ابراهيم خير وكلام فى كلام

صفحة 5 من اصل 25 الصفحة السابقة  1, 2, 3, 4, 5, 6 ... 15 ... 25  الصفحة التالية

استعرض الموضوع السابق استعرض الموضوع التالي اذهب الى الأسفل

رد: ابراهيم خير وكلام فى كلام

مُساهمة من طرف عاطف عكود في الإثنين 28 يناير 2013, 16:50

احمد محمد احمد كتب:
عاطف عكود كتب:[quote=كدى خليهم هن كان (رجال ) يكتروا لينا منو عشان الواحد يعمل فيها مصاب بالزهايمر ويقوم يتناسا العشره ( وسجن سجن غرامة غرامة) وفى الحالة دى هن البلحقوا امات طه والحسين

هه هه هه
يا عاطف بالله روق و ما تحرشنا علي حاجة ما بنقدر عليها .... ما دايرين مشاكل .... المفتشين - بانواعهم المختلفة - بقو متسببين و ما بفوِتو حاجة و نحن ما ناقصين.
اخونا احمد محمد احمد ، دا كلام شنو ... هسى ما قلتوا قرفه وبنجر وعونكوليب وقونقليز وشنو كدا ما عارف ؟؟؟؟؟ مالكم جريتوا واطى ، ولا كوزموس وكدا ، قال مفتشين قال شفت يا رشدى ؟؟؟؟؟

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف احمد محمد احمد في الثلاثاء 29 يناير 2013, 03:11


سلام الرشيد

بناتنا ديل من عرفن درب المدارس و الجامعات فارقن الكسرة و نحن فارقنا الاكل الطاعم و النظيف و درب الصحة.

الكسرة يا الرشيد من اخر معالم السودان الجميل و قيض لها الله ان اصبحت الان مصدر دخل لكثير من الاسر حيث اصبحت تباع جنبا الى جنب مع الرغيف.

انت عارف يا الرشيد انٌو الكسرة دي امكن الحاجة الوحيدة الفضَلت البنأكلها و نحن متأكدين منها .... اما بخصوص الباقى فربنا يستر و يغطي ... شى سماد و شى منتجات محورة وراثيا و شى هورمونات و شى E 121 ....... الخ.

مع التمنيات بموفور الصحة للجميع.

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف احمد محمد احمد في الثلاثاء 29 يناير 2013, 03:35


[/quote]
اخونا احمد محمد احمد ، دا كلام شنو ... هسى ما قلتوا قرفه وبنجر وعونكوليب وقونقليز وشنو كدا ما عارف ؟؟؟؟؟ مالكم جريتوا واطى ، ولا كوزموس وكدا ، قال مفتشين قال شفت يا رشدى ؟؟؟؟؟[/quote]

ههه ههه

يا عاطف رحم الله امرىء عرف قدر نفسه ..... نحن ساكين الاعشاب و خلافه عشان بس نقدر نمشي نشتغل الثمانية ساعات و نرجع البيت بباقى كرامتنا .... اكتر من كدة نهى.

على كل حال طالما انت متحمس كدة جرب انت اعمل مزهمر و اديهم الهرشة وورينا النتيجة.

احتياطيا كدة: مع اطيب التحايا لنسوانا الزيهن مافي الدنيا.



الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف الرشيد شمس الدين عبدالله في الثلاثاء 29 يناير 2013, 12:08

والله بااااااااااااااااااااااااااااااااااااااااااالغت ياأحمد فى ( إحتياطيا كدا ) دى ,ماقلتو مصريين ؟؟؟ شفت كيف ياعاطف القوز ؟؟؟

الرشيد شمس الدين

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف عاطف عكود في الثلاثاء 29 يناير 2013, 14:48

الرشيد شمس الدين عبدالله كتب:والله بااااااااااااااااااااااااااااااااااااااااااالغت ياأحمد فى ( إحتياطيا كدا ) دى ,ماقلتو مصريين ؟؟؟ شفت كيف ياعاطف القوز ؟؟؟
الرشيد شمس الدين

أنا لها ، أنا لها

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف عاطف عكود في الثلاثاء 29 يناير 2013, 14:54

احمد محمد احمد كتب:
احتياطيا كدة: مع اطيب التحايا لنسوانا الزيهن مافي الدنيا.
سبحان الله خطفتها من خشمى ( اقصد من كى بوردى)
كسرة: جابت ليها احتياطيات وكدا
وتسلم حبيبنا احمد محمد احمد

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف الرشيد شمس الدين عبدالله في الثلاثاء 29 يناير 2013, 15:25

عاطف القور كتب : أنا لها ، أنا لها
مافاهمين حاجة :- إنت لى شنو ؟؟؟؟؟

وكمان كتب : سبحان الله خطفتها من خشمى ( اقصد من كى بوردى)
برضو مافاهمين :- خطف شنو ؟ ( إحتياطيا كدة برضو ؟) غايتو جنس غايتو !
ماقلتو نوبة !!!!!!!!!!!!!!!!!!!!!!!!!!!!!!!!!!!!!!!!

الرشيد شمس الدين

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف احمد محمد احمد في الثلاثاء 29 يناير 2013, 16:35


هه هه هه

يا الرشيد عاطف دة ما تضغط عليه شديد ..... الحمد لله لِحق نفسُه.

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف عاطف عكود في الثلاثاء 29 يناير 2013, 16:45

الرشيد شمس الدين عبدالله كتب:
غايتو جنس غايتو !
ماقلتو نوبة !!!!!!!!!!!!!!!!!!!!!!!!!!!!!!!!!!!!!!!!
الرشيد شمس الدين
يا رشدى احمد اخوى دا ماااااعارفوا؟؟؟ لكن عن نفسى بقول ليك نوبة ونص وخمسه ( وسجن سجن غرامه غرامه والزارعه الله فى الكدوس بتقوم)

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف الرشيد شمس الدين عبدالله في الثلاثاء 29 يناير 2013, 19:48

والله ياعاطف القور أنا حانّى عليك , واضح إنّو كدا حار وكدا نار , قلبى معك ..

الرشيد

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف عاطف عكود في الأربعاء 30 يناير 2013, 22:48

الرشيد شمس الدين عبدالله كتب:
والله ياعاطف القور أنا حانّى عليك , واضح إنّو كدا حار وكدا نار , قلبى معك ..
الرشيد
رشدى كدا التانيه الفى الأول دى لشنو؟ وكدا الأخرى الفى التانى دى لشنو؟ والله أنا برضوا حانى عليكم و قلبى معاك مع أنى ما فااااااهم إى حاجه!!!! ولا شنو يا احمد .

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف احمد محمد احمد في الخميس 31 يناير 2013, 00:05

عاطف عكود كتب:
الرشيد شمس الدين عبدالله كتب:
والله ياعاطف القور أنا حانّى عليك , واضح إنّو كدا حار وكدا نار , قلبى معك ..
الرشيد
رشدى كدا التانيه الفى الأول دى لشنو؟ وكدا الأخرى الفى التانى دى لشنو؟ والله أنا برضوا حانى عليكم و قلبى معاك مع أنى ما فااااااهم إى حاجه!!!! ولا شنو يا احمد .

ايوة يا عاطف .... كلامك صاح ..... الجمرة بتحرق الواطيها.





الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف عاطف عكود في الخميس 31 يناير 2013, 00:53

احمد محمد احمد كتب:
عاطف عكود كتب:
الرشيد شمس الدين عبدالله كتب:
والله ياعاطف القور أنا حانّى عليك , واضح إنّو كدا حار وكدا نار , قلبى معك ..
الرشيد
رشدى كدا التانيه الفى الأول دى لشنو؟ وكدا الأخرى الفى التانى دى لشنو؟ والله أنا برضوا حانى عليكم و قلبى معاك مع أنى ما فااااااهم إى حاجه!!!! ولا شنو يا احمد .

ايوة يا عاطف .... كلامك صاح ..... الجمرة بتحرق الواطيها.

ايواااااااااا وأنا اقوووول شايفو ويييييييين يا عاطف ؟؟؟؟؟

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف عبد الرحمن الزين2 في الخميس 31 يناير 2013, 03:47

العم العزيز ابراهيم...والاخوة والاخوات المتداخلون جميعا والمتداخلات..الزوار والزائرات...
التحية لكم جميعا نفر نفر...
ده يا شنو يا عم ابراهيم فتحت ليك نفاج ربنا بقدرك عليهو..اولاد اخوانك ديل مجموعة عجائز من زمن فاسكو دي جاما..نشفوا البحر وقبلوا علي الواطه..استوطنت الامراض في ابدانهم وضربت معاهم صحبه وعاوزين ياكلو حقهم وحق غيرهم..المونيوم شنو و بلاستيك شنو..بالله سيبك منهم ايتها وصفه في الدنيا جربوها..ولن يصلح العطار ما افسد الدهر..ارجوك ركز معانا نحن الشباب..بس اخوي الرشيد ده شوف ليهو دواء للزهايمر..هو بقول ليك عاوز العلاج لي انا..معليش اعمل نايم وفوت ليهو ولو رسلته لي الوصفه انا بعرف اوصلها ليه من غير احراج...ولي اجر المناولة فقط..

استمتعت بالوصفات بس ..بس انا كنت قايل الجمل وود عكود واحمد لسه بدري عليهم..طلعوا اي كلام....جعلها الله في ميزان حسناتك!!!!!!!
الايام دي الموضه صمغ عربي وكركدي ساي.....
الوصفه عندي مقابل 500 يورو..شفت ود اخوك تفتيحه كيف يا عم ابراهيم..
تحية خاصه للدكتورة الاء...
كسره ...خلدي ما تنط لي في حلقي اكان دفعو ما بنساك..محبتي ومعزتي..
ود اخوك عبد الرحمن

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف Ibrahim Kheir في السبت 02 فبراير 2013, 18:39

ألأب الروحى عبدوس (حلوة دى)(
تحية وودآ ذائدآ لقد سرتنى مداخلتك الرقيقة وأعذرنى فى عدم تمكننى للتعقيب عليها فاننى هذه ألأيام مزنوق زنقة حلاق فى يوم وقفة جاءت على غير توقع وسوف أرد عليك بعد رجوعى بإذن ألله
أدام ألله المعروف..
إبراهيم

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف محمد الجمل في الأحد 03 فبراير 2013, 14:40

التحايا للاعضاء الجدد والقدامي
العم عبدوس حمدالله علي السلامة
الاخ ابراهيم تغيب وتجي بالسلامة
كدي اشرحوا لي المثل البقول
بركة الموس الصالحت الجضم

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف عاطف عكود في الأحد 03 فبراير 2013, 14:58

محمد الجمل كتب:
كدي اشرحوا لي المثل البقول
بركة الموس الصالحت الجضم
حبيبنا محمد الجمل الف حمد الله على السلامه ومنور البوست ، الله يجازى محنك جضم دى نكتها من وين ؟ تصدق جضم،،،، وشربات ،،،،، واتشطف،،،،،، دى كلمات لى ذى طاشر سنه كده ما سمعتها ، زمن

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف الرشيد شمس الدين عبدالله في الأحد 03 فبراير 2013, 17:48

ليك وحشة حبيبنا الجمل , وسلامتك ياعزيز , هو الإنتفاخ وصل الجضم ؟؟؟ لا حولتن !!!! بعدين حقيقة أنا ماعندى معرفة شديدة بالأمثال الشعبية دى لكن واضح إنّه المثل دا بالشكل دا مالافق , يعنى ما أعتقد الموس الصالحت الجضم !!!! ألحقنا وأنجدنا ياعبدوس ..فى موضوع أم الحسين والجمل أقصد الجضم ..

الرشيد شمس الدين

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف محمد الجمل في الأحد 03 فبراير 2013, 19:49

حبيبنا الرشيد
شكرا علي اناقة المرور
انت الجبت لينا ام الحسين وانتفاخاتها المامعروفه وين
المهم شكرا انا نفست وعقبال ام حسينك يا هندسة

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف عبد الرحمن الزين2 في الأحد 03 فبراير 2013, 20:04

غايتو عم محمد احمد طه الشهير بالجمل طلع حبوبة قديمه...قال ايه جضم غايتو لا انا ولا الاء وامكن ود كرار ما سمنعنا وما بنعرف جضم يعني شنو.. بس نفسي اعرف الرماد كال حماد...يعني شنو..وبمناسبة الرماد وخم الرماد الايام دي ضارباني نزلة...flu.. من النوع العوير ومافي طريقة لي راحه ولازم اسافر..غايتو قلته استفيد من عيادة حاج احمد وعم ابراهيم ووصفات ود عكود واستشارات دكتورة الاء..لقيت عندي جنزبيل وقرفه..ما عرفت اخلطهم بي شنو اتوكلت وخلطتهم بالسم الهاري واديتم النار وعسي بجغم فيهم..
غايتو ده امكن يكون اخر بوست...بس عليكم الله احزفوه اكان رحت في حق الله...
اكان قمت نصيح جاكم بلا..
محبتي دعواتكم..
عبدوس

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف محمد الجمل في الأحد 03 فبراير 2013, 20:10

ان شاء الله طولة العمر يا حبيبنا الغالي والله نحن من غيرك امورنا قاسية ....لكن ما قلت لي الخلطت بيهو الكمون والشاي الحب ده شنو لانو انا برضو جاتني نحنا غايتو هنا مع ناس ود القوز ده الا نخلط بالكوكاكولا

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف احمد محمد احمد في الإثنين 04 فبراير 2013, 15:28


ربنا يكتب العافية و السلامة يا كابيتانو.

مع سفرك الكتير دة و الارهاق اوصيك بالرويال جلي حبة كل يوم يزيد مقاومة الجسم للامراض و له فوائد اخري ... كمان اوصيك بوصية حبوبتى و هى الاكل كويس اثناء السفر و عدم ترك البطن فاضية .





الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف الرشيد شمس الدين عبدالله في الإثنين 04 فبراير 2013, 16:24

أنت ياعبدوس ساكت شايل حس الجمل , هسه الفرق بين ( بجقم ) حقتك دى , وجضم حقت الجمل شنو ؟؟؟ ماياهو الجضم البجقّمو بيهو ذاتو ولا أنا غلطان ياعاطف القوز ... وهسع عاطف يدخل لينا بى حمد ويمرق لينا بى خوجلى ما نفهم منو أيّ حاجة ..
قلت لى ياعبدوس مالقيت حاجة تخلطهم بيها غير السم الهارى ؟؟ لا باللاهى , مصدقنك !! الصحيح إنك تكون مالقيت ليك موية تخلط بيها السم الهارى قمت خلطتو بجنزبيل وقرفة !!! دا على أنا ؟؟؟ وكمان قلت يمكن تروح فيها !! إنت إنت ؟ أبشر بطول سلامة ياراخو ... عليك الله بعد تصحى من الروحة فيها ماتنسى تتم لكلارا الحكاوى ...

الرشيد شمس الدين

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف عاطف عكود في الإثنين 04 فبراير 2013, 23:17

الرشيد شمس الدين عبدالله كتب:
أنت ياعبدوس ساكت شايل حس الجمل , هسه الفرق بين ( بجقم ) حقتك دى , وجضم حقت الجمل شنو ؟؟؟ ماياهو الجضم البجقّمو بيهو ذاتو ولا أنا غلطان ياعاطف القوز ... وهسع عاطف يدخل لينا بى حمد ويمرق لينا بى خوجلى ما نفهم منو أيّ حاجة ..
الرشيد شمس الدين

سبحان الله يا رشدى لاحظ انو ( حمد وخوجلى ) مافيهم إى حرف مكرر
طبعاً ال ح، خ ، ج. بتاعت حمد وخوجلى دى فى ناس تكون جهجهتم جهجه شديده النقطه مره مافى ومره فوق ومره تحت ( تقول لى زهايمر )
رشدى الحبيب؛؛؛؛؛؛؛ آه ؛؛؛؛؛؛؛ كدا ؛؛؛؛؛؛؛؛ كيف ؛؛؛؛؛؛ إنشاء الله؛؛؛؛؛؛؛؛؛تكون؛؛؛؛؛؛؛ فهمت؛؛؛؛؛؛؛ حاجه؟؟؟؟

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف الاء في الثلاثاء 05 فبراير 2013, 15:46

اليكم ما كتبه أبو الجعافر عن براءة الفول والحمدلله وبلقى ليكم حل لموضوع الويكة

جعفر عباس Jafar Abbas‎

أبشروا وتفولوا وتبوشوا
التقيت في الخرطوم في نوفمبر المنصرم بالصديق وزميل الدراسة البروفسر مصطفى عبد الله محمد صالح، فقد تعارفنا في وطننا الثاني كوستي وتزاملنا في جامعة الخرطوم، وسألته عن اكتشافه الذي سبق أن كتبت عنه وهو أن أهل السودان أقل أهل الأرض تعرضا لمرض الصرع، لأنهم أكثر أهل الأرض استهلاكا للفول، وأخبرني أن التحاليل المختبرية أثبتت أن الفول يحتوي على عناصر توفر الوقاية من الصرع وأنه وبالتنسيق مع باحث صيدلاني سوداني مقيم في كندا اسمه أمير طه يعملان على توفير التمويل لاستخلاص تلك العناصر وتحويلها الى جرعات علاجية أو وقائية، ثم حدثني طويلا عن مزايا الفول الغذائية والعلاجية، ودعاني الى الاطلاع على الأبحاث الفولية التي قام بها معهد التقنية الحيوية للنبات في كندا والمعهد الوطني للصحة National Institute of Health أيضا في كندا وما كتبه باحثان هما هيذر راي وفوزي جرجس في مجال التغزل العلمي بالفول
المهم يا جماعة الفراعنة كانوا يعرفون مزايا الفول ولهذا كانوا يدفنونه مع العدس والثوم قرب رؤوس ملوكهم الموتى ليكون أول ما يتذوقونه عندما يبعثون مجددا – حسب اعتقاداتهم – والفول غني بالبروتين والكربوهيدرات والألياف (ولهذا يفك الإمساك) والفيتامينات (خاصة ب 6) والحديد والمغنيسيوم والزنك والنحاس والسيلينيوم ومضادات الأكسدة (وهي التي تتولى التصدي لما يسمى بال free radicals أي الجزيئات الحرة التي تسبب بعض السرطانات)، ويحتوي الفول على مادة لكتين lectin وهي بروتين نباتي يقاوم الخلايا السرطانية في القولون والمستقيم، colorectal cancer لأنه عسير الهضم ولهذا يبقى نشطا في القولون
والفول معروف منذ آلاف السنين في عدد من القارات ويسميه الإنجليز broad beans وأحيانا horse beans يعني بتاع الحصين/ الخيل، وأحيانا fava beans وقد ثبت على نحو قاطع أن الفول يحتوي مادة L-dopa وهي أهم عنصر لمنع الشلل الرعاش (باركنسون) من "التطور/التدهور"، لأنها تقوم بتوليد الدوبامين وهو عنصر كيمائي عضوي يتولى في الدماغ مسؤولية تنشيط الإدراك والذاكرة والتحفيز والتعليم (يعني استنتاجاتي القديمة بان سبب بلادتي في الرياضيات هو إدماني للفول طلعت فشوش).
البشارة الكبيرة هي أن الماء الذي يتبقى عن طبخ الفول أعلى قيمة من الفول ذات نفسه، لأن فيه خلاصة كل العناصر الطيبة التي في الفول، وبالتالي فصحن "البوش" كنز غذائي، ولكن فقط إذا ضمنت أن صاحب المطعم لا "يديها كوز موية" من حين لآخر فيصبح ذلك الماء قليل الفائدة، وأبشر أهلي في الشمالية بأن الفول الأخضر أعلى قيمة من الفول الجاف
وأعجب ما قرأته عن الفول في المصادر العلمية وسمعته من بروفسر مصطفى هو أن الفول يساعد من يأكله على الاسترخاء، ولهذا اتهمناه بأنه يحوي مواد منومة فظهرت مقولة "الفول أفيون الشعوب النائمة/النامية".. سبحان الله لم أسمع سودانيا يتذمر من أكل الفول بل لعلنا الشعب الوحيد على وجه الأرض الذي ابتكر الفول "المصلَّح" بإضافة عناصر أخرى إليه، ثم يثبت العلم أن طعام الفقراء هذا كنز غذائي وصحي.. اللهم أدمها نعمة واحفظها من الزوال.. واللهم لا تجعل مسؤولي الجبايات في بلادي يقرأون هذا الكلام ف"يخصخصون" الفول، ويفرضون عليه جمارك بعد منع بيعه إلا في الصيدليات.

الرجوع الى أعلى الصفحة اذهب الى الأسفل

صفحة 5 من اصل 25 الصفحة السابقة  1, 2, 3, 4, 5, 6 ... 15 ... 25  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى