الجواز البحرى السودانى، التفاصيل مطلوبة!

استعرض الموضوع السابق استعرض الموضوع التالي اذهب الى الأسفل

الجواز البحرى السودانى، التفاصيل مطلوبة!

مُساهمة من طرف Admin في الخميس 04 أبريل 2013, 09:24


وصل الى بريد المنتدى إيميل من أخ كريم، يستفسر عن الجواز البحرى السودانى
خطوات الاستخراج؟
ومن وين؟ والمطلوب شنو؟
وكل ما يخص الجواز البحرى
شديد التقدير للسائل،،و نتمنى أن يعم خير المعلومة وتكون مفيدة له ولكل من قد يحتاجها لازمان قد تأتى
-----
نتمنى افادة العالمين بالموضوع، اصالة او نيابة
وشكرا جزيلا سادتى

كسرتين
1 السائل افاد انو فى اوكرانيا، فنرجو بعد شرح امر الجواز ككل ، ما هى خياراته؟
الكسرة التانية خاصة بى
هو السودان ده لسة بيطلع جواز بحرى؟؟

Admin
Admin


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الجواز البحرى السودانى، التفاصيل مطلوبة!

مُساهمة من طرف خالد عبدالحميد في الإثنين 08 أبريل 2013, 00:00

Admin كتب:

نتمنى افادة العالمين بالموضوع، اصالة او نيابة
وشكرا جزيلا سادتى

لا زال السؤال قائما، نتمنى انو لما زول اين ما ماكان يدخل قووقل ويبحث عن الجواز البحرى السودانى
يلقى اجابة مفصّلة فى البوست ده
يا.....
شباب
وتحايا مستمرات

الرجوع الى أعلى الصفحة اذهب الى الأسفل

رد: الجواز البحرى السودانى، التفاصيل مطلوبة!

مُساهمة من طرف Ibrahim Kheir في الإثنين 08 أبريل 2013, 07:45

العزيز خالد.
تحية وودآ.
بالسؤال عن الجواز البحرى السودانى,
هل هنالك جواز سفر بحرى سودانى فى الواقع؟
دعك من الجواز البحرى السودانى، جواز السفر العادى السودانى الذى يحمله اغلب الأرهابيين فى العالم هل يجد القبول أو الأحترام فى أى سفارة فى العالم ناهيك عن المقابله التى يجدها من أى حرس حدود فى العالم.
أزيدك علمآ نحن المواطنين الكنديين حاليآ والمولودون فى السودان قد امتنعنا عن السفر الى أمريكا بعد أحداث الحادى عشر من سبتمبر لما نلاقيه من تعسف من قبل حرس الحدود الأمريكى مع العلم بأن مايفصل بيننا كبرى مثل كبرى شمبات.
أول زيارة واخر زيارة لامريكا كانت فى العام 1993 أى قبل أكثر من عشرين عامآ،وقد كانت لتوصيل أحد الأصدقاء الى مدينة بافالو الحدودية ليأخذ الباص من هنالك.
انا لا أضع نفسى موضع إتهام بأن يحقق معى أو أن تأخذ بصمات اصابعى وصورى والى اين انا ذاهب الى الجنة الامريكية!
السائل عن الجواز البحرى السودانى نصيحة له وفق أوضاعك فى اوكرانيا ثم استخرج جواز سفر بحرى اوكرانى.
والله الموفق.
إبراهيم.

الرجوع الى أعلى الصفحة اذهب الى الأسفل

رد: الجواز البحرى السودانى، التفاصيل مطلوبة!

مُساهمة من طرف osman abdel rahman في الإثنين 08 أبريل 2013, 17:37

لكم جميعا التحية و التقدير
ليه كل هذا الاحباط؟ عشرات السنين و نحن نعمل بالجواز البحرى و نسافر بالجواز السياحى- نعم شكلهم و طباعتهم ربما ليست بالجودة العالية لكن ده هو حال بلدنا و ربنا يصلح الحال إن شاء الله
اما بالنسبه للسفر الى امريكا و خاصة بعد احداث سبتمبر فكل العرب جميعا فى نظرهم ينتمون الى جماعات إرهابية - سودانى و لا غير سودانى!!!!! و الكل يعلم ذلك
عثمان بخلن

الرجوع الى أعلى الصفحة اذهب الى الأسفل

رد: الجواز البحرى السودانى، التفاصيل مطلوبة!

مُساهمة من طرف خالد عبدالحميد في الإثنين 15 أبريل 2013, 03:52

osman abdel rahman كتب: لكم جميعا التحية و التقدير
،،
،،
عشرات السنين و نحن نعمل بالجواز البحرى
،،
،،
ده هو حال بلدنا و ربنا يصلح الحال إن شاء الله
آمين يا بخلن
المهم يا باشمهندس ما تدينا المعلومات الاساسية المتوفرة ليك بخصوص الجواز
----
وطلب بالاسم للعزيز البحّاثة، ابن فراج إن يدلى بمعلوماته فى شأن الجواز البحرى السودانى
نريد رد للسائل 1
و2 نريد قووقل نفسه يجيب كل سائل لهذه الصفحات المباركة، كما سبق القول

الرجوع الى أعلى الصفحة اذهب الى الأسفل

رد: الجواز البحرى السودانى، التفاصيل مطلوبة!

مُساهمة من طرف محمد الجمل في الإثنين 15 أبريل 2013, 14:33

معقولة ولا حياة لمن تنادي القصة دي الاجابة عليها طولت
ونحن في انتظار ود فراج او من لديه المعلومة
وانا لو كنت اعرف كنت ح اقول
تحايا للكل
طيب كابتن عوض الله وين ومجموعة بورتسودان

الرجوع الى أعلى الصفحة اذهب الى الأسفل

رد: الجواز البحرى السودانى، التفاصيل مطلوبة!

مُساهمة من طرف ود فـــــراج في الإثنين 15 أبريل 2013, 15:50

السلام عليكم ورحمة الله وبركاته

جد آسف علي التأخر في الإجابة علي السؤال المطروح عن شروط إستحقاق الجواز البحري السوداني .. ولم أكن علي علم بكل هذه النداءات لشخصي الضعيف من قبل أشخاص أعزهم أيما معزة .. فلكم كل العتبي أحبتي

أولاً : السائل عن الجواز البحري لابد له من شهادات تثبت أهليته للعمل في البحر.

ثانياً : إجتياز الكشف الطبي.

ثالثاً : دفع الرسوم المقررة وإحضار صور شخصية

يمكن للأخ التقديم من رئاسة هيئة الموانيء البحرية بالخرطوم وهي تقع في الخرطوم غرب .. شمال جغرافي لبوابة كلية الآداب جامعة النيلين..

نسيت أمر في غاية الأهمية .. لابد أن يكون المتقدم للحصول علي الجواز البحري سوداني الجنسية ويبلغ من العمر أكثر من 18 عاماً لذا تلزم المتقدم صورة من شهادة الميلاد وشهادة الجنسية ..

نتمني للمتقدم كل النجاح في الحقل البحري .. ونرجو منه الإنضمام إلي ركبنا في المنتدي وتعريفنا بشخصه وهذا تلفوني في السودان إذا أراد مزيد من المعلومات 00249913595654

كنت أتمني أن يأتي الرد علي السؤال من طرف الزملاء بالتفتيش البحري .. لكن كلنا أخوان في الهـم .. مافي مشكلة مرحب بيك يا أخوي من أوكرانيا .. ونحن تحت أمرك في أي وقت ..

ختاماً أكرر إعتذاري لإخوتي الكبار .. وأرجو أن أكون قد أفدت السائل

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى