كـــتاب جديد عن البحّار (الانسان)

استعرض الموضوع السابق استعرض الموضوع التالي اذهب الى الأسفل

كـــتاب جديد عن البحّار (الانسان)

مُساهمة من طرف خالد عبدالحميد في الجمعة 30 أغسطس 2013, 09:39

فجأة وراديو العربيه يلعلع كالعادة ونحن فى جرى الحياة اليومى،،، المذيع قال نرحب ب.....
صاحبة الكتاب الجديد وقد (يكون الوحيد ) الذى يتحدث عن بحارة هذا العالم، كبشر ، هى حاجة زى دراسه
عنوان الكتاب


Deep Sea and Foreign Going: Inside Shipping, the Invisible Industry that Brings You 90% of Everything

ملخص للمقابله السريعة مع المؤلفة كما فهمت
* اعلنت ان اغلب من قابلت من البحارة يشعرون بالغبن والظلم بانهم غير مقدرين
* الطواقم فى العالم اليوم 25% فلبينيين، والباقى من اسيا، باكستان الصين وبنقال
* البحار هى الوظيفة الثانيه من حيث الخطورة فى العالم؟؟؟؟؟!!! التعجب منى،،واضافت للعلم الوظيفة الاخطر هى صيد السمك، اظنها قصدت هذا بقولها
fishing
*فى الغالب لايوجد امريكان او انجليز او افراد كثر من الدول المتقدمة، يعملون كضباط على البواخر
* سأل المذيع، عمّا اذا كان هناك شئ فاجأ الباحثه اثناء الدراسه،، الاجابه هى انو وسائل الاتصال ضعيفه جدا حتى فى افخم السفن العابره للمحيطات
استخدمتمعنى انو الشافع صاحب الخمسه سنين فى اى حتة متقدمة عندو وسائل اكتر من هؤلاء (الغلابه) تلفون تلفزيون بقنوات سوبر انترنيت وكده ( يعنى دى كان شافت بواخرنا قبل عشرين سنه تقول شنو؟)
* 15 سنه هو الزمن الوصلت ليهو انو الناس بيستمرو فى البحر،، القروش بتكون كفايه للنزول(( اختلفنا يا روز)
-----
اخيرا وصلت البيت واستعنت بالخال قوووقل وهذا هو الكتاب،، الذى لم ينزل الاسواق بعد
لمن اراد الاستزادة وسمح ليهو الوكت
واعتقد المؤلفه حتكون سعيدة لو راسلها اى منّا
رابط الصفحة


http://rosegeorge.com/site/books/deep-sea-and-foreign-going



ودى السطور الاولى






Deep Sea and Foreign Going: Inside Shipping, the Invisible Industry that Brings You 90% of Everything

In this fascinating book, Rose George explores the hidden world of shipping.  Once a major part of our national identity, the seafaring world is now obscure, badly regulated and yet, with more than 100,000 freighters on the seas carrying 90 percent of world trade, far more influential to our daily lives than at any time in history.

George’s pursuit of the shadowy truths behind the industry that brings us almost everything we eat, wear and work with takes her across the globe, from Felixstowe to Singapore via the Bay of Biscay, Suez Canal, Gulf of Aden and the Malacca Straits.  She follows the vast and circuitous routes travelled by mercantile and naval fleets, pirate gangs and illegal floating factories, meeting seafarers, dockworkers, tycoons, missionaries, stevedores, ship-spotters, beachcombers, environmentalists and even whales along the way.


واخيرا بجانب الصفحة يوجد عناوين للوصول للكاتبه

or follow her at twitter.com/rosegeorge3
or read her personal blog at rosegeorge.posterous.com



Her UK agent: Cathryn Summerhayes
telephone: +44 20 7534 6809
CSummerhayes @ wmeentertainment.com



Her US agent: Erin Malone
telephone: +1 212 903 1100
EMalone @ wmeentertainment.com



Her UK publicist: Colin Midson
telephone: +44 20 7605 1373
cmidson @ granta.com



Her US publicist: Melanie DeNardo
telephone: +1 646 307 5239
melanie.denardo @ hholt.com

لها الشكر ، وياريت واحد يشكرها، العامل البشرى ملح الارض والبحر يستاهل ان يكتب عنه،، هذه الصناعه التى تجلب 90% من اى اى شئ حوالين اى زول
هؤلاء البشر، نحن كجزء من هذا الكيان بشر يبتهج حين يسمع المديح،، كتّر الف خيرك روز جورج

الرجوع الى أعلى الصفحة اذهب الى الأسفل

رد: كـــتاب جديد عن البحّار (الانسان)

مُساهمة من طرف ود فـــــراج في السبت 31 أغسطس 2013, 00:40

يسلم فمك يا أبوصبـا ..

دايرة ليها قعدة بي رواقة .. وتساؤلاتك شرعية والله .. خاتية التأويل , وللموضوع جانب إجتماعي في غاية الأهمية ..

وزمان قال الشاعر :

إني لا أركب البحـر *** إني أخاف منه المعاطب
هو مـاء وأنا طين *** والطين في الماء زائب

مع فائق تقديري وأشواقي

الرجوع الى أعلى الصفحة اذهب الى الأسفل

رد: كـــتاب جديد عن البحّار (الانسان)

مُساهمة من طرف عبد الرحمن الزين2 في الخميس 05 سبتمبر 2013, 05:30

العزيز  خلدي...مشكلتنا معك..ما  بنقدر  ندهنس او نكسر تلج لانو لا بتشبهنا لا بتشبهك..لكن مرات الواحد..يعني...مشاعرو بتكون اكتر من صادقه ولا يستطيع حبسها مهما حاول..
نوارة المنتدي  ود فراج..كم تسعدنا بتواجدك معنا...لا   ازيد..
ذاكرتنا  دائما..قصيرة..قصر الحياه..ايقاعات  سريعه..  الكبار  سنا  منكم  حتما  يتذكرون..قصدي البحارة...خصوصا...يعملون كل اليوم  حتي في بورتسودان..دائما ابدا لديهم الوقت لزيارة العمات   فقط لشرب الشاي..والخالات..كتابة خطابات..الذهاب الي البوسته..مكاتب الشركه..الفول المندكل..فندق البحر الاحمر.. خلاص نتلاقي في  كازينو البحر الاحمر....بوفيه الخطوط البحرية..نادي الخطوط البحرية. الكوتشينه...صلاة الجمعة..التراويح.  اجتماع النقابه...زيارة سريعه الي الخرطوم بالقطار ان تعذر وجود الطائرة..طهور ود فلان..عرس علان عقد   فلتكان في جامع الاسكلا....نتلاقي عشان نتصور..نركب الفلوكة.وبعد داك عندنا وقت نمشي الرقبه..الكيلو..كبري 24 وبعد داك حاجات.. تانيه حامياني....مش كده يا اخوني بكره الصباح البجيب كبدة الابل منو...ام فتت علي انا.. لا كان  عندنا موبايل لا تلفونات ولا حتي عربات الا من رحم  ربي....
وما في  زول  تاخر  عن  ورديتو  ابدا....
سرحت  بكم..
يا خلدي لو قلبت  صفحات هذا  المنتدي  لن تجد  كاتبا  صادقا  كتب بعمق عن البحر كما كتب الراحل المقيم  صالح مرسي...روايته    البحر  ..في رائي  اعظم ما سطره  بحار  وكاتب...دعك من الفرنجه. خليني من زولتك...صالح مرسي- يرحمه الله كان في صدر شبابه  بحارا.. AB  ثقف نفسه..وصار صحفيا..عاوده الحنين الي البحر وكتب  روايته او لنقل  ادب الاسفار..البحر...لن تجدها  في المكتبات..ولكن قد تجد  نتفا منها في هذا المنتدي..
كاتب هذه الكلمات  كتب مقالا طويلا عن البحر..نشر في جريدة الصحافه عام 75 عندما كان كبيرا  لضباط الباخرة السودانية  شندي..هكذا  نشرها  رئيس تحرير الصحافه ذلك الوقت حجاج او ابو الحجاج لا اذكر.. وكتب لي خطبا رقيقا ان اواصل..لم اواصل لانه قال لي  ما بنقصر معاك..كم سعدت انه قال ذلك لاني كنت هريتكم  جنس هري..
اعدكم ولا ابصم بالعشرة  ساحاول ان انزل المقال..شرطي هو شرطي المعتاد ان نتواصل لنجعل من هذا المنبر  شعلة لا تنطفئ..ابدا....بإذن الله.
ساترك هذا المقال بلا تصحيح للاخطاء..خشيه ان امسحه فهو من القلب الي الكي بورد..

الرجوع الى أعلى الصفحة اذهب الى الأسفل

رد: كـــتاب جديد عن البحّار (الانسان)

مُساهمة من طرف ود كرار في الأحد 27 أكتوبر 2013, 00:22

عمنا عبدوس.....
مالك حرمتنا من تنزيل مقالك المذكور بجريدة الصحافة....سنة كم قلت ليه؟ كبيييير ضباط.....ده عمنا الرشيد فوته ليك

الرجوع الى أعلى الصفحة اذهب الى الأسفل

رد: كـــتاب جديد عن البحّار (الانسان)

مُساهمة من طرف عبد الرحمن الزين2 في الإثنين 28 أكتوبر 2013, 00:46

.....ده عمنا الرشيد فوته ليك... ود كرار..

اخيرا ظهر تفاحة المنتدي...العزيز ود كرار..
عمك حته واحده..غايتو شيل شيلتك..
اعدك ان انشرها ..بس المنتدي نايم نوم..
عوووووووووووووووووووك
عبدوس

الرجوع الى أعلى الصفحة اذهب الى الأسفل

رد: كـــتاب جديد عن البحّار (الانسان)

مُساهمة من طرف محمد الجمل في الثلاثاء 29 أكتوبر 2013, 13:10

الاخ العزيز ابو عابر
والاخ ود كرار
اكيد الكل الحاضرين والتحت البطاطين في انتظار الموضوع علي احر من النار
تحايا دلشيون

الرجوع الى أعلى الصفحة اذهب الى الأسفل

رد: كـــتاب جديد عن البحّار (الانسان)

مُساهمة من طرف محمد الجمل في الأحد 03 نوفمبر 2013, 13:56

يبدو ان المنتدي قد وصل مرحلة السبات الدائم والشنو داك ما عارف
والله الواحد كان بيستمتع بتواجدكم الانيق والبوستات المتنوعة والمشاركات المتنوعة القيمة التي لا تخلو من معلومة مفيدة او ضحكة عميقة ...الخ
فهذه عووووووووووك من جوة الجوه

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى