البيت الكبير

صفحة 2 من اصل 3 الصفحة السابقة  1, 2, 3  الصفحة التالية

استعرض الموضوع السابق استعرض الموضوع التالي اذهب الى الأسفل

رد: البيت الكبير

مُساهمة من طرف محمد الجمل في الخميس 18 يوليو 2013, 07:48

رجعنالك ..كلمات عبد الباسط سبدرات غناء البلابل 19th أكتوبر 2008, 00:07
________________________________________
رجـعـنـالـك وجـينـا غـفـرنا انـك بالوشـاية فـصـدت كبـد الـفـرحة فـينـا

رجـعـنـالـك وعـينـينا الـبكـت فـجعـت رموشـه دمـوع سـخـينـة

وبـفـرح عـودتـنا رفـت زغـردت كلـمات حـنـيـنـة

رجـعـنـالـك عشـان تـاه الـفـرح مـن دارنــا

رجـعـنـالـك وانـت ديــــــــار فـرحنــــا

رجـعـنـالـك عـشـان نـاحــت سـواقــيـنا

رجـعـنـالـك وبـكـت شـتـلات قـمـحـنــا

رجـعـنـالـك عـشـان يـسـكـت جـرحـنـا

الانـت جـارح قـلبـو بجـراحاتـنا آحنـا

رجـعـنـالـك وكـيـف نـرفـض رجـوع الـقـمـرة لـوطـن الـقـمارى

يـا الـتقـوقـى على نخـيـلاتـنا الـقمـارى ...

وانـت واحـش نـيـل وطـنـا عـلـيـنا شـمـتـه الصحارى

رجـعـنـالـك عـشـان انـت الـجـرف الـفـيـهو شــتلات حـنـة لـفـرح الـقـبـيـلـة

رجـعـنـالـك عـشــان جــرتــقــنـا وسـيـرتـنــا وجـديــلـة ..

رجـعـنـالـك نـغـنـى فـرحـنـا فـيـك ونـقـول عـديـلــة

يـفـرح الـلـيـل بـفـرح صـنـدل يــفـوح يـكـســـى الـقـبـيـلــة

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف عبد الرحمن الزين2 في الخميس 18 يوليو 2013, 07:51

شفته  صاحبك  رشدي  يا جدو  مرق  روحو  منها  زي الشعرة...ورماها  فيك وفيني...اول  مره  افهم المقولة....رمتني  بدائها  وانسلت...غايتو  انا  خليت ليك الموضوع يا جدو انا  رشدي ده ما بقدر عليهو..اصلو بعرف عني بلاوي..قلنا  اخير نمشي جنب الحيط...
عفارم عليك يا وعكود...اديلم..بس الجمل ده ما تقرص عليهو شديد  لكن داك زود الابنص  وابو خليل بساعدك بالباصات..
معزتي واحترامي...
تخريمه...اخونا ودفراج..بيضة الديك دي  شنو؟؟؟  افتح البلف  شوية..
عبدوس..
اين  سيد  الدبنه؟؟؟؟؟وين البنيات؟؟؟؟؟وين....وين....انتهي البيات الشتوي  الدنيا حر يا عالم  حتي في  كندا  كان الله في عونهم..نحنا هنا 30 درجه والجرسه حاصله...
اضافه...
اخوي الجمل...انستر..الله تعلم البلابل ديل يحلوك من الراجيك


عدل سابقا من قبل عبد الرحمن الزين2 في الخميس 18 يوليو 2013, 07:53 عدل 1 مرات (السبب : اضافة.)

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف محمد الجمل في الخميس 18 يوليو 2013, 07:57

بختك با ود عكود وهنيئا لك كل هذا التقدير والحب
تستاهل يا فردة

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف Ibrahim Kheir في الخميس 18 يوليو 2013, 08:05

عزيزى عبدوس الرشيد ده خليه على ، حاجيهو ليك كويس ,من حظه اليومين ديل ما مجمع، وماعندى مروة مع الحر وداون تاون وما أحلى الجبنة بالزيتون، أللهم أنى صأأأأأأئم. كلها يومين تلاته بالكثير ينتهى هذا الحر السخيف وأرجع لى رشدى متأبطآ شرآ.

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف الرشيد شمس الدين عبدالله في الخميس 18 يوليو 2013, 13:28

عمنا أبراهيم خير , لك التحايا وماتخلّي العوازل ناس عبدوس يخربوا البينا وهي عامرة جدا ... الجمل رجعنالك كتبا عبد الباسط في حبيبته الكانت , تقوم إنت وعشان تتكافي الشر المتوقع من حبيبنا الخيّر عاطف القوز تجاهك تحاول كنوع من الدهنسة إسقاط موضوع القصيدة علي عاطف وقايلو بيحلك ؟؟ ياخي دي إستهانة بقدرات عاطف العقلية بشكل لا أرضاه له .. نحن في إنتظار ردة فعل عاطف القوز المتوقعة علي أحر من الجمر .. قال رجعنالك قال !! لا باللاهي ؟
بمناسبة  حبيبنا عاطف قال إنّو ماحصل ذكر لي أبدا إنّو مكتئب فقد صدق وأنا أبصم بالعشرة مصدقا له أنه لم يذكر لي ذلك أبدا أبدا فقط قمت أمس  بسؤال صديق عزيز وهو أخصائي كبير في الأمراض النفسية كان فاطر معاي سألته عن الإكتئاب وكدا فأكد لي بالدليل القاطع أنه لم يحدث في تاريخ ممارسته الطويلة المهنة أن زاره يوما مكتئب وهو يقول أنه مكتئب .. وقال لي : هذه يالرشيد حالة يحسّها الأصدقاء المقرّبين للمكتئب ويبلّغونا عنها .. إنتهي كلام الدكتور ...  وأنا لاأشك أبدا أني صديق مقرّب لحبيبنا عاطف القوز ومتأكد أنه أيضا لايشك في ذلك ..
هذا مالزم توضيحه لوضع الأمور في مسارها الصحيح مصدقا لحديث عاطف بأنه لم يذكر لي أبدا أنه مكتئب ... قال متصالح قال !! لا باللاهي !!!
رمضان كريم وتصوموا وتفطروا علي خير ولكن تبقي الحقيقة الساطعة أنه بعودة حبيبنا عاطف عاد للمنتدي ألقه ووهجه القديم وربنا مايحرمنا من ها الطلّة ثانية والعفو والعافية , اللهم أجعلني صائما ..ولكم جميعا مودتي التي تعرفون ..

الرشيد شمس الدين

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف الرشيد شمس الدين عبدالله في الخميس 18 يوليو 2013, 13:44

لاحظت اليوم شيئا غريبا ومدهشا ورغم أن الصدفة قد تكون هي السبب ولكني أعتبر ذلك أمرا قدريا لم يجئ هكذا عفو الخاطر فقد لاحظت أن عدد مشاركات أحبابنا خالد ود الأستاذ في المنتدي 1271 مشاركة كما أن مشاركات عاطف القوز أيضا 1271 ... كيف حدثت هذه المفاجأة وهل هي بالصدفة أم أن تقارب الأرواح كان هو السبب ؟؟ أم أن فترة توقّف حبيبنا عاطف القوز الطويلة عن المشاركات كانت مقصودة لكي يلحق به حبيبنا خالد ود الأستاذ وهذا فقط يعني إن حدث كامل البراءة من الإكتئاب ... وين الإجابة يامتعلمين يابتوع المدارس ؟؟؟

الرشيد شمس الدين

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف osman abdel rahman في الخميس 18 يوليو 2013, 19:29

احبتى سلام الله عليكم
     على ما اعتقد و الله اعلم بان كابيتان احمد محمد احمد هو العضو الوحيد فى المنتدى من داخل سوداننا الحبيب يقوم بزيارة المنتدى بشكل
منتظم يوميا مع العديد من الإسهامات الجميلة  و المفيدة ( هل ده صاح و لا انا غلطان)

 عموما إذا كان كلامى صحيح فلماذا احجم الاخوان عن زيارة المنتدى ناهيك عن المساهمة ؟ السؤال طبعا  لهم
  * هل لاحبائنا على عثمان و ود الحبيب و كركب و جنى و عوض الله و عظمة و......... راى فى المنتدى ؟
  * هل انتهت صلاحية المنتدى بالنسبة لهم ؟ ام انها زحمة الحياة فى السودان ! هل و هل و هل؟؟؟؟؟؟؟؟؟؟؟؟؟
مع علمى  بان النت متاح للكل و باسعار فى متناول اليد للجميع - اليوم كله بجنيه واحد فقط و الاسبوع بخمسة جنيهات - يعنى الحكاية ما مادية
 اتمنى من الله سبحانه و تعالى ان يعود المنتدى الرائع المهم بالنسبة لنا كاسرة لسابق عهده و يصبح فعلا البيت الكبير
 اخاف  ان يدق الجرس علي البيت الكبير
                         
                           لكم التحية و التقدير
   عثمان بخلن

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف عاطف عكود في الخميس 18 يوليو 2013, 21:36

عبد الرحمن الزين2 كتب:
عفارم عليك يا ود عكود ...اديلم..بس الجمل ده ما تقرص عليهو شديد
اضافه...
اخوي الجمل...انستر..الله  تعلم  البلابل ديل يحلوك من الراجيك


الرشيد شمس الدين عبدالله كتب:
الجمل  تقوم إنت وعشان تتكافي الشر المتوقع من حبيبنا الخيّر عاطف القوز تجاهك تحاول كنوع من الدهنسة إسقاط موضوع القصيدة علي عاطف وقايلو بيحلك ؟؟ ياخي دي إستهانة بقدرات عاطف العقلية بشكل لا أرضاه له ..قال رجعنالك قال !! لا باللاهي ؟
الرشيد شمس الدين

العزيز الغالى عثمان تسلم ومعك فى كل حرف من كلامك الفوق دا والله انا وأخوانا الجمل الصباح كنا نتكلم فى نفس الموضوع بتاع المشاركات وما إدراك ما المشاركات واعدك بانى سأرجع ليك وبالتفاصيل .وكان الله من وراء القصد ، وربنا يلم الشمل.
كسرة : بس عندى حسابات إخلصها وأفضى ليكم  بعد التراويح إنشاء الله لأننا فاطرين  بره انا وأخونا الجمل ونرجع ليكم بعد الفطور والتراويح ( وبرضو ما بحلك الجمل اخوى لأننى مؤمن بالمثل الماليزي البقول افطرو إخوان واتحاسبوا تجار )
ودام التواصل
عاطف عكود

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف عبد الرحمن الزين2 في الخميس 18 يوليو 2013, 22:21

مُساهمة من طرف محمد الجمل اليوم في 1:57 am
.



بختك با ود عكود وهنيئا لك كل هذا التقدير والحب
تستاهل يا فردة.

الجمل

رمضان كريم وتصوموا وتفطروا علي خير ولكن تبقي الحقيقة الساطعة أنه بعودة حبيبنا عاطف عاد للمنتدي ألقه ووهجه القديم وربنا مايحرمنا من ها الطلّة ثانية والعفو والعافية , اللهم أجعلني صائما ..ولكم جميعا مودتي التي تعرفون ..

الرشيد شمس الدين

غايتو  جنس  غايتو ..كسير تلج في نهار رمضان.. انتو  وكت ما  قدر الكلام  بتكتبوه  وتقولوه  ليه..والله عفارم عليك يا وعكود....
غايتو  الجمل  قرب يخارج  نفسو  بالفطره المدنكله  وقصيدة  عبد الباسط...انت يا  رشدي  عبد الباسط ده ما خالك  ما تخليه يكتب ليك واحده مخصوصه  لي  ود عكود..يمكن يرحمك شويه...
ولسه جدو ابراهيم راجيك..غايتو في رمضان ده الدعوات  مستجابه  ركز  خلي الحر بتاع كندا  يبقي جهنهم .. حلك بعد رمضان يمكن ينساك..
غايتو جنس غايتو..
افطارا  شهيا  ..انا الليله  قفلته  عشرة  ايام..
تقبل الله من ومنكم
عبدوس

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف عاطف عكود في الخميس 18 يوليو 2013, 22:41

الظاهر انو بله مشكلتو كانت بسيطه ومقدور عليها عشان كدى أتحله منها بكل سهوله
نفطر ونجيكم إنشاء الله
ودام التواصل
عاطف عكود

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف عاطف عكود في الجمعة 19 يوليو 2013, 06:20

انا حا أجيب من الآخر لأنو الفطور كان حاجة ما تخلص وكانت مجموعة ما تخلص ويمكن ان أعود لذلك فى مداخلة أخرى ولكن لابد ان أقول للأخ العزيز كمال الخواض الله يخضر ضراعك وانشاء الله دارك عامر.
المهم الاخ الجمل استغل الجو الحلو دا واستغل طيبة ود عكود وأخد بوشو لحد ما! نرجع لويكي ليكس ، انا قبل كم يوم اتصلت بى اخونا الجمل وقلت ليه انا جاى عليهو فى زيارة أسرية رمضانية وقد كان ، واخدنا لينا ركناً قصياً من الصالون والظاهر انو كان مجهز الملعب وأنا على نياتى .... المهم دور الشاى والقهوة وبدا يجرجنى فى الكلام انا أتكلم عن اغانى الحقيبة والعبادي يرجع بى  للبطاطس والجزر من لارناكا وليماسول . أقول كويس وأوصل معاه وارجع بيهو لى مكى ود عروسة وحى ود البنا ونخفس على البوفيه بتاع ود اورو ألقاه رجع تانى لترانسيت وفندق بلاص والجنوبية ، عرفت انو الزول دا ما براهو ، وفجأة وبدون مقدمات وبصوت جهوري قام كورك ياااااا منذر جيب البتاع ... ( بس كدا) وىامؤمن يا مصدق حضر الابن منذر شايل اللاب توب
آه انا المسكين البرئ عرفت انو البتاع هو اللاب توب لحدى هنا وأنا حسب نياتى قلت عادى وإذ أرى انو مفتوح على المنتدى المابغبانى وأشوف البروفايل لناس عزاز لى منهم 100 يوم وزيادة يومين تلاته ،  اليوم يحك اليوم ، على العموم شعور عجيب ذى الشعور وانت راجع من رحلة طويله فيها كل موانى الشمال وفيها مخا ومكلة وامكن حديده وفجاءة لما تشوف شعاع سنقنيب يعنى نوع الشعاع البلخبت ليك سلوك عقلك الباطنى يعنى مثلا تلقى الشعاع يجهرك جوا قلبك وتشم ريحة صوت  دقات عيونك ( يا بتاع الراندوك قلت لى عازم ليك دكتور نفساني فطور رمضان مخصوص عشان تسألوا عن الاكتئاب ، كويس ليك يوم)على العموم اخونا الجمل ما قصر وبداء يتصفح صوت وصورة شوف منو كتب شنو يا ودعكود وفعلاً شعرتا كم قصمتم ظهرى وكم اتلومت معاكم وكنت اتخذته قرارى وكده  . انا المزعلنى انو ما اتفكفكته وقبل ما إديه عرض أكتافى واصل فى أعمالو الويكى ليكسيه وعمل ليه كم تلفون ورساله قصيره ونزل تصريح فى المنتدى بفشل العمليه وعصلجة وأكل نار وتدخل من الأمريكيتين وكندا كمان والخليج وعرفتا انو كان فيها لمرابطين الداخل دور واوربا زاتها بمن فيها من بليجكاب كان ليهم دور كبير ( جابت ليها بيع وكسرة من ماركه الفاتح جبره ،  ودعكود لحق خط هيثرو يا رجاله ) على العموم الموضوع ما انتهى لكن خلونى أخد نفسى شويه وعشان تعرفو أنى طيب انا مسامح كل من اشترك فى المؤامرة لكن برضوا ما تطمئنوا لى لأنى ممكن مره مره كدى انتقم شايقى وقتييييييت انا عارفنى .
ودام التواصل
عاطف عكود

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف عبد الرحمن الزين2 في الجمعة 19 يوليو 2013, 20:18

امك....راس السوط وصل...بلجيكا يا ربي يكون قاصد اسامه الله يطراهو بالخير..
غايتو متابعين بشده السرد الجميل واتخيلت قعدتكم في ركن الصالون وطريقة الجمل في الحديث..ماهي عشرة عمر وانا عارفو حياخد بوشك... قلته لي يا ود عكود عمل ليه فطره جامده ومخصوصه لدكتور نفساني عشان يناقش معاهو حكاية الأئكتاب دي...والله ما قصر الراجل قلبو عليك.. كدي ننتهي بالاول من فلم اخوي الجمل امكن للوقت داك الاستاذ عبد الباسط يكون لحق الراندوك بالقصيده..
رمضان كريم......
نواصل خط هيثرو...اين ود فراج..اين راشد..اين عصملي..جني...البنيات العزيزات..والزملاء الافاضل...
عبدوس..النمسا..

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف Ibrahim Kheir في السبت 20 يوليو 2013, 05:52

العزيز رشدى.
موجة الحر البسيح مخ الضب اوشكت على الأنتهاء. جدو راجيك فى المغيرب.

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف Ibrahim Kheir في الإثنين 22 يوليو 2013, 00:25

رشدى كان نسيتنى مابنساك.
شنو البخليك تسيب الناس ديل كووووولهم وتقبل على وعلى ود أخوى عبدوس!
عبدوس قال هو ماقدرك لكن حيجيب لك القدرك، واشتكاك لجدو.
دحين يارشدى انت ماكنت عامل زى الأسد النتر اكل نارك ولقط خضارك وحاجات تانية حاميانى وشنو ما عارف مع عزيزنا ود عكود قايل شنو ما حيرجع تانى؟ أهو رجع و فل سبيد أهد.
ما عرفت تودى وشك وين قلت أحسن أدبس عبدوس وجدو فى ورطتك. ما قدرت على الحمار تقوم تشطر على البردعة!.
أهو ندخل بيك ب عربى نطلعك بى مكاوى، وتطلع فى الأخر ما عارف كوعك من بوعك.
والماكتلك قواك، خليك زى جدو بقى الأكتئاب زاتووو لو شافوا بيفك ليهو الدرب.
بدل ما تقول فردتى ودعكود الله يقطع دقداق الجبل البيخلى الواحد يتكلم بره من راسه والعفو والعافية، تقوم تكب الزوغة وتعمل زغبير كما عملها أسدنا النتر فى أبوجا!
والله ما رضيتها ليك لكن معليش العترة بتصلح المشى.
. وزى ماقالت حبوبتنا لواحد لُبَطِى دايره تنتف ريشه (حسة أنا ما فاضية ليك لكن راجعة ليك بعد شوية حأحك ليك جيرك و أقطع ليك تصاويرك وأدخل ليك راسك فى زيرك.)
المرة دى سماح المرة الجاية بننتف الريش.
رشدى أخوى الدنيا رمضان والبستفة ونتف الريش لا تفسد للود قضية.
ودأأأأأأم الود عامرآآآآآآآآآ.


عدل سابقا من قبل Ibrahim Kheir في الإثنين 22 يوليو 2013, 04:07 عدل 2 مرات

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف محمد الجمل في الإثنين 22 يوليو 2013, 03:49

عبد الرحمن الزين2 كتب:امك....راس  السوط  وصل...بلجيكا  يا ربي يكون قاصد اسامه  الله يطراهو بالخير..
 


هو راس سوط ساي ده غير ناس كسرة الفاتح جبرة (ود عكوووووووووووووووووووووود وين) وناس الاكتئاب ..انا والله جد سعيد بعودة حبيبنا عاطف (محبوب الجماهير) والحمد لله بعد العوده سنطرح افكار جميلة للتواص نلغي فيها (البطاطين) حتي يكون المنتدي مثمرا وجادا لتلاقينا ونتحاشي قصص الزعل من عدم التواصل ولو انو الفكرة سيطرحها اخونا وحبيبنا ود عكود ارجو ان تجد منكم التاييد وانني شخصيا اوؤيد الاخ عاطف فيما سيذهب اليه منطلقا من مبدا نكون او لا نكون
فهمتو حاجه .........

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف الرشيد شمس الدين عبدالله في الإثنين 22 يوليو 2013, 13:24

دا أنجليزي دا يامرسي ( بعد الإنقلاب ) ؟؟ حبيبنا الجمل سلامات ياخي رغم إنو مافاهم حاجة !! سلامات عمنا الحبيب أبراهيم خير , البستفة ونتف الريش منك تنزل علينا بردا وسلاما .. عافي ليك كل ماقمت وتقوم به , ويكفي ماتعانيه في الغربة القاسية البعيدة والجو المتقلب ..

الرشيد

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف Ibrahim Kheir في الثلاثاء 23 يوليو 2013, 01:00

عمنا الحبيب أبراهيم خير , البستفة ونتف الريش منك تنزل علينا بردا وسلاما .. عافي ليك كل ماقمت وتقوم به , ويكفي ماتعانيه في الغربة القاسية البعيدة والجو المتقلب.
حبيبنا رشدى.
والله انت إنسان حنين جدآ ونبيل جدآ جدآ.
أولآ العذر على البستفة دى كانت مجرد قشرة موز رميتها لك حتى أجرر رجليك للمداخلة فقط لاغير.
أما معاناة الغربة تصدق كلمة غربة لم يعد لها أى وجود فى قاموسى بعد 38 عامآ حلآ وترحالآ، ناهيك عن الشعور بها، فهى رفاهية لا قبل لى بها.
لقد أمنت بقول الله تعالى وهو أصدق القائلين: ( هو الذى جعل لكم الأرض ذلولا فامشوا فى مناكبها وكلوا من رزقه واليه النشور.)
لقد أصبحت ألأرض كلها لى وطن.
يبدو أنك لم تتغرب قط درست داخل السودان من المرحلة الأبتدائية حتى الجامعة وبعد ذلك    عملت فى سودان لاين مع بنى جلدتك فأنت لم تغادر وطنك ولم تتغرب إطلاقآ.
أما عنى فقد حزمت حقيبتى منذ أواسط سبعينات القرن الماضى، مررت على محطات كثيرة
كانت أهمها جزيرة الشيطان كما يحلو للقبطان القوصى أن يسميها وما أدراك ما جزيرة الشيطان منفى حقيقى لا يستطيع ألأنسان مغادرتها الى فى العطلات وألا بأذن ولأسباب قاهرة نجوم السماء أقرب من الحصول على الأذن بالمغادرة حيث يتم إعداد الكاديت ليكون بحارآ، أى منفى وسجن بعد أن يغادر الشخص تلك الجزيرة يكون الشعور بالغربة قد تلاشى نهائيآ. لم أجد الأستقرار الا هنا فى كندا قبل 22 عامآ.
ألانسان يمكن أن يأقلم نفسة فقد عشت فى تلك الجزيرة سعيدآ لم أتبرم كما كان يتبرم الاخرون بل عشت بين الناس استأجرت منزلا لاقضى فيه عطلة نهاية الأسبوع بقيت فى العطلات عشت مع الناس أفراحهم وأتراحهم ذهبت الى كنائسهم ومقابرهم ومستشفيلتهم وشاركتهم فى كل مناسباتهم وأعيادهم، حتى حان الوقت لأغادر طلبوا منى أن أبقى معهم وأن اتزوج منهم شكرتهم ورحلت، صدقنى لا أتمنى أن أعود الى تلك الجزيرة مرة أخرى. أتدرى لماذا؟
اريد أن احافظ على تلك الصورة الجميلة التى اترسمت فى الخيال ولا أريد أن أرى ذلك الصرح العظيم الذى درست فيه قد اوصد أبوابه الى الأبد وتم تحويله الى متحف أو الأصدقاء الذين عشت بينهم قد طواهم الموت. وأريد أن تبقى تلك الصورة الجميلة محفورة الوجدان كما لو أن الزمن قد كف عن الدوران.
ودام الود عامرآ.

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف عاطف عكود في الثلاثاء 23 يوليو 2013, 20:29

من الشبكه العنكبوبتية ومن غير إى تدخل او تصرف ، اجر المناولة وبس
ودام التواصل

عنتر وعبله 2013

ركبت عبله بت مالك بصات والى قبيلة عبس وهى في طريقها للسوق الشعبى فرع تهامه حيث ينتظرها عنتر هناك لشراء الشيله فقد قرر عنتر الزواج منها سريعا خوفا من ان يتقدم لها مغترب اخر فياكل نيم وكان قد شعر ان عبله ماديه وممكن ان تبيعو في اى لحظه ...وقف عنتر بفرسه امام مدخل سوق تهامه الشعبى ونظر الى ساعة موبايله الجلكسى وانشد قائلا..
متين يا عبله نتلمه وبيك والله متحدى
قروش الشيله سلفيه لكن زنقه بتعدى
تلاته تلاته في الشيله اريت يا عبله لو ترضى
توب لبنى وتوب اصفر والتالت يكون وردى
وفى هذه اللحظه ظهرت عبله من بعيد فتنحنح عنتر فوق ظهر فرسه وصلح طاقيتو وشالو سريييع ومسح مركوبو بى يدو ونزل من على ظهر الفرس ..سلمت عليه عبله بأبتسامه كبيره وهى تقول ..انا سعيده يا عنتر اخيرا سنعيش في منزل واحد ثم انشدت قائله ...
عنتر يلا نمشى سريع نجيب الشيله دايره اختار
لازم تبقى راقيه شديد زى شيلة صديقتى منار
اى قروش بكملا ليك لانو السوق مولع نار
وشيله اقل من سته تكون عنتورى جد حقار
نظر لها عنتر شزرا وصاح فيها تبا لك يا عبله لماذا لاتراعين ظروفى ومن ان لى بشيله سته سته فصاحت عبله ويحك يا عنتر الم تسمع بشيلة العفراء بنت المعتصم والتى اشترى لها زوجها في الشيله من امارة دبى ومعها كيلو دهب .. فقام عنتر بالأمساك بلجام فرسه وانشد قائلا ...
راجل عفراء يا عبله شغال ديمه في التهريب
سفر طوالى لى شلتين ويمشى بضاعتو ليها يجيب
لو خجلانه من فلسى هسى ليكى انتى بسيب
ولو سألوكى صحباتك قولى القصه قسمه نصيب
فطأطأت عبله رأسها خجلاااااااااانه وهمست ..هون عليك يا عنتر انت تعلم اننى لا استطيع الأستغناء عنك وانت فارس مغوار وعلى الاقل حكون مطمنه انو مافى حرامى حينط لينا في البيت ..ثم انشدت قائله ...
عنتر انت زول عيان وبصحتك انت بتخاطر
عندك سكرى وعارفاك لحدى الان ما فاطر
لكن برضو راعى لى واعمل لى كمان خاطر
جيب لى توب يكون من نوع تياب سبوحه بت خاطر
ففتح عنتر فمه من هول المفاجأه وجحظت عيناه وسقط على الأرض
وهسى راقد في مستشفى الزيتونه فرع نجد
.....................

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف osman abdel rahman في الثلاثاء 23 يوليو 2013, 22:39

سلام يا ود عكود
عبله و عنتر و ليس عنتر و عبلة
عثمان بخلن

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف احمد محمد احمد في الأربعاء 24 يوليو 2013, 02:07

عاطف عكود كتب:من الشبكه العنكبوبتية ومن غير إى تدخل او تصرف ، اجر المناولة وبس
ودام التواصل

عنتر وعبله 2013
 
فقد قرر عنتر الزواج منها سريعا خوفا من ان يتقدم لها مغترب اخر فياكل نيم وكان قد شعر ان عبله ماديه وممكن ان تبيعو في اى لحظه ...
.....................
 
 
عنتر مفتِح و الله  ....... عفارم عليه ..
 
 
متعة يا عاطف ...

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف عاطف عكود في الأربعاء 24 يوليو 2013, 06:03

osman abdel rahman كتب:  سلام يا ود عكود
  عبله و عنتر و ليس عنتر و عبلة
                        عثمان بخلن
عشان كدى يا هندسة قلنا من غير تدخل او تصرف ولينا اجر المناولة ، وتسلم يا أبوحميد فعلاً عنتر طلع تفتيحه.
ودام التواصل
عاطف عكود

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف محمد الجمل في الأربعاء 24 يوليو 2013, 18:19

عاطف عكود كتب:على العموم اخونا الجمل ما قصر وبداء يتصفح صوت وصورة شوف منو كتب شنو يا ودعكود وفعلاً شعرتا كم قصمتم ظهرى وكم اتلومت معاكم وكنت اتخذته قرارى وكده  . انا المزعلنى انو ما اتفكفكته وقبل ما إديه عرض أكتافى واصل فى أعمالو الويكى ليكسيه وعمل ليه كم تلفون ورساله قصيره  ونزل تصريح فى المنتدى بفشل العمليه وعصلجة وأكل نار وتدخل من الأمريكيتين وكندا كمان والخليج وعرفتا انو كان فيها لمرابطين الداخل دور واوربا زاتها بمن فيها من بليجكاب كان ليهم دور كبير ( جابت ليها بيع وكسرة من ماركه الفاتح جبره  ،  ودعكود لحق خط هيثرو يا رجاله ) على العموم الموضوع ما انتهى لكن خلونى أخد نفسى شويه وعشان تعرفو أنى طيب انا مسامح كل من اشترك فى المؤامرة لكن برضوا ما تطمئنوا لى لأنى ممكن مره مره كدى انتقم شايقى وقتييييييت انا عارفنى .
ودام التواصل
عاطف عكود

انت قلت الموضوع ما انتهي بس تاخد نفس
وما زلنا في انتظار النفس

كسرة . انا في كلمة لو عارف بكتبوها كيف كان حكيت قصص

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف عبد الرحمن الزين2 في الأربعاء 24 يوليو 2013, 23:36

...الجمل...بطل وليع نيران...

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف عاطف عكود في الخميس 25 يوليو 2013, 15:27

Ibrahim Kheir كتب:
العزيز رشدى.
موجة الحر البسيح مخ الضب اوشكت على الأنتهاء. جدو راجيك فى المغيرب.

نقلاً عن إذاعة ال BBC ان هناك ارتفاع فى درجات الحرارة عالمياً وان أعلى درجة حرارة فى العالم سجلت فى السودان فى مدينة عطبرة وبلغت 54.7 درجة .
دا الحديد والنار عدييييييييييييييل ولا بلاش .
تقول لى مخ الضب يا أبو خليل
ودام التواصل
عاطف عكود

الرجوع الى أعلى الصفحة اذهب الى الأسفل

رد: البيت الكبير

مُساهمة من طرف محمد الجمل في الخميس 25 يوليو 2013, 16:00

عبد الرحمن الزين2 كتب:...الجمل...بطل  وليع  نيران...
جدنا الحبيب ...نيران بعد 55 عطبرة دي الا الفرن

الرجوع الى أعلى الصفحة اذهب الى الأسفل

صفحة 2 من اصل 3 الصفحة السابقة  1, 2, 3  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى