قالوا الحجيج قطع

استعرض الموضوع السابق استعرض الموضوع التالي اذهب الى الأسفل

قالوا الحجيج قطع

مُساهمة من طرف احمد محمد احمد في الإثنين 14 أكتوبر 2013, 13:48



قالو الحجيج قطع... للشيخ ابو كساوي....


قالو الحجيج قطع طالب نور البقع
قلبى زاد وجع حمانى القيد منـع
العبدو قام شرع متقاصر ما بتع
جاب العسل نقع كباه فى القـــــــــــرع
ديوانه اجتمع ماصغى لأهل السمع
مجزوبم تف وقع كالمغشى من الصرع
فى الدنيا ارتفع والاخرة نال شفع
قمر القسوم طلع الضوا ما انقطع
فى العرش لاح سطع الذاكر ما انضجع
حبو للردوم خلع يوم النهار صقع لولاه نروح جرع

قلبى زاد وجع حمانى القيد منـــــع

العالى فى القدر ذو العز والفخر
لو طويل و لو قصر لو غليد و لو نسر
فى حقه الصبر حين ينزل الامر
شفيعنا فى الحشر ليلة عرقنا يخر
التبعك للخدر والخالف من حاله كر

قلبى زاد و جع حمانى القيد منع

دقو النحاس ورف جا صاحب الوظف
ركب الصديق وقف اتيامن وحــــلف
معلوم بهدم الصف ما بعاين الطرف
مابخلى الدم يجف رقدهم كالعلف
والعوق من عنده رف قبض الملوك عنف
كدى جرا الكى خلف

قلبى زاد وجع حمانى القيد مــــــــنع

دقو النحاس ضرب جا صاحب الادب
فاروق الاحتسب العزا للدين نصـب
سل سيفو المو كعب يغرز فى العين جب
السيمت اب هجب من عندو قام هـرب
رسلهم بالسلب للهاشمى العجب

قلبى زاد وجع حمانى القيد منع

يا فمى قول السى للنسبو من اميى
فارسا بريد الدى ضربو النجيض مو نى
سيفو الما بفضل شى
الدبرة الفيها اب عى شقاها وخلف الكى
نصرو العزيز الحى زوج ام كلثوم و رقيى

قلبى زاد وجع حمانى القيد منـــع

دقو النحاس و رز ركب المضرغم وهز
دخل المداين جز خلا الرمام للمـــز
فى الارض ماهن نز كل المشكر فز
ود عمو الليل فرز نصر اب علامه وعــز
يا حى يا مجيب ندعوك الفى جمل
على المشهاد و الايد نتدلى المويـــه
بالزاد نجفى البليد
نتدلى احبابنا الجمبى والبعيد
نتدلى الفقرا البقرو فى المســـيد
جملى البدورو ما اظنو يتوجد
ابيض فى لونه وعلى الدبلان يزيـــد
افطس قدومو تام شوفو بتاكيد
سمحات عيونو ختما الدق والتبيـــــد
شرفات اذنيبه مكلوفا يا الرشيد
زمامو الفضه اربع تاواق و يزيـــــــد
خناقو الشولق غشيما دهب العبيد
رسنو حريرا بارد لمسك الايـــــــــــد
ان قلت رقبتو كالروقه الفى الهميد
موكوكب زورو والفدعه العند الايــــــد
ضامر حشاهو ماهوالبدين عريض

مرخى عرقوبو شوتال مدقوق جديد
سمحات سيقانو كا ليد الفى الحديــــــــد
مدور خفه فى المشيه مو عريض
شارف سنامو قبة سيدى العبيـــــد
طبعو المؤدب لو عاصى لو عنــــيد
كدى جيبو و نوخو يا لعوض يا العبيـد
سو فوقو سرجا مكسى محشى جديد
ان قت مجدولا كالفصل الفى العقيــــد
مفروش للفروه يا تويلى يا مرعيد
قام جب بينا يضرب و ينفض الايـــــد
ان جاك ماشى كيف عفرات الصـعيد
يا اخوى اقرأ لو من كونك ماك جديد
خنق للطاره طالب الرسول الســـيد
ريس السفينه قال اهلا مداح الســــــيد
دون شك ادخلو ان شاء الله توافقو العيد
ودخلنا فيها كدى قلنا يا مجـــــــيد
فى سروه واحدة وصلت بقدرة السيد
فى جدة خروجنا مافينا من مريض
وحلقنا شعورنا ورجمنا خصم السيد
طال لينا المنار ام شبكا من حديـــــد
قلنا له سلاما يا سيد رسالة اب زيد
قال اهلا مرحى انا قلبى ليك بريـــــد
انت واحبابك الجمبى والبعيد
تسكنو قصورا شامخات بلا تحديـــد
يات من كان منكم الفين حوريه نهيد
وعيد الراوى الما رتل وقال قصيد
يوم لمت الوعيد يضمنا النبى السيد
قلبى الزاد وجع حمانى القيد منـــع
احمد عليك قصد فى مدحه ما اجتهد
كان دايح بالبلد لا اطامن لا قعـــــد
لا صام لا عبد لا انفق بليله قد
القمرا الفوق السد بيك يسلم النشــــد
صليت على العدل فى شرعه ما زغل
ما صب سحاب نزل كب ماهو انهمل
والغيث الفى السهل عد علم اللم يزل
ندخلو فى ام قلل ونواجهو بلا عــــلل

قلبى زاد وجع حمانى القيد منع


...........

اللهم أكتب لنا حجة تمحوا لنا بها الخطايا وتبارك لنا فيها العمروالرزق الحلال الوفير اللهم أستجب إنك نعم المجيب


و كل عام و انتم بخير

الرجوع الى أعلى الصفحة اذهب الى الأسفل

رد: قالوا الحجيج قطع

مُساهمة من طرف خالد عبدالحميد في الثلاثاء 15 أكتوبر 2013, 08:17

اللهم آمين، هى بالله يا كابيتانو الحجيج قطع دى طويــــــــــــــــــــــــــــــــــــــــــــــــــــــــــــــــــــله كده
نسأل الله ان يجمعنا فى صعيد عرفات
كل سنه طيبون

الرجوع الى أعلى الصفحة اذهب الى الأسفل

رد: قالوا الحجيج قطع

مُساهمة من طرف كلارا عبدالعزيز في الخميس 17 أكتوبر 2013, 06:46

اللهم آميـــــــــــــــــــــــــن

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى