حتى الكلاب تضحك

استعرض الموضوع السابق استعرض الموضوع التالي اذهب الى الأسفل

حتى الكلاب تضحك

مُساهمة من طرف بدرالدين حسن علي في الثلاثاء 01 يوليو 2014, 20:40


والكلاب أيضا تضحك
بقلم : بدرالدين حسن علي

ما من شك أن لدينا عدد كبير من نجوم الكوميديا مثل الفاضل سعيد، أبو فبورة ، أبو دليبة ، تور الجر ، جمال حسن سعيد ، صلاح كبسور ، عرقلة ، كرناف ، عبد الحكيم
الطاهر ، الشبلي ، تهاني ، إخلاص نورالدين فايزة عمسيب ، علي مهدي ، جمال عبد الرحمن ، الفادني وغيرهم ، ومع ذلك البسمة والضحكة تكاد تموت في وطني ، أشاهد برامج الكوميديا في التلفزيونات الفضائية والقاعات السينمائية فأضحك من كل قلبي ولكن !!!الكوميديا والتراجيديا صنوان ، توأمان منذ قديم الزمان ، ومن أجمل ما قرأت أن الطفل يبدا الضحك بعد 17 يوما من ميلاده
" سيبكم " من ضحك الإنسان حتى الكلاب تضحك، فقد قرأت مرة أن ضحك الكلاب يشبه إلى حد كبير اللهاث الطبيعى، وبتحليل" اللهاث " وُجد أن طريقة التعبير عن اللهاث له درجات مختلفة مجموعها ينتج عنه ما يسمى بضحك الكلب. وقد تم تسجيل الأصوات الضاحكة لبعض من الكلاب وبمجرد إعادة تشغليها لهم يبدأون في اللعب والمرح وتنخفض معدلات الضغوط لديهم، وهذا ما لاحظته في كلب صديقي الصادق النصري "بني " كما تدعم السلوك الاجتماعى لديهم من الاقتراب واللعق باللسان ، وقد قام كل من العلماء الثلاثة: سيمونت وفيرستيج وستورى بإجراء ملاحظة على حوالي (120) كلباً تتراوح أعمارهم ما بين (4) أشهر إلى (10) سنوات من خلال إجراء مقارنة ما بين فريقين الأول قام بسماع ما تم تسجيله من ضحك الكلاب والفريق الثاني لم يقم بسماع مثل هذا التسجيل. وفى هذا البحث تم قياس السلوك التالي للكلاب: اللهاث، التذمر، سيلان اللعاب، العدو، النباح، الجلوس خوفاً من شيء أو من البرد، الاندفاع، اللعب بالمخالب.. وقد أسفرت الملاحظة عن نتائج إيجابية عند سماعهم لما هو مسجل من الضحكات، ومن هذه النتائج الإيجابية: انخفاض ملحوظ في السلوك المتصل بالضغوط. - زيادة حركة الذيل في الارتفاع والانخفاض. - حركة الوجه (كأن الكلب في حالة مرح) بمجرد سماع صوت الضحك. - إظهار سلوك اجتماعي إيجابي بشكل متكرر ، ومن هنا توصل البحث إلى أن الضحك يزيد من هدوء الكلب، ويسهل حينها السيطرة عليهم وتلقى التدريبات.

بصراحة الحاصل في السودان " يجيب الهم والغم " درجت العادة أن يجتمع بعض أصدقائي في حلقة ثقافية لمناقشة قضايا الوطن ، كان من المفترض أن تكون الحلقة مخصصة لمناقشة موضوع " الهوية السودانية " وبعد أن إنتهت الجلسة بدأت جلسة أخرى تسيدتها النكات والتي نحتاجها أحيانا للتخفيف من قسوة الغربة ومشاكلها ، حفظت ذاكرتي المتعبة بعضها ونسيت البعض الآخر ، فقررت توثيقها عبر
الكتابة ،وها هي نماذج من تلك النكات .

في عجوز مشت تخطب لولدها ،، سألتها أم البنت :إن شا الله الولد ما بدخن ؟ قالت ليها العجوز : لا .. الحمد لله .. ولدي ما بدخن إلا لما يكون سكران !!!


فيه إتنين عجايز سهرانات بتفرجو على المصارعة الحرة ... قامت وحده منهن قفلت التلفزيون .. قالت ليها الثانيه ليه عملت كدا ؟قالت ليها : " والله لو ما قفلتو كانوا قتلوا بعضهم !!!


كسلان دخل الامتحان وقع منه القلم ‏سلم الورقة

مرة واحد باع الوراه و القدامو وا شترى اللى جنبو

بقرة أصيبت بجفاف نزلت حليب نيدو ها ها ها

مرة مسطول سأل مسطول تاني : ليه الخشب يتيم؟.......‏لأ نو مقطوع من شجرة

مرة 5 ‏دخلوا كلية الهندسة اثنين طلعوا حي المهندسين وثلاثة حي زقلونا

لية الصعيدي الصغير أذكى من الصعيدي الكبير؟...... لأنو يا دوبك صعيدي

واحد بلديتنا كبر دماغو ما عرف يطلعها من الجلابية
واحد زرع ورده............ ‏طلعت ليهو ام كلثوم
مسطول بحقق معاهو الضابط سألوا وين ساكن؟
قال ليهو : مع أخوي.
قال الضابط:وأخوك وين ساكن؟
قال ليهو : معاي.
زعل الضابط وقال ليهو : أنتواالاثنين وين ساكنين؟
قال ليهو :مع بعض.
**
مسطول شاف مسطول قاعد يضحك
سألو : ليه بتضحك؟
قال ليهو :بقول لنفسي نكته أول مره أسمعها
**
*مساطيل عايزين يفجروا عمارة
ختوا القنبلة في الدور الأول وهربوا للسطوح
**
‏‏مسطول حكموا عليهو بالإعدام، سألوه:
شنو أخر شي تتمناه قبل تنفيذ الحكم؟
قال:
أتمنى أن يكون هذا درس لي بالمستقبل .
**
‏‎‏مسطول بالامتحان بغش
الأستاذ قال ليهو :- من غشنا فليس منا
قال المسطول :- من راقب الناس مات هماً
**
مسطول بقول لصاحبو :
ما عارف يأ أخوي عود الكبريت ده ما بولع ليه
مع إنو لسه مولعو قبل شوية .
**
واحد ماسك قنبلة ويجدعها من الإيد دى للايد دى ، لاقاهو واحد تانى قال ليهو : يا معلم حتنفجر فى وشك
رد عليهو : ماتخاف معاي واحدة تاني .
**
واحد كل يوم بيشوف شحاد جنب بيتو ويديهو 10 جنية وظل الرجل على هذا الحال لمدة عام كامل
وفي يوم قام الرجل وادا الشحاد 7 جنية فاستغرب الشحاد وقال يلا 7 جنية احسن من مافي
وبعد شهر بقي يدي الرجل الشحاد 5 جنية فقط ايضا استغرب الشحاد وما قدر يمسك نفسو وسأل الرجل وقالو انه قعد لمدة سنة كاملة بيديه 10 جنية وبعدين نقصت وبقت 7 جنية والان 5جنية .. ليه ؟
فقال الرجل: في الأول كانوا أولادي صغار وكان الحال ميسور والان بنتي الكبيرة دخلت الجامعة ومصاريف الجامعة كثيرة وماأقدر عليها وبعد سنة دخل ولدي الثاني الجامعة وطبعا زادت المصاريف
فسأله الشحاد : وكم عدد اولادك كلهم؟
قال الرجل:أربعة
فقال الشحاد: ان شاء الله ناوي تدرسهم الأربعة على حسابي
**
قالوا واحد بمشي الجامعة سبع سنوات بحمارو وفي السنة الثامنة ما حضر بالحمار قام الناس سالوه وين الحمار الليلة ..
قال ليهم الحمار اتخرج …
**
واحد مسطول لقي حريقة قايمة في بيت دخل بالقوة وطلع معاهو اربعة اشخاص لكن بعد داك الشرطة مسكتوا..
لانوا الاربعة طلعوا من الدفاع المدني .
مسطول ثبتو بتاع حركه قالو: الرخصه ؟ المسطول قال مافي ، العسكري قالو : طيب ترخيص العربيه؟ ، المسطول قال:مافي ، بتاع الحركه قالو : طيب امشي ، المسطول قالو ليه؟ العسكري قالو: ده اسبوع المرور ، المسطول قالو: طيب اسبوع النظام العام متييييييين يا؟؟















الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى