قصيدة معبرة من عبد الحميد عيسى

استعرض الموضوع السابق استعرض الموضوع التالي اذهب الى الأسفل

قصيدة معبرة من عبد الحميد عيسى

مُساهمة من طرف مبارك عمر عصملى (كركب) في الأربعاء 09 أبريل 2014, 18:50

فرد حرفين
ﻓﻘﻂ ﺣﺮﻓﻴﻦ
ﺣﺮﻑ ﺍﻟﻜﺎﻑ ﻣﻌﺎﻩ ﺍﻟﻨﻮﻥ
ﻳﻨﻄﻖ ﺑﻴﻬﻢ ﺍﻟﺮﺣﻤﻦ
و ﻓﻲ رمشة عين
ﻳﻐﻴﺮ حال وطن محزون

دا وصفه القالو في يس
و قال المولي برضه ﻛﻤﺎﻥ
بيوصف حبله إنه ﻣﺘﻴﻦ
لو اتمسكنا بيه جميع
ما بنضيع
و كل القاسي لينا بيهون
وبعد فرقتنا نتخاوي وننجو من ﺍﻟﻌﺬﺍﺏ القاسي يوم الدين

و ﻛﺎﻥ ﻭﻋﺪ ﺍﻹﻟﻪ ﺍﻟﺠﻨﺔ
و ﻣﻦ ﺟﻮﺓ ﺍﻟﻜﺘﺎﺏ بشرنا
لو ﻋﻨﺪ ﺍﻟﻤﺼﻴﺒﺔ ﺻﺒﺮﻧﺎ
لا ينخاف ﻣﺤﺎﻟﺔ علينا
و تب ما بنبقي حزنانين

و برضه لو إبتلانا الحق
بيولي علينا ناس ظالمين
ناس فاسقين و دجالين
ﺑﺈﺳﻢ ﺍﻟﺪﻳﻦ
ﻳﺮﻳﻘﻮﺍ دماﻧﺎ
وﻳﻬﺘﻜﻮﺍ ﻟﻲ عروض بنوتنا
ﻳﻜﺘﻠﻮﺍ جنانا
ﻳﺤﺮﻗﻮﺍ ﺣﺸﺎﻧﺎ
ﻳﻀﻴﻌﻮا ﻭ ﻳﺴﺮﻗﻮﻫﺎ اموالنا

بس آمالنا
ﻣﺎ ﺑﺘﺒﺪﺩ
مهما اتغيرت ﺃﺣﻮﺍﻟﻨﺎ
بس لو نخلص النيات
و نصدق برﺿﻪ في ﺍﻟﺪﻋﻮﺍﺕ
فرد حرفين
و يرجع حالنا يصبح زين
نقول آمين. . نقول آمين
نقول آمين. . نقول آمين.

عبدالحميد عيسي ﻋﺒﺪﺍﻟﺤﻤﻴﺪ

الرجوع الى أعلى الصفحة اذهب الى الأسفل

رد: قصيدة معبرة من عبد الحميد عيسى

مُساهمة من طرف خالد عبدالحميد في الجمعة 11 أبريل 2014, 09:19

اولا يا كركب حمدالله الف على السلامة، طولت الغيبة يا رجّال، ابقى قريب
وجيتنا بالجديد من الباشمهندس الفنان،،وجدت نفسى فى يناير الفات فى لندن الضباب لمدة ايام ومن الحاجات الاسعدتنى انو تمكنت من الحديث عبر الهاتف مع الفنان عبدالحميد عيسى واهو الكلام جاب الكلام وحاولت معاهو انو هذا المنتدى يحتاجو... خصوصا وهو عضو فيه وله بوست كامل مفتوح
كسرة 1 نقول أمين مع شاعرنا فى ختام القصيدة الامل
كسرة 2
طالما الكلام جاب، منو البيقدر يقنع لينا الباشمهندس بالظهور

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى