مبرووووك اهلى شندى

صفحة 3 من اصل 6 الصفحة السابقة  1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي اذهب الى الأسفل

رد: مبرووووك اهلى شندى

مُساهمة من طرف محمد الجمل في الخميس 21 مارس 2013, 14:03

مشاطيبنا ...من هم مشاطيبنا

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف خالد عبدالحميد في الجمعة 22 مارس 2013, 09:10

غايتو نحن ما معاكم فى موضوع الكفر ده، لكن نكابس فى جملة الجمل السؤال البديعة دى
محمد الجمل كتب:مشاطيبنا ...من هم مشاطيبنا

* مشاطيبنا يا جدع مشاطيبنا
* مشاطيبك يا وطن
* قل لى من مشاطيبك ، أقل لك من أنت
*أعطنى مشاطيبك أعطك أُمّة
* مشاطيبك تحاور فى كراكيبك**تبدع زى الاعيبك
داخل النص
*كل من عبر باسكندرية يعلم انو هناك فى حاجة اسمها الشاطبى! موقعو وين فى موضوعنا ده؟
----
هذا ما كان من تشاطيب اخر الليل قبل ان نشطّب، غفر الله لنا ولكم

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في السبت 23 مارس 2013, 16:57

سلام الرشيد - الجمل - عاطف - عثمان خالد و باقى الاخوة الكرام.

الهلال و المريخ ربنا يستر عليهم المرة دى .

اما الاهلى فيا حليلو ..... ضربوه عين و ما بقدر يستحمل خمسة سنين من البعاد .... ادعوا الله معانا يلطف بعباده ....

دة كلو كوم و المباراة مع غانا كوم براه ..... دعواتكم للخروج بنتيجة معقولة ما فيها خمسات و ستات.

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف osman abdel rahman في السبت 23 مارس 2013, 23:20

السلام يا قبطان احمد
ذى ما ذكرت الله يستر علينا فى غانا- الجماعة ماخدين الموضوع بجدية و ناسنا ما شاء الله عليهم بدون اى جدية- مازدا من الان كابى الجرسة
المرة دى حتفوت سقف الخمسات
ربنا يرجعوا و بسرعة لاهلى شندى
بخلن

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في الأحد 24 مارس 2013, 02:51



سلام عثمان

باقى لى مافى قدامنا غير الدعاء:

اللهم لا نسألك رد القضاء و لكن نسألك اللطف فيه.


الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف osman abdel rahman في الإثنين 25 مارس 2013, 00:25

السلام عليك قبطان احمد و على الجميع
الهزيمة المعنوية فى غانا بدات قبل بداية المباراة كما ذكر معلق المباراة
* علم السودان يرفرف و هو فى وضع مقلوب فوق تحت !!!!!!!!!!!!!!!
* تذكرة الدخول للمباراة مطبوع عليها علم غانا و علم دولة جنوب السودان!!!!!!!!!!!!!!!!!!
و الان فى إنتظار نتيجة المباراة
ربنا يستر
غثمان بخلن

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف عاطف عكود في الإثنين 25 مارس 2013, 03:50

سلام عثمان واحمد وتانى كمان الدفع الرباعى
شرحو ،،،،فضايحxفضايح ، والله المستعان
عاطف عكود

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف الرشيد شمس الدين عبدالله في الإثنين 25 مارس 2013, 19:36

تعرف ياحبيبنا أحمد محمد أحمد إنك ماعندك أي ثقة فى منتخب الوطن كيف تتوقع ليهو الهزيمة بالخمسات والستات ؟؟ أهو لاعبينا الأشاوس ومدربنا العظيم خيّبوا ظنك وطلعت حمّى خفيفة أربعة بس , ولذلك فهم يستحقون التهانى ..

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف osman abdel rahman في الإثنين 25 مارس 2013, 19:42

السلام و التحية
يا ود عكود قول مبروك و الحمدا لله الجات على كدة- المدير الفنى لمتخبنا قال ضعف الاعداد!! سبب الهزيمة و قال اللاعبون لم يقصروا!!! و قدموا اداء جيد - و كلك مدرب غانا اشاد بفريقنا و قال المنتخب السودانى قدم مباراة كبيرة و قوية
عشان كل ما قيل نقول مبروك
خلينا من النتيجة -كانت متوقعة لكن قصة العلم المقلوب فوق تحت و علم دولة الجنوب الموضوع على تذاكر الدخول للمباراة - يفهموها كيف؟
عثمان بخلن

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في الثلاثاء 26 مارس 2013, 04:09


سلامات الرشيد - عاطف - عثمان - الجمل - خالد و باقى الاخوة الاعزاء

الغريبة جماعتنا فى الشوط الاول كان شكلهم كويس لكن فى الشوط الثانى كان تأثير الويكة ظاهر ..... بعدين الغانيين - كتر خيرهم - جاملونا ...... فى المباراة كلها شاتو ستة شوتات فى القون جا منها اربعة اقوان ....

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في السبت 06 أبريل 2013, 03:53

يا ناس قطر بالله واحد يصل عاطف و يطمنًا عليه ....

الهلال فقد فرصة التأهل فى دورى ابطال افريقيا بسبب هدف احرزه الفريق العاجى فى الدقيقة 50 من الشوط الثانى بعد ان ادى الهلال برجولة طيلة زمن المباراة .... نقول هاردلك لكل الهلالاب و تعيشوا و تاخدوا غيرها...

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف osman abdel rahman في السبت 06 أبريل 2013, 04:07

خدمة جليلة قدمها لهم الفريق العاجى يا قبطان احمد- لانوا المرحلة الجاية صعبة شديد و فيها فرق لا ترحم من خمسة و فوق
انا شخصيا شاهدت الخمسة دقائق الاخيرة فقط و لم اشهد فيها اى لعب رجولى للهلال بدليل انو الهدف جاء فى الدقائق الاخيرة
اتمنى غدا نفس الخدمة الجليلة من الفريق الانجولى للمريخاب
اما ناس اهلى شندى الله يستر عليهم من الحبوش
باى باى
عثمان بخلن

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف osman abdel rahman في الأحد 07 أبريل 2013, 03:03

مبروووووووووووووووووووووووووووك
امس التعيس و اليوم خايب الرجا
بخلن

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في الأحد 07 أبريل 2013, 04:15


هههه هههه هههه

الحمد لله ما طولنا لسانا امبارح .....

احسن للفريقين انهم اتخارجوا من بدرى ... و كفونا شر الفضائح الكانت محمدانا لو مشوا لقدام.

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف osman abdel rahman في الأحد 07 أبريل 2013, 22:58

يا سلام يا سلام اهل شندى - مسح الاحزان و اعاد الهيبة
الف مبروك لاهل شندى و لاهل دار جعل
مبروك يا قبطان احمد و لكل الشنداوية
عثمان بخلن

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في الإثنين 08 أبريل 2013, 02:10


بارك الله فيك يا عثمان و مبروك للسودان ..... ناس الاهلى اتأهلو حِرة قلب ساكت مش زى اللعيبة المدلعين بتاعين الهلال و المريخ.

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في الثلاثاء 02 يوليو 2013, 04:43

صحيفة الزاوية
 
خطف فريق فيتالو البورندي لقب النسخة رقم 39 من بطولة أندية شرق ووسط إفريقيا لكرة القدم "سيكافا" بعد تغلبه بجدارة على فريق الجيش الرواندي بهدفين دون رد في النهائي الذي جمع الفريقين مساء اليوم بمدينة الفاشر , والفوز هو الأول لفريق فيتالو في تاريخ مشاركاته في البطولة حيث كان أفضل ترتيب أحرزه هو الوصيف في نسخة 1999.
ويرجع الفضل في فوز فيتالو إلى مهاجمه تامبُوِي خميس الذي كانا صاحب الثنائية التي ولجت مرمى الجيش خلال دقيقة واحدة, حيث جاء الهدف الأول في الدقيقة 59 والثاني في الدقيقة 60 ووضع نفسه على رأس هدافي البطولة برصيد ستة أهداف.
وحصل فيتالو على كأس البطولة والميداليات الذهبية مع الحافز المالي وقدره ثلاثين ألف دولار, بينما حصل  الوصيف, فريق الجيش على الميداليات الفضية ومبلغ عشرين ألف دولار.
 
و كان المريخ الفاشر قد نجح في الحصول على المركز الثالث في بطولة سيكافا بعد فوزه عصر اليوم الاثنين على ريون سبورت الرواندي بهدف وحيد سجله اللاعب مبارك اسحاق في الدقيقة 76

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في الجمعة 05 يوليو 2013, 00:14

كيف تدار انديتنا1
 
 
"السلام عليكم" يدخل الوالي لقاعة الاجتماعات ويرمق كل من فيها بنظرة خاطفة..  ويرد عليه الحضور بعد وقوفهم وبصوت واحد وبتناسق عجيب وكأنهم تدربوا عليه طيلة حياتهم:"وعليكم السلاااام ورحمة الله تعااالى وبركاااته".... ويجلس الوالي ليبدأ بالحديث دون ان يزيح بصره عن الاوراق التي احضرها معه:"وين رئيس لجنة التسجيلات" ويتسابق الجميع للرد ويقول اولهم:"ده ما انت زاتك يا ريس".. الوالي:"اممم.. كويس.. وين امين المال عشان يورينا ميزانية التسجيلات".. ويتسابق الاعضاء ايضاً للرد وكأنهم في سباق السرعة لاحدى برامج المسابقات التلفزيونية ويقول الفائز:"الميزانية ماف زول بعرفها غيرك يا ريس".. الوالي:"امم.. طيب تمام.. اها وين تقرير المدير الفني".. وياتي الرد مطابقا لما سبقه:" انت البتختار كلو سنة يا ريس الزول البتتمنى تتصور معاه وبتسجلوا.. عشان كده ماف زول بكتب التقرير ده".. وتأتي ردودهم جميعا مع ابتسامة حنونة لم يرها الوالي لانه كان منهمكا في القراءة..الوالي:"اها طيب.. حنعمل زي كلو سنة.. شوفوا ناس الهلال دايرين منو وختو فيه مية مليون. وبكده نكون قفلنا ملف تسجيلات المحليين. وحتبقى لينا مشكلة المحترفين.. وبالذات مبينزا ده"وقال عبارته الاخيرة وهو يطبق يديه ويضع ذقنه عليهما ويواصل حديثه بشرود:"حسي دي يحلوها كيف؟!!. كده كلامي وقع الواطه.. حسي سلك ده حيقول الوالي كان قعد مع لغم مابقوم بياتو وش.. ياخ مبينزا ده قام قومة.. وطلع لغم مضاد للافراد عديل".. ويهم احد الاعضاء بابداء رأيه ولكن الوالي لا يلتفت اليه ويواصل وكأنه يفكر بصوت عالٍ.."سمعتي على المحك.. بكده صورتي الاتصورتها مع الحضري ما حتنفعني قدام الاعلام.. ولا حتى صورتي مع لابورتا.. الحل شنو.. الحل شنو" ويقول الوالي فجأة وكأنه استيقظ من كابوس مرير لا يريد ان يعود اليه.." كدي بالله ادوني ملف الابطال".. ويناوله احد الاعضاء ملفاً يحوي ورقتين فقط.. ينظر اليه الوالي بازدراء قائلاً:"ده شنو يا جماعة؟!.. ورقتين بس؟!.." وياتي الرد سريعاً:"اي ما احنا اصلا حنلعب كورتين بس في الابطال ممكن نفوز فيهم قبل ما نطير".. ويترك الوالي الملف على الطاولة غاضباً:" ليه ان شاء الله؟.. حنقابل انتر كلوب ولا اسفان ولا الترجي ولا (الوحدات) السنة دي؟!!" ويرتد العضو ويقول متخبطاً مرتجفاً:" يا ريت.. احنا حنقابل مازمممبي".. ويرجع الوالي سانداً ظهره على كرسيه ممسكاً بالطاولة بيدين ممدودتين تماماً من هول الصدمة:" مازمبي عديييل كده.. لا حول ولا قوة الا بالله.. اللهم اني لا اسألك رد القضاء ولكن اسألك اللطف فيه".. ويصمت برهة ليضع مرفقيه على الطاولة سعيداً هذه المرة:" لكن والله دي فكرة.. مازمبي ده ممكن يكون كويس معانا من ناحيتين" وتثير هذه العبارة فضول الحضور جميعاً فيسألوه جميعاً:" كييييف؟!!!!!!!".. ويجيبهم الوالي بزهو كبير:"انا اقول ليكم كيف.. اول حاجه احنا عندنا سقف بتاع هزيمة لحدي خمسة.. لكن اهم حاجة تقطعوا الموية من الاستاد ومن امدرمان كلها_(ده اذا اصلاً ما كانت مقطوعة)_ وتمنعوا اي نوع من انواع العصاير في المعسكر.. وما داير اي فنانين ولا حتى في الراديو والتلفزيون.. برامج الغنا في الشروق انا حوقفها".. وتلمع عينا الوالي ببريق النصر:" والحاجة التانية والاهم من كده.. اني حكون حافظت على سمعتي وارتحت من موضوع مبينزا ده".. " كيييييف؟؟!!!".. ياتي سؤال الاعضاء ايضاً بعد ان زاد استغرابهم ليأتيهم الرد سريعاً من الوالي:"حأخلي مزمل يكتب اني وعدت الصفوة بانهم حيشوفوا مبينزا لاعب في الرد كسل السنة دي.. وفعلاً اوفيت بوعدي لأني ما حددت حيشوفوهو لاعب مع ياتو فريق"
 
منقول من كورة سودانية

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في الجمعة 05 يوليو 2013, 00:16




كيف تدار انديتنا2


(السلام عليكم) يدخل البرير لقاعة الاجتماعات ومعه الكثير من الجرائد والصور ويجلس على كرسيه "الوثير جداً"..(وعليكم السلام) يرد العضوان اللذان حضرا الاجتماع..(وين الباقين؟؟!!) يسأل البرير..ويجيبه احدهم على الفورSadوالله قالو تاني ما بجو الا تدفع ليهم نثريات الاجتماعات الفاتت).. ويرد البرير متجهماًSadوالله ده الفضل قروش شنو الدايرنها.. كويس وفروا حق الموية غايتو.. ووفروا لينا الكهربا.. عليك الله شغل المروحة دي في تلاته بدل خمسة وخلي نور واحد بس شغال).. ويعتدل البرير في جلسته ويمسك باحدى الصحفSadاها بسم الله نبدأ اجتماع التسجيلات بجريدة الصدى ونشوف مزمل كاتب شنو؟) ويواصل القراءةSadاممممم.. امممممممممم.. ده شنو ده ما كاتب اي كلام عني.. كدي نشوف السوبر) ولا يجد البرير جديداً يذكر فيها عنه وكذلك الزعيم والمريخ, ويلقي بهم جميعاً ويعض يده قائلاًSadاحيي انا.. والله لو ما قروش الكاف دي انتهت كان وريتهم النجوم في عز "الليل".. وكان وريتهم تلت الاربعة كم)..ومن ثم يواصل مطمئناً نفسهSadلكن ما مشكلة انا حفجر ليهم (قنبلة) في وشهم السنة دي ان شاء الله تحيرهم وتلف ليهم راسهم) ومن ثم ينظر الى صور المحترفين وسيرهم الذاتية.. ويوزعها على العضوين..(ديل المحترفين الدايرنهم.. وانا ان شاء الله متبرع للنادي بعمل فحص طبي كااااااامل وشامل ليهم بخصم 5% في مستشفى رويال "كيير") ويسأله احد الاعضاء باستغرابSadوطيب ديل حنجيب قروشهم من وين؟؟!!).. ويبتسم البرير بخبثSadبسيطة جداً.. نضرب لي ناس الجرايد, ونخليهم يكتبو انو الكاردينال ولا الارباب حيتكفلو بالصفقة, واكيد حتشيلهم الهاشمية ويدفعو والا حيكون منظرهم جبان قدام الجماهير. ولو ما دفعوا اكون شوهت صورتهم وما حيقدرو ينافسوني في الانتخابات.. ولو دفعو اكون سجلت اللاعب)ويصفق العضوان للبرير.. طق طق طقSadيا سلام يا ريس.. مدرسة والله مدرسة).. ويسعد البرير بهذا الاطراء..ويقول مبتسماًSadاها نجي للابطال.. سألتو لي من الحكام؟؟).. ويجيب احدهم وهو ينظر للاوراق امامهSadاي.. والحمد لله ماف واحد فيهم بعرف كاراتيه ولا بلعب جودو ولا حاجة.. كلو في السليم..) يتنهد البرير قائلاًSadاححح.. الحمد لله يعني الواحد يقدر يحضر الكورة من المقصورة بمزاج.. اها بعد نطلع من دور الـ32 حنلاقي منو في دور الـ64؟؟) ويرد احدهم باستغرابSadلكن يا ريس.. بعد دور الـ32 بجي دور الـ16!!!) ويثور البرير عندهاSadشنو؟؟ انت قايلني جاي من وين؟.. هو احنا صعدنا.. يعني مشينا فوق.. يعني اكبر من الـ32.. و"اعتقد" انو الـ16 اصغر!!..) ويتعجب احدهمSadلكن ناس الجرايد بكتبو كده؟!!) ويجيب البرير باستهزاءSadأه.. انت بتصدق ناس الجرايد ديل..) ويبتسم العضوSadاي والله.. اها بمناسبة ناس الجرايد.. قنبلتك شنو القلت حتفجرها..) ويضم البرير قبضته امام وجه ويقولSadقنبلتي شايلها في يدي.. وحفجرها في وشهم.. وخليهم يسألو منها الحيمودي)



منقول من كورة سودانية

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف osman abdel rahman في السبت 06 يوليو 2013, 02:49

سلام قبطان احمد
بالامس القريب شاهدنا الهلال بالمحترفين الجدد بما فيهم الفلتة و الضحة سيدى بيه فى مباراة كما تعرف انتهت بفوز هلال الجبال- و طبعا كالعادة بعد المكباراة طالبت الجماهير برحيل البرير
ام سيدى بية فقال عنه النقر فى الاستديو التحليلى إما انه مرهق - او لا علاقة له بكرة القدم!!!!!!!!!!!!!!!!!!!!!
دة حال مجالس إدارات الاندية عندنا و لن ينصلح ابدا فى وجود تلك الاسماء...............
بعد المباراة كان هناك إحتجاج من إدارة المنتخب الوطنى و المقبل على مباراة هامة يوم الاحد امام بورندى بسبب إشراك الهلال لمدثر كاريكا بالرغم من ان المدرب مازدا لم يعطه إذنا بذلك - تعليمات البرير .............
و هلمجرا
عثمان بخلن

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف عبد الرحمن الزين2 في السبت 06 يوليو 2013, 03:45

غايتو  يا كابتن احمد...انا فهمي في الكورة ما  كتير..لكن جد جد البشوفو في التليفزيونات مره مره ....ومرات لمن ناسكم يلعبو..اقول يا ربي هي دي  ياها زاتها كورة القدم البلعبوها ناس ميسي ورولاندينيو ورولاندو وهلم جرا..لكن مرات اقول  دي امكن زي لعبة الفوت بول حقات الامريكان...مرات اقول لا لا دي زي حقت الانجليز البشوتوها فوق العراضه بي فوق ويصرخوا ويقولو قون...قلت اكيد دي كوره سودانيه العالم ما سمع بيها ..غايتو مبروك لاهلي شندي..يس من باب كسير التلج للريس حقنا وللارباب الغائب عننا....لكن هو اهلي شندي..غلب منو..بس ما يكون غلب ناس ميسي..احسن حفيدي -امن - يزعل.. امن لمن كان عمرو   سنتين  ..قال لي عاوز فنلة ميسي.. الان يخطو نحو التالته..قال  لي عبودي..ميسي ما  ساكن  قريب ليك..انا عاوز اشوفو...يا...... قرب بقول يا جدو..لكن لحقها.  وقال .با عبودي.....تقول  لي اهلي شندي..يا حماده..وعدته اذا امد الله في الاجال اسافر بيه يشوف كامبنو...مش اسمو كده...استاد برشلونه يا رشدي...
محبتي
عبدوس

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في الأحد 07 يوليو 2013, 03:04

سلام يا كابيتان
 
ربنا يحفظ ليك امن و باقى الاحفاد و يغطيهم فهم طعم الحياة الحقيقى.
 
غايتو نحن الكورة عندنا فى الجرايد و التلفزيون لكن فعليا المستوى ضعيف جدا ( ترتيبنا شهر ستة كان نمرة 135 عالميا) لكن بينى و بينك عاملة للناس موضوع و شاغلاهم شوية .... أكان ما كدة الناس كانوا جًنوا.

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في الأربعاء 24 يوليو 2013, 01:59


من صحيفة الزاوية


علمت الزاوية ان الفيفا خاطب الاتحاد السوداني مساء الاثنين ردا على خطاب مجلس الهلال المحلول ورفض التدخل الحكومي في مجالس الادارات المنتخبة على خلفية قرار الوزارة بعدم شرعية مجلس البرير.

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف احمد محمد احمد في الأربعاء 24 يوليو 2013, 02:01



علمت الزاوية من مصادر عالية الثقة أن الطيب حسن بدوى وزير الرياضة بولاية الخرطوم يصر على موقفه بتعيين لجنة تسيير لمجلس الهلال برئاسة الحاج عطا المنان خلال اليومين المقبلين وأنه تحفظ على ماورد فى خطاب الفيفا الذى أرسل بالأمس للإتحاد السودانى لكرة القدم ونقل لمسؤول بارز فى الإتحاد تأكيده قرار التعيين إستنادا على النظام الأساسى لنادى الهلال الذى يشير إلى عدم شرعية المجلس ولايوجد تدخل حكومى حسب تقديراته للأمور وان ماورد فى خطاب الفيفا هو تأكيد على موجهات عامة معروفة ولايحمل قرارا مباشرا أو تهديدا بعقوبات.

الرجوع الى أعلى الصفحة اذهب الى الأسفل

رد: مبرووووك اهلى شندى

مُساهمة من طرف osman abdel rahman في الأربعاء 24 يوليو 2013, 09:18

يا ابو حميد سلام
يا اخوى لينا اكتر من شهر صفحات الرياضة فى كل الصحف ما عندهم موضوع غير البرير - يوم رئيس شرعى و تقام الاحتفالات و بعد اليوم تانى
مجلس البرير غير شرعى و ايضا تقام الاحتفالات
و ذى ما قال الصحفى محمد الطيب فى صحيفة الخرطوم امس
الهلال الايام دى بقى ذى العريس العندو راى فى العروس
وطبعا قصة تدخل الفيفا فى الموضوع دى وقعت للبرير فى جرح و قال عديل - نحن مافارقة معانا إذا تم تجميد نشاط السودان - نحن عندنا قضية واضحة نطالب بحلها
قضايا الشعب السودانى اصبحت فى من يراس مجالس الكورة !!!!!!!!!!!!!!!!!!!!!!!!!!!!!!!
مسكين الشعب السودانى
عثمان بخلن

الرجوع الى أعلى الصفحة اذهب الى الأسفل

صفحة 3 من اصل 6 الصفحة السابقة  1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى