بخلن متمنيّا فاينال كارب بين زعيم السودان وأهلى السودان حتّى ينتهى لقاء السحاب هذا بفوز الزعيم طبعا رغم طلب الإنتساب ... بس ماتقول لى ياأحمد : الزعيم منو ؟؟؟ هذا جهل لا أرضاه لك .... ولكنى أتمنّى بحس وطنى صادق أن يكون ابو الهل فى المركز الثالث قبل الإنتركلوب ... شفت الوطنية ؟؟؟

الرشيد شمس الدين

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في الخميس 23 أغسطس 2012, 02:18



سلامات يا الرشيد

أضمّ صوتى انا ايضا و اتمني ان يكون النهائي بين زعيم السودان وأهلى السودان لكن بيني و بينك ملاوز لأن صابر السنين امامه فرصة قد لا تتكرر لمسح الصفر الدولي الذي بلغ من العمر ثمانون عاما.
بالمناسبة طلبك للانضمام عضوا منتسبا فى أهلى السودان تم قبوله فور تقديمه بل اكثر من ذلك سيتم ضمك لمجلس الشرف فبمثلك يتشرف و يزدان النادي و شندي.

تحياتي للجميع .

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف عاطف عكود في الخميس 23 أغسطس 2012, 02:22

الرشيد شمس الدين عبدالله كتب:
متمنيّا فاينال كارب بين زعيم السودان وأهلى السودان حتّى ينتهى لقاء السحاب هذا بفوز الزعيم طبعا .... ولكنى أتمنّى بحس وطنى صادق أن يكون ابو الهل فى المركز الثالث قبل الإنتركلوب ... شفت الوطنية ؟؟؟

الرشيد شمس الدين

هنا ليس ان اقول الا كما قال سيبويه (حلم الجعان عيش ) او كما قال فيكتور هيجو ( عشم إبليس فى الجنه) ......... او مقوله المتنبىء ( تشمو قدحه ). ..........قال زعيم قال
ودام التواصل
عاطف عكود

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف عاطف عكود في الخميس 23 أغسطس 2012, 02:42

احمد محمد احمد كتب:

سلامات يا الرشيد

أضمّ صوتى انا ايضا و اتمني ان يكون النهائي بين زعيم السودان وأهلى السودان لكن بيني و بينك ملاوز
اللهم زدهم ملاوزه فى ملاوزه
ودام التواصل
عاطف عكود

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف خالد عبدالحميد في الخميس 23 أغسطس 2012, 07:28

والله انا كلامكم ده نشوفو طشاش طشاش
لعن الله المنافى

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف الرشيد شمس الدين عبدالله في الخميس 23 أغسطس 2012, 13:15

إنت ياود الأستاذ دخلت فى الستوت من يوم العيد ولا شنو ؟؟ مالك مطشش ؟؟ دا ما حال منافى دا !! ياخى الملايين يحسدونك ياأبا صبا والله .. على الأقل الدولار عندكم سعرو ثابت !! لك تحياتى وودى الذى تعلم ..
أما إنت ياعاطف العزيز فعذرك معك ولذلك لن أرد عليك لأن كبار صحفييكم قالوا إنّ الكونفدرالية بطولة لا يهتم بها الهلال لأنّها أصغر منه ولذلك أسمّوها ( الجعرانيّة ) ... نظام خط رجعة وكدا !!!!

الرشيد شمس الدين

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف خالد عبدالحميد في الخميس 23 أغسطس 2012, 18:34

الرشيد شمس الدين عبدالله كتب:إنت ياود الأستاذ دخلت فى الستوت من يوم العيد ولا شنو ؟؟ مالك مطشش ؟؟ دا ما حال منافى


اقصد الكورة، من اساسو وهذه المتابعة الدقيقة لما يحدث فى ميادين البلد
كسرة سريعة/
يبدو انو فرحة الكورة من اخر ما تبقى من فرحات لهذا الشعب المملؤ اوجاع

الرجوع الى أعلى الصفحة اذهب الى الأسفل

الكل يتمنى عضوية اهلى شندى

مُساهمة من طرف osman abdel rahman في الجمعة 24 أغسطس 2012, 03:24

سلام لكم جميعا- حقيقة يا باشمهندس الرشيد ما فعله اهلى شندى رغم قلة الامكانيات شى عظيم يفتخر به كل سودانى - اما ناس حوش بانقا ديل خلوا ابليس يفر بجلده من السودان ذى ما قال واحد اخونا - خايف على روحو منهم
بخلن

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف عاطف عكود في السبت 15 سبتمبر 2012, 03:58

مبروك هلال السودان ، والله متعه وإبداع.

ودوماً منتصر

عاطف عكود

الرجوع الى أعلى الصفحة اذهب الى الأسفل

صفحة 1 من اصل 6 1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى