2009 عامكم سعيد ياناس البحر

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

2009 عامكم سعيد ياناس البحر

مُساهمة من طرف ود كرار في الجمعة 02 يناير 2009, 04:29

كل سنة وانتم طيبين ومعافيين ياناس البحر .

نرجو انت تكون مشاركاتكم للسنة 2009افضل من 2008

ولكم كل الود

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف خالد عبدالحميد في الأحد 04 يناير 2009, 07:27

كل سنه طيبون طيبون،،،،
وأمر المشاركات هو القديم المتجدد
قد نعود ولن نـمل إن شاء الله
تعود ايامكم بالخيرات

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف راشد في الأحد 06 سبتمبر 2009, 04:40

كل عام وانتم بخير يا ود كرار,,,
اكيد وجودكم علي خارطة المنتدي يمنح المرء الاحساس بالعطاء..
ولكم اطيب المني
شنو ماناوي تجي المدينة ولا شنو؟؟؟؟

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف محمد الجمل في الثلاثاء 08 سبتمبر 2009, 06:08

الاخ ود كرار تحياتي اولا نملة الفاتح جبرة دي ام ريش ولا عادي .....ثانيا الكثير من الاعضاء لم يروا بعضهم البعض لكن سمعوا ببعض اقترح عليك ان تتبني موضوع ارفاق صور للاعضاء حتي لو كانت رسمة ذي حقت ود عكود ونبدا بيك ........ايه رأيك في الاقتراح ده ودام الاخاء

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف ود كرار في الثلاثاء 08 سبتمبر 2009, 06:25

الاخ الكابتن الجمل

والله اقتراح جميل وانا كان طرحتوا فى واحد من البوستات مابتذكر وين.

أسم الجمل ده ماقريب على...من اهالى امدرمان الاصيلين...وعلى ماأعتقد بيت الاسره العامر فى ودارو بجوار اولاد خالتى ناس حمدو وعبدالله عجوز وعلى العوض ....صح.

بخصوص نملة الفاتح دى بالله ماياهو الحال على اهلنا النمل ....

الله المستعان...

ولك الود

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف عاطف عكود في الأربعاء 09 سبتمبر 2009, 02:35

الاعزاء راشد , ودكرار ,الجمل كل عام وانتم بخير ونحن على اعتاب 2010 .
ودكرار حمدالله على السلامه ورمضان دساك شويه وبالمناسبه ياهو الجمل ابن امدرمان العريق , وشايفك ثنيت اقتراح الجمل والذى كان اقترحتو انت ذاتك فى وقت سابق.... يلا ابداء والبادى ... بادى اصلو دنيا الحب محن
ودمتم
عاطف عكود

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف عبد العظيم الامين الطاهر في الأربعاء 09 سبتمبر 2009, 04:02

كلو سنه وانتو طيبين ..بأثر رجعى(بى معناها التانى)
اخوكم(1957) ابنكم ماقبل ذلك...ابوكم ما بعد ذلك وما اظنكم كتار.

ريكا 1980
قسم بحرى
شندى
اسكن امدر .
xسودانلاين
حاليا شركة سالم المكرانى للشحن
مبحرا
الصوره .....اكتبوا ملح!! واعملو ليهو نضارات

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف محمد الجمل في الأربعاء 09 سبتمبر 2009, 14:32

يا شباب ما تصعبوا المهمة لأنو اقتراح اخونا ود كرار كان ارفاق صورة ومن الصورة ممكن تقدر العمر .اذن ما في داعي لقصة 190000000000 زي ما سوا اخونا عبدالعظيم واذا انتو مصرين علي موضوع1900000000 فحيكون في اقتراح بارفاق صورة (موثقة) من شهادة الميلاد يعني ما التسنين . affraid
وللاخ ودكرار التحايا وشايف اخونا عاطف قام بالرد .............سلام

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف احمد محمد احمد في الخميس 10 سبتمبر 2009, 21:01

الاحباب ود كرار - عاطف - عبد العظيم - الجمل ( المرة دي تصاعديا)

اعتقد الصورة + مكان العمل الحالى كافية مع الحق الكامل لمن يحب ان يعطي اي معلومات اضافية.

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف عاطف عكود في الجمعة 11 سبتمبر 2009, 03:49

احمد محمد احمد كتب:الاحباب ود كرار - عاطف - عبد العظيم - الجمل ( المرة دي تصاعديا)

اعتقد الصورة + مكان العمل الحالى كافية مع الحق الكامل لمن يحب ان يعطي اي معلومات اضافية.
الاخوان الجمل - ودكرار - عبدالعظيم (المره دى زقزاق 7/8 )
احدكم قدم الاقتراح - والتانى ثنى الاقتراح - والتالت عمل ليه ملح ونضارة .... اهو كابتن احمد نفذ اقتراحكم , يلا فى انتظار تنفيذكم وكل واحد ينزل صورتو الخاييف عليها .......
ودام التواصل حروف وصورة
عاطف عكود

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف ود كرار في السبت 12 سبتمبر 2009, 06:07

الاخوه الافاضل...

ايه رايكم صورة حديثه ..

ولكم الود

ودكرار

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف محمد الجمل في السبت 12 سبتمبر 2009, 06:31

الاخ العزيز ود كرار ..........حلوه جبال الالب (ولا ما ياها ) والحدائق الخضراء وصورتك ما واضحه شديد لكن كده اتذكرتك ويا مراحب بيك وعقبال صور جميع الاخوة الباقين ...حتي نجدد الشوفه ونبل الشوق ...والدعوة القادمه لاخونا وحبيبنا الرشيد له عاطر التحايا ويا عاطف نرجو وضع الاصل مكان (النجتف)............سلام

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف عاطف عكود في الأحد 13 سبتمبر 2009, 04:52

mhmdaljamal كتب:الاخ العزيز ود كرار ..........حلوه جبال الالب (ولا ما ياها ) والحدائق الخضراء وصورتك ما واضحه شديد لكن كده اتذكرتك ويا مراحب بيك وعقبال صور جميع الاخوة الباقين ...حتي نجدد الشوفه ونبل الشوق ...والدعوة القادمه لاخونا وحبيبنا الرشيد له عاطر التحايا ويا عاطف نرجو وضع الاصل مكان (النجتف)............سلام
عزيزنا الجمل سؤال فنى والسؤال لغير الله مذلة دحين الكلمه البين قوسين بعد جبال الالب دى مش نوع من المواتر والمولدات ؟؟؟؟؟
اما طلبك بوضع اصل الصورة مكان (النجتف) اقول ليك كلامات للمرحوم حسن الزبير (امدرمان الفتيحاب ) والتى شدى بها اخونا الطيب مدثر (امدرمان بانت )
......لعبة الريدة واصولها.....
كيف تغطى الصورة ...صورة
..... ....
ألف مبروك يا مخيير
انت بتبيع المشاعر
ما البصر دون البصاير
والاصل ماببقى صورة
ودام التواصل سمع وشوف اقصد صوت و صورة
وفى انتظار صورتك و امدرمانياتك
عاطف عكود

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف عبد العظيم الامين الطاهر في الأحد 13 سبتمبر 2009, 06:07

يا ود عكود ,,جبال ومواتر
عرفنا القطينه.... حس الفتيحاب الدخله شنو؟؟
منور يا ود كرار لكن دايره ليها ناضور..
يا الجمل صورتك الخائف عليها...وانت سيد المنقه ..انشا الله راكب عجله ما مشكله!!!

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف ود كرار في الأحد 13 سبتمبر 2009, 06:40

الاخوه الافاضل...

اخونا الجمل.... بالحيل ده جبال الا لب والصوره ده ماخوذه فى منطقه اسمها فالبيلا(سويسرا).
اخونا عظمه بالفعل الصوره عايزه ناضور بس انا قصدته حلاوة المنظر , بس اصبروا على شوية بفتش ليه فى صوره سمبتيك من الزمن القديم عشان انزله,عشان نجارى اخونا احمد محمد احمد,فى صورة الانيقه اعلاه.

لكم الود

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف محمد الجمل في الأحد 13 سبتمبر 2009, 15:05

الحبايب احمد محمد احمد- ود كرار- عظمه- ود عكود- لكم التحيه (تطريز)
طبعا انا فرحان قوي لانو عرفت جبال الالب من اول نظرة وشكرا ود كرار علي اعلان النتيجة ..ويا عاطف لو البصر دون البصائر والاصل ما ببقي صورة ..معناتها انت بتبيع المشاعر ؟ ولا اكون ظلمتك علي كل انا ما جبت حاجه من عندي دي غنيتك الكتبتها..
الحبيب احمد (في 1983 رزقني الله باحمد) فصار احمد محمد احمد طه و ما زلنا نطالب بالخروف حتي يومنا هذا ..معقولة بس
عظمة الفنان وين شندي وجروفها في الحقيقة انا ما خائف علي صورتي خائف العين اقصد خائف عليكم ............تحياتي والمرة الجاية واحد ...واحد سلام

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف احمد محمد احمد في الأحد 13 سبتمبر 2009, 20:47

الاخوة الاحباب

لا زلنا فى انتظار الصور والعناوين لتسهيل التواصل.

ويا جماعة الزمن بقى ما فى صالح اغلبنا.

بمناسبة الصور دى فالحقيقة اناكنت فى انتظار بابكر يوسف ينزل صورتو عشان اقول ليكم انا و الزول دة مولودين فى سنة واحدة لكن الانتظار طال.

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف عاطف عكود في الإثنين 14 سبتمبر 2009, 03:32

mhmdaljamal كتب:الحبايب احمد محمد احمد- ود كرار- عظمه- ود عكود- لكم التحيه (تطريز)
..ويا عاطف لو البصر دون البصائر والاصل ما ببقي صورة ..معناتها انت بتبيع المشاعر ؟ ولا اكون ظلمتك علي كل انا ما جبت حاجه من عندي دي غنيتك الكتبتها..
............تحياتي والمرة الجاية واحد ...واحد
سلام
العزيز الجمل لم اكتبها فقد كتبها حسن الزبير وفعلا البصر دون البصائر والاصل ما ببقي صورة
والمشاعر لا تغلى عليك اه كيف....... تشترى ؟
وفى انتظار المرة الجاية عشان نعرف حكاية واحد ... واحد دى شنو ؟
ودام التواصل
عاطف عكود

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف خالد عبدالحميد في الإثنين 14 سبتمبر 2009, 05:51

احمد محمد احمد كتب:الاخوة الاحباب

بمناسبة الصور دى فالحقيقة اناكنت فى انتظار بابكر يوسف ينزل صورتو عشان اقول ليكم انا و الزول دة مولودين فى سنة واحدة لكن الانتظار طال.
غياب يومين ،، وعودة ذات مغزى مع نص ابتسامة وارتفاع فى درجة علو الحواجب
بابكر يوسف حقنا ده ولا زول تانى --وكمان نفس السنة يابوحميد ،،،،انت كنت وين من زمان ،،،انا وبابكر اتلازمنا العشرين السنة الفاتت ولا من يعلم سنة ميلاده ،،، خلّك منى ... بوكوو ذاتو ما اظن عارف السنة ؟؟؟؟؟؟؟
وكأن القصة حصلت قبل اختراع مصلحة الاحصاء
كدى النفتش لى صورة مع حبيبنا بابكر
وليته يعود حالما زنقة الشغل تفك
لكما الود بحارا

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف احمد محمد احمد في الإثنين 14 سبتمبر 2009, 17:22

الاخ الحبيب خالد

للتوضيح وحتي لا يفهم الكلام غلط فالمقصود اننا انا وبابكر الاثنين صغار بس نوع الشامبو البستعملو ( و كم زنقة في البحر كدة ) خلت الشعر يشتعل شيبا.

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف ود كرار في الأربعاء 16 سبتمبر 2009, 06:19

الاخ احمد ...
طيب ما اخوك بابكر اكل على شعره الدهر وشرب ومن سنيين مكنته بتاعت الحلاقه مابتفارقه وشغال على الواحد مرات ومرات على الزيرو....
من اقواله الشهيره فى لحظة صفاء (والله انا بحب البهجه ولكن الشعر خاذلنى)
لك الود ياود يوسف ...
اخونا عكود بما انك عمدة قطر فهز لينا الشباب المعاك ديل وقول ليهم ...طال الشوق..

ولكم الود

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف احمد محمد احمد في الأربعاء 16 سبتمبر 2009, 19:36

الاخوة الاحباب

تقبل الله منا و منكم.

فى اتصال تلفونى طويل طلب الاخ بابكر ايصال السلام و التحايا اليكم و ان كان ينظر بعين الامتعاض الى كل من يجيب ذكر الاعمار و الاشعار (من شعر hair)

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف عبد العظيم الامين الطاهر في الأربعاء 23 سبتمبر 2009, 00:40

كل عام وانتم بخير.....السنه الجايه اولادكم عرسان!!!

اها رايكم سنو دى صورتى الما خائف عليها...حديثه يعنى قبال رمضان الفات داك..
ولكم الود اتنين...اتنين سلام

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف عبد الرحمن الزين2 في الأربعاء 23 سبتمبر 2009, 01:09

بري يا يمه الامة دي عجزت جد جد..حوالينا ولا علينا..

الرجوع الى أعلى الصفحة اذهب الى الأسفل

رد: 2009 عامكم سعيد ياناس البحر

مُساهمة من طرف عبد العظيم الامين الطاهر في الأربعاء 23 سبتمبر 2009, 03:39

حالتى اخترت اكتر صوره شبابيه...وأشيل وأدخل وأعاين فى الردود...لامن لقيت لى زول رادى ....وجرى...العام..الاجتماعيات لآلآلآ....الخاص... لا ياتو يا ربى ؟؟؟الماوس يمين لامن بقى ماوس جد جد... سيك...سيك...سيك...وجك ...جك...جرك...البتاعه الخدره التحت ديك ...مره نشوف ومره ما نشوف....لامن جكك!!!!!!!!!!!!!
عبد الرحمن الزين كتب:بري يا يمه الامة دي عجزت جد جد..حوالينا ولا علينا..
تقوم يا كبتن تجهجهنى جنس الجهجهه دى...غايتو عندكم فرصه فرصتين بالكتير أكان معنوياتى ما ارتفعت...بقوم اخت ليكم واحده من ايام الثانوى..يعنى اصغر شويه بس خالى صلعه لكن الشيب ده اظنو من زمان فى..كدى زكرونى يا ناس رييكا...وريكم شنو يا دفعه أغير ولا كده أسلم؟؟؟

الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى