إقتراح عملي من أجل بقاء المنتدي حيّا !!!

صفحة 2 من اصل 4 الصفحة السابقة  1, 2, 3, 4  الصفحة التالية

استعرض الموضوع السابق استعرض الموضوع التالي اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف خالد عبدالحميد في الأحد 21 سبتمبر 2014, 11:52

منعتنا ظروف قاهرات حتي من المرور
لكن ما غاب المنتدى والبوست ده عن الخاطر... ولعشق قديم فى داخلى للحلول التوافقيه .... اقترح فتح بوست يسمي - من الواتساااب- ( عجايب وغرائب الواتساااب) من الواتسااااب للمنتىدى وبالعكس -
الفكرة وصلت ونشكر قناة الجزيرة ذاتووو
كسره/ مين يفتح البوست
ونراكم حين تنتهى الزحمة إن شاء الله

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف Ibrahim Kheir في الأحد 21 سبتمبر 2014, 18:46

ألحمد لله أنتهيت من العكننة الأسرية وكان سببها سفر أم الأولاد
فى رحلة الشتاء والصيف، فلقد غادرت ليلة الخميس على طائرة
ألأتحاد متوجهة الى الخرطوم والتى وصلتها ظهر الأمس السبت.
أنا الأن متفرغ لكم، ماذا فى جُعبتكم يا أحبائى عبدوس، رشدى،
وخلدى!!.
أنا فى الأنتظار.
جدو الصغير.

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف الرشيد شمس الدين عبدالله في الأحد 21 سبتمبر 2014, 18:56

سلاااااااااااااااااااااااااااااام شباب وعجوزين ... إحم إحم .. تاني شنو ؟؟؟؟ خيلديش قال حلول توفيقية قال !!! أولا عبدوس لا واتس اب له ولذلك لا صوت له ... صعب التوفيق بين الرأيين وأنا منحاز للمنتدي ولكن ليس إنجيازا يرضي بقبره بل إنحياز يضمن بقاءه .. لذلك أريد فعلا عمليا للمساهمة في بقاء المنتدي حيأ !!! من أقنع من بالكتابة ؟؟؟؟؟ هذا هو المحك أن يقول عبدوس أنه أقنع فلان الذي لم يكن مداوما فداوم .... أبراهيم خير أقنع فلان فداوم .. خالد أقنع فلانا فداوم وهكذا دواليك !!!!

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف Ibrahim Kheir في الأحد 21 سبتمبر 2014, 20:41

أحبابنا أهل البحر رحلوا وماتركوا أثر.
رشدى مَن يُقنع مَن بأن يداوم على الكتابة أو حتى الدخول الى المنبر؟!
أنا أقنع نفسى فقط بأن هذا إلتزام وواجب أخلاقى وإنسانى إذا لم يأتى
من الشخص نفسه فلا رجاء أن أستجدى إنسان أخر أن يكلف نفسه
بالقيام بعمل هو غير مقتنع به.
أنا عن نفسى سوف أداوم على الدخول والكتابة بقدر ما أستطيع، وهذا
عهد قد قطعته على نفسى حتى لو جفت كل الأقلام الأخرى سوف أُداوم
بإذن ألله.
أما بخصوص الواتس آب فهو يجب أن يكون بين الأعضاء النشطاء فقط
وذلك للأطمئنان على البعض ليس إلا.
لى تجربة سبقت الواتس آب وهى أننى عندما قدمت الى هذه البلاد
كنت أسكن لوحدى قبل أن تأتى أسرتى من السودان للعيش معى هنا.
والسكن لوحدى هذا مبدء لم أحيد عنه منذ أن غادرت السودان فى
منتصف سبعينات القرن الماضى ولإيمانى التام بأنه لا شئ يفسد العلاقات
ألأخوية سوى السكن المشترك والتعاملات المادية، هذا الأمران هما مقبرة
الصداقة.
كان لى وقتها صديق سورى وظروفه مثل ظروفى يسكن وحيداً، إتفقنا
على أن نتصل ببعضنا البعض تلفونياً أول شئ فى الصباح وآخر شئ فى
الليل للأطمئنان على بعضنا البعض، قد نجحت تلك الوسيلة فى تقفى أثر
بعضنا البعض لسنين عددا. الأن وبعد التطور الكبير فى وسائل الأتصال
أصبح الواتس آب وسيلة سريعة ومبتكرة للتواصل.
عليه أنا مع فكرة الواتس آب  تسيرجنباً مع جنب المنبر.
ومالتوفيق إلا من ألله.
جدو الصغير

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف عبد الرحمن الزين2 في الإثنين 22 سبتمبر 2014, 00:03

غايتو أنا لي مزمة واحده أقنعت ليكم رشدي بالدخول والكتابه والمشاركه في المنتدي ومن يوميها عمل فيها ..سيدا--وكرهنا المنتدي...عاوزني اجيب ليكم واحد زيو تاني..
ابقوا معنا في الواتطس اب ..
ليه ما عندي واتطس اب..تلك قصه طريفه وطويله..ابقوا معنا..
محبتي
عبدوس..

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف الرشيد شمس الدين عبدالله في الإثنين 22 سبتمبر 2014, 16:19

حلوووة ياعبدوس وملعوبة ... يعلم الله من أقنع من ؟؟؟ لاكين البخلي عادتو بتقل سعادتو وأنا لا أرضي أن تقل سعادتك ياحبيبنا ... رأيك شنو تقنع المفعوصة بالكتابة وسنفهم بكل لغات العالم !!!!

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف عبد الرحمن الزين2 في الإثنين 22 سبتمبر 2014, 19:50

الأعزاء جميعا..تحت وفوق البطانيه وناس الواطس اب..متصل الان وغير متصل..
التحيات الزاكيات..

ألذ حاجه في المنبر بقت لمن تكتب البوست..تتظر تلات أربعة ايام... إسبوع ما في زول يهببو ليك وما يبقي ليك إلا ترد علي روحك..
علي كل حال ورغم اني ما عندي صوت- زي ما قال رشدي – وما عندي واطس لا أب ولا أم إلا أنني مع التوافق..ديمقراطيه وكده بإجماع سكوتي..
وإنت الصادق يا رشدي والله الأيام دي المفعوصة بتتعلم عربي ..كلاما وكتابه..الله يستر..غايتو..
أما ليه ما عندي واطس اب..ابقوا معنا..
عبدوس...

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف احمد محمد احمد في الإثنين 22 سبتمبر 2014, 20:33

سلام يا كابيتانو .... انت بقيت ما بتجى السودان ولا شنو؟  ... زمن ما شفناك هنا.

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف ود فـــــراج في الإثنين 22 سبتمبر 2014, 21:46

الأحبـــاب ....

متعكم الله بالصحة والعـافية ...

نكون قد حملنا منتدانا الجميل ما لا يطيق إذا رهنـا ألقه وبريقه وحياته بإستكتاب الناس فيه ،وذلك لأن الناس لا يكتبون لأسباب مختلفة ،لكنهم يقرأون ،وحتي في قراءتهم فهم ذواقون ولا يختارون إلا ما هو جميل وملفت للأنظار ،وعليه صار ثيرمومتر درجة حرارة المنتدي يقاس بالعمود شوهد دون سواه.

أعترف في قرارة نفسي أننا بعيدين كل البعد عن لم شمل نسبة مقبولة من الرواد الكتاب ،لكن هذا الأمر-الرواد الكتاب- ليس بالأمر الهين أو السهل ،وفي نفس الوقت ليس مستحيلاً أن نحقق النجاح فيه ،لكن الأمر يحتاج إلي الصبر وما أشقه ،ويحتاج إلي التأني وتجويد ما نقوم بعرضه للناس ،فأحد أسباب هجرة الناس منا قد تكون فيما نقوله في منتدانا ونتداوله.

أوافق عمنا إبراهيم خير في رأيه بخصوص إستكتاب الناس ،لأنها تحملنا ما لا طاقة لنا به ....

دمتم بعــــافية...

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف الرشيد شمس الدين عبدالله في الثلاثاء 23 سبتمبر 2014, 11:24

اللللللللله ياعبدوس دا خبر شنو دا ؟؟؟ إذا المفعوصة بدأت تتعلم عربي تبقي أم الحسين إتنفخت أو إنتفخت لا فرق ... وياملك الموت جاك الموت .... لاكين مامشكلة لأنو الأرض بتتعلم وتتكلم عربي ...

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف عبد الرحمن الزين2 في الثلاثاء 23 سبتمبر 2014, 18:12

العزيز قبطان أحمد..تسأل منك العافية يا حبيب..أنا ما عارف ليه بنقول تسأل منك العافيه..يعني تكون ما لاقيها وألا تجيك وتبقي معاك..السؤال لكبار السن يا جدو الصغير..
والله يا قبطان طولت لكن جاي قريب جدا جدا   أول ما تشوفني إنقطعته  من المنبر أعرفني  غطسته  فيها..
يا  حليل لمن كنتو في الخرطوم أهو الواحد يمر عليكم يفرق شويه ويعرف الأخبار  لكن أمل كبير أجي بورتسودان  بس قول إن شاء الله اخوي أستاذ الزين يعفيني يوم واحد من ختمة كل يوم والتهجد يومي في المسجد لي صلاة الصبح..
بس أهو كلو لله..
راجع ليك  ..
عبد الرحمن

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف احمد محمد احمد في الثلاثاء 23 سبتمبر 2014, 18:33



انشاء الله يا كابيتانو ... نشوفك قريب

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف الرشيد شمس الدين عبدالله في الأربعاء 24 سبتمبر 2014, 17:44



بس أهو كلو لله..
راجع ليك ..
عبد الرحمن
.

مالا دي بتشبه لي :- هي لله ,, هي لله .. لا للسلطة ولا للجاه ؟؟؟

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف osman abdel rahman في الأربعاء 24 سبتمبر 2014, 22:53

سلام احبتى
معليش اخوانى الشبكة عندنا فى بورتسودان ما مساعدة - ندفع مقدما و يشيلوا قروشنا و ما فى شبكة !!!!!!!
الايام دى عندنا الكلام كلوا فى خروف الضحية بالاقساط !!!!!!!!
واحد قال لى يادوب شهر اغسطس انتهى من دفع اقساط خروف السنة الماضية و تانى من الشهر الجاى يدخل على اقساط الخروف الجديد!!!!!!!!!!!
هل الاضحية عبادة ام اصبحت عندنا عادة ؟
الخراف فى السودان الايام عندها مسميات جديدة - يقول ليك الواحد خروفك نوع شنوا ؟ او انت عايز ياتوا خروف ؟ جلاكسى تو و لا ترى و لا فور ..........
المنتدى لازم لا يستمر لازم يستمر و بإذن الله حيستمر
كل عام و الجميع بخير
تحياتى و تقديرى
عثمان يخلن

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف عبد الرحمن الزين2 في الأربعاء 24 سبتمبر 2014, 23:42

يا رشدي ما تقرأ سطر وتفط سطر ..يعني زول بتهجد الليل كلو في إجازتو لي صلاة الصبح.. حيكون لي منو ؟ غايتو جنس غايتو..
عثمان بخلن العزيز..خرفان شنو يا أخوي سمعنا تحت تحت أنو كلو تلاته أو أربعه مقتدرين بتشاكو ليهم في دحيش.. والمابستطيع بباصر يقبض ليهو قعونجه..
ربنا يكون في عون البلد..
معزتي وإلي لقاء قريب بإذن الله
عبدوس

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف الرشيد شمس الدين عبدالله في الخميس 25 سبتمبر 2014, 12:46

ياصباحات الله ورضاهو عليكم أيها ألأحباب ... ورحم الله عمنا بكري وأسكنه أعلي عليين مع الشهداء والصديقين ...
علمت إنو سعر الخروف هذا العام وصل إلي أربعة مليون جنيه وأعلم يقينا أن 95 % من الشعب السوداني لا ضحية عليه بل هم من مستحقي الزكاة بإمتياز ولكن للحقيقة فإن الأضحية في السودان هي من أجل ألأطفال فقط وأحيانا بسبب ( بوبار ) النساء ...
أضحكني وأبكاني كاريكاتير لشخص إشتري خروف بالدين وهو يقف أمام الخروف ويسأله بصدق :-
عليك الله هسي الضحية إنتا ولّا أنا ؟؟؟؟
وفي سودان اليوم كل شيء ليس في مكانه .. فالمال عند بخيله والسيف عند جبانه !!!
لكن الله في !!!
كل عام وأنتم بخير والحجة هذا العام جمعة ولو كنا ندري مسبقا لكنا إنتهزنا هذه السانحة علي الأقل لتقليل ذنوبنا والدعاء لبلدنا وأهلنا .. ولكم مودتي .

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف خالد عبدالحميد في الجمعة 26 سبتمبر 2014, 10:03

السلام عليكم يا احباب

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف Ibrahim Kheir في السبت 27 سبتمبر 2014, 07:59

أحبائى الأعزاء:
ألناس فى شنو والسودانية فى شنو!!
أخونا عثمان وود أخونا رشدى، شابكيننا خروف العيد والضحية، منذ متى الضحية تجب عليها الضحية؟
الشعب السودانى قاطبة ليست عليه ضحية لما يعيشه من ضنك وفقر كان ألله فى عونه. أولاً بالتبادى (الماعندوش ما يلزمهوش) منو العندو إمكانية أنه يشترى كيلو لحمة ناهيك عن خروف بحاله!! لا يكلف ألله نفساً إلا وسعها.
زمان لمن جينا كندا كان الخروف فى حدود الخمسين دولار وآخر ضحية أشتريتها كان سعرها إقترب قليلاً من الثلاثمئة دولار، كان ذلك قبل ما يقارب العشرة أعوام مضت، ومنذ ذلك الوقت أصبحنا نتبرع بها الى المحتاجين فى دول العالم الأسلامى وبكره إنشاء ألله ساتصل بالمركز الأسلامى لشمال أمريكا للتبرع بثمن الأضحية، والتى لها مناديب فى  جميع أرجاء العالم الأسلامى يقومون بشراء اللأضاحى وذبحها فى العيد وتوزيعها على الفقراء. ألحمد لله إحنا السنة دى عزابة أُم الأولاد مع أهلها فى السودان وأنا معى ولدى وبنتى كم كيلو لحمة وباربكيو و عيد سعيد.
عبدوس يا أخى ما تحكها شديد لمن يقولوا ليك تسأل عليك العافية هم عارفين أننا دخلنا مرحلة مابعد العَمرة وزى ما بقولوا أخواننا المهندسين ناس رشدى وعثمان ( البطاطير بقت ما بتمسك نار، الطارة فوتت، الشنابر خفت، الكمبرسون بقى بنفخ فى الفاضى، الركب بقت بتلعب وهلمجرا من علل الكُبر.)
{خليها مستورة وإنت ما تقصر وأنا ما بفسر}.
ودمتم لمن يعزكم.
جدو الصغير.
‎Friday, ‎September ‎26, ‎2014 : 7:52:44 PM

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف مبارك عمر عصملى (كركب) في الأحد 28 سبتمبر 2014, 20:31

سلام لجدودنا زمان
غايتو انا شاعر كدا الواتساب مع جدو عبدوس حيكون صعب شديد فى الكتابه حيقعد ينقر اليوم كلو
لكن عندى اقتراح ممكن تتابع فى الواتس اب وترد فى المنتدى رايك شنو
صدقنى لو جازفت وخشيت فيهو تانى ما بتخليهو ... كدى جربوهو لو ما نفع خلوهو

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف osman abdel rahman في الإثنين 29 سبتمبر 2014, 00:51

السلام و التحايا العطرة للجميع
 و كل عام و انتم بخير
  اولا يا اخونا عصملى عليكم الله خلونا بس فى المنتدى و ياريت كمان يرجعوا الجماعة المشوا الواتساب
 اخونا ابراهيم اوافقك الراى فى انوا عامة الناس فى السودان ما قادرين على شراء كيلو اللحمة لكن كلهم حيشتروا خروف الضحية !!!!!!! كيف ؟ الله اعلم
 الضحية عندنا اصبحت عادة و ليست عبادة
 هل تصدق ان بعض الاسر و هى ليست بالاسر المريشة او المنغنغة بتكون الضبيحة يومىا خلال ايام العيد - يعنى كل يوم خروف
  الابن الكبير ساكن مع ابوه فى البيت و ما قادر يفتح ليهو بيت  لوحده و عندوا خروف ضحية!!!!!!!!!!!!!!!!!
  البنت زوجها مغترب اى كلام يفتش فى الريالات و الدراهم و هى قاعدة فى بيت ابوها....  و عندها خروف ضحية
و طبعا اول يوم خروف ضحية الاب و هو رجل معاشى !!!!!!
    ايه رايك يا ابو خليل ؟
   عيد سعيد و كل عام و انتم بخير
    عثمان بخلن

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف Ibrahim Kheir في الإثنين 29 سبتمبر 2014, 09:36

أخونا عثمان.
سمعت بود أبزهانة؟
أهو الناس كلهم بقوا أولاد أبزهانة. إدين وإتبين.
الدين فى الكتوف، وألأصل معروف.
يعنى ما مهم تشترى خروف للعيد وتفضل باقى السنة تدفع فى حق الخروف،
وما مهم تاكل بوش أو تاكل سيد الدكان وسيد البيت، وأى سيد آخر!!
أهو ضحية وخراب ديار.
المظهر  الخداع هو المهم،
فلان ضحى بكم مليون، وانتفى الغرض الأساسى من الأضحية.
ربنا يكون فى العون. وكل ضحية وانتم من المضحين.
جدو الصغير.

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف الرشيد شمس الدين عبدالله في الإثنين 29 سبتمبر 2014, 18:20

تسلموا كثيرا أحبابنا أهل الهوي البحري وقبلي ... عن نفسي كل عام أرسل قروش الخروف لجمعية في كوستي إسمها جمعية البر والأيتام حيث يقومون بالضحية للأيتام حيث للأضحية معني حقيقي .. أما هنا فنشتري خروف مذبوح وبذلك يكون خروفنا هنا مذبوحا قبل الصلاة ونأكل الشيّة والمرارة بمجرد نهاية الصلاة ... هل في هذا أجر لنا ياجدو إبراهيم ؟؟؟
أول أمس سعدت بالحديث مع عبدوس وهو في السودان بعد غيبة وقد كنت علمت لحظتها أن عبدوس كان قد تعرّض لوعكة صحية جامدة ولكنه وبصبر الأنبياء تغلّب عليها ولله الحمد ولكنه أخفي الأمر عنا كلنا وهو يعلم أن معرفتنا بذلك ستقلقنا .. حقيقة أول مرة أعرف أن عبدوس يمتلك هذا الصبر الأيوبي الخارق .. جعل الله صبره هذا في ميزان حسناته إن شاء الله ورجاء ياحبيبنا عبدوس أنت تعلم كم يهمنا أمرك فأعمل حسابك وتوخي الحرص علي صحتك من أجلنا علي الأقل وماتشوف شر أبدا إن شاء الله ...

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف مبارك عمر عصملى (كركب) في الإثنين 29 سبتمبر 2014, 19:26


09-28-2014 11:28 PM
الخرطوم (السودان) - أ ف ب

أجبرت الأوضاع الاقتصادية المتردية السودانيين على شراء خراف الأضاحي، التي يذبحها المسلمون في عيد الأضحى، بالتقسيط، في إجراء أقرّته السلطات الإدارية والدينية في البلاد.

وقال مسؤول في أجهزة الحكومة لوكالة "فرانس برس" إنه "سنوفّر خراف الأضاحي بالتقسيط"، موضحاً أن "ثمن الخروف الواحد يراوح بين ألف جنيه وألفين (بين 110 و220 دولار)، فيما لا يزيد راتب الكثيرين من الموظفين الحكوميين عن 1500 جنيه".

وعُلّقت إعلانات في مبان حكومية عن توفير خراف الإضاحي بتقسيط يمتد على عام كامل، وفق مراسلي "فرانس برس".

ويعيش 46 في المئة من سكان السودان تحت خط الفقر، وفق تقديرات الأمم المتحدة، وتفاقمت الأوضاع مع انفصال جنوب السودان في العام 2011.

وأصدرت هيئة علماء السودان، وهي هيئة دينية شبه حكومية، فتوى بـ "جواز شراء الأضاحي بالتقسيط".

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف Ibrahim Kheir في الثلاثاء 30 سبتمبر 2014, 06:44

رشدى الحبيب.
لقد اذددت قلقاً على حبيبنا وتاج رأسنا عبدوس جد المنتدى من الوعكة التى ألمت به، جعلها الله كفارة له، وأثابه بها خيراً كثيراً.
أين يتواجد حبيبنا عبدوس الأن؟
بالمناسبة الناس البعيشو برة لفترة طويلة يضعف جهاز المناعة عندهم للغاية، أذكر جيداً فى زيارتى الأخيرة للسودان قبل ستة أشهر، بعد أُسبوع شعرت بحمى وقامت بنت أُختى وهى صيدلانية بإعطائى حبوب بندول وقالت لى خذ حبتين وسوف تشعر بتحسن. أخذت الحبتين على دفعتين بفارق أربعة ساعات بين كل جرعة وأُخرى، للأسف اُصبت بألم شديد فى المعدة ثم بدء نزيف حاد فى المعدة، ليست لى قرحة ولم أكن وقتها أشكو من أى مرض فقد أجريت كشف منظار للمعدة قبل فترة وكانت النتيجة أن معدتى ىسليمة.
المهم قررت قطع الزيارة والرجوع، إلا أن ألأصرار من إبن اُختى الأخصائى القادم من بريطانيا والذى طلب منى مهلة يومين لمراقبة الحالة وبعدها سوف يقوم بتسفيرى إذا لم تتحسن حالتى. وبحمد الله تحسنت الحالة وبقيت لإسبوعين أخرين وغادرت بعدها.
لقد قمت يوم السبت الماضى بالتبرع بالأضحية الى المركز الأسلامى لشمال أمريكا سيقومون بالذبح والتوزيع على مسؤليتهم، تقبل الله منا ومنكم.
أما بخصوص اُضحيتك فهى جائزة وشرائك لخروف آخر لكم، هذا مكمل لطقوس العيد، فأنت ضحيت فى السودان وستفرق للمحتاجين وأجرها أكبر.
وكل عام وأنتم جميعاً بخير.
جدو الصغير.

الرجوع الى أعلى الصفحة اذهب الى الأسفل

رد: إقتراح عملي من أجل بقاء المنتدي حيّا !!!

مُساهمة من طرف احمد محمد احمد في الثلاثاء 30 سبتمبر 2014, 13:40

الف حمدا لله على سلامتك يا كبير القباطنة ... نشوفك فى العيد انشاء الله.

الرجوع الى أعلى الصفحة اذهب الى الأسفل

صفحة 2 من اصل 4 الصفحة السابقة  1, 2, 3, 4  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى