ابراهيم خير وكلام فى كلام

صفحة 2 من اصل 25 الصفحة السابقة  1, 2, 3 ... 13 ... 25  الصفحة التالية

استعرض الموضوع السابق استعرض الموضوع التالي اذهب الى الأسفل

رد: ابراهيم خير وكلام فى كلام

مُساهمة من طرف احمد محمد احمد في الأربعاء 09 يناير 2013, 19:46

سلام يا ابراهيم و تمنياتنا لكم بان تصل درجة الحرارة عشرين درجة و شكرا علي النصائح و في انتظار اسبيرات العمرة.

بالنسبة لناس الرشيد و الزول بتاع الكاريبي و اشباههم فهم وصلوا مرحلة ما افتكر في حاجة ممكن تنفع معاهم غير تسأل ليهم سبحانه و تعالي حسن الخاتمة و تدعوا ليهم.

نسأل الله حسن الخاتمة و ييسر لنا من يدعوا لنا.






عدل سابقا من قبل احمد محمد احمد في الأربعاء 09 يناير 2013, 19:56 عدل 1 مرات (السبب : نعديل حرف)

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف Ibrahim Kheir في الخميس 10 يناير 2013, 08:16

حـكـمـة الـيــوم:
أكـبـر أخـطـاء ألأنـسـان هـى أن يـظـن أنـه لا يـسـتـحـق الخـيـر و ألـشـر ألذى يـصـيـبـه.
بـاولـو كـويـلـو.

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف خالد عبدالحميد في الخميس 10 يناير 2013, 10:25

الرشيد شمس الدين عبدالله كتب:

نحن و ناس الكاريبى ديل فات فينا الفوات

الرشيد وانت الضليع فى اللغة، الواو دى واو معية كما يقول العلما ولا انا غلتان؟؟

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف الرشيد شمس الدين عبدالله في الخميس 10 يناير 2013, 12:01

شكرا حبيبنا أحمد وهاأنذا أدعو لك كما طلبت , وأنت الصادق حبيبنا خالد الواو هنا ليست واو المعية ولكن كان قصدى أكتب ( شولة ) وطبعا هى فى الكيبورد فى نفس مكان الواو ولذلك حصل الخلط , القصد من الشولة كان التخصيص أى ( نحن, أخص ناس الكاريبى ............... ) .. فاتت القصة على أحمد ولكنها لم تفت على فطنتك أنت ياخالد ولذلك تساءلت ( مستغربا طبعا ) ... الحقيقة أحبتى أعترف لكم لقد هرمنا والله ولم يتبق لنا سوى الحج ثم الاردن وكوم التراب فى الاخر .. دعواتكم لنا أن يحسّن الله الأعمال ويجعل خيرها خواتيمها ...

الرشيد شمس الدين

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف محمد الجمل في الخميس 10 يناير 2013, 14:49

الاخ العزيز ابراهيم والمتدخلون الكرام
لو تلاحظ يا ابراهيم الناس ديل خوافين من المرض والكبر يعني من اول وصفة نزلة برد جابت ليها حسن خاتمة وحج واردن
انا كنت عايز اسأل من وصفات لامراض الرجل وتحديدا الساق مكان العضلة.. في انتفاخ اصبح يعيق حركة الرجل ..لكن والله ناس احمد والرشيد ما خلو لينا اي امل .يعني مثل هذه الحالات ينفع معاها البلدي...دمتم جميعا بخير وصحة وعافية

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف الرشيد شمس الدين عبدالله في الخميس 10 يناير 2013, 19:15

ياجماعة هوى الحقوا أخونا الجمل !!!!!!!!!!!!!!!!!! لقد وصل مرحلة الإنتفاخ !!!!!!! وإنتوا طبعا عارفين لمّا أم الحسين إتنفخت ...... لا لا لا يالجمل دى حالة ماممكن يتسكت عليها والحقيقة غريبة جدا أخوانا النشيطين السبّاقين فى الدوحة ناس عاطف وبشارة وأبوبكر وعادل وكمال سكتوا عن الموضوع لحدى ماوصل مرحلة الإنتفاخ ... لا حولتن .. أقترح ماتأكلش سمك ولا بيض ..

الرشيد شمس الدين

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف خالد عبدالحميد في الخميس 10 يناير 2013, 19:36

الرشيد شمس الدين عبدالله كتب:
!! وإنتوا طبعا عارفين لمّا أم الحسين إتنفخت ......

هى ام الحسين اتنفخت؟؟ bounce انا غايتو ماعرفش
كسره
بمناسبة عاطف
يعود زعيم المنتدى عكود اليوم للدوحة ونتوقع ان يحكى اطنان احداث وهو عائد من البلد
كسرة من الكسرة
يمكن يكون شايل شوية ادوية!
سلمكم الله من كل شر آمـــــــــــــــــــــــــــــــــــــــــين

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف الرشيد شمس الدين عبدالله في الجمعة 11 يناير 2013, 03:38

خالد ود الأستاذ كتب :
هى ام الحسين اتنفخت؟؟ انا غايتو ماعرفش

باااااااااااااااااااااااااااااااااااااالغت يا خالد والله على حد قول حبيبنا المرحوم الخالد أصيل ، له الرحمة.

الرشيد شمس الدين

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف محمد الجمل في الجمعة 11 يناير 2013, 05:09

هي ام الحسين انتفخت رجلها ولا بطنها والنفخها ليها شنو ....والله اول مرة اعرف الحكاية دي رحمكم الله افيدونا بتفاصيل قصة ام الحسين
ودمتم بخير

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف عاطف عكود في الجمعة 11 يناير 2013, 13:31

سلام كل الإخوان المنتفخون اقصد المتداخلون وتسلم أخونا الجمل والتحيه موصولة للحاجه أم الحسين واخواتها (هى أم الحسين دى منو وقصتها شنو ؟؟؟)

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف عاطف عكود في الجمعة 11 يناير 2013, 13:48

خالد عبدالحميد كتب:
ابراهيم، يا كل الخير سلامات
لكن اقتراح لك ان تأخذه او تتركه او تعدل ما تشاء
عنوان البوست موفق جدا جدا فى تقديرى،، كلام×كلام فبدلا عن فتح بوست جديد اقترح دمج كل الواضيع فى بوست واحد اولا عبقرية العنوان بتديك الفرصة للزيادة دايما والاضافة المستمرة
كسرة اخيرة

حكمة اليوم بتاعت علوان دى، محتاجة إضاءآت
بشرية الحزن،،؟؟ وانسانية السعادة؟؟
يعنى مفروض نسوى شنو

الإخوان إبراهيم وخالد لكم الود
أخونا خالد على قولك ( يعنى مفروض نسوى شنو)
أمام عند الرفع من الركوع بدل ما يقول للجماعه سمع الله لمن حمد قال ليهم ( ربنا ولك الحمد ) نطا واحد من الصف الورا قال ليه يعنى هسى نحنا نقول شنو ؟؟؟

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف الرشيد شمس الدين عبدالله في الجمعة 11 يناير 2013, 18:29

حمد الله على سلامة الوصول حبيبنا عاطف القوز وان شاء الله دخلت السيستم بعد زيارة السودان ورؤية الأهل ... كفارة حبيبنا الجمل والله أما بخصوص قصة أم الحسين فما يفتيك مثل خبير لأنو انا القصة دى حكاها لى عبدوس قبل حوالي عشرين سنة ويزيد وطبعا مع ألزهايمر الحايم دا انا نسيت فأرجو من حبيبنا عبدوس أن يتكرم بذكر القصة بعد عودته من رحلة الكاريبي الحالية ، بالمناسبة أخبار خط هيثرو شنوووووو؟

الرشيد شمس الدين

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف محمد الجمل في الجمعة 11 يناير 2013, 20:11

حبيبنا عاطف وانا اقول الدوحة دي منورة كده لية ؟ اتاري انت جيت حمدالله علي السلامة
وانا والله من امبارح (علي قول اخونا كابتن درداقة) قاعد متمحن وراجيك عشان تورينا قصة ام الحسين دي الرشيد مع زهايمرو دي قال نسي سبب القول ونحنا ما عندنا صبر لمن ناس الكاريبي يجوا ..فافتينا وغفر الله لك ان شاء الله

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف محمد الجمل في الجمعة 11 يناير 2013, 20:16

ملحق

يا عاطف عشان اسهل ليك المهمة اتصل تلفونيا علي عبدوس

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف خالد عبدالحميد في الجمعة 11 يناير 2013, 22:10

عاطف عكود كتب:


أمام عند الرفع من الركوع بدل ما يقول للجماعه سمع الله لمن حمد قال ليهم ( ربنا ولك الحمد ) نطا واحد من الصف الورا قال ليه يعنى هسى نحنا نقول شنو ؟؟؟

ضحكتنى يا عاطف اضحك الله ايامك
بالجد مبالغة، Very Happy Smile Smile
حمدالله على السلامة وبركة بالوصول

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف الرشيد شمس الدين عبدالله في السبت 12 يناير 2013, 01:20

والله يا حبيبنا الجمل منذ وفاة الحبيب أسامة أبو اليتامى لم اضحك كما ضحكت اليوم وأنا أتابع انك متمحن ومنتظر وصول عاطف القوز عشان يفتيك فى موضوع أم الحسين !!!! ولاهتمامى بأمرك حاولت الاتصال تليفونيا على عبدوس ولكن لا يمكن الوصول اليه ربما نجد من يساعدنا بالوصول عليه رجاء لمن له معرفة ان يخبرنا بالكود بتاع الكاريبي واهو نحن فى الانتظار على احر من الجمر ..

الرشيد شمس الدين

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف احمد محمد احمد في السبت 12 يناير 2013, 01:57


سلامات الرشيد , الجمل , خالد ,عاطف و ابراهيم

و يا الجمل علي بال مايجينا الفي الكاريبي بالنجيضة يخيل لي أم الحسين إتنفخت دي حاجة زي انك لحقت امات طه والله اعلم.

مع التحايا للجميع.

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف الرشيد شمس الدين عبدالله في السبت 12 يناير 2013, 02:42

والله يا احمد محمد احمد ، باااااااااااااااااااااااااااااالغت ،،... ها ها ها ها.....لكن كنت أتوقع منك تطمن أخونا الجمل ولو شوية ... هو لسه ما حل مشكلة أم الحسين تقوم تلحقو أمات طه ؟؟؟؟ بالمناسبة هو طه دا منو ، أوعى يكون دا طه القرشى مريض ، ان كان ذلك كذلك فيالجمل أخشى ان تكون أم الحسين قد انتفخت فعلا ...

الرشيد شمس الدين

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف احمد محمد احمد في السبت 12 يناير 2013, 16:22


سلامات يا الرشيد

اخونا الجمل زول صنديد و ما بخاف من الحاجات دي..... غايتو كراعو دي الا تكون زي كراع والي الدين لاعب الهلال الله يرحمو.

روايات امات طه كتيرة ... احداها :


يقال أنه عاش في الزمن الماضي في مناطق الشايقية، سبع شقيقات لم يكن لهن شقيق و لم يكتب لهم الزواج ما عدا واحدة فيهن انجبت طفلا واحدا أسمته (طه) .. بعده توفي زوجها.

بعد وفاة الزوج حملت أم (طه) صغيرها وعادت لتعيش مع أخواتها. وهكذا نشأ طه وسط أمه وخالاته الستة، ولشدة تعلقهن به جميعا اعتبرت كل واحدة منهن أن طه ابنها شخصيا حتى أن الناس أطلقوا على الأخوات كنية (أمات طه) لتفانيهن في خدمته و الاهتمام - الزائد عن الحد - به.

ضاق (طه) زرعا بوصاية أمه وخالاته عليه و كثرة الحنان والمحبة المدلوقين عليه بدون حساب، اضافة لسخرية المجتمع منه بسبب دلع أماته المبالغ فيه.

حتي جاء يوم حمل مخلايته سرا و هرب من الحلّة ..

أصاب الفزع (أمات طه) عندما علمن بخبر هروبه منهن، وأسرعن بالخروج للخلاء خلفه علّهن يتمكن من اللحاق به واقناعه بالعودة معهن، ولاستعجالهن للخروج لم يهتمن باصطحاب (دليل) أو أخذ (الزوادة) لتعينهن على السفر، ثم حدث المحظور عندما ضللّن الطريق وتُهن في الخلاء لأيام حتى هلكن جميعا بسبب الجوع والعطش فصرن مضرب مثل لفاجعة الموت الجماعي.

رحم الله امات طه فمن الحب ما قتل.



الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف مبارك عمر عصملى (كركب) في السبت 12 يناير 2013, 20:12

عاطف عكود كتب:

الإخوان إبراهيم وخالد لكم الود
أخونا خالد على قولك ( يعنى مفروض نسوى شنو)
أمام عند الرفع من الركوع بدل ما يقول للجماعه سمع الله لمن حمد قال ليهم ( ربنا ولك الحمد ) نطا واحد من الصف الورا قال ليه يعنى هسى نحنا نقول شنو ؟؟؟[/quote]

واحد رباطابى بعد الامام ما سلم سمع الجنبو يدعو بهمس اللهم اجعلنى من العشرة المبشرين بالجنة..
قام الرباطابى قاليهو "دايرو يشطب لك واحد"

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف Ibrahim Kheir في الأحد 13 يناير 2013, 09:27

ألأخ ود الجمل.
تحياتى وتمنياتى لك بالشفاء العاجل.
بالنسبة الى مشكلة رجلك وألم الساق هذا الأمر يتطلب إستشارة طبيب مختص ولحسن الحظ أنا على إتصال بالدكتور أحيد عثمان أخصائى فى جراحة المخ وألأعصاب بويلز بريطانيا , ويمكنه أن يسدى لك نصيحة طبية ويشير عليك بما يجب عمله ومن من الأطباء المتواجدين فى قطر يمكن أن تقابله.
عليه أرجو أن ترسل لى ملخص كامل عن ما تعانيه ألأن ومتى بدءت مع شرح الحالة الصحية العامة لك وما تعانيه من أمراض اخرى . مثلآ هل اصبت بكسر من قبل فى الرجل ؟ هل تعانى من إنزلاق غضروفى ؟ هل تعانى من أى أمراض شرايين ؟ ؟
المهم ملخص وافى ويمكنك إرساله لى على ألأميل الخاص بى وستجده فى أخر هذه الرسالة, وليس على هذا البوست.
ألأخوان الرشيد , عاطف,أحمد , عصملى, خالد,وبقية العقد الفريد سأكون على إتصال بكم غدآ الأحد إن شاء ألله فانى على عجالة اليوم السبت.
ألله يديم المعروف.
إبراهيم.
12-01-2013
السبت
kheiribrahim@gmail.com

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف Ibrahim Kheir في الأحد 13 يناير 2013, 09:42

حـكـمــة ألـيـوم.
إذا ضاق صدر المرءِ عن سرْ نفسهِ فصدرَ الـذى اُستودع السرَ أضيقُ.
ألإمام محمد بن إدريس الشافعى.

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف Ibrahim Kheir في الإثنين 14 يناير 2013, 09:49

عزيزنا كابيتان أحمد:
تحياتى وسلامى.
عامل كيف مع النزلات لقد سمعت قبل ايام قليلة طبيبة تتحدث عن نزلات البرد التى تجتاح العالم وذكرت بأن هنالك فايروس جديد يسمى نورا فايروس يجتاح العالم هذه الأيام وعلى الناس أن يأخذوا التطعيم قبل أن أن يصابوا بالنزلة. وبما لدى من تجربة منيلة من قبل عندما إجتاحت إنفلونزا الطيور العالم أصرت علينا طبيبة ألأسرة بأن نأخذ التطعيم وللأسف كانت أول مرة فى حياتى وأخر مرة أخذ فيها أى تطعيم لنزلات البرد فقد اصبت بالنزلة سبعة مرات حسوما خلال ذلك الشتاء.
والأن أعتمد فقط على ملئ البطارية (أديها شرز عالى من الأعشاب ) وأتوكل على الله. وبمناسبة سؤالك عن الأطفال من 5-15 هل يجب أن يتعاطوا الوصفات! بالتأكيد فهم الأكثر تعرضآ للأصابة بالتزلات ثم ينقلونها الى بقية ألأسرة بعد ذلك.
اليوم تأكدت من انك شيخ واصل لقد إستجاب الله الى دعائك بأن تصل درجة الحرارة الى 20 درجة فقد وصلت اليوم الأحد درجة الحرارة الى+16 درجة مئوية وأمطار غزيرة هذا الصباح وصلت الى 15 ميلميتر أذابت كل الثلوج التى تساقطت منذ أعياد عيد الميلاد ولدرجة أننى تمشيت لمسافة 6 كيلومترات هذا المساء .
الغريبة نزلت ثلوج غزيرة فى المملكة العربية السعودية فى منطقة تبوك بالمنطقة الشرقية, كذلك نزول ثلوج غزيرة فى ولايتى أريزونا وشمال داكوتا وكاليفورنيا, يبدو انو القيامة قربت.
وما تنسانا من دعواتك فهى بدون شك فيتامينها قوى شويتين.
وأدام الله المعروف.
إبراهيم.

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف Ibrahim Kheir في الإثنين 14 يناير 2013, 09:54

حـكـمـة الـيـوم:
لـن يـصـدق الـنـاس الـكـذاب حـتـى لـو قـال صـدقـآ.
أيـسـوب

الرجوع الى أعلى الصفحة اذهب الى الأسفل

رد: ابراهيم خير وكلام فى كلام

مُساهمة من طرف احمد محمد احمد في الإثنين 14 يناير 2013, 18:24



سلام ابراهيم

الحمد لله الذي خفف عنكم البرد.

جاري تطبيق الوصفات مع اضافة المسوح بزيت السمسم و الذي لا نستطيع الاستغناء عنه فهو ملازم للفول الطبق الرئيسي الذي نأكله يوميا مع الفطور و العشاء.

اخوانا ناس الغرب لهم وصفات لعلاج كل الامراض بما فيها النزلات و الالتهابات الشعبية يؤكدون علي فاعليتها .... سأقوم بانزالها في الايام القادمة لسماع الاراء حولها.

مع تمنياتنا بدوام الصحة و استمرار الطقس الدافيء.

الرجوع الى أعلى الصفحة اذهب الى الأسفل

صفحة 2 من اصل 25 الصفحة السابقة  1, 2, 3 ... 13 ... 25  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى